Lesbók Morgunblaðsins - 23.06.1990, Blaðsíða 6

Við búum í
veiði-
paradís
Vorið og sólin kalla okkur úr húsi, sumarið er
framundan, unaðstími okkar íslendinga flestra.
Tími til að njóta náttúru landsins, hreins lofts,
vinda, regns og sólar, ilms og lita. Hjá mér
vekja þessir vordagar ljúfar minningar um
Við Hlíðarvatn. Andri Björn Gunnars-
son er ánægður með aílann sinn.
A morgun, sunnudaginn
24. júní er
VEIÐIDAGUR
FJÖLSKYLDUNNAR
svo sem verið hefur á
undanförnum árum og
Landssamband
stangaveiðifélaga stendur
fyrir.
Grein:
GRETTIR GUNNLAUGSSON.
Ljósmyndir:
RAFN HAFNFJÖRÐ
ferðir norður „í sveitina" flest vor æsku
minnar, um nýfædd lömb og kálfa, bjart-
ar nætur, gróandi tún og blómgaðar
brekkur — og síðast en ekki síst, veiðiferð-
ir með foreldrum og vinum.
Við Meðalfellsvatn, Haukadalsá og
víðar var tendraður sá neisti „veiðidellunn-
ar“, sem í mér hefur snarkað síðan, og
veitt hefur mér svo margar gleðistundir.
Slíka sögu geta margir veiðimenn sagt,
og því viljum við reyna að gefa sem flest-
um kost á að upplifa eitthvað ámóta. Og
besta aðferðin er að læra að njóta stanga-
veiðinnar með fjölskyldu og vinum — já,
ekki síst með eldri kynslóðinni, afa og
ömmu, og fyrir þau að upplifa hinn óbil-
andi áhuga og trú barna og barnabarna.
Á veiðidegi íjölskyldunnar, sem Lands-
samband stangaveiðifélaga hefur staðið
fyrir fáein undanfarin ár, hefur fólki ver-
ið gefinn kostur á að renna fyrir fisk, án
endurgjalds, í nokkrum vötnum, víðs veg-
ar um land. Um veiðidaginn hefur verið
hið ágætasta samstarf við land- og veiði-
réttareigendur.
Slíkur dagur, veiðidagur fjölskyldunnar,
verður á morgun, sunnudaginn 24. júní,
og fiskar vaka og bíða ykkar í vötnunum.
Það eru félög stangaveiðimanna, sem
hvert á sínu svæði og í samstarfi við lan-
deigendur sem fyrr, bjóða fjölskyldum að
reyna sig við veiðiskap. Þar eru allir jafn
velkomnir, ungir sem aldnir, reyndir sem
óreyndir veiðimenn, og er þetta tilvalið
tækifæri til að fá smá tilsögn í meðferð
veiðitækja — og glímu við fisk og frá-
gangi afla ef heppnin er með.
Til samstarfs við LS um veiðidaginn,
hafa komið í ár Ferðamálaráð, Ferðaþjón-
usta bænda og Upplýsingaþjónusta land-
búnaðarins, og vonum við að okkur takist
að vekja áhuga enn fleira fólks, með því
að tengja þannig veiðiskapinn ýmsu öðru
er lýtur að ferðamennsku, útivist og kynn-
um við landið.
í könnunum hefur það komið fram, að
sem næst áttatíu þúsund íslendingar
stundi stangaveiði í einhveijum mæli, sér
til yndis og heilsubótar. Þeir eru því ekki
fáir hér á landi, sem kunna nokkuð fyrir
sér í þeirri list að lokka lónbúann að agni,
fá hann til að taka, þreyta hann og landa.
Þó hefur sú trú lengi verið útbreidd að
stangaveiði væri einungis á færi fárra,
efnaðra einstaklinga sem stæðu með fok-
dýr veiðitæki sín við enn dýrari laxveið-
iár. Jú, vissulega verður að viðurkenna
að kaup á veiðidÖgum í ýmsar hinna gjöf-
ulli laxveiðiáa eru ekki á allra færi, því
miður, þannig að í raun er það ekki mjög
stór hópur fólks, sem slíkt gerir í ein-
hveiju magni.
Mestur fjöldi veiðimanna stundar þessa
íþrótt okkar hins vegar með nokkuð öðrum
hætti, og öllu átakaminni fyrir budduna,
Kristín Jóhannsdóttir við veiðar í Stóru-Laxá í Hreppum.
Veiðivötn, Litla-Skálavatn. Snjóalda í baksýn.
Kon,
því á íslandi eru ótal önnur tækifæri til
veiða, í minna þekktum, og minna auglýst-
um, lax- og silungsám, og í hundruðum
stöðuvatna, stórra og smárra, í öllum
landshlutum.
Það eru því næg tækifæri til að renna
fyrir fisk á ferðum okkar um landið, okk-
ur skortir kannski bara á stundum vitn-
eskju um hver vötnin eru og hvar, og
hvar nálgast má veiðileyfi. Um þetta má
fá upplýsingar hjá stangaveiðifélögunum
og hjá ferðaþjónustu bænda, og reyndar
hefur afgreiðslufólk á bensínstöðvum, í
verslunum og veitingaskálum víða um
landið reynst mér hinn ágætasti visku-
brunnur í þessum efnum.
Ýmis blöð og bæklingar hafa líka inni
að halda upplýsingar um veiði og veiði-
staði, svo sem Vötn og veiði, Veiðiflakkar-
inn og ýmis sportveiðiblöð.
Við þurfum rétt aðeins að bera okkur
eftir unaðssemdunum, því við búum í veiði-
paradísinni miðri, jafnvel svo leitun mun
að öðru eins í heimi hér. Við skulum þó
vera minnug þess, að við berum ábyrgð
á þessari gersemi, verndun hennar og við-
gangi — svo umgöngumst því náttúruna
með allri þeirri virðingu og aðgæslu, sem
henni ber og svo mikils virði er, en kostar
okkur þó svo lítið hvem dag.
Á veiðidegi fjölskyldunnar við Þingvallavatn.
6
4