Morgunblaðið - 05.12.2001, Síða 6

FRÉTTIR
6 MIÐVIKUDAGUR 5. DESEMBER 2001 MORGUNBLAÐIÐ
RÍKISSTJÓRNIN samþykkti í gær að óska eftir að Þing-
vellir og Skaftafell verði tilgreind á heimsminjaskrá Menn-
ingarmálastofnunar Sameinuðu þjóðanna (UNESCO) en
sex ár eru liðin frá því að Íslendingar gerðust aðilar að
samningi stofnunarinnar um verndun menningar- og nátt-
úruarfleifðar heimsins.
Í minnisblaði Björns Bjarnasonar menntamálaráðherra
og Sivjar Friðleifsdóttur umhverfisráðherra, sem lagt var
fram á ríkisstjórnarfundi í gær, segir að staðir á heims-
minjaskránni séu alþjóðlega viðurkennd verndarsvæði og
sem slíkir dragi þeir gjarnan að sér ferðamenn. Þannig
aukist mikilvægi þeirra í þjóðhagslegu tilliti. Afmörkun
slíkra staða verði að vera skýr og full sátt þurfi að ríkja um
verndun þeirra, umsjón og rekstrarfyrirkomulag.
Sótt er um til Nefndar um arfleifð þjóðanna (World Her-
itage Committee). Kemur fram í minnisblaðinu að áður en
umsókn er gerð um þá staði, sem óskað er eftir að verði
færðir á heimsminjaskrá, þurfi að leggja fram yfirlitsdrög
yfir staði sem aðildarríki UNESCO telja til mikilvægra
menningar- og náttúruarfleifða. Samþykkti ríkisstjórnin í
gær að auk Þingvalla og Skaftafells yrðu Breiðafjörður,
Núpsstaður, Keldur, Gásir, Reykholt, Víðimýri í Skaga-
firði, Surtsey, Mývatn, Herðubreiðarlindir og Askja á yf-
irlitsdrögunum.
Umsóknum þarf að skila fyrir 1. febrúar ár hvert. Segir í
minnisblaðinu að umsóknin þurfi að vera mjög ítarleg og
hún sé kostnaðarsöm þar sem henni þurfi að fylgja um-
fangsmiklar upplýsingar. Er gert ráð fyrir að unnin verði
fjárhagsáætlun vegna umsóknarinnar sem yrði kynnt í
tengslum við fjárlagagerð 2003.
Þingvellir og
Skaftafell á
heimsminjaskrá
Morgunblaðið/Golli
Þingvellir er annar tveggja staða sem ríkisstjórnin
hyggst óska eftir að settir verði á heimsminjaskrá.
LÍKLEGT er talið að skyndilegt
haglél hafi verið ráðandi þáttur
þegar Metro-flugvél Flugfélags Ís-
lands hlekktist á í lendingu á
Hornafirði á sunnudag. Þegar flug-
vélin kom inn til lendingar brast á
él sem virðist hafa leitt til þess að
vélin lenti með vinstra hjól um 7
metrum frá miðlínu og rann síðan
til þegar flugmaðurinn hemlaði og
reyndi að ná jafnvægi á brautinni.
Haukur Hauksson, varaflug-
málastjóri, segir að notuð séu
ákveðin mælitæki til að kanna
hálku á flugbrautum og sambæri-
legir mælar og sú sem var á
Hornafirði hafi verið notaðir ára-
tugum saman hér á landi. Hálku-
mæling fer þannig fram að bíl er
ekið eftir brautinni með mælitæki
og síðan er hemlað til að kanna við-
námið. Mælingin á brautinni á
Hornafirði á sunnudag fyrir lend-
ingu Metro-vélarinnar sýndi að
hálkuskilyrði voru á milli þess að
teljast sæmileg og góð á brautinni,
en voru heldur lakari eftir lend-
ingu. Að sögn Hauks var hálku-
mælirinn á Hornafirði fluttur til
Reykjavíkur og borinn saman við
öflugra og nákvæmara mælitæki af
annarri gerð sem notað er á
Reykjavíkurflugvelli. „Og þeim bar
nokkurn veginn alveg saman,“ seg-
ir Haukur.
Hann segir að flugbrautin á
Hornafirði hafi bæði verið rudd og
sópuð út að ljósalínu brautarinnar
og síðan borinn á hana sandur,
samkvæmt því sem venja er við slík
skilyrði. Hins vegar sé oft erfitt,
þegar snjór og ísing eru til staðar,
að koma alveg í veg fyrir hálku-
bletti.
Vélin lenti tveimur metrum
frá austurjaðri klæðningar
Samkvæmt mælingum á hjólför-
um eftir lendinguna lenti vélin 7,1
metra með vinstra hjól austan við
miðlínu brautarinnar, þannig að
hægra hjólið lenti um 2 metrum frá
austurjaðri klæðningarinnar, en
hún er um 30 metra breið. Haukur
segir að ýmsar skýringar hafi kom-
ið upp varðandi orsakir þess að vél-
in rann til en élið sem skall á í að-
fluginu sé væntanlega ráðandi
þáttur í þeirri atburðarás og þá
hafi sest snjófilma ofan á brautina.
„Og síðan var bremsumælt aftur
eftir lendinguna og sú mæling
sýndi nokkuð lakari skilyrði og
voru þegar mælt var fyrir lend-
ingu. Þannig að élið sem slíkt og
hugsanlega einhver vindsveipur
með því í lendingunni getur hafa
haft einhver áhrif þarna,“ segir
Haukur.
Að sögn Hauks er mjög svipaður
búnaður notaður til hreinsunar og
hálkumælinga á flugvöllum hér-
lendis, þar sem er reglubundið
áætlunarflug. Þá er markvisst unn-
ið að því að endurnýja snjóruðn-
ingