Dagblaðið Vísir - DV - 19.10.2000, Blaðsíða 2

2
FIMMTUDAGUR 19. OKTÓBER 2000
I>V
Fréttir
Dómsmálaráðherra á fundi með Seltirningum í gærkvöld:
Sólveig fylgist grannt
með fikniefnadeildinni
- og segir rannsóknir ekki líða fyrir fjárskort
Líst vel á stærra álver
Hervar Gunnars-
son, formaður
Verkalýðsfélags
Akraness, segir að
áform Norðuráls
um að stækka verk-
smiðjuna í allt að
300 þúsund tonn
leggist bara vel í fé-
lagsmenn. Hins vegar hafi forráða-
menn fyrirtækisins ekkert rætt
þessi áform sín við félagið. - Visir
segir frá.
DV-MYND ING(
Frá fundi Sjálfstæðisfélags Seltirninga.
Sólveig Pétursdóttir dómsmálaráöherra, Gísli Pátsson, aöstoöaryfirlögregluþjónn ríkislögreglustjóra, og Karl Steinar
Valsson aöstoöaryflrlögregluþjónn lögreglunnar í Reykjavík, ræddu um löggæslu og fíkniefni á Seltjarnarnesi og um
land allt á fundi Sjálfstæöisfélags Seltirninga í gærkvöldi.
„Við munum ekki láta rannsóknir
mála stöðvast," sagði Sólveig Péturs-
dóttir, dóms- og kirkjumálaráðherra, á
fundi Sjáifstæðisfélags Seltiminga í
gærkvöldi um löggæslu- og fikniefna-
mál þar sem fjallað var meðal annars
um forvamarstörf lögreglu, glæpi á
Seltjamarnesi og niðurskurð hjá lög-
reglu. Gestir fundarins vom Karl
Steinar Valsson, aðstoðaryflrlögreglu-
þjónn í Reykjavík, og Gísli Pálsson, að-
stoðaryfirlögregluþjónn Rikislögreglu-
stjóraembættisins. Sólveig hefur sætt
miklu ámæli að undanfömu, meðal
annar vegna þess að hafa boðað átak í
umferðarmálum en síðan ekkert gert.
Á Alþingi í gær sótti stjórnarandstað-
an hart að ráðherranum vegna lög-
gæslumála og einnig vegna skipunar
hæstaréttardómara þar sem gengið var
fram hjá þremur konum.
Rannsóknir stöðvast ekki
„Aðalatriðið er að löggæslan á ís-
landi er að bregðast við ógnunum á
markvissan rnáta," sagði Sólveig. Hún
ræddi um niðurskurð hjá lögreglunni
en benti á að löggæsla á íslandi er
sterk og sagði að brugðist yrði við ef
fjárskortur bitnaði á rannsóknum
flkniefnalögreglu. Eins og kunnugt er
hefur yfirvinnubann verið vikum sam-
an hjá fíkniefnalögreglunni í Reykja-
vík vegna íjárskorts.
„En það er alltaf nokkuð viðkvæmt
og vandmeðfarið þegar rætt er um fjár-
veitingar til löggæslu," sagði Sólveig.
„Við verðum að sníða okkur stakk eft-
ir vexti.“ Hún bætti þvi við að 1,7 pró-
senta niðurskurður þætti ekki harka-
leg krafa í fyrirtækjum á hinum al-
menna markaði.
„Ég mun fylgjast náið með flkni-
efnadeildinni. Samkvæmt mínum upp-
lýsingum eru mál sem þar eru í rann-
sókn alls ekki í hættu en sjáist ein-
hverjar blikur á lofti þar mun ég að
sjálfsögðu bregðast við því,“ sagði Sól-
veig.
Gísli fjallaði um mikilvægi alþjóða-
samvinnu flknefnalögreglu og tók sem
dæmi að í fyrra var lagt hald á mikið
magn fikniefna á Spáni vegna ábend-
inga frá íslensku lögreglunni en senda
átti efnið til Islands.
Böm þekkja lögreglumenn
Fram kom á fundinum að glæpa-
tíðni á Seltjamamesi er mjög lág eða
um tvö prósent af glæpatíðni Reykja-
víkurborgar og hefur þessi tala ekki
breyst mikið á síðustu tveimur árum.
Miðað við önnur svæði í borginni em
innbrot, þjófnaðir, flkniefnamál og lik-
amsárásir fátíð þar. Fjórir hverfalög-
reglumenn starfa á Seltjamamesi og í
vesturbænum og sögðu fúndargestir
það vera mikilvægt að bömin þekktu
lögreglumennina. Karl Steinar talaði
um útivistarreglur bama og samvinnu
við foreldra sem hvoru tveggja hefur
gefið góða raun en um þriðjungur
Seltiminga er undir tvítugu.
