Dagblaðið - 15.03.1977, Blaðsíða 6
6
Concorde á Bostonflugvelli: Það er ekki nóg, — New York skal það
vera.
„ DAGBLAÐIÐ. ÞRIÐJUDAGUR 15. MARZ 1977.
CONCORDE
ENN FRESTAÐ
Stjórnmálaaðstæður íFrakklandi
taldar vera ein undirrótanna
Vitnaleiðslum í deilumálinu
um hvort hinni hljóðfráu þotu
Breta og Frakka, Concorde, verði
leyft að lenda á Kennedyflugvelli
í New York var frestað enn einu
sinni, en þær skyldu haldnar i dag
þar í borg.
Samkvæmt heimildum er talið
að Frakkar hafi farið fram á frest-
unina.
Dómarinn féllst á að fresta
vitanleiðslunum að beiðni flug-
félaga landanna tveggja en þær
áttu að leiða i ljós hvort hafnar-
yfirvöldum í New York, sem einn-
ig fara með umsjón flugvalla í
borginni, væri heimilt að neita
Concorde um lendingarleyfi.
Mun dómarinn ákveða hvenær
vitnaleiðslurnar eigi að fara fram
eftir um tíu daga.
Samkvæmt heimildum er talið
að Frakkar vilji fá vitna-
leiðslunum frestað vegna hinnar
miklu fylgisaukningar vinstri
aflanna í stjórnmálum heima
fyrir, eftir fyrri hluta borgar- og
sveitarstjórnarkosningarnar þar í
landi sl. sunnudag.
Bretar, sem hafa verið mjög
áfram um að fá málið á hreint,
munu nauóugir viljugir fallast á
frestunarbeiðni Frakka.
Zaire:
Fara fram á hemaðaraðstoð
frá Bandaríkjamönnum
Ríkistjórn Zaire hefur farið
fram á hernaðaraðstoð frá
Bandaríkjunum eftir það sem
hún segir vera innrás málaliða
frá Angóla.
Seko forseti Zaire sakaði er-
lend öfl um að hafa sótt inn í
Shaba-herað sl. þriðjudag. Hafa
Angólamenn harðneitað að
vera viðriðnir málið.
Talsmaður bandaríska utan-
ríkisráðuneytisins sagði á
blaðamannafundi i gær að
verið væri að íhuga beiðnina,
en hann vildi ekki gefa frekari
upplýsingar um hvers eðlis að-
stoðin ætti að vera.
Allt það sem hann fékkst til
að segja var að rikisstjórn Zaire
hefði farið fram á „gagna-
aðstoð“, nokkuð sem talsmenn
utanríkisráðumeytisins sögðu,
að túlka mætti sem hernaðar-
aðstoð í formi hergagna.. Er
talsmaðurinn var. að því
spurður hvort ástandið í Zaire
væri alvarlegt, sagði hann
aðeins, ,,að ekki væri hægt að
taka léttilega á þessu máli“.
Stjórnvöld í Angóla hafa hins
vegar neitað öllum ásökunum
um innrás í Zaire og segja að
þarna séu á ferðinni hersveitir
frá Shaba-héraðinu, sem séu að
berjast innbyrðis.
Heildartilboð óskast í að reisa, gera
tilbúna undir tréverk og fullgera að
utan heilsugæslustöð o.fl. á Ólafsfirði.
Kjallari og gólfplata hússins hefur
þegar verið steypt.
Endanlegur frágangur á lóð heilsu-
gæslustöðvarinnar er hluti af útboðs-
verkinu.
Verkinu skal að fullu lokið 1. júlí
1979.
Útboðsgögn verða afhent á skrifstofu
vorri og skrifstofu bæjarstjórans á
Ólafsfirði, gegn 15.000 kr. skila-
tryggingu.
Tilboð verða opnuð hjá Innkaupa-
stofnun ríkisins, Borgartúni 7, þriðju-
daginn 5. apríl 1977 kl. 11.00.
