Alþýðublaðið - 07.05.1991, Side 3

Þriðjudagur 7. maí 1991
3
FRÉTTIR
IHNOTSKURN
SAMSKIPADEILDIN: Fyrsta deildin í knattspyrnu hefst
síðar í þessum mánuði, nánar tiltekið 20. maí, á annan í
hvítasunnu. Samskip hf., sem áður hét Skipadeild Sam-
bandsins, mun verða helsti samstarfsaðili deildarinnar í
sumar og þessi helsta knattspyrnukeppni landsins látin
heita í höfuðið á fyrirtækinu — Samskipadeildin.
FALLEGT DAS-HUS: Þúsundir manna hafa skoðað
DAS-húsið að Aflagranda 25, hið skemmtilegasta parhús,
og er það mál manna að þetta sé fallegur og eftirsóknar-
verður vinningur, 15 milljón króna vinningur, sem dregið
verður um á komandi happdrættisári í Happdrætti DAS
sem nú er að hefjast. Heildarvinningar á þessu ári verða
288 milljónir króna og fara 60% af miðaverðinu aftur í
vinninga.
VINNUMIÐLUN UNGLINGA: í Félagsmiðstöðinni
Vitanum að Strandgötu 1 í Hafnarfirði hefur verið opnuð
Vinnumiðlun unglinga, ætluð skólafólki, 16 ára og eldri.
Þeir sem eru að leita að hressum starfskröftum, svo og þeir
sem óska eftir atvinnu, ættu að leita til miðlunarinnar, sem
hefur síma 50299, opið frá 10—12 og 1416 alla virka daga.
„EINS 0G FIMM HÆÐA BLOKK": Dettifoss, hið
nýja gámaskip Eimskips, er dálítið sérstakt í laginu. Skip-
stjórinn, Þór Elísson, segir um þetta: „Útsýnið úr stýris-
húsinu er líkt og að horft sé af fimmtu hæð í fjölbýlishúsi.'
Eg þarf ekki að taka nema tvö til þrjú skref til að ná öllum
sjóndeildarhringnum og ég verð að segja að þetta er
skemmtileg aðstaða".
HRISEYJARFERÐIR : Ferðamenn um Norðurland láta
fæstir undir höfuð leggjast að fara með Hríseyjarferjunni
Sævari út í eyna góðu. Ferjan flytur 50 þúsund farþega á
ári. Nú hefur ferðum til og frá Hrísey verið fjölgað um 3—4
í sumar. Farið er frá Árskógssandi frá kl. 7 að morgni til 23
að kvöldi á tveggja tíma fresti, en frá 7.30 til 23.30 frá Hrís-
ey til lands.
SUMARSTARF UNGA FÓLKSINS: Yngri borgarar
Reykjavíkur, frá 2 til 16ára, eiga um margt að velja í sumar.
Borgin hefur látið gera vandaðan bækling um Sumar-
starf í Reykjavík 1991 og hefur hann nú borist inn á
heimili borgarbúa. Þar er skýrt frá flestu því sem verður
í boði fyrir unga fólkið á komandi sumri, námskeið ýmis-
konar, vinnuskóii og margt fleira. Um að gera að panta hið
fyrsta.
NÝJAR BÆKUR Á
VORMARKAÐI: Enda
þótt vorsólin sé farin að ylja
landsmönnum, láta bóka-
útgefendur sumir hverjir
ekki deigan síga og senda
okkur til lesningar margar
prýðisbækur. Nefna má
bók Almenna bókafé-
lagsins, Duldir heimar,
sérlega falleg bók, og
skemmtileg og fróðleg af-
lestrar. Þar er meðal annars
fjallað um hið týnda eyríki
Átlantis, um Bermúdaþrí-
hyrninginn dularfulla og fleiri dularfull fyrirbæri. Mál og
menning hefur sent frá sér bókina Litbrigði jarðarinnar
, eftir Olaf Jóhann Sigurðsson. Sjónvarpið sýndi nýlega
kvikmynd Ágústs Guðmundssonar sem gerð var eftir
bókinni. Góð lesning.
INNLENDAR FRÉTTIR
G-samtökin kœra fyrrverandi framkvœmdastjóra
Skautundan
eignum félagsins
— segir í kœrubréfi Jóns Magnússonar, lögmanns samtakanna
Undir síðustu mánaða-
mót var fyrrverandi
framkvæmdastjóri
G-samtakanna, sem eru
samtök einstaklinga í
greiðsluerfiðleikum,
kærður til Rannsóknar-
lögreglu ríkisins fyrir að
taka með sér ýmsa muni
í eigu samtakanna, sem
hann hefur neitað að
skila til baka þrátt fyrir
ítrekaðar óskir stjórnar
samtakanna.
