Dagblaðið Vísir - DV - 26.07.2001, Blaðsíða 8
8
Útlönd
FIMMTUDAGUR 26. JÚLÍ 2001
DV
Bílflakiö skoöaö
Vitni segja að fjórar fallbyssukúlur
eöa eldflaugar hafi hæft bílinn.
Sprengdur
í tætlur
ísraelskir hermenn eltu og drápu
palestínskan félaga í Hamas-sam-
tökunum I gær. Árásin skildi bíl
Palestínumannsins sem og hann
sjálfan eftir í tætlum enda segja sjón-
arvottar hermenn hafi skotið ijórum
eldflaugum eða fjórum fallbyssukúl-
um úr skriðdreka á bílinn. Þetta at-
vik er það síðasta í skipulögðum að-
gerðum ísraelshers gegn meðlimum
skæruliðasamtaka Palestínumanna.
Palestínumenn afhentu bandarisk-
um embættismönnum lista með
nöfnum 30 ísraelskra landnema. Þeir
vilja fá þá framselda vegna glæpa
gagnvart Palestínumönnum. Aðgerð-
in er svar við kröfu ísraels að
hryðjuverkamenn verði framseldir.
Olíuverð hækkar
Olíuverð hækkaði lítið eitt fyrir
lokun markaða í gær eftir að OPEC,
samtök olíuframleiðenda, staðfestu
að aðildarríki ætluðu að draga úr
framleiðslu sem nemur einni millj-
ón tunna á dag frá og með 1. Septem-
ber. Þetta er i þriðja skiptið á þessu
ári sem OPEC dregur úr olíufram-
leiðslu.
Framleiðslusamdrátturinn hefur
valdið sérfræðingum í efnahagsmál-
um áhyggjum þar sem óttast er að
olíuverð hækki verulega. Það
myndi þýða enn meira álag á efna-
hag heimsins sem er nú þegar í
lægð. George W. Bush, forseti
Bandarikjanna, sagðist vona að
OPEC væri ekki að reyna að hækka
verðið. Það kæmi sér illa fyrir
bandariskan efnahag. Þetta er
fyrsta gagnrýni Bush á OPEC frá
því hann tók við embætti.
Robert Mugabe
Viöskiptaráöherrann sagöi af sér
vegna heigulsháttar.
Enga aumingja
í ríkisstjórn
Robert Mugabe, forseti Simbabve,
segist enga aumingja vilja í rikis-
stjórn sína. Hann mun einungis
halda eftir sönnum karlmönnum,
ekki kjarklausum heiglum. Forset-
inn hélt blaðamannafund í gær þar
sem hann kom með fyrstu yfirlýs-
ingu sína varðandi afsögn viðskipta-
og iðnaðarráðherra landsins í maí
síðastliðnum. Einungis fjölmiðlar á
vegum ríkisins fengu að sitja fund-
inn. Ráðherrann sagði af sér vegna
yfírtökuáætlunar stjórnarinnar á
landi hvítra bænda og lögleysis í
kringum hana. Hann flutti til Suður-
Afríku með fjölskyldu sína.
Indónesía:
Yfirlýst karlremba
verður varaforseti
Indónesíska þingið kaus í dag
Hamzah Haz sem varaforseta
Indónesíu, fjórða fjölmennasta ríkis
heims. Haz vann fjóra andstæðinga
sína eftir þrennar kosningar í þing-
inu. 1 lokaafgreiðslunni sigraði Haz
Akbar Tandjung með 340 atkvæðum
frá þeim 611 sem tóku þátt í kosn-
ingunni.
Haz, 61 árs, er leiðtogi sameinaða
þróunarflokksins, stærsta mús-
límska flokksins í Indónesíu, og
gæti talist ólíklegur til að geta unn-
ið með Megawati Sukarnoputri, ný-
kjörnum forseta Indónesíu. Árið
1999 lék Haz lykilhlutverkið í að
sameina múslímska stjórnmála-
flokka gegn Megawati þegar hún
sóttjst eftir forsetastólnum eftir að
flokkur hennar vann kosningasigur
í þingkosningum það ár. I þeirri
baráttu lét Haz þau orð falla að kon-
ur væru ekki hæfar til að stjóma
fjölmennustu og fremstu múslíma-
þjóð í heimi.
Hamzah Haz
Hefur oft staöiö á móti Megawati,
nýjum forseta Indónesíu.
Eftir að hafa komið í veg fyrir að
Megawati yrði forseti varð Haz að
lúta í lægra haldi þegar hún
gjörsigraði hann í kjöri til varafor-
seta. Haz var félagsmálaráðherra i
ríkisstjórn Wahid, fyrrverandi for-
seta.
Þrátt fyrir þetta þá hefur heyrst
að Megawati hafi hvatt þingmenn
flokks síns að kjósa Haz. Ástæðan
er að þrátt fyrir flokkur Megawati,
demókrataflokkurinn, sé stærsti
flokkur landsins þá hefur hann að-
eins þriðjung þingsæta. Með stuðn-
ingi frá Haz hefur Megawati hins
vegar stuðning múslíma. Það kemur
sér vel bæði á þingi sem og meðal
almennings. Flokkur Haz hafði hót-
að þvi að styðja ekki ríkisstjórn
Megawati. Það þýðir að hún hefði
reynst skammlíf. Samband
Megawati og Haz er sagt kalt en
kurteist.
Wahid, fyrrverandi forseti, yfir-
gefur forsetabústaðinn í dag.
