Alþýðublaðið - 24.01.1973, Blaðsíða 9
Iþróttir 2
HEIMAUÐIN ERU FLEST MIKLU
SIGURSTRANGLEGRI í LEIKJUM
YFIRSTANDANDI GETRAUNAVIKU
Aöeins 9 leikir af 12 á síðasta getraunaseöli voru leiknir og
komu úrslit sumra þeirra á óvart, enda var frammistaöa
spámanna blaðanna vægast sagt siök. Sunday Times stóö
sig bezt með 5 rétta, en næst kom Alþýðublaðiö með 4 rétta.
t>á kom Visir og Suðurnesjatiöindi ásamt 5 enskum blöðum
með 3 rétta. Timinn ásamt tveim enskum var með 2 rétta,
en Morgunblaðið rak lestina að þessu sinni með I leik rétt-
an.
Það vakti athygii, að Liverpool tapaði nú fyrsta stiginu á
heimavelli, þar sem liðið gerði þar jafntefli við Derby,
meistarana frá i fyrra. Liverpool hefur þrátt fyrir það
örugga forystu i 1. deild með 41 stig, eða tvö stig umfram
Arsenal, sem vann Chelsea á Stamford Bridge. Leeds, sem
sigraði Norwich á útivelli er enn i 3ja sæti meö 37 stig.
Ipswich vann óvæntan sigur yfir Tottenham á White Hart
Lane, er i 4. sæti mcö 35 stig. Fjögur efstu liðin eru þvf i
nokkrum sérflokki, þvi I 5-6 sæti eru Derby og Newcastle
með 30 stig, en Newcastle vann góðan sigur yfir Crystai Pal.
á St. James Park.
Man. Utd. er enn á botninum, þrátt fyrir það, að liðinu
tækist að krækja sér I annað stig gegn West Ham á Old
Trafford, en Crystal Pal. er með sömu stigatölu, 18 stig.
Eru því bæði þessi lið i alvarlegri fallhættu. Sömu sögu má
raunar segja um WBA og Birmingham, sem eru bæði með
19 stig. Sennilegt er, að eitthvert þessara fjögurra liða falli i
2. deild.
Næsti seðill, sem er nr. 4 er ekki sérlega erfiður við fyrstu
sýn, þótt að sjálfsögðu sé erfitt að segja fyrir um slíkt.
Við skuium þá snúa okkur að spánni:
ARSENAL — NEWCASTLE 1
Arsenal er enn i 2. sæti með 39 stig, eftir góðan sigur yfir
Chelsea á Stamford Bridge um s.l. helgi, en Newcastle er i
5-6 sæti með 30 stig. Leikmenn Arsenal hyggja án efa á
hefndir eftir tapið fyrir Newcastle á St. James Park fyrr i
vetur og er spá min þvi sigur fyrir Arsenal.
COVENTRY — MAN.UTD 1
Þótt Man. Utd. hafi tekizt að krækja sér i dýrmæt stig um
s.l. helgi gegn West Ham, er ég efins i þvi, að liöinu takist
það aftur um næstu helgi i viðureigninni við Coventry á
Haighfield Road.
Man.Utd. er enn á botninum með 18 stig, en Coventry er*
um miðju i deildinni með 26 stig. Þetta er nokkuð erfiður
leikur, en spá min er heimasigur.
CRYSTAL PAL. — TOTTENHAM 1
Það er athyglisvert, að siðan C.Pal. kom i 1. deild fyrir
einum þrem til fjórum árum hefur liðinu aldrei tekizt að
sigra Lundúnaliði deildarkeppninni. Nú vill svo til, að þessi
lið eru bæði frá London og hver veit nema C.Pal. takist að
vinna þennan leik. Tottenham tapaði um s.l. helgi á heima-
velli, en C.Pal. tapaði i útileik gegn Newcastle. Jafntefli eða
heimasigur koma helzt til greina að þessu sinni og spá min
er heimasigur.
í KVÖLD LÝKUR
FYRRI UMFERÐ -
OG SÚ SEINNI HEFST
t kvöid fara fram tveirleikiri l.deild tslandsmótsins I
handknattleik. Fyrri leikurinn ermilli Vals og Hauka, og
sá siðari milli Vikings og KR. Leikirnir hefjast I Laugar-
dalshöllinni á venjulegum tima i kvöid, klukkan 20,15.
Fyrri leikurinn er merkilegur fyrir þær sakir, að hann
er síðasti leikur fyrri umferðar mótsins. Slðari leikurinn
er jafnframt merkur, fyrir þær sakir að hann er fyrsti
leikur siðari umferðarinnar.
Ef að likum lætur, endar fyrri leikurinn með sigri
Vals. Valsmenn eru til alls liklegir eftir glæsilegan sigur
yfir FH á dögunum, og þeir hyggja eflaust á tvöfaldan
sigur gegn Hafnarfjarðarliðunum.
