Morgunblaðið - 12.05.2001, Blaðsíða 7
MORGUNBLAÐIÐ LAUGARDAGUR 12. MAÍ 2001 C 7
A m e r í s k i r s v e f n s ó f a r
MARGIR garðeigendur geta eflaust
tekið undir með þeim sem telja bar-
áttuna við að losna við mosa í gras-
flötum einn erfiðustu og leiðinleg-
ustu glímuna við óvelkomna gesti í
garðinn. Það er oft mikið þolinmæð-
isverk að vinna bug á mosanum, en
með því að sýna þraustseigju og taka
málin réttum tökum má oftast losna
við vágestinn, sem svo sannarlega
getur dregið úr fegurð grasflatarinn-
ar.
Mikill mosi er í görðum er öruggt
merki um að grasið vantar næringu
og líður skort, enda nær mosinn sér
vel á strik í litlum grasvexti. Mosinn
er síðan harðger og lætur hvergi
undan síga nái hann fótfestu í garð-
inum. Til þess að bregðast við er
fyrst og fremst nauðsynlegt að bæta
innihald næringarefna í moldinni og
sjá til þess að það haldist þegar mos-
inn er á bak og burt. Ekki má heldur
slá grasið of snöggt á meðan verið er
að losna við mosann, heldur er ráð-
legra að leyfa því að spretta heldur
meira en venjulega og gefa því áburð.
Með því að slá grasið of snöggt ná
grasplönturnar ekki kröftugum vexti
með kröftugu rótakerfi og því er ráð-
legt að stilla sláttuvélina á efstu still-
ingu. Þar sem mosinn er ekki mikill
nýtist þessi aðferð ágætlega, ásamt
áburðargjöf, en þetta er fremur hæg-
virk aðferð og sein að skila sér.
Gott er að nota blákorn og gras-
korn til skiptis og blákorn í fyrsta
skiptið. Það inniheldur meiri fósfór
sem styrkir rótarkerfið. Rétt er að
dreifa jafnt yfir þurra grasflötina en
þetta þarf að gera 2-3 sinnum með
um það bil fjögurra vikna millibili.
Mjög gott er einnig að nota lífrænan
áburð og má nota hvaða húsdýra-
áburð sem er.
Í baráttunni við mosann má einnig
beita þeirri aðferð að raka mosann í
burtu. Þá þarf að fara varlega við að
raka mosanum saman og heppilegast
er að nota hrífu með löngum tönnum.
Fyrst er þá rakað eftir endilöngum
mosavöxnum fleti og síðan aftur
þvert á fyrri stefnu með léttum
hreyfingum til að hlífa grasrótunum.
Það sem gerir þetta mögulegt er að
rætur mosans eru mun ofar í jarð-
veginum en rætur grassins og losna
því fyrr við raksturinn.
Kröftugur grasvöxtur besta ráðið
Að loknum rakstri má sópa yfir
flötina með hæfilega mjúkum strák-
ústi til að fjarlæga sem mest af mos-
anum. Ef stórar skellur myndast í
grasbreiðunni þarf að sá í sárin og
mikilvægt er að gefa grasinu áburð á
eftir. Þá er hægt að kaupa tilbúnar
efnablöndur til að eyða mosanum og
Áburðarverksmiðjan framleiðir t.d.
blöndu sem inniheldur járnsúlfat og
ammoníumsúlfat. Blandan er leyst
upp í vatni og grasið vökvað með
blöndunni, sem drepur mosan fljót-
lega og blettir myndast þar sem mos-
inn var. Annar kostur er innflutt
blanda sem inniheldur kalíumsölt af
fitusýrum en hana er hægt að kaupa í
litlum úðabrúsum og í sterkari upp-
lausn sem þynnt er út með vatni.
Þetta efni virkar á einni til fjórum
vikum. Best er að dreifa vandlega yf-
ir flötina snemma morguns þegar
mosinn er gegnblautur af dögg og út-
lit er fyrir sólríkan dag. Þegar mos-
inn er sviðinn burt og þornaður má
raka honum saman og sá í sárin.
Við undirbúning nýrra grasflata
má fyrirbyggja mosavöxt með því að
búa vel í haginn fyrir grasið frá upp-
hafi, en umfram allt skal haft í huga
að kröftugur grasvöxtur er eina
örugga ráðið gegn mosa.
Morgunblaðið/Árni Sæberg
Kröftugur grasvöxtur er forsenda þess að mosinn nái ekki að skjóta rótum í
garðinum. Greinilegt er að mosinn hefur ekki haft erindi sem erfiði í þessum
fallega ræktaða garði við Tjarnarflöt í Garðabæ.
Baráttan við
mosann í
grasflötinni