Morgunblaðið - 12.01.2001, Blaðsíða 6
FRÉTTIR
6 FÖSTUDAGUR 12. JANÚAR 2001 MORGUNBLAÐIÐ
SAMBAND íslenskra sveitarfélaga
hefur ákveðið að boða til launamála-
ráðstefnu til að kynna fyrir sveitar-
félögunum nýjan kjarasamning við
grunnskólakennara. Vilhjálmur Þ.
Vilhjálmsson, formaður Sambands
íslenskra sveitarfélaga, sagði að
samningurinn yrði ræddur í stjórn
sambandsins í næstu viku.
Rétt til setu á launamálaráðstefn-
unni eiga öll sveitarfélög sem hafa
veitt launanefnd sveitarfélaganna
umboð til að gera kjarasamninga
fyrir þeirra hönd, en það eru öll
sveitarfélög á landinu.
Vilhjálmur sagði að sveitarfélög-
unum yrðu veittar ítarlegar upplýs-
ingar um efni samningsins við kenn-
ara og kostnað við hann. Ekkert
tilefni væri til að fela upplýsingar um
efni samningsins. Menn þyrftu hins
vegar aðeins ráðrúm til að kynna
hann. Hann sagði að fundur yrði í
launanefnd sveitarfélaganna í dag
þar sem rætt yrðu um samninginn.
Boða til
launamála-
ráðstefnu
UMHVERFIS- og heilbrigðisnefnd
Reykjavíkur telur að fækkun cam-
pylobacter-sýkinga í mönnum sýni
með skýrum hætti að hertar kröfur
Heilbrigðiseftirlits Reykjavíkur um
sýnatökur og frystingu hafi verið
réttmætar og raunhæfar.
Í bókun, sem nefndin samþykkti
samhljóða, segir: „Umhverfis- og
heilbrigðisnefnd Reykjavíkur lýsir
ánægju með þann árangur sem náðst
hefur gegn campylobacter-mengun í
ferskum kjúklingum og þeirri fækk-
un sýkinga í mönnum sem kemur
fram í skýrslu Heilbrigðiseftirlitsins
til nefndarinnar í dag.
Árangurinn sýnir með skýrum
hætti að þær hertu kröfur um sýna-
tökur og frystingu sem Heilbrigðis-
eftirlitið gerði og kjúklingabændur
unnu eftir í góðu samstarfi við heil-
brigðisyfirvöld voru réttmætar og
raunhæfar. Nefndin leggur á það
áherslu að Heilbrigðiseftirlitið fylgi
þessum árangri eftir á árinu 2001 og
haldi áfram að kanna með reglu-
bundnum hætti ástandið hvað varðar
campylobacter og salmonella í kjúk-
lingum á markaði og fylgist með að
farið sé að reglum um sýnatöku,
merkingar og rekjanleika kjúk-
linga.“
Campylobacter
Árangur
af hertum
reglum
IP STUDIUM ehf., eignarhalds-
félag Ingibjargar Pálmadóttur,
dóttur Pálma Jónssonar, hefur fest
kaup á Alþýðuhúsinu við Hverfis-
götu 8-10. Ekki hefur ennþá verið
ákveðið um framtíðarnotkun húss-
ins, en hótelrekstur er einn af þeim
möguleikum sem verið er að
kanna.
Þórður Þórðarson, lögfræðingur
IP Studium, segir að ljóst sé á
þessari stundu að veruleg breyting
verði á þeim rekstri sem er nú er í
húsinu, en þar eru nú skrifstofur
og tveir skemmtistaðir sem stað-
settir eru á jarðhæð, nektarstað-
urinn Club 7 og skemmtistaðurinn
Spotligt. Að sögn Þórðar verður
húsið allt tekið í gegn og vænt-
anlega hefjast þær framkvæmdir í
sumar.
Kaupverð hússins er trúnaðar-
mál, en húsið er um 2.000 fermetr-
ar og samkvæmt upplýsingum
Morgunblaðsins er ekki ólíklegt að
verðmæti hússins nemi um 200
milljónum króna.
IP Studium
kaupir
Alþýðuhúsið
♦ ♦ ♦
♦ ♦ ♦
FJÖLMENNUR borgarafundur var
haldinn í gærkvöldi í Stapanum í
Reykjanesbæ til að knýja á um að
framkvæmdum við tvöföldun
Reykjanesbrautar verði flýtt og
verkinu lokið árið 2004. Fundurinn
samþykkti ályktun þar sem skorað
var á stjórnvöld að taka tvöföldun
Reykjanesbrautar fyrir við endur-
skoðun vegaáætlunar og lögð var
áhersla á að leitað verði leiða til að
fjármagna verkið utan vegaáætlun-
ar. Á fundinum kom fram mikill vilji
þingmanna til að flýta framkvæmd-
um við tvöföldun Reykjanesbrautar,
eftir því sem kostur væri. Jafnframt
því var lögð áhersla á bætta umferð-
armenningu á Reykjanesbraut og
öðrum þjóðvegum landsins.
