Helgarpósturinn - 14.11.1994, Blaðsíða 29
MÁNUDAGUR 14. NÓVEMBER 1994
MORGUNPÓSTURINN SPORT
2SL
Það er af sem áður var að Islendingar bindist tryggðarböndum við „sitta félag og haldi sér þar. Nú er
altítt að frægir leikmenn skipti um félög á nokkurra ára fresti og festi þar rætur á ný. Björn Ingi
Hrafnsson kannaði málið og komst að því að þeim mönnum fer fækkandi sem telja útilokað að leika
með öðru liði íslensku en sínu eigin.
Landráðamenn?
I gamla daga var það svo á Is-
landi að félagaskipti þóttu miklum
tíðindum sæta. Menn spiluðu bara
með sínurn félögum og gerðu það
af hugsjóninni einni saman. Hér-
lendis þekktist það ekki að menn
fengju greitt fyrir að leika sér í fót-
bolta og ef einhver lét sér þesslags
um munn fara var sá sami umsvifa-
laust settur í flokk landráðamanna.
Svona hefur hugarfarið verið
lengi hér á landi og ungmennafé-
lagsandinn hefur verið allráðandi í
íslensku íþróttalífi. Sem betur fer,
segja sumir, en aðrir vilja meina að
það hafi staðið eðlilegum framför-
um fyrir þrifum.
Neðri deildar lið
kaupamenn
Svo gerist það allt í einu að það
hættir að sæta tíðindum að menn
skipti um félög. „Lið úr neðri deild-
unum byrjuðu á þessu,“ segir Egg-
ert Magnússon, formaður KSÍ.
„Þegar ég var formaður knatt-
spyrnudeildar Vals fór allt í einu að
bera á áhuga „litlu“ liðanna á að
verða stærri. Liðin fengu til liðs við
sig gamlar kempur sem fengu nú
allt í einu umbun fyrir allt erfiðið.
Leikreyndir menn tóku að streyma
út á land að spila fótbolta og þró-
unin, sem enn sér ekki fyrir endann
á, var farin af stað.“
Algengara fór að verða að menn
skiptu um lið í efri deildunum og
stundum féllu sprengjur. Ein slík
féll þegar Valsmaðurinn Atli Eð-
valdsson skipti yfir í KR. Atli, sem
hafði lagt sitt af mörkum fyrir Hlíð-
arendaliðið, fékk kaldar glósur frá
gömlu félögunum og málið var tek-
ið óstinnt upp. Sama má kannski
segja urn ráðningu Guðjóns Þórð-
arsonar sem þjálfara Vesturbæ-
inga. Margir Skagamenn áttu mjög
Ferill
1979 - ÍBK
1979 -
1980 - IBK
1981 -
1982-
1982 - Cercle
1983 - ÍBK
1985-1987 -
1987 - Fram
1987-
1988-
1989
1989
1990-1993 -
1994 - ÍBK
1995 - UMFG
Örar breytingar.
Þessi mynd er ágætt dæmi um það hversu undurnýjunin er hröð hjá íslenskum liðum. Þetta er bikarmeistaralið Valsmanna 1992. Tökum röðina
af leikmönnunum. Aftari röð Izudin Daði Dervic leikur nú með KR, Arnljótur Davíðsson hættur, Jón S. Helgason leikur með Fylki, Jón Grétar Jóns-
son er ennþá í herbúðum Valsmanna, Anthony Karl Gregory er í viðræðum við KR og ÍBV, Salih Heimir porca leikur með KR, Gunnlaugur Einars-
son leikur með Breiðabliki. Fremri röð: Hörður Már Magnússon er enn í Val, Sigurbjörn Hreiðarsson sömuleiðis, Sævar Þór Gylfason er hættur,
Sævar Jónsson einnig, Bjarni Sigurðsson leikur með norska liðinu Brann, Einar Páll Tómasson er nýgenginn aftur í Val frá Breiðabliki, Baldur
Bragason er í Leiftri, Steinar Dagur Adolfsson er kominn í KR og Ágúst Gylfason er enn í Val. Af þessu leiðir að af sextán manna hópi eru aðeins
fimm leikmenn enn kenndir við Hlíðarendaliðið. Og allar þessar breytingar aðeins á tveimur árum.
erfítt með að sætta sig við tíðindin
og sögðu ekki sæma Skagamanni
að fara til erkiféndanna. Þau mál
lægðu reyndar, enda um atvinnu-
mann að ræða, en þegar fréttist að
viðræður væru í gangi við Sigurð
Jónsson brjálaðist allt og hann
hætti við og sagði að meira að segja
að fjölskyldan hefði litið hann
hornauga.
