Lesbók Morgunblaðsins - 23.06.1990, Blaðsíða 11

<
FFRfMRUfí
LESBÓKAR
Helena Dejak á landsbyggðalínunni:
Nýir tímar í ferða-
þjónustu á Akureyri
aarjúNf 1990
Siglingar um
Eyjaflörð og til
Grímseyjar -
ódýrt beint flug
frá Akureyri til
Zurich
Nýr tími er runninn upp í
ferðaþjónustu á Akureyri. Aður
var Akureyri að mestu við-
komustaður ferðamanna, sem
flestir voru á leið í Mývatns-
sveit — lítið við að vera í höfuð-
borg Norðurlands, nema heim-
sækja söfn eða sundlaug, rölta
um miðbæinn eða setjast inn á
veitingahús. Nú eru síðdegis-
siglingar á sunnudögum um
Eyjafjörð og miðnætursigling
með bergmáli nikkunnar i Qöll-
unum, skálað i kampavini og
borðaðar snittur á meðan sólin
sígur á bak við Kaldbak. — Og
Akureyringar þurfa ekki leng-,
ur að fara í gegnum höfúðborg-
ina til að fljúga út í lönd. Yfir
hásumarið er beint flug til
Ziirich, svo ódýrt, að kannski
fara Reykvíkingar að koma til
Akureyrar til að fljúga þaðan
til meginlandsins!
Það er Nonni, nýja ferðaskrif-
stofan á Akureyri, sem stendur
fyrir þessu. Við spjöllum við stofn-
anda hennar Helenu Dejak, júgó-
slavnesku konuna, sem kom til
íslands fyrir 16 árum — tók ást-
fóstri við landið — horfir á
íslenska ferðaþjónustu með allt
öðrum augum en við.
— Helena, segðu okkur aðeins
frá þeirri lífsspeki, sem Nonni
byggist á. „Mér finnst nýr tími
vera að renna upp, um leið og
gamli tíminn er að vitja okkar
aftur. Lífsgæðakapphlaupið er að
hægja á sér. Við hugsum meira
um, hvað við getum gert hvert
fyrir annað. — Erum við ekki öll
Sæfari sýnist smár í mynni Eyjafjarðar, en er 300 tonna skip
með svefiipláss íyrir 10 manns.
að leita að heimi, þar sem gaman
er að lifa? Ég er hamingjusöm að
eiga þess kost að gefa af sjálfri
mér til ferðamannsins.
— Hvers virði er ást, auðæfi
og þekking, ef við gefum okkur
ekki tíma til að njóta þess í næði?
Heimurinn er fullur af náttúru-
undrum — en það er aðeins eitt
ísland á þessarri jörð — einn Eyja-
Qörður, sem ég þekki best. Hvers
vegna ekki að gefa sér tíma til
að njóta sérstæðra töfra íslenskr-
ar náttúru? Kannski horfi ég
öðruvísi á ísland en þið, sem haf-
ið alist hér upp. Og mig langar
til að gefa ferðamanninum hlut-
deild í þeirri hamingju, sem
íslensk náttúra hefur gefið mér —
matbúa fyrir hann það fæði, sem
honum er fyrir bestu.“
— Hvernig ferðamenn sækja
þig heim í Þelamörk og Péturs-
borg? „Útiverufólk sem leitar að
friðsæld. Sundlaugin í Þelamörk
er vinsæl og núna er kominn nýr
sólpallur, heitur pottur og nátt-
úrulegt gufubað. Gestir mínir fá
margt heimatilbúið, eins og Hel-
enu-brauð og Helenu-ís,“ segir
Helena hlæjandi. Ég er með hálfs
dags gönguferðir upp að Hrauns-
vatni, þægilegar fyrir alla fjöl-
skylduna. Fólk kemur með nesti
með sér og snæðir í fallegu um-
hverfí við vatnið, þar sem allir
mega renna færi.
— En gönguferð eftir Þorvalds-
dal tekur 10 tíma og er meira
fyrir vant göngufólk. Gengið er
upp í dalinn frá Árskógsströnd
og komið út nálægt Möðruvöllum.
