Morgunblaðið - 11.04.2001, Qupperneq 1

85. TBL. 89. ÁRG. MIÐVIKUDAGUR 11. APRÍL 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 11. APRÍL 2001
DAVÍÐ Oddsson forsætisráðherra
átti í gær viðræður í Brussel við
Romano Prodi, forseta fram-
kvæmdastjórnar Evrópusambands-
ins (ESB), og Javier Solana, æðsta
talsmann ESB í utanríkis- og varn-
armálum. Hér ávarpar Prodi blaða-
mannafund eftir fund þeirra Dav-
íðs, sem fylgist einbeittur með
orðum hans. Sagði Prodi að engin
ágreiningsmál hefðu komið upp í
viðræðum þeirra. Væru þeir sam-
mála um að EES-samstarfið gengi
vel og sömu sögu væri að segja af
Schengen-samstarfinu.
Solana tjáði blaðamönnum að
hann hefði á fundi sínum með Davíð
lagt áherzlu á samvinnu ESB og
NATO í öryggismálum. Fyrirætl-
anir ESB um að styrkja varn-
arhlutverk sitt breyttu engu um
sameiginlegt markmið beggja
stofnana; að tryggja stöðugleika og
frið í okkar heimshluta. Davíð sagði
íslenzk stjórnvöld hafa góðan skiln-
ing á öryggismálastefnu ESB, en
hún mætti ekki verða til að veikja
varnargetu NATO.
Morgunblaðið/RAX
Engin ágreiningsefni

Prodi segir/4
ÍSRAELSHER skaut flugskeytum á
tvær palestínskar lögreglustöðvar á
Gaza-svæðinu í gær, í hefndarskyni
fyrir sprengjur sem varpað var á
landnemabyggðir gyðinga. Einn
maður lét lífið í flugskeytaárásinni og
17 særðust.
Ísraelski herinn hefur hingað til
tíðkað að gera slíkar hefndarárásir að
nóttu til, þegar byggingarnar, sem
valin hafa verið sem skotmörk, eru al-
mennt mannlausar, en árásin í gær
var gerð um hábjartan dag. Sagði
talsmaður hersins að hún hefði verið
svar við sprengjum sem að undan-
förnu hefur verið varpað frá palest-
ínsku sjálfstjórnarsvæði inn í gyð-
ingabyggðir, aðallega á Gaza.
Kalla eftir alþjóðlegri íhlutun
Að minnsta kosti tveimur sprengj-
um var varpað úr sprengjuvörpu á
gyðingabyggð á Gaza í gær. Enginn
meiddist af völdum þeirra.
Ariel Sharon, forsætisráðherra
Ísraels, lýsti því yfir að Ísraelar
myndu óhikað halda áfram að beita
öllum ráðum til að stöðva sprengju-
varp Palestínumanna, en Tayeb Abd-
el-Rahim, aðstoðarmaður Yassers
Arafats Palestínuleiðtoga, kallaði eft-
ir alþjóðlegri íhlutun til verndar Pal-
estínumönnum. „Við hvetjum al-
þjóðasamfélagið til að sjá þjóð vorri
tafarlaust fyrir vernd,“ sagði hann.
Þessir atburðir gærdagsins, í sjö-
unda mánuðinum frá því nýjasta
átakabylgjan hófst, juku enn bilið
sem nú er milli Sharons og Arafats og
dró úr vonum Bandaríkjamanna um
að takast mætti að fá fulltrúa þeirra
til að setjast niður og semja a.m.k.
um öryggismál.
Abdel Razek al-Majaydeh undir-
hershöfðingi, yfirmaður öryggis-
sveita palestínsku sjálfstjórnaryfir-
valdanna á Gaza-svæðinu, sagði að
„stríðsástand“ væri í uppsiglingu.
„Þessi Ísraelsstjórn vill ekki frið,“
sagði Saeb Erekat, sem sæti átti í síð-
ustu friðarsamninganefnd Palestínu-
manna.
Ísraelsher herðir enn hefndaraðgerðir vegna árása á landnemabyggðir
Flugskeytum skotið á pal-
estínskar lögreglustöðvar
Sudania. Reuters.
UNGUR „netsjúkur“ Ísraeli
hefur nú gengið lengra í dell-
unni en nokkur annar með því
að fá vefslóð heimasíðu sinnar
skráða sem sitt eiginlega nafn.
Samkvæmt frásögn ísraelska
dagblaðsins Maariv fékk mað-
urinn, 25 ára gamall starfsmað-
ur hátæknifyrirtækis, nafni sínu
breytt úr Tomer Krrissi í tom-
er.com. Vonast hann til þess að
fá tiltækið skráð í Heimsmeta-
bók Guinness.