Seinni leikurinn gæti orðið tvisýnni, þvi þar eru á ferð-
inni lið sem eiga misjafna leiki. Þó verður frekar aö
reikna með sigri Vikings.
Myndin er frá leik Fram og tR á dögunum, og sýnir
hvar Brynjólfur Markússon hefur naumlega misst af
knettinum. En hann hefur ekki gefist upp, og þvi likjast
tilburðir hans helzt sundkappa sem er að stinga sér til
sunds — SS.
DERBY — WBA 1
Þótt meistararnir frá i fyrra hafi endanlega tapað af
möguleikanum á þvi að verja titilinn, hefur liðið staðið sig
þokkalega að undanförnu og varð fyrst liða til að ná stigi af
Liverpool á Anfield Road. WBA er nálægt botninum og þvi i
verulegri fallhættu, en hætt er við að staða þess batni ekki
um næstu helgi, þvi Derby ætti að vinna þennan leik. Spá
min er sigur fyrir Derby.
EVERTON — LEICESTER 1
Everton má muna sinn fifil fegri, þvi liðið er nú'i 14. sæti
með 24 stig, en Leicester er enn neðar, eða i 17. sæti með 21
stig. 1 fyrri leik liðanna á Filbert Street i Leicester fór
Everton með sigur af hólmi og trú min er sú, að aftur verði
það Everton sem hirði bæði stigin á Goodison Park á
laugardaginn.
IPSWICH — SOUTIIAMTON 1
Ipswich hefur gengið vel i vetur, þvi liðið er nú i 4. sæti
með 35 stig og tókst að sigra Tottenham um s.l. helgi á
White Hart Lane. Southamton gerði jafntefli við Sheff. Utd.
um s.l. helgi og er nú i 7. sæti með 27 stig. Þetta er að minu
viti, einn af öruggum leikjum á þessum seðli og á ég þá auð-
vitað við sigur fyrir Ipswich.
Leeds-Stoke 1
Þá fáum við aftur leik þar sem úrslitin ættu að vera nokk
uð örugg. Ég held að fáir efist um að Leeds, sem nú er i 3ja
sæti með 37 stig, vinni Stoke, sem ekki hefur staðið slaklega
i vetur þó sérstaklega á útivelli. Spá min er þvi sigur fyrir
Leeds.
Man. City-Birmingham 1
Frammistáða Man. City hefur verið lakari i vetur, en bú-
ist var við, þar sem liðið er ekki nema um miðju i deildinni
með 25 stig. Birmingham er sömuleiðis neðarlega á lista,
eða i 19—20 sæti með 19 stig.
Man. City ætti þvi ekki að verða skotaskuld úr þvi að
vinna þennan leik og spá min er þvi heimasigur.
Sheff. Utd.-Norwich 1
Þessi lið hafa náð mjög áþekkum árangri i vetur, þar sem
Sheff . Utd. er með 22 stig, eða stigi minna, en Norwich,
sem hefur orðið 23 stig. Það ætti þvi að geta orðið um jafna
viðureign, þegar liðin mætast á Bramall Lane á laugardag-
inn. En þar sem árangur Norwich á útivelli hefur veriö
slakur i vetur, set ég traust mitt á heimaliðið og spái Sheff.
Utd. sigri.
West Ilam-Chelsea 1
Það má búast við jafnri viðureign, þegar nágranna liðin
West Ham og Chelsea mætast á Upton Park á laugardaginn.
Chelsea tapaði fyrir Arsenal á heimavelli um s.l. helgi, en
West Ham gerði jafntefli við Man. Utd. á Old Trafford.
Chelsea tapaði fyrir West Ham á Stamford Bridge fyrr i
vetur og er þvi ekki úr vegi að ætla að West Ham vinni aftur
að þessu sinni.
Wolves-Liverpool X
Þá fáum við erfiðan leik. Liverpool er sem kunnugt er i 1.
sæti með 41 stig, en Úlfarnir eru i 8—12 sæti með 26 stig. At-
hyglisvert er, að Úlfarnir hafa tapað 5 leikjum á heimavelli,
en gert aðeins eitt jafntefli þar.
Það má þvi búast við að Úlfarnir leggi áherzlu á varnar-
leikinn að þessu sinni og þvi ekki verra, en hvað annað, að
reikna með jafntefli i þessum leik.
Q.P.R.-Burnley X.
Þetta er án efa einn erfiðasti leikurinn á seðlinum að
þessu sinni, þar sem hér eigast við þau lið, sem að margra
áliti eru talin likleg til að taka sæti i 1. deild á næsta
keppnistimabili. Burnley hefur örugga forystu i 2. deild og
hefur ekki tapað leik á útivelli, og QPR fylgir fast á eftir
með ágætan árangur á heimavelli.
Allir möguleikar eru fyrir hendi i sambandi við þennan
leik. En jafntefli finnst mér þó koma helzttil greina.
Miðvikudagur 24. janúar 1973
o