Fundargestir spurðu hvort hækka
skyldi ökuréttindaaldurinn. Verið er
að kanna þau mál og sagði Sólveig að
engar upplýsingar sem hún hefur
bendi til þess að slysum ungra öku-
manna fækki ef ökuréttindaaldur er
hækkaðm' upp í 18 ár. Jafnframt benti
hún á að punktakerfið sem nú er í
gildi virkar vel. -SMK
Sleppibúnaðurinn í Ingimundi gamla:
Einn af elstu Sigmundsgálgunum
- eftirlitið er í höndum Siglingastofnunar, segir framleiðandinn
Um borð í Ingimundi gamla HU-65,
sem fórst á Húnaflóa 8, oktober sl., var
einn gamall Sigmundsgálgi bakborðs-
megin á brú skipsins en verið var að
smíða undirstöður undir nýjan Olsen-
búnað hjá Vélaverkstæði Karls Bemd-
sen ehf. á Skagaströnd. Sveinn Garð-
arsson vélstjóri sagði í DV í gær að
sleppibúnaður hefði ekki virkað og
hefur frásögn hans vakið mikla at-
hygli.
Garðar Garðarsson hjá Sigmund hf.,
framleiðanda búnaðarins í Vest-
mannaeyjum, segir þennan gálga vera
með þeim elstu sem framleiddir hafi
verið. Búið er t.d. að skipta um þessa
gerð í öllum Eyjaflotanum. „Búnaður-
inn byggist á þrýstiflösku sem blæs út
belg og getur jietta opnast sjálfvirkt
eða handvirkt. Við erum búnir að
framleiða þetta í næstum 20 ár, en efn-
in í dag em betri en þau vom í upp-
hafi. Þessi búnaður hefur alltaf staðist
prófanir með sóma. Nú veit ég ekki
hvemig viðhaldi var háttað, en eftirlit-
ið er í höndum Siglingastofnunar. Við
vitum því ekki hvort búnaðurinn hef-
ur verið skoðaður eins og ætlast er til.
Skipið var m.a. í Namibíu um tíma, að
mér skilst. Einu sinni á ári á m.a. að
skipta um lítið lofthylki og pillu sem
bráðnar þegar hún lendir í sjó og ræs-
ir sjálfvirkan búnað í brúnni. Það er
því eitthvað skrítið ef þetta virkar
ekki,“ segir Garðar Garðarsson.
Gísli Snorrason hjá Vélaverkstæði
KB segir að staðið hafi til að setja nýj-
an Olsen-búnað um borð í Ingimund
gamla. „Það var þó ekki búið að því.
Ég var búinn að smíða festingu sem
átti að setja stjómborðsmegin við
brúna. Það var allt klárt og átti að fara
í skipið við fyrsta tækifæri. Báturinn
var með gamlan Sigmundsgálga bak-
borðsmegin. Það var eini gálginn sem
var um borð en annars vom bara þess-
ar gömlu festingar fyrir björgunar-
báta.“
Olsen-búnaðurinn byggist á því að
gormur er notaður til að skjóta út
Sjálfvirkur sleppibúnaður
Ingimundur gamli var meö einn af
elstu Sigmundsgálgunum sem
framleiddir hafa veriö.
bátnum. Síðan er „membra" á þeim
búnaði sem losar bátinn sjálfvirkt ef
skip sekkur. Karl Olsen, hönnuður
þessa búnaðar, segir að þegar sé búið
að setja 800 slíka um borð í íslensk
skip. Hann segir að skip eigi ekki að fá
haffærisskírteini nema sleppibúnaður
sé í lagi.
Svokallaður Varðeldsbúnaður er sá
nýjasti á markaðnum og byggist á nú-
tíma tölvutækni og notkun sprengi-
hleðslu til að skjóta bátnum út. Þor-
bjöm Á. Friðriksson er hugmynda-
smiðurinn á bak við Varðeldsbúnað-
inn. „Þessi búnaður er sá eini nýi á
markaðnum og byggist á tölvubúnaði
og nútíma skynjara. Síðan er knýiefni
notað til að kasta bátnum út. Þetta er
hátæknibúnaður sem á ekkert skylt
við þann búnað sem fyrir er á mark-
aðnum nema nafnið eitt. Hægt er að
stilla þennan búnað á ýmsan hátt. Líka
er hægt að láta búnaðinn sleppa fanga-
linu björgunarbáts ef því er að skipta.“
-HKr.
Byggingastaölar dugðu ekki
Eftir rannsókn Suðurlandsskjálft-
anna í sumar segja vísindamenn
ljóst að núgildandi byggingastaðlar
virðist ekki halda á sérstökum
áhrifasvæðum í kringum upptök
skjálftanna. - Dagur segir frá.