LA UGA VEGI73 - SÍMI15755
Vorum að fá mikið úrval
af ferðatöskum
og innkaupatöskum
Töskuhúsið, Laugavegi 73
Mikil óánægja íPakistan:
Stjómarandstaðan sakar
Bhutto um kosningasvik
Miklar mótmælaaðgerðir
stjórnarandstöðunnar í
Pakistan leiddu til þess að
margir leiðtogar hennar voru
handteknir í gærkvöldi, eftir
miklar óeirðir í a.m.k. fjórum
stórborgum í landinu.
Stjórnarandstaða níu stjórn-
málaflokka hafði hvatt til mót
mæla um landið allt til þess að
krefjast þess að Ali Bhutto for-
sætisráðherra segði af sér en
hann hefur verið sakaður um
að hafa haft rangt við í kosning-
unum sem þar eru nýafstaðnar.
Bhutto svaraði þessari hótun
með þvi að sýna vald sitt, —
bannaði allar samkomur fleiri
en fimm manna.
Mest urðu átökin í stærstu
borg landsins, Karachi, þar sem
bardagarnir stóðu i meira en
sjö klukkustundir á milli mót-
mælendanna og lögreglu, sem
beitti táragasi gegn mannfjöld-
anum.
Einn leiðtoga stjórnarand-
stöðunnar, Sherbaz Mazari,
sagði á blaðamannafundi í gær-
kvöldi að lögreglan hefði æst til
óeirðanna en viðurkenndi að
stjórnarandstaðan hefði það til
saka unnið að hafa haft bann
Bhuttos um fjöldafundi að
engu.
Bhutto sýnir klærnar en óeirðir eru eina svarið.
Morðingjasveitir
handteknar í Kairó
Hið hálfopinbera málgagn
egypzku stjórnarinnar i Kairó,
A1 Ahram, hefur tilkynnt að
öryggissveitir landsins hafi
handtekið félaga í „sérþjálfaðri
sveit inorðingja", frá Líbýu, en
þeir hafi átt að fremja pólitísk
morð í landinu.
Sagði í frétt dagblaðsins að
nánari upplýsingar um ferðir
morðingjasveitarinnar yrðu
veittar þegar yfirheyrslum yfir
félögum hennar lýkur.
Mennirnir voru handteknir
fyrir nokkrum dögum.
Þá sagði í fréttum blaðsins,
að saksóknari væri enn að yfir-
þeyra fimm manna hóp frá
Líbýu, sem handtekinn var í
Kairó fyrir nokkrum dögum. Er
þeim gefið að sök að hafa reynt
að standa fyrir hermdarverkum
á þingi Afríku- og Arabaríkja í
borginni um síðustu helgi.
Samkomulag Líbýumanna og
Egypta hefur ekki verið upp á
marga fiska undanfarið og hafa
morðásakanir og svipaðar orð-
sendingar gengið á milli
rikjanna nú um langt skeið.
FYLGZT MEÐ ÚTLEND
INGUNUM
Bandariska utanríkisráðu-
ne.vtið hefur tilkynnt að það
fylgist nú náið með öllum til-
k.vnningum frá Ugandastjórn,
eftir að tilk.vnnt var þaðan að
Bandaríkjamenn sem gæfu
ósannar upplýsingar um landið
myndu verða færðir til yfir-
heyrslu.
Þó sagði talsmaður utanrikis-
ráðuneytisins bandaríska, að
litlar líkur væru á, að Banda-
ríkjamenn í Uganda væru í lífs-
hættu.
' Talsmaðurinn, Frederick
Brown, sagði á blaðamanna-
fundi að taka bæri eftir, að
Ugandamenn hefðu lýst yfir
því að Bandaríkjamenn og
Bretar er vildu fara með friði
og spekt í landinu gætu búið
þar áfram.
t gær tilkynnti útvarpið í
Kampala, að fylgzt væri náið
með öllum Bandaríkjamönnum
og Bretum í Uganda, því að þeir
hefðu sumir hverjir veitt rang-
ar upplýsingar um land og þjóð.
Þá sagði í tilkynningunni að
Idi Amin, forseti landsins.
hygðist enn ávarpa þá Barida-
ríkjamenn og Breta, sem búa i
landinu. Sagði í fréttum út-
varpsins að ríkisstjórn hans
myndi áb.vrgjast öryggi þeirra.