Alþýðublaðið - 07.03.1985, Side 4

4
Fimmtudagur 7. mars 1985
Kjartan Jóhannsson:
Hér er um lífs-
spursmál að ræða
Niðurgreiðslur og styrkir kippa grundvelli undan lífskjara-
sókn íslendinga og við drögumst aftur úr grannþjóðunum
„Sjávarútvegsráðherra tók svo til
orða að hér væri um brýnasta hags-
munamál landsins að ræða. Ég held
að það sé ekki of sterkt til orða tek-
ið. Ég segi að hér sé um lífsspursmál
að ræða. Það er augljóst að ef nið-
urgreiðslum og styrkjum með sjáv-
arútvegi í samkeppnislöndum okk-
ar er haldið áfram er kippt grund-
vellinum undan lífskjarasókn ís-
lendinga og við drögumst aftur úr
grannþjóðum okkar. Þá er kippt
grundvellinum undan því að við
getum búið hér og haldið uppi því
menningarlífi sem við hljótum að
gera kröfur til.
Óheilbrigðar aðferðir
Ef svo fer fram sem horfir, að
þessir styrkir aukast stig af stigi, þá
er augljóst að það var í raun ekki
gagn að landhelgisstríðinu því að
það á að leggja okkur í viðskipta-
stríði með óheilbrigðum aðferðum
eftir þann sigur sem við unnum í
landhelgisstríðinu. Þetta er sann-
leikurinn í þessu máli.
Ég hef ítrekað gert þessi mál að
umtalsefni í utanríkismálanefnd og
sagt, eins og ráðherra, að að þessu
ættum við að snúa okkur öllu öðru
fremur. Fyrir níu mánuðum óskaði
ég eftir því sérstaklega þar að tekin
yrði saman grg. um hvernig styrkj-
um væri háttað í grannlöndum og
samkeppnislöndum okkar. Ég
fagna því, sem kom fram hjá sjávar-
útvegsráðherra að hann hefur lagt
því lið og sú athugun er nú í fullum
gangi.
Verndartollar
Ég get ekki litið öðruvísi á en að
þessi styrkjaaðferð sé brot á þeirri
stefnu sem hefur verið boðuð bæði
innan GATT og innan EFTA. Sú
stefna er í grundvallaratriðum sú að
afnema eigi verndartolla. Styrkir af
þessu tagi eru algerlega hliðstæðir
við verndartolla. Þeir hafa ná-
kvæmlega sömu áhrif og verndar-
tollar og þeir spilla jafnmikið fyrir
samkeppnisaðstöðu og slíkar að-
gerðir gera. Þess vegna höfum við
siðferðilegan rétt til þess að berjast
í þessu máli af fyllstu hörku.
Viðskiptaráðherra sagði áðan að
þegar samningarnir um EFTA voru
gerðir 1960 hefðu Norðmenn gert
fyrirvara um rétt sinn til að styrkja
sjávarútveg. Það er í sjálfu sér rétt.
En fyrsta spurningin sem ég hlýt að
spyrja er: Hverjir voru styrkirnir
1960? Og hvernig eru þeir núna í
samanburði við það sem þeir voru
þá? Hafa þeir ekkert aukist? Það
væri þá a. m. k. áfangi að skoða
þann hlutann og hvort ekki er hægt
að fá þá eitthvað niður fyrir það stig
sem þeir voru í 1960 frekar en þeir
séu alltaf á leiðinni upp fyrir það
stig sem þeir voru í 1960. Það voru
ákveðnar forsendur sem þá lágu
fyrir. Þá gengu menn að ákveðnum
atriðum, nefnilega þeim styrkjum
sem þá voru við lýði, og gerðu vita-
skuld ráð fyrir því að frekar mundi
draga úr þeim heldur en hitt.