Í fyrstu mun ísraelska innan-
ríkisráðuneytið hafa hafnað
beiðni hans, á þeirri forsendu að
punktur gæti ekki verið hluti af
mannsnafni. En þá lagðist .com
og lögfróður vinur hans yfir
nafnalögin og þeir fundu út, að
þar stæði ekkert sem bannaði
slíkt. Var því orðið við beiðni
hans í annarri atrennu.
„Ég er viss um að aðrir munu
vilja leika þetta eftir, fólk út um
allan heim,“ hefur blaðið eftir
.com. „Fólk sem ekki notar Net-
ið heldur að ég sé bara eitthvað
að gantast, en Netið breytti lífi
mínu. Það opnaði huga minn.“
Fyrsti
„herra
.com“
Jerúsalem. AP.
GEORGE W. Bush Bandaríkjafor-
seti segir að hann geri allt sem í hans
valdi standi til að finna lausn á deil-
unum við Kín-
verja vegna
njósnavélarinnar
sem varð að nauð-
lenda á eynni
Hainan eftir
árekstur við kín-
verska herþotu.
Hins vegar væri
um „þrátefli“ að
ræða og nokkurn
tíma gæti tekið að
finna lausn sem báðir aðilar sættu
sig við.
„Viðræður milli fulltrúa ríkja taka
stundum lengri tíma en fólk vildi
helst kjósa,“ sagði forsetinn. Skoð-
anakönnun í Bandaríkjunum gefur
til kynna að rúmur helmingur
Bandaríkjamanna telji að 24 manna
áhöfn njósnavélarinnar, sem enn er í
haldi í Kína, sé í gíslingu.
Sendiherra Bandaríkjanna í Pek-
ing, Joseph Prueher, átti enga fundi
með kínverskum fulltrúum í gær en
talsmaður utanríkisráðuneytisins í
Washington sagði að Prueher væri
reiðubúinn að eiga slíkan fund „hve-
nær sem er“. Embættismenn í Hvíta
húsinu sögðu að ræðst væri við á öðr-
um vettvangi og reynt eftir mætti að
þræða gullinn meðalveg milli þess
annars vegar að brynja sig þolin-
mæði og hins vegar hættunnar á að
samskipti þjóðanna biðu óbætanlegt
tjón ef lausn drægist úr hófi.
Tíu dagar eru síðan áreksturinn
varð og flugmaður kínversku F-8-
þotunnar er talinn af. Bandaríkja-
menn segja að flugvél þeirra, njósna-
vél af gerðinni EP-3, hafi verið yfir
alþjóðlegu hafsvæði á Suður-Kína-
hafi og kínverski flugmaðurinn hafi
skyndilega sveigt fyrir vélina er hafi
verið á sjálfstýringu. Kínverska
stjórnin krefst þess að Bush biðji
hana afsökunar vegna atburðarins.
Bush forseti um flugvéladeilu við Kína
Lausn á þrá-
teflinu kann
að dragast
Washington. Reuters.
George W.
Bush
EFRI deild hollenzka þingsins samþykkti í gær
lög sem heimila líknardráp að uppfylltum
ströngum skilyrðum. Er Holland þar með fyrsta
landið í heiminum þar sem löglegt verður að
fremja líknardráp. Andstæðingar laganna fjöl-
menntu fyrir utan þinghúsið í Haag til að mót-
mæla hinni nýju löggjöf sem þó nýtur stuðnings
yfirgnæfandi meirihluta almennings í landinu.
Samkvæmt niðurstöðum nýlegrar skoðanakönn-
unar eru 86% Hollendinga fylgjandi þessari
lagabreytingu.
Atkvæðagreiðslan í efri deildinni, sem var síð-
asti áfangi þinglegrar afgreiðslu laganna, fór
þannig að 46 þingmenn studdu þau og 28 sögðu
nei. Einn hinna 75 meðlima deildarinnar var
fjarstaddur. Gengið var fyrirfram út frá sam-
þykki efri deildarinnar sem vísu enda hafði neðri
deildin samþykkt lögin með yfirgnæfandi meiri-
hluta í nóvember síðastliðnum.
Lögin taka gildi um leið og Beatrix Hollands-
drottning hefur undirritað þau og endanleg út-
færsla þeirra hefur verið birt í hollenzka lögbirt-
ingablaðinu. Þetta ferli tekur um hálfan mánuð.
Reyndar er það svo að þegjandi samkomulag
hefur verið um það meðal hollenzkra lækna síð-
astliðna áratugi að við ákveðnar aðstæður væri
þeim heimilt að binda enda á líf dauðvona sjúk-
linga. Margir stuðningsmenn líknardrápslag-
anna segja að allir viti að líknardráp séu í raun
stunduð í mörgum löndum og betra sé fyrir alla
að slíkt sé bundið í lög en að láta það viðgangast
utan allra lagareglna.
Lög um líknardráp samþykkt
Reuters
„Lífið er í hendi guðs“ stendur á spjaldi mót-
mælenda fyrir utan þinghúsið í Haag í gær.
Haag. Reuters.