Hálf-atvinnumennska
Menn eru sammála um að
ástandið sé nú sífellt meira farið að
minna á svokallaða „hálf-atvinnu-
mennsku“. Leikmenn hafi ýmis
ffíðindi, vinna sé tíðum útveguð og
húsnæðismál eru leyst. Bónus-
greiðslur fyrir unna leiki fara hækk-
andi og allt ber þetta að sama
brunni: Á Islandi er í raun og veru
komnar greiðslur fyrir að leika
knattspyrnu. Það er bara eitt
vandamál: Liðin eru mörg hver í
miklum fjárhagserfiðleikum og
standa engan veginn undir auknum
skuldbindingum frá ári til árs.
Ekkert hefur komið fram sem
bendir til þess að þróunin sé í rén-
un. Fjárhagserfiðleikar margra
klúbba bentu til breytinga í haust
en þá hófust skyndileg innkaup ný-
liðanna Leifturs og Grindavíkur og
síðan hefur fregnunum ekki linnt.
Framarar og KR- ingar hafa bæst í
hópinn og nú er svo komið að öll
lið virðast í samningaviðræðum.
Nýjar stjórnir leggja ofuráherslu á
að ná hinum eftirsóttu Evrópusæt-
um, sem gefa nokkrar milljónir
beint í galtóma sjóðina, og til þess
að þau markmið náist er oft teflt
djarft. Ef það síðan mistekst er allt í
voða en þá er líka algengt að skipt
sé um stjórn og þeir menn sem
sömdu um útgjöld fara án nokk-
urra skuldbindinga og það gera líka
oft þeir leikmenn sem fengnir voru
til félagsins.
Enn til sannir
félagsmenn
En auðvitað eru til sannir félags-
menn. Gæti til dæmis einhver
hugsað sér KR-inginn Rúnar
Kristinsson í einhverju öðru liði?
Eða Skagamanninn Ólaf Þórðar-
son? Mér er það til efs. Þessir menn
eru það rótgrónir sínu félagi að það
myndi teljast til hálfgerðra land-
ráða ef þeir skiptu um félag hér
innanlands. Öðru máli gildir um
atvinnumennsku erlendis, það
verða fáir til að legga stein í götu
þeirra sem vilja reyna fyrir sér á
þeim vettvangi.
Steinar Dagur Adolfsson
Félagaskipti hans yfir í KR úr Val
hafa vakið mikla athygli. Þó er
greinilegt að skiptin þykja ekki
jafn mikill „glæpur“ eins og þau
hefðu þótt fyrir nokkrum árum.
Svo eru líka til dæmi í hina átt-
ina. Það er alveg hætt að vekja
undrun þegar Ragnar Margeirs-
son skiptir um lið. Það er ekki al-
gengt og er það rakið annars staðar
hér á síðunni. Sömuleiðis má segja
að Atli Einarsson í FH hafi gert
Atli Einarsson
Hefur verið iðinn við að skipta um
féiög á ferlinum.
víðreist. Hann hefur leikið í t. deild
með iBl, Víkingi, Fram og FH. Fyr-
ir þessu hggja eflaust margar ástæð-
ur. Á þær verður enginn dómur
lagður hér. Dæmin eru einungis
tekin til að sýna fram á að tímarnir
breytast og mennirnir með.B
Hvererþín
skoðuná
leikmanna-
kaupum
íslenskra
knatt-
spymuliða?
Gylfi Orra-
son, dómari
„Mér finnst
þetta bara
vera eðlileg
þróun. Tim-
arnir breytast
og mennirnir
með og nú
þegar samningar eru gerðir á
milli leikmanna og liða er þetta
eðlilegt.
Átthagafjötrarnir eru bara lið-
in tíð og ef við ætlum að ná ár-
angri verður þetta að vera svona.
Bestu liðin hafa alltaf bestu
mennina og auk þess marga aðra
leikmenn sem ekki fá tækifæri.
Þeir geta þá farið annað og
blómstrað þar í stað þess að
hætta.“B
Eggert
Magnússon,
formaður KSÍ
„Svona hef-
ur þetta verið
í mörg ár og í
raun ekkert
við það að at-
huga. Þetta er
algilt erlendis og var tekið upp
hér upphaflega til að vernda rétt
félaganna og leikmanna.
