Alþýðublaðið - 10.12.1988, Blaðsíða 8
■> 'JO - . A
OV ’iiipchíoiio •
8
Laugardagur 10. desember 1988
KRINGLAN
Yfir áttatíu fyrirtœki í Kringlunni
EFTIR — ONNU KRISTINE MAGNÚSDÓTTUR
í kringlunni eru sannkölluð
„litlu jól##. Húsið er fagurlega
skreytt og þangað koma jóla-
sveinar, ícórar og hljómsveitir.
Einar Ingi Halldórsson, fram-
kvæmdastjóri Kringlunnar, er
bjartsýnn á jólavertíðina og
seair kaupmenn í Kringlunni
ekki verða vara við samdrótt.
Þegar hugmyndin að Kringl-
unni var fyrst kynnt kaup-
mönnum var henni tekið mis-
vel. Smám saman fóru menn
þó að trúa því að þessi versl-
unarsamstæða gæti orðið að
veruleika og þegar Kringlan
var opnuð, fyrir tæpu einu og
hálfu ári, hafði öllu rými við
göngugötur verið ráðstafað.
Það vakti athygli þeirra sem
þekktu til hliðstæðra húsa
erlendis og á fyrsta árinu
hættu aðeins tvö fyrfrtæki
starfsemi í húsinu.
ÞRIÐJA HÆÐIN KOMIN
í GAGNIÐ
Enn vex Kringlan og síð-
asta laugardag var hluti
þriðju hæðar hússins tekinn
í notkun. Hún hefur hlotið
nafnið „Uppsalir" og þar eru
starfræktar læknastofur
heimilislækna og sérfræð-
inga auk augnlækna, Ijós-
myndastofa, stúdíó og tækja-
leiga sem Hljóðriti rekur og
auk þess er þar svokallað
„markaðstorg“. Þar geta versl-
anir fengið leigt tímabundið
og vörukynningar verða ríkur
þáttur á markaðstorginu.
Gallerí Borg reið á vaðið í
þessari starfsemi með sölu á
grafík- og vatnslitamyndum,
sem viðskiptavinir Kringlunn-
ar eiga án efa eftir að kunna
að meta — sérstaklega á
þessum árstíma.
Eftiropnun þriöju hæðar-
innar eru rúmlega áttatíu fyr-
irtæki með starfsemi I Kringl-
unni, þar af 63 verslanir, átta
veitingastaðir, banki, flugfé-
lag, verðbréfamarkaður, póst-
hús og fatahreinsun.
Einar Ingi Halldórsson er
framkvæmdastjóri Kringlunn-
ar, en við því starfi tók hann
1. mars sl. Hann segir langan
biðlista vera eftir lausu hús-
næði, en ólíklegt sé að nokk-
uð losni á næstunni. Að
sögn Einars koma rúmlega
50.000 manns í Kringluna í
hverri viku en fjöldi viðskipta-
vina er fundinn út með því að
gera ákveðna talningu og
tvisvar á dag er tekin „stikk-
prufa“, þannig að nokkuð
auðvelt er að finna út fjöld-
ann. „Við teljum að i venju-
legri viku komi milli fimmtíu
og sextíu þúsund manns í
húsið, en á aðventunni koma
mun fleiri. Þetta sýnir að að-
sókn er meiri en áætlað var
þegar húsið var á byggingar-
stigi og heildarveltan hefur
orðið meiri en ráö var gert
fyrir í rekstraráætlun sem þá
var gerð.“
SAMKEPPNI UM
BÍLASTÆÐIN?
Aðalannatímamir í Kringl-
unni eru föstudagar og laug-
ardagar, en á föstudögum er
þar opið til klukkan sjö og til
klukkan fjögur á laugardög-
um. Undantekningar eru
verslanir Hagkaups, sem hafa
opið til hálfátta á föstudög-
um, og veitingastaðirnir, sem
eru opnir fram eftir kvöldi og
auk þess á sunnudögum.
Sextán hundruð bílastæði
við Kringluna duga stundum
ekki til þegar mest er að
gera, en í þeim efnum sýnir
fólk fyllstu þolinmæði, enda
sjaldgæft að fá ekki stæði
við Kringluna: „Við höfum
sjálfir byggt 1.400 stæði og
auk þess eru 200 stæði hér
fyrir utan lóðina. Það hlýtur
að þrengja nokkuð að okkar
bílastæðum núna, þegar ann-
að verslunarhúsnæði hefur
opnað við hliðina á Kringl-
unni. Við þurfum kannski að
grípa til einhverra aðgerða til
að tryggja að bílastæðin nýt-
ist af okkar viðskiptavinum."
