Dagblaðið - 16.08.1978, Blaðsíða 2

Óánægja með landbúnaðar
sýninguna á Selfossi
— Skipulag ekki nógu gott
Ásgeir Ásgeirsson hringdi og sagðist
ekki geta orða bundizt yfir skipulags-
leysinu á landbúnaðarsýningunni.
„Þegar komið er inn á Selfoss eru
engir vegvisar sem sýna hvar sýningin
er og ekki tekur betra við þegar að sýn-
ingarsvæðinu kemur, þvi ekki er inn-
gangur nema á einum stað og hann
ómerktur.”
Ásgeir sagði að þegar hann hefði
farið á sýninguna sl. sunnudag hefði
troðningur venð gifurlegur og engar
leiðbeiningarveiiðtilað reyna að beina
straumnum i sömu átt. Þess vegna
hefðu menn troðizt þurna hver gegn
öðrum, enda alltof mörgum hleypt inn
á svæðið í einu. Þá hafi ekkert verið
gert af þvi að leiðbeina fólki með bila-
stæði.
Þá sagði Ásgeir að skiltin hefðu
verið misheppnuð og illa merkt, ,t.d.
grænt letur á grænum fleti og væri
mjög erfitt fyrir sjóndapra að lesa á
slik skilti. Þá hafði verið auglýst að
stærsti og minnsti hestur landsins yrðu
til sýnis en ekki hefði veriö staðið við
það. Einnig hafi verið auglýst að
hestaleiga yrði starfrækt á svæðinu en
ekki hefði hann orðið var við að svo
væri. Sagðist Ásgeir m.a. hafa spurt
nokkra hestamenn að þvi en þeir bara
yppt öxlum. „Menn verða að vera við
þvi búnir að mikill mannfjöldi komi á
slíkar sýningar og gera ráðstafanir í
samræmi við það,” sagði Ásgeir að
lokum.
lfá hringdi 8332-8746 og vildi einnig
kvarta yfir landbúnaðarsýningunni og
sagði, að hún hefði vægast sagt verið.
mjög léleg. Algjört skipulagsleysi hefði
verið þarna. „Þetta var algjör kaos.
Fólk var hreinlega i vimpingum við
að komast áfram. Vantaði alveg leið-
beiningar til fólks i hvaða átt það ætti
að fara. Þá voru hestarnir tveir sem
búið var að auglýsa mjög mikið ekki til
staðar, þ.e. stærsta og minnsta hest
landsins. Einnig voru veitingar mjög
dýrar. Þannig kostaði litil dolla af kók
300 kr.”
„ Vonlaust aó láta 10 þús. manns
rcnna liðlega I gegn, ” segir Sigurður
Jónsson blaðafulltrúi lamlhúnaðar-
sýningarinnar.
DB sneri sér til Sigurðar Jónssonar
blaðafulltrúa landbúnaðarsýningar-
innar og innti hann álits á þessum
kvörtunum sýningargesta. Sigurður
sagði, að gifurlegur mannfjöldi hefði
komið á sýninguna á sunnudaginn. Á
tveimur tímum hefðu komið um 10
þús. manns og það væri sama hvað
gert hefði verið, vonlaust væri að láta
slíkan fjölda renna liðlega i gegn. Þeir
hefðu þó reynt ýmislegt til þess, t.d.
með því að bæta við öðru inngöngu-
hliði. „Við reyndum einnig að auglýsa
eins og við gátum það sem var að
gerast úti við til þess að beina
straumnum út og tókst það allvel, eins
og t.d. þegar landgræðsluvélin fiaug
yfir svæðið.”
Um það atriði að vegvisa hefði
vantað að sýningarsvæðinu sagði
Sigurður, að vegvisir væri þar sem
DAGBLAÐIÐ. MIÐVIKUDAGUR 16. ÁGÚST 1978.
Dr. Kristján Eldjárn forseti Islands setur landbúnaðarsýninguna á Selfossi. Að-
sókn að sýningunni hefur verið gifurlega mikil en þær raddir hafa he.vrzt að skipu-
lagi sýningarinnar sé áfátt í inörgu.
keyrt væri að sýningarsvæðinu frá
aðalgötu bæjarins, þ.e. Austurvegin-
um. Hins vegar vantaði slikan vegvísi
við brúna en það væri mál lögregl-
unnaraðbeina umferðinni rétta leið.
Um hestaleiguna sagði Sigurður að
hún hefði verið starfrækt alla helgina.
Hestarnir þyrftu hins vegar hvíld öðru
hvoru og af þeim sökunt hefði orðið
nokkurhléá henni.
Um minnsta og stærsta hest
landsins hafði Sigurður það að segja,
að þvi miður hefði ekki tekizt að fá þá
tæka tíð en unnið væri að því að fá þá
og vonandi yrðu þeir komnir á sýning-
una þegar þetta birtist i blaðinu. Þeim
þætti ákaflega leiðinlegt að ekki hefði
tekizt að standa við þetta fyrirheit og
hefðu nú allar auglýsingar þar að lút-
andi verið stöðvaðar en vonandi stæði
þetta til bóta.