Frummælendur á fundinum voru
Sturla Böðvarsson samgönguráð-
herra, Árni Mathiesen sjávarútvegs-
ráðherra og 1. þingmaður Reykja-
neskjördæmis, Árni Johnsen
formaður samgöngunefndar, Árni
Ragnar Árnason og Kristján Pálsson
þingmenn Sjálfstæðisflokks, Hjálm-
ar Árnason þingmaður framsóknar-
manna og Sigríður Jóhannesdóttir
þingmaður Samfylkingar, auk Stein-
þórs Jónssonar sem er talsmaður
undirbúningshóps fundarins. Stein-
þór setti fundinn og sagðist vilja
ítreka að á fundinum væri verið að
ræða um vegarkaflann frá Reykja-
nesbæ til Hafnarfjarðar. „Við viljum
flýta framkvæmdum miðað við nú-
gildandi vegaáætlun og ljúka verkinu
á fjórum árum og eftir viðræður við
ráðherra, þingmenn, verktaka og
fleiri þá fullyrði ég hér strax í upp-
hafi að það er hægt, það er raunhæft
og það er skynsamlegt.“
Steinþór sagði að öllum væri saga
og fortíð brautarinnar ljós, þar sem
slysatíðni væri há og að baki slys-
unum byggi mikil sorg og sársauki
þeirra sem þurft hafi að horfa á eftir
foreldum sínum, börnum, systkinum
og öðrum ástvinum. „Það er minning
þeirra og kraftur sem í dag drífur
okkur áfram, það er mál að linni.“
Steinþór sagði jafnframt að allir
bæru jafna ábyrgð á því að koma í
veg fyrir slys og með því að draga úr
ökuhraða og sýna ítrustu gætni væri
hægt að draga verulega úr slysatíðni.
Fyrr í mánuðinum fór af stað und-
irskriftarsöfnun þar sem hvatt er til
þess að tvöföldun Reykjanesbrautar
verði flýtt og sagði Steinþór að í gær-
kvöldi hefðu þegar um 9 þúsund
manns skrifað sig á listann. Hinn 22.
janúar nk. mun undirbúningsnefnd
fundarins formlega afhenda sam-
gönguráðherra undirskriftirnar og
eiga þá jafnframt vinnufund með
ráðherra og yfirfara niðurstöðu
fundarins.
Sturla Böðvarsson samgönguráð-
herra sagði að nú væri í vinnslu und-
irbúningur við framkvæmdir við 24
kílómetra kafla við Reykjanesbraut
frá Hafnarfirði að Fitjum. Gert er
ráð fyrir að útboð geti farið fram á
næsta ári og að hægt verði að taka
ákvörðun um verklok þegar niður-
staða útboðs liggur fyrir. Áætlaður
heildarkostnaður við vegarfram-
kvæmdir frá mörkum Hafnarfjarðar
að Fitjum er 2,3 milljarðar og sagði
ráðherra að samkvæmt núgildandi
vegaáætlun vantaði 1,7 milljarða
króna til að ljúka við þennan kafla.
Samgönguráðherra sagði mikil-
vægt að efla umferðaröryggi og
gæslu á þjóðvegum, enda væri öku-
hraði talsvert yfir löglegum mörkum.
Hann sagði að nú væri verið að
ganga frá sérstökum samningi um
árangursstjórnun á milli Vegagerð-
arinnar, ríkislögreglustjóra og lög-
reglustjóra á svæðum sem ná yfir
Reykjanesbraut, Suðurlandsveg og
Vesturlandsveg. „Við ætlum okkur
að leggja sérstaka og aukna áherslu
á öryggismálin á þessum meginþjóð-
vegum landsins. Við þurfum að bæta
umferðarmenninguna og það er
verkefni dagsins. En framkvæmda-
hraði og verklok verða endanlega
ákveðin við endurskoðun á vega-
áætlun sem fer fram á næsta ári.“
Ráðherra lýsti því síðan yfir að
hann væri reiðubúinn að fara yfir
málið að nýju í þeim tilgangi að hraða
verkinu frá því sem vegaáætlun gerir
nú ráð fyrir.
