Lesbók Morgunblaðsins - 26.11.1950, Blaðsíða 16
r 564
LESBÓK MORGUNBLAÐSINS
FÁGÆTT SLYS — Þessi mynd er frá London og sýnir betur en löng frásögn hvernig farið getur, þegar ekki er
trygffUega búið um vinnupalla. Á Oakley Square var verið að gera við stórhýsi og höfðu verið reistir þar
vinnupallar miklir. En alt í einu hrundu þeir. Margir menn slösuðiut og einn fórst. Og auk þess urðu margir bílar
undir hinum hrynjandi pöllum og skemdust meira og minna.
Fyrirhyggjuleysi.
íslendingar hafa aldrei verið fyrir-
hyggjumenn. Og þeim ætlar seint að
lærast það. Fyrir eitthvað einni öld
spá0i útlendingur því, að íslendingar
mundu safna i sarpinn nokkur ár eins
og rjúpan, en eta svo alt upp á einu
eða tveimur hörðum árum. Hefur hann
reynst sannspár?
Jarðarfarir i Reykjavík
Þótt skemtanalíf væri ekki fjölskrúð-
Ugt á þessum árum (um aldamótin)
samanborið við það, sem menn eiga nú
að velja á milli, voru þó ýmsar ókeyp-
is skemtanir, sem sumir settu sig aldrei
úr færi að taka þátt í. Þar á meðal voru
jarðarfarir. Mjer er óhætt að segja, að
sumt kvenfólk hafi farið í hverja og
eina jaxðarför, sem íram fór i bænum.
Gamansöm kona sagði mömmu einu
sinni, að hún hefði verið í vist er hún
var yngri og þá verið send til að kaupa
eitthvað. Þegar hún var komin nokkuð
frá heimili sinu, rakst hún á líkfylgd
og slóst i förina. Hún gekk góðan spöl
við hliðina á annari stúlku og loks snýr
hún sjer að henni og segir: „Hvern er
verið að jarða?“ Hin svaraði þegar í
hálfum hljóðum: „Jeg veit það ekki.“
(Eufemína Waage).
Heillnn
í litlum sjimpansa vegur ekki meira
en 300 grömm, heilinn í stórum górilla
uppundir 650 grömm. Heilinn i hinum
írumstæðasta steinaldarmanni, Pithe-
canthropus erectus, neðan við 1000
grömm. Heili vor, karlmanna, er 1300
til 1500 grömm, heili Neandertahls-
mannsins vó 1700 grömm. Heilinn í
Ivan Turgenjev vó 2100 grömm. Sjimp-
ansaheilinn annars vegar, 300 grömm,
en heili hins fræga Rússa hins vegar
2100 grömm. Hinn smái heili er þó að
miklu leyti eftirmynd hins stærra. —
Sjimpansann skortir einkum þá hluta
sem valda því, að vjer höfum hið göf-
uga enni vort. (Undur veraldar).
Nikulásargjá
á Þingvöllum dregur nafn af því, að
þar drekti sjer Nikulás Magnússon
sýslumaður Rangæinga aðfaranótt 25.
júní 1742. Hafði hann sent MagnÚ3Í
Gíslasyni lögmanni boð þremur dögum
áður, ásamt skjölum og peningum, og
beðið hann að sjá um Þorleif son sinn,
þvi líf sitt væri brátt á enda. Þegar
hans var saknað var fyrst leitað í tjöld-
um og síðan hafin dauðaleit. Hjá gjánni
fundu menn vasaklút hans og skjal
nokkurt, og síðan var lík hans slætt
upp úr gjánni.
Fyrir 100 árum
voru 24 húsasmiðir í Reykjavík og
hafði þeim fjölgað um helming sein-
asta áratuginn. Af þeim voru 2 stein-
smiðir, 14 snikkarar, 9 snikkaranemar
og einn timburmaður. Þá voru íbúar
Reykjavíkur alls 1149.