Árbók Landsbókasafns Íslands - Nýr flokkur - 01.01.1988, Page 80

80
LANDSBÓKASAFNIÐ 1986
Líkt og íslendingar hinir fornu sigldu vestur um haf til Grænlands
á tíundu öld, hyggjast Grænlendingar nú fljúga yfir hafið til íslands
og styrkja þannig böndin við nánustu granna sína í austri.
Megi það samband verða báðum þjóðunum til heilla.“
RÁÐSTEFNUR OG Undirritaður sat á vegum Menntamála-
FERÐIR ráðuneytisins fund menningarmálanefnd-
ar Evrópuráðsins í Strasbourg dagana
11.-14. febrúar. Hann sótti og síðar, dagana 7.-10 apríl, ráðstefnu í
Vínarborg, er samtök landsbókavarða efndu til í samvinnu við IFLA
og UNESCO. En á henni skyldi fjallað um varðveizlu bókakostsins
og annars safnaefnis. Ráðstefnuna sátu rúmlega 100 manns, forstöðu-
menn þjóðbókasafna úr öllum heimsálfum, sérfræðingar og tækni-
menn, auk fulltrúa fyrrgreindra alþjóðastofnana.
Erindi um ráðstefnuna, er undirritaður flutti á fundi Félags
íslenzkra rannsóknarbókavarða, er birt í þessari Árbók.
Vegna tilmæla íslenzka sendiráðsins í París um, að kannaður yrði
íslenzkur bókakostur Norræna bókasafnsins þar í borg, Bibliothéque
Nordique, framlengdi undirritaður í samráði við Menntamálaráðu-
neytið sumarleyfisdvöl sína í París um nokkra daga í september, er
varið var til umræddrar könnunar.
Bibliothéque Nordique var stofnað 1868 og er hluti hins gamla
háskólabókasafns Bibliothéque Sainte Geneviéve, sem hóf starfsemi
1624.
í norrænu bókadeildinni eru nú rúmlega 140 þús. bindi bóka og
nær eitt þúsund tímarit og ritraðir. Mikill hluti norrænu titlanna
hefur verið gefinn safninu fyrir atbeina stjórnvalda og einstakra
stofnana og einstaklinga.
Danir, Finnar, Norðmenn og Svíar hafa um langt árabil lagt
safninu til skiptis til aðstoðarbókavörð og goldið honum laun,
jafnframt því sem þessar þjóðir hafa varið nokkru fé árlega til
skipulegra bókakaupa handa safninu.
Þótt íslendingar hafi ekki tekið beinan þátt í umræddum stuðningi
við safnið, hefur allmikill íslenzkur bókakostur verið gefinn því á
ýmsum tímum fyrir atbeina áhugasamra einstaklinga, meðalgöngu
íslenzka sendiráðsins í París, auk þess sem Menntamálaráðuneytið