Eignir þessar eru sam-
kvæmt kærubréfi: Lykill að
póstkassa samtakanna, öll
gögn og skjöl skjólstæð-
inga samtakanna, félaga-
skráin, bréf, skýrslur og
greinargerðir, tölvuprent-
ari og leiðbeiningarbæk-
lingar í eigu samtakanna
og ýmis tæki.
Framkvæmdastjóranum,
Guðbirni Jónssyni frá
Stokkseyri, er jafnframt
borið á brýn að hafa í heim-
ildarleysi boðað almennan
félagsfund þar sem hann
hafi gengist fyrir því að
leggja G-samtökin niður.
Þetta telur stjórn samtak-
anna fara í bága við lög
samtakanna. Stjórn félags-
ins hafi ein heimild til að
boða til funda í nafni sam-
takanna, og aðalfundur
einn geti samþykkt að
leggja samtökin niður.
Það er svo af Guðbirni
Jónssyni og félögum hans
að segja að þann 1. maí
stofnuðu þeir samtök, sem
kallast Ný framtíð, og virð-
ast um margt svipað
G-samtökunum.
GoH
að búa
íKópa-
vogi
ef marka má niöurstöö-
ur úr vidamikilli fjöl-
skyldu- og neyslukönn-
un sem skólanemar í
bœnum hafa unnid að
Kópavogsbúar virðast
telja gott að búa í Kópavogi
og meirihluti þeirra vill
ekki eiga heima annars
staðar. Þessi niðurstaða
kemur fram í neyslu- og
fjölskyldukönnun sem
nemendur í 10. bekkjar
grunnskóla bæjarins og
nemendur Menntaskólans
í Kópavogi gerðu meðal
fjölskyldna sinna í vetur.
Tæplega 94% þeirra sem
svöruðu sögðu gott að búa í
Kópavogi, tæplega 80% svör-
uðu játandi spurningunni:
Finnst þér gott að vera Kópa-
vogsbúi?, og tæplega 56%
sögðust ekki vilja búa annars
staðar en í Kópavogi.
Álíka margir sögðust starfa
í Kópavogi og í Reykjavík, en
liðlega 54% svarenda fannst
ekki nægilega mikið gert að
því að laða fyrirtæki og stofn-
anir til bæjarins.
I neyslukönnuninni kemur
fram að 37% svarenda telja
gott að versla í bænum, rúm-
lega 57% að það sé sæmilegt
og tæp 4% segjast ekki vita
það. Þegar spurt var hvort
fólki finnist hagstæðara að
versla í Kópavogi en annars
staðar svara hins vegar 64%
neitandi, en aðeins rúmlega
13% játandi.
Þegar spurt var um í hvaða
verslunarkjarna fólk versli
helst verður Kringlan efst á:
blaði og Hamraborgin í öðruj
sæti. Þegar fólk var spurt al-|
mennt um ástæður telja flest-'
ir að nálægð og vöruúrval
ráði mestu, en verðlag er
nokkru neðar á blaði.
Aðeins 15% aðspurðra
segjast áhugasamir um . að
verslanir séu opnar á sunnu-
dögum en 80% svara spurn-
ingunni neitandi. Þá kemur
fram í könnuninni að Kópa-
vogsbúar hafa mikinn áhuga
á því að fá yfirbyggða versl-
unarmiðstöð í bæinn.
Glæsileg fegurðardrotining
Svava Haraldsdóttir, 18 óra blómarós frá Reykjavík, var um helgina kjörin fegurðardrottn-
ing íslands. Svava var fyrir skömmu kjörin fegurðardrottning Reykjavíkur og var í þriðja sæti
i Fordkeppninni 1990.
Svava, sem er nemandi í Menntaskólanum við Hamrahlíð, er þessa dagana í prófum, og
segist þess vegna ekki geta tekið þátt í öllu því sem hún verður beðin um að gera næstu
dagana. Svava segir að frá því að hún ákvað að taka þátt í keppninni um ungfrú Reykjavik
í vetur hafi verið í nógu að snúast. En nú eru það prófin sem ganga fyrir og síðan tekur við
að vera fulitrúi íslands í keppninni Miss World sem fram fer í haust. Alþýðublaðið óskar
Svövu til hamingju og óskar hennar velgengni í prófunum og í keppninni í haust.