Frjálst aö feröast til Kúbu
Feröamenn ganga hér fram hjá mynd af uppreisnarhetjunni Ernesto „Che“ Guevara á Dómkirkjutorginu, Piaza de la
Catedral, í gamla hluta Havana. I bakgrunni er dómkirkjan, kennd viö heilagan Cristobal. Fulltrúadeild bandaríska
þingsins samþykkti í gær tímamótalög sem leyfa feröir bandarískra þegna til Kúbu eftir nokkurt þóf.
Danmörk:
Verður ekki handtekinn
Dómsmálaráðherra Danmerkur,
Frank Jensen, sendi frá sér tilkynn-
ingu í gær sem sagði að nýskipaður
sendiherra ísraels í Danmörku,
Carmi Gillon, yrði ekki handtekinn
er hann kæmi til landsins. Hann er
sekur um vitorð í pyntingum á
Palestínumönnum. Jensen segir að
samkvæmt Vínarsáttmálanum sé
ekki hægt að rjúfa friðhelgi
diplómata og mál Gillons falli und-
ir þann sáttmála.
Danskir fjölmiðlar komust yfir
svarbréf Jensens við fyrirspurn
eins vinstriflokks á danska þinginu
um rétt Gillons í Danmörku. Þar
segir að dönskum yfirvöldum beri
skylda til að handtaka hvern þann
sem grunaður er með vissu um að
hafa tekið þátt í eða verið vitorðs-
maður í pyntingum. Danmörk er
aðili að alþjóðlegum samningi á
vegum Sameinuðu þjóðanna sem
bannar pyntingar. Jensen segir
einnig í bréfinu að á þessu séu eng-
ar undantekningar. Danskir fjöl-
miðlar skildu það sem svo að Gillon
væri þar með talinn.
Tilnefning GiUons, fyrrverandi
yfirmanns ísraelsku leyniþjónust-
unnar, sem sendiherra ísraels í
Danmörku hefur valdið nokkrum
deilum meðal danskra stjórnmála-
manna. Helsta ástæðan eru um-
mæli Gillons um pyntingar á
Palestínumönnum.
Hann hefur viðurkennt að hafa
heimilað pyntingar á Palestínu-
mönnum við yfírheyrslur meðan
hann var yfirmaður ísraelsku leyni-
þjónustunnar. Hann talaði einnig
fyrir því fyrir stuttu að nota mætti
„hæfilegan líkamlegan þrýsting" á
palestínska fanga sem teknir hafa
verið vegna uppreisnar Palestínu-
manna.
Carml Glilon
Hlynntur „hæfilegum líkamlegum
þrýstingi“.
wmrmnm
Blair til Argentínu
Tony Blair, for-
sætisráðherra Breta,
hyggst heimsækja
Argentínu í næstu
viku. Bretlandi átti í
stríði við landið fyr-
ir 18 árum um
Falklandseyjar.
Þetta er fyrsta heim-
sókn forsætisráðherra Breta til
Argentínu.
1,2 tonn af ópíum í íran
íranska lögreglan náði 1,2 tonn-
um af ópíum eftir skotbardaga í suð-
austurhluta landsins, samkvæmt
þarlendri fréttastöð. 3 eiturlyfjasal-
ar voru drepnir og einn handtekinn.
Þörungar erta Dani
Bæjarfélög við strönd Sjálands í
Danmörku hafa varað við sjóböðum
vegna eitraðra þörunga. Þeir berast
með straumi frá Finnlandi og gera
ekki boð á undan sér.
.
í
Eldgos á Filippseyjum
Gos er hafið í eldfjallinu Mayon á
Filippseyjum í annað skiptið á ein-
um mánuði. Eldfjallið spýr logandi
gjósku 10 kílómetra upp í himininn.
Þúsundir þorpsbúa hafa flúið heim-
ili sín vegna hamfaranna.
Morðhótanir á börnum
Fimm leikskólabörn í Kaup-
mannahöfn vöknuðu organdi af
miðdegislúr i byrjun júlí eftir að
ókunnur maður ritaði morðhótarn-
ir á enni þeirra. Hann hafði áður
hringt inn hótanir sínar, samkvæmt
Berlingske Tidende. Óttast er að
hann láti til skarar skríða á ný.
Viðræður um Gíbraltar
Utanríkisráð-
herrar Bretlands
og Spánar hittast i
dag til að ræða
framtíð Gibraltar.
Svæðið er undir
stjórn Breta en
Spánverjar vilja fá
það undir sinn
hatt. Bretar hirtu Gíbraltar í
spænska erfðastríðinu árið 1704.
Kynþáttahatur í Bretlandi
Mannréttindasamtökin Amnesty
International segir kynþáttaóeirðir
í Norður-Englandi í sumar sýna að
kynþáttafordómar séu enn viðvar-
andi hjá Bretum og breskum stofn-
unum.
Þrengt að Chirac
Vandræöi Jacques
Chiracs Frakklands-
forseti jukust enn í
gær þegar þverpóli-
tísk þingnefnd ákvað
að láta rannsakend-
um í spillingarmáli
hans upplýsingar í té
um persónulegar
eignir hans.
Erfðabreytt svín í pylsur
Þremur erfðabreyttum svínum
var stolið frá bandarískum háskóla
og þau notuð í pylsur, samkvæmt
tímaritinu New Scientist. Svínin
voru gædd breyttum genum sem
tengjast starfsemi augnanna. Engin
vandamál hafa komið upp hjá fólk-
inu sem neytti kjötsins.
Lest til Tíbets
Kínversk yfirvöld hafa ákveðið að
veita 240 milljörðum króna til lagn-
ingar lestarteina til Tíbets.