Hann segir þó engin veruleg
leiðindi hafa komið upp varð-
andi bílastæðin á því rúma
ári sem Kringlan hefur starf-
að: „Það má auðvitað reikna
með meiri ágangi þegar starf-
semi hefur hafist í tveimur
húsum við hlið Kringlunnar,"
segir Einar.
HÁLFGERÐ
FÉLAGSMIÐSTÖÐ
Kringlumenn hafa verið
frumkvöðlar að ýmsum upp-
ákomum, til dæmis heilsu-
viku, hjólreiðadegi og skák-
viku, svo eitthvaö sé nefnt:
„Þessi dægrastytting hefur
tekist vel og verið þeim mál-
stað til framdráttar sem
kynntur hefur verið hverju
sinni. Viðskiptavinir kunna
vel að meta nýbreytni af
þessu tagi þegar farið er í
verslunarferðir," segir Einar.
Hann segir engan vafa leika
á að uppákomur af þessu
tagi laði að gesti og nefnir að
þegar skákvikan stóð yfir hafi
fleiri karlmenn komið á virk-
um dögum í Kringluna en
ella. „Kringlan er hálfgerð fé-
lagsmiðstöð og á laugardög-
um koma iðulega fjölskyldur
hingað til að versla. Oft virð-
ist okkur fólk ekkert síður
koma hingað til að fá sér
kaffi, sýna sig og sjá aðra, en
slíkum ferðum fylgir yfirleitt
tilfallandi verslun. Á laugar-
dögum er fólk tiltölulega
lengi hér í húsinu, dvölin
nálgast yfirleitt tvær klukku-
stundir, en upphaflega var
áætlað að viðskiptavinir
dveldu i Kringlunni að meðal-
tali í klukkustund."
Göngugöturnar í Kringl-
unni eru opnartil klukkan tíu
á kvöldin en fyrstu mánuðina
virtist fólk ekki átta sig á að
hægt væri að ganga um í
Kringlunni á kvöldin og virða
fyrir sér útstillingar i verslun-
argluggunum. Að sögn Ein-
ars hefur umferð um Kringl-
una nú aukist á kvöldin, og
fólk virðist kunna aö meta að
vera þar í rólegheitunum.
ADEINS EITT
SKEMMDARVERK
í Kringlunni er starfrækt
húsfélag sem ( eru allir þeir
sem hafa starfsemi í Kringl-
unni. Húsfélagið sér meðal
annars um ýmsan rekstur,
sem annars staðar er greidd-
ur af hinu opinbera. Einar
segir að kostnaður hvers fyr-
irtækis sé óneitanlega nokk-
ur, enda sé ekki aðeins um
að ræða þrif í þessu 30 þús-
und fermetra húsi, heldur
einnig öryggisgæslu og ým-
islegt fleira. í húsinu er full-
komið eldvarnarkerfi, sem
hefur sem betur fer lítið reynt
á, utan einu sinni er kveikt
var í inni á salerni og þykjast
menn vissir um aö um
skemmdarverk hafi verið að
ræða. „Hér eru reykskynjarar
og hitaskynjarar ásamt svo-
kölluðu „sprinkle“-kerfi,“ seg-
ir Einar. „Ef eldur kemur upp
fer vatnskerfið sjálfkrafa í
gang. Þótt við hefðum að
sjálfsögðu heldur kosið að
vera án þessa skemmdar-
verks er komin reynsla á að
kerfið virkarh
JÓLASVEINAR, KÓRAR
OG SINFÓNÍA
Jólastemmningin réð rikj-
um í Kringlunni strax í byrjun
aðventunnar og eins og
nærri má geta verður ekkert
lát á slíku fram að jólum. Ein-
ar segir enga sérstaka jóla-
dagskrá vera ráðgerða, en
jólasveinar verði á ferli fyrir
jólin, hópar úr sinfóníuhljóm-
sveit æskunnar muni leika
nokkrum sinnum og hljóm-
sveitir og kórar koma í heim-
sókn. Að sögn Einars hefur
sala í Kringlunni verið mjög
góð á undanförnum vikum og
jafnvel þótt veðrið muni
áfram leika við okkur — og
ástæða Kringluferðar ekki
einkum sú að versla í sumar-
veðri — verði verslun í
Kringlunni án efa meiri nú en
fyrir síðustu jól: „Við erum
bjartsýnir á jólavertíðina. Sal-
an hefur aukist jafnt og þétt
allt árið og við höfum ekki
ennþá orðið vör við þann
samdrátt sem mikiö er rætt
um að sé nú í verslun."