SIÐSPILLANDIÁHRIF SJÓNVARPS
Víndrykkja unglinga á Hallærisplaninu er orðið umtalað vandamál.
Rannveig Þórðardóttir skrifar:
Vegna greinar i Dagbl. 4. ágúst.
sem nefn/st sjónvarpið getur dregið úr
víndrykkju unglinga óska ég eftir að
taka fram eftirfarandi.
Viðvikjandi Kanasjónvarpinu er ég
bréfritara alls ekki sammála heldur
þvert á móti álit ég að ýmislegt sé sýnt
í því, sem geti haft siðspillandi áhrif á
isl. unglinga. I þvi sambandi vil ég t.d.
benda á þann hvimleiða ósið, sem
tiðkast mjög áberandi i bandarískum
biómyndum. þ.e. að láta leikarana fá
sér i glas i tima og ótima eða næstum
hvenær sem sýnt er atriði þar sem
gestur kemur i heimsókn eða fólk
spjallar saman smástund innan dyra. í
isf. sjónvarpinu og i kvikmyndahúsum
hér eru oft sýndar slikar bandarískar
glansmyndir log þar geta unglingar
drukkið / sig næstum eins mikið af
ranghugmyndum um vindrykkju og
þeir viljaj.
Viðvikjandi vindrykkju unglinga á
„Hallærisplaninu" er staðreyndin sú
að fiestir þeirra drekka sig ölvaða í
einhverju húsi eða bilum áður en þeir
safnast þar saman. Fullorðna fólkið er
ekki allt til fyrirmyndar í þessum
efnum. Það fer iika út að skemmta
sér um helgar i stórum stil og
i sumurn húsum eru fullorðinspartý
fram eftir nóttu eftir skemmtanir þess
t.d. á vinveitingahúsum. Sumir
unglingar búa hjá foreldrum en margir
leigja sér líka sjálfir húsnæði úti i bæ. í
báðum tilfellum er liklegt að þeir hafi
tækifæri til að halda „partý” á
föstudagskvöldum eða oftar eftir at-
vikum áður-en haldið er af stað niður
á Hallærisplan (þvi ekki komast þeir á
böllin eins og þeir fullorðnul.
Hvernig væri ef áhugafólk um þessi
vandamál myndaði með sér samtök og
reyndi að gera eitthvað. Og í öllum
bænum — Upptökuheimili rikisins
þarf að vera til fyrirmyndar með
„sína” unglinga og láta ekki sjást að
þeir séu þarna drukknir og umhirðu-
lausir eftir miðnætti. AA-samtökin
eru með sérstaka fundi fyrir unglinga.
Ég hef heyrt að Upptökuheimilið fari
ekki með unglinga þangað né neitt
annað þ.h. til að reyna að lækna þá þó
um áfengisvandamál sé að ræða.
Þarna virðast þvi fleiri vera sekir en
eingöngu foreldrarsé þetta satt.
Þakkir til Geimsteins
—fyrir ánægjulegan dansleik
Ilelga Stefánsdóttir skrifar:
Mig langar til að konta á framfæri
þökkum til hljómsveitarinnar Geim-
steins fyrir frábærlega vel heppnað
ball i Aratungu laugardaginn 5. ágúst
sl. Ég var stödd á því balli og skemmti
mér hreint og beint konunglega. Þetta
er sú mest lifandi og upplífgandi'
hljómsveit sem ég hef heyrt i hérlendis
og ég hafði það einhvern veginn á til-
finningunni að hljómsveitin skemmti
sér ekki siður en gestirnir.
Auk þess vil ég þakka Selfosslög-
reglunni sem þarna var stödd. Meira
að segja hún skemmti sér vel með
okkur unglingunum og fann maður,
alls ekki til þeirrar fyrirlitningar og
merkilegheita hjá þeim eins og svo al-
gengt er hjá Reykjavíkurlögreglunni.
Kmverskt fimleikafólk
y Z | mU Nú er aðeins ein sýning eftir hjá kínverska
afl ^ I mm æM ■ fimleikafólkinu. Ldtið ykkur ekki vanta ásíðustu
I w I %m 11UI sýninguna, sem verður á morgun kl. 20.30 íLaugardalshöll.
íslenzktfimleikafólk mun einnigsýna með samkvæmtósk Kínverjanna. Komið ogsjáið
snilli þessa fólks. Sala aðgöngumiða ííþróttahöllinni í dagkl. 18-20 og eftir kl. 18.30 á morgun.
Missið ekki afþessu einstaka tœkifæri. Fimleikasamband Islands
• •
Okukennsla
Kennslubifreiðin er
Toyota Cressida ’78
ojfannað ekki
Geir P. Þormar
ökuktnrarl
Shnar 19896 09 21772 (simavarO.
-------------fc