Í máli þingmanna Reykjaneskjör-
dæmis kom fram mikill vilji til þess
að hraða framkvæmdum við Reykja-
nesbraut. Hjálmar Árnason sagði að
í áliti samgöngunefndar frá síðasta
vori væri búið að opna fyrir að hægt
væri að ná fram þeim markmiðum
sem fundurinn stefndi að. „Það er
verkefni sem þingmenn Reykjanes-
kjördæmis og ég hygg Sunnlendinga
einnig munu beita sér fyrir og er
mikil samstaða innan hópsins um að
við munum ná þeim árangri sem vilji
er til.“
Kristján Pálsson sagðist hafa
kannað hversu hratt mætti fara í
framkvæmdir við tvöföldun Reykja-
nesbrautar, ef nægir fjármunir væru
fyrir hendi. „Að mati forstjóra
stærstu verktakafyrirtækja lands-
ins, Íslenskra aðalverktaka og Ís-
taks, er tiltölulega auðvelt að ljúka
þessu verki frá Hafnarfirði til
Reykjanesbæjar á einu ári eða svo,
en þeir hafa leyft mér að hafa þetta
eftir sér opinberlega.“
Árni Johnsen, formaður sam-
göngunefndar, sagði að verkið yrði
unnið eins hratt og hægt væri og
sagðist taka undir ósk aðstandenda
fundarins um það markmið að verk-
lok geti orðið árið 2004. „Það er há-
leitt markmið og það er mæt ósk, þó
svo að menni kunni hugsanlega að
þurfa að bíða lengur.“
Að loknu erindi frummælenda
tóku þeir við fyrirspurnum úr saln-
um. Samgönguráðherra var m.a.
spurður að því hvort það væri eðlileg
forgangsröðun að ætla að ráðast í
gerð jarðganga, t.d. á milli Siglu-
fjarðar og Ólafsfjarðar, á meðan tvö-
földun Reykjanesbrautar sæti á hak-
anum. Sturla svarað því til að líta
yrði á vegaframkvæmdir á landinu
sem eina heild. Ekki mætti heldur
gleyma því að landsbyggðarþing-
menn hefðu átt þátt í því að tryggja
þann árangur sem þegar hefði náðst
varðandi tvöföldun Reykjanesbraut-
ar.
Munum reyna eins vel
og við mögulega getum
Sú fyrirspurn kom fram hvort láta
ætti einkafyrirtækjum eftir alla
framkvæmdina en frummælendur
töldu slíkt ekki góða lausn, a.m.k.
ekki úr þessu. Greinilegt var að flest-
ir fundarmenn töldu brýnt að hraða
framkvæmdum. Fyrirspyrjendur
töldu sumir að aðeins þyrfti að
tryggja nægt fjármagn og þá yrði
hægt að ljúka framkvæmdum árið
2004.
Aðspurður sagðist Helgi Hall-
grímsson vegamálastjóri telja það
mögulegt að flýta tvöföldun Reykja-
nesbrautar miðað við árið 2006, eins
og nú er áætlað. „Framkvæmdalega
séð væri hægt að flýta henni um eitt
ár með þokkalegu móti. Ennþá eru
þó lausir endar í þessu,“ sagði Helgi.
Árni Ragnar Árnason sagðist hafa
svör verkfræðinga, meðal annars hjá
Vegagerðinni, um að raunhæft væri
að flýta verkinu, án þess að ýta öðr-
um verkum út sem fyrir eru, og ljúka
því fyrir árslok 2004.
Sigríður Jóhannesdóttir benti á að
tvöföldun Reykjanesbrautarinnar
væri ekki einu vegaframkvæmdirnar
sem lægju fyrir í landinu. „Ég mun
berjast fyrir því eins og ég get að
fjármagn verði veitt til verksins. Ég
mun líka styðja það ef unnt er að
flýta því. En ég vil ekki gefa neinar
falsvonir,“ sagði Sigríður.
Hjálmar Árnason taldi tæknilega
unnt að flýta verkinu. „Þó þarf ekki
annað en einn kverúlant til þess að
kæra t.d. umhverfismatið og nóg er
af slíkum til,“ sagði Hjálmar, en þá
myndi verkið tefjast.
Árni Mathiesen flutti lokaorðin og
sagði það fullan vilja allra þing-
manna kjördæmisins að flýta fram-
kvæmdum eins og mögulegt væri. „Í
dag getum við engu lofað um þetta en
við getum hinsvegar lofað ykkur því
að við munum reyna eins vel og við
mögulega getum,“ sagði Árni.
Fjölmennur borgarafundur í Reykjanesbæ um tvöföldun Reykjanesbrautar
Morgunblaðið/Þorkell
Fundarmönnum gafst kostur á að spyrja þingmenn, ráðherra og vegamálastjóra. F.v. eru Árni Johnsen, Árni Ragnar Árnason, Sigríður Jóhann-
esdóttir, Hjálmar Árnason, Kristján Pálsson, Árni Mathiesen, Sturla Böðvarsson, Helgi Hallgrímsson og Steinþór Jónsson.
Skorað á stjórnvöld að ljúka
framkvæmdum árið 2004
Morgunblaðið/Þorkell
Fyrir utan Stapann hafði verið kveikt á kertum til að minnast þeirra
fjölmörgu sem látist hafa í umferðarslysum á Reykjanesbraut.
Morgunblaðið/Þorkell
Hvert sæti var skipað í Stapanum og fundarmenn tóku vel undir með
lófataki þegar þeim líkaði fyrirspurnir eða mál framsögumanna.