Það er lífsspursmál
Ég tek undir það, sem hér hefur
komið fram, að við verðum að nota
hvern þann vettvang sem býðst til
þess að ráðast að þessu styrkja-
kerfi, ekki bara Norðmannanna
heldur langtum fleiri þó styrkja-
kerfi Norðmanna og reyndar
Kanadamanna sé það alvarlegast í
þessum efnum. í byrjun janúar sl.
var ég fulltrúi á fundi hjá þing-
mannanefnd EFTA og þá notaði ég
einmitt tækifærið til að gera þetta
að umtalsefni og lagði til á þeim
fundi að styrkjakerfi í sjávarútvegi
yrði gert að sérstöku umræðuefni
innan þess vettvangs. Það varð fátt
um svör hjá Norðmönnum, en aðrir
tóku undir að vel gæti komið til
álita að taka það sérstaklega til
umfjöllunar. Á vettvangi Evrópu-
ráðsins hef ég líka ítrekað reynt að
ýta við þessum málum og fékk ég
m. a. á sl. ári samþykkta tillögu þar
sem styrkjakerfið var gagnrýnt
mjög.
Mér er ljóst að þetta hrekkur
mjög skammt. Mest munar um ef
ríkisstjórnin sjálf, utanríkisráðu-
neytið og viðskiptaráðuneytið, beit-
ir sér af fyllstu hörku í þessu máli.
Ég tel að við höfum siðferðilegan
rétt með okkur i þessu máli og ég
ítreka að þetta stríð verðum við að
vinna. Það er lífsspursmál. Annars
var landhelgisstríðið í raun og sann-
leika unnið fyrir gýg ef við verðum
svo lagðir að velli í viðskiptastríði
með óheiðarlegum aðferðum“
íslensk sjávarútvegsframleiðsla:
„Samkeppnin
er vonlaus“
„Ég hef góðar heimildir fyrir því
að Norðmenn láni mestan partinn
af kaupverði frystibúnaðar og ann-
ars búnaðar og það til langs tíma.
Ég veit að þessi búnaður er keyptur
í „pökkurn" af Norðmönnum, sem
lána allt að 85% til 3—5 ára, ef það
er í gegnum skipasmíðastöð, en
venjulega er hlutfaliið um tveir
þriðju af kaupverði," sagði einn
viðmælenda blaðsins, sem stendur í
vonlitilli samkeppni við styrktan
innflutning á sviði sjávarútvegs-
vara.
„Þessi samkeppni er vonlaus.
Samkeppnislánasjóður útflutn-
ingsiðnaðarins lánar hér um bil
helming en með vissum takmörk-
unum varðandi uppsetningarvinnu.
Um síðustu áramót var nánast lok-
að fyrir þetta, en þó er þetta eitt-
hvað að fara aftur af stað. Við erum
búnir að bíða eftir láni frá því í
desember, en höfum ekki fengið
það enn, þeir eiga víst ekki peninga.
Ég vona að það fari að losna um
þetta, því eins og er þá er munurinn
gífurlegur. Innlendar skipasmíða-
stöðvar sjá að auðveldast er að
kaupa erlendis, t. d. Slippstöðin á
Akureyri frá Kvælner Kuldas, sem
SÍS er með umboð fyrir. Það er nú
verið að breyta 8—10 togurum og
allur búnaður kemur að utan. Allt
er á hreinu með bankaábyrgð og
menn hafa ekkert fyrir þessu.
Gagnvart þessu er samkeppnin af
innlendra aðila hálfu vonlaus“
Rifrildi ráðherranna
Eftirfarandi ummæli þeirra Káre Wilioch, forsæt-
isráðherra Noregs og Halldórs Ásgrímssonar, sjáv-
arútvegsráðherra, eru klippt út úr samtölum við þá
í DV á þriðjudaginn. Þau þarfnast engra nánari
skýringa.
„Það sem ég tel að gæti haft áhrif
á samkeppnisstöðu íslensks sjáv-
arútvegs er verð og magn norskra
afurða á heimsmarkaðinum. Á
þessi atriði hefur stuðningur okk-
ar engin áhrif.“
Káre Willoch.