Þorvaldsdalur er gróðursæll, með
fallegri fjallasýn. í göngunni
skoðum við jurtir, fugla og fjöll
og svölum okkur í Þorvaldsá, sem
Áð í gönguferð með Helenu, sem situr lengst til hægri.
rennur eftir miðjum dal. Að göngu
lokinni býð ég kaffi og meðlæti.
— Nonni er umboðsaðili fyrir
nýja bátinn Sæfara, sem er 300
tonna bátur með kojur fyrir 10
manns. Húsfreyja er um borð til
að annast um farþega. Boðið er
upp á salatbar með ávöxtum,
grænmeti og ávaxtasafa, en ekki
pylsur eða hamborgara. Erlendir
ferðamenn eru ekki hrifnir af svo-
kölluðum „sjoppumat“ og segja
að sjoppumenningin fari illa með
íslendinga!
— í miðnætursiglingu um Eyja-
fjörð er kampavín og snjttur í
boði og harmoníkuball. í miðnæt-
ursól er þetta rómantísk ferð.
Siglt er í kringum Hrísey og til
baka. Sæfari siglir sömu leið á
sunnudagseftirmiðdögum kl. 14.
Báðar þessar siglingar þarf að
panta fyrirfram.
Helena er hótel-
stýra í Þelamörk..
Þar er gisting með
morgunmat fyrir
48, svefnpokapláss
og tjaldsvæði með
eldunaraðstöðu,
útisundlaug, að-
staða fyrir ráð-
stefiiur, helgartil-
boð fyrir hópa,
hesta- og reið-
hjólaleiga, skipu-
lagðar gönguferð-
ir.
Sæfari siglir til Grímseyjar
mánudaga og föstudaga frá
Dalvík. Farþegar sem mæta í * ^
Dalvík, ættu áður að tryggja sér
farmiða hjá Nonna. Rúta fer frá
okkur kl. 8 að morgni, en Sæfari
leggur af stað kl. 9.30 og er kom-
inn til Grímseyjar kl. 13.30.
Þriggja tíma viðdvöl er í Grímsey,
en þaðan er farið kl. 4.30. — Því
miður verður að segjast eins og
er, að engin ferðaþjónusta er í
Grímsey — ekkert veitingahús,
engin snyrtiaðstaða og erfítt að
fá gistingu. Ef Grímseyingar vilja
fá peninga frá ferðamönnum
verða þeir að gera eitthvað fyrir
þá gætu til dæmis haft félags-
heimilið opið.
— En Grímseyjarferðir eru vin-
sælar. Mörgum finnst eftirsóknar- "“[4*
vert að fá skjal, sem sýnir að
þeir hafi komist yfír heimsskauts-
baug. Og hópar frá fyrirtækjum
tjalda gjarnan í Grímsey yfir helgi,
eru þá með útigrill og slá jafnvel
upp balli!
— Og ekki má gleyma nýja
millilandafluginu okkar. Frá 4.
júlí til 13. ágúst er vikulegt, fjög-
urra tíma flug frá Akureyri til
Zurich, 7 brottfarir. Saga Reisen
í Sviss annast leiguflugið og er
með DC 9, 150 manna þotu. Um
700 erlendir ferðamenn eru vænt-
anlegir til Akureyrar í sumar og
Nonni skipuleggur ferðir um
Norðurland fyrir þá. Og Norðlend-
ingar geta nýtt sér ferðirnar —
flogið beint frá Akureyri, í stað
þess að eyða tíma og peningum
í að ferðast um Reykjavík. Ég
skipulegg líka Júgóslavíuferðir
með lest (15 tímar til Ljubljana)
eða bílaleigubíl (9 tíma akstur til
Portoroz). Júgóslavía er ódýrt
ferðaland fyrir íslendinga og það-
an er stutt til Ítalíu.
Oddný Sv. Björgvins
Flug til og frá Zurick kostar
22.500 kr., aðeins dýrara með
bílaleigubíl. Farmiði til og frá
‘ Grímsey 3.650 kr., með rútu-
ferð frá Akureyri 4.450 kr.
Sunnudagssigling 1.000 kr.
Miðnætursigling 2.750 kr.
Þófvaldsdalsganga 2.500 kr.
! Ganga að Hraunsvatni 2.000
kr. Gisting og morgunverður
2.050 kr.
LESBÓK MORGUNBLAÐSINS 23. JÚNI' 1990 1 1