Vill banna TBT
Alþjóða siglingamálastofnunin
hyggst beita sér fyrrir banni á notk-
un tríbúttýlin, TBT, í skipamáln-
ingu. Efnið hefur valdið vansköpun
og ófrjósemi í sjávardýrum í höfn-
um í Danmörku og fttinst í viðlíka
mæli í stærri höfnum hérlendis. -
RÚV segir frá.
ísland fyrirmynd Færeyja
Færeyingar gera sér vonir um að
efla samstarf við íslendinga í ferða-
þjónustu og fá jafnframt fleiri ís-
lendinga til landsins. Kent L.
Christensen, sölu- og markaðsstjóri
Atlantic Airways, segir bjart fram
undan í færeyskri ferðaþjónustu. -
Dagur segir frá.
Varnarsamningur
Halldór Ásgríms-
son utanríkisráð-
herra á ekki von á
að miklar breyting-
ar verði í bráð á
störfum vamarliðs-
ins á Keflavíkur-
flugvelli, en vamar-
samningur ísalnds
og Bandaríkjanna rennur út í vor. -
RÚV segir frá.
Verðbólga í Evrópu
Samræmd vísitala neysluverðs í
EES-ríkjum hækkaði um 0,6% í
september, sem er meiri hækkun en
orðið hefur um langt skeið og
þrefalt meira en samræmda vísital-
an fyrir ísland hækkaði i sama
mánuði. Tólf mánaða hækkun er
2,5% sem er nær tvöfalt meiri
hækkun en næstu tólf mánuði þar á
undan. - Dagur segir frá.
Skotar úr landi
Um helgiha kom til átaka í slátur-
húsi Goða á Hvammstanga á milli
breskra og íslenskra starfsmanna.
Skoti dró upp hníf og hafði í hótun-
um. Hann var handtekinn og send-
ur úr landi ásamt öðrum félaga sín-
um. - RÚV segir frá
FÍB trygging
FÍB trygging hefur tímabundið
hætt að taka við umsóknum um nýj-
ar tryggingar á bilum þar sem kvóti
sem samið var um við Lloyd’s í
Lundúnum fyrir árið 2000 er búinn.
Dalvík:
Barn fyrir bíl
Fimm ára gömul telpa varð fyrir
bíl á bílastæði verslunarinnar Strax á
Dalvík um sexleytið á þriðjudaginn.
Telpan kom hlaupandi í áttina að bil
á ferð og tókst bílstjóranum að stöðva
bifreiðina en telpan hljóp áfram og
skall á henni. Hún fékk höfuðáverka
og heffahristing við þetta og var flutt
með sjúkrabil á Fjórðungssjúkrahús-
ið á Akureyri þar sem hún var lögð
inn til frekara eftirlits. Barnið var þó
ekki talið alvarlega slasað. -SMK
Höfundur óhróöursbæklingsins:
Framsóknarmadur í opinberu starfi
„Ég er að vinna í því að telja mann-
inum hughvarf og fá hann til að stíga
fram,“ sagði Valdimar Jóhannesson í
Frjálslynda flokknum sem borið er á
brýn að vera höfundur og hafa látið
prenta óhróðursbæklinginn um Fram-
sóknarflokkinn fyrir síðustu kosning-
ar. „Hér er um að ræða framsóknar-
mann í opinberu starfi og hann er skít-
- segir Valdimar Jóhannesson
hræddur. Sjáifúr verða hálshöggvinn," sagði Valdimar
mun ég ekki upp- Jóhannesson í gær.
lýsa hver hann er Hlöðver Kjartansson, lögmaður í
og sist af öllu leiða Hafnarfirði og miðstjómarmaður i
hann fram á þann Frjálslynda flokknum, hefúr staðfest
vettvang þar sem orð Gunnars Inga Gunnarssonar
hann óttast að læknis að Valdimar hafi sjálfúr unnið
að gerð bæklingsins og ábyrgst
prentkostnaðinn -EIR
Valdimar
Jóhannesson.
Útibúum fækkar
Á síðustu tveim-
ur árum hefur úti-
búum Landsbanka
íslands fækkað um
10 eða úr 65 í 55. Er
það m.a. vegna sölu
útibúa og samein-
ingar stærri útibúa
á höfuðborgarsvæð-
inu. Þá hefur starfsfólki í almenn-
um bankastörfum fækkað um 100 á
sama tíma. Halldór J. Kristjánsson
bankastjóri segist vænta mikils af
sameiningu Landsbanka og Búnað-
arbanka. - Mbl. segir frá. -HKr.