„Sá stuðningur, sem við veitum
okkar sjávarútvegi hefur tæplega
nokkur áhrif á samkeppnisstöðu
íslensks sjávarútvegs. Við greið-
um nokkuð háar upphæðir til
okkar sjávarútvegs til að viðhalda
byggð og uppbyggingu atvinnu-
greinarinnar.“
Káre Willoch.
„Það er mjög undarlegt þegar
menn einsog Káre Willoch, sem
berjast fyrir frjálsri samkeppni,
segja að þetta sé á misskilningi
byggt.“
Halldór Ásgrímsson.
„Stuðningur okkar hefur ekki
þau áhrif að selt sé meira magn af
fiski á heimsmarkaðinum."
Káre Willoch.
„Ég er hræddur um að það myndi
eitthvað gerast í norskum sjávar-
útvegi ef þessir styrkir yrðu felldir
niður. Annaðhvort myndi hann
dragast verulega saman eða verð-
ið hækka mikið á mörkuðunum"
Halldór Ásgrímsson.
„Ef þessir styrkir hafa ekki áhrif
á markaðsverð þá spyr ég: Hefur
stuðningur við iðnaðarfram-
leiðslu engin áhrif á verð fram-
Ieiðslunnar"
Halldór Ásgrímsson.
Tilkynning um
aöstööugjald í Reykjavík
Ákveðið er að innheimta í Reykjavík aðstöðugjald á
árinu 1985 samkvæmt heimiid i V. kafla laga nr. 73/1980
um tekjustofna sveitarfélaga og reglugerð nr. 81/1962
um aðstöðugjald.
Samkvæmt ákvörðun borgarstjórnar verður gjaldstigi
eins og hér segir:
A) 0,33% af rekstri fiskiskipa og flugvéla
B) 0,65% af rekstri verslunarskipa og fiskiðnaði
C) 1,00% af hvers konar iðnaði öðrum
D) 1,30% af öðrum atvinnurekstri
Prentun og útgáfa dagblaða skal þó vera undanþegin
aðstöðugjaldi.
Aðstöðugjaldsskyldir aðilarskulu skila skattstjórasér-
stakri greinargerð um aðstöðugjaldsskyldan rekstrar-
kostnaði i því formi sem ríkisskattstjóri ákveður.
Greinargerð þessari skal skila með skattframtali fram-
talsskyldra aðila samkvæmt lögum um tekjuskatt og
eignarskatt, en þeir, sem undanþegnir eru þeirri fram-
talsskyldu, skulu fyrir 31. maí nk. skila greinargerð
þessari ásamt ársreikningi til skattstjóra í því umdæmi
þar sem þeir eiga lögheimili.
Reykjavík 27. febrúar 1985
Skattstjórinn í Reykjavík.
Laust embætti
er Forseti íslands veitir.
Embætti ráðuneytisstjóra sjávarútvegsráðuneytisins
er laust til umsóknar og veitist frá 1. maí 1985.
Laun samkvæmt launakerfi starfsmanna rikisins.
Umsóknir ásamt upplýsingum um aldur, menntun og
fyrri störf, sendist sjávarútvegsráðuneytinu fyrir 5. apríl
1985.
Sjávarútvegsráðuneytið,
5. mars 1985.
\ Útboð—
d~- Innrétting
Hafnarfjarðarbær leitar tilboða í innréttingu 3.
áfanga Öldutúnsskóla Afanginn er 3 hús byggð úr
steinsteypueiningum tengd saman með tengigangi
samtals um 1600 m2. Húsinu á að skila fullbúnu í
þremur verkþáttum þeim síðasta í ársbyrjun 1987.
Utboðsgögn eru afhent á skrifstofu Bæjarverkfræð-
ings Strandgötu 6, gegn 10.000,- þús. kr.
skilatryggingu.
Tilboð verða oþnuð á sama stað fimmtudaginn 21.
mars kl. 11.