Hér á landi hefur samninga-
gerð aukist mikið að undan-
förnu og nú er lítið urn félög í
efstu deildum sem eru án leik-
mannasamninga. Það hefur
einnig færst í vöxt að gera lengri
samninga, til tveggja og jafnvel
þriggja ára og það er nokkur ný-
breytni. Ég hef í raun ekkert út á
þetta að setja svo lengi sem þetta
rúmast innan reglugerðar Knatt-
spyrnusambandsins um þessi
mál.“B
Er Una Steinsdóttir hætt í boltanum?
Vérð á bekknum með þeim í vetur
Una Steinsdóttir, handbolta-
kona úr Stjörnunni, hefur ekkert
spilað með liði sínu í vetur og hafa
menn velt því fyrir sér hvort hún sé
hreinlega hætt í boltanum. Þessi 28
ára garnla landsliðskona á að baki
glæstan feril þrátt fyrir ungan aldur
og hefur leikið fjölmarga leiki með
þrem félagsliðum hér á landi, ÍBK,
Val og Stjörnunni. Þá á hún að baki
uni 25 landsleiki og virtist á hátindi
ferilsins þegar fréttist að hún yrði
ekkert með í vetur.
En er Una hœtt í boltanum?
„Af persónulegum ástæðum ætla
ég ekki að spila með í vetur. Hins
vegar er ailt opið með framhaldið
og ég er langt í frá búin að leggja
skóna á hilluna. Það er ekkert óal-
gengt að menn sleppi einu og einu
tímabili úr.“ Una er Keflvíkingur f
húð og hár og hóf ferilinn með
IBK. Hún spilaði sinn fýrsta leik
með meistaraflokki iBK fjórtán ára
gömul en fluttist til Reykjavíkur
1990 eftir að hún hóf nám í Háskóla
Islands. Ári seinna skipti hún yfir í
Val og spilaði i þrjú ár með liðinu.
Loks skipti hún yfir í Stjörnuna og
hefur verið þar á bæ síðan.
Ef þú byrjar aftur, œtlarðu þá að
spila með Stjörnunni?
„Já, engin spurning. Ég er búin
að skipta tvisvar um lið og ætla ekki
að skipta aftur. Ég er mjög ánægð í
Stjörnunni. Þar er unnið gott starf
og vel haldið um hlutina. Þetta er
eins konar stór og santheldin fjöl-
skylda. Ég vil taka það fram að
ástæða þess að ég verð ekki með í
vetur tengist félaginu ekki að neinu
leyti.“
Ferðu á leiki liðsins?
„Að sjálfsögðu. Ég fer á alla leiki
og sit á bekknum með þeim í vetur.
Ég veit að ég er alltaf velkomin aft-
ur og þær sakna mín örugglega
mikið.“
Hvernig finnst þér kvennahand-
boltinn hafa þróast hér á landi und-
anfarin ár?
„Hann er náttúrlega á uppleið en
við þurfum samt að vera miklu
duglegri. Það þarf meiri kraft og
hvatningu. Hvatningin kemur frá
þjóðinni í gegnum áhorfið, og
áhorfið er mjög ójafnt þar sem liðin
eru ójöfn að getu. Það er töluverður
munur á toppliðunum og botnlið-
unum í fýrstu deild og það er eins
og fólk sé ekkert spennt fyrir að
koma og horfa á leiki milli ójafnra
liða, sem er kannski skiljanlegt út af
fyrir sig. Það vantar meira kvenfólk
í boltann til að samkeppni milli lið-
anna verði meiri. Éndurnýjunin
þarf að vera hraðari."
Efþú œttir að velja úrvalslið fyrstu
deildar, hvernig yrði það skipað?
„Það yrði skipað Stjörnkonunum
Fanneyju í markinu, Guðnýju á
línunni, Laufeyju vinstri skyttu, og
Herdísi leikstjórnanda. Heiða, i
hægra horninu, og Andrea, hægri
skytta, báðar úr IBV, og Svava úr
Víkingi í vinstra horninu.“
Hverjir verða íslandsmeistarar ífyrstu
deild kvenna?
„Úrslitakeppnin verður spenn-
andi. Ég spái því að Fram og Stjarn-
an leiki til úrslita, og Stjarnan vinni.
Þá verður Stjarnan líka bikarmeist-
ari.“ ■
Una Steinsdóttir, handboltakona úr Stjörnunni, „Ég er búin að skipta
tvisvar um lið og ætla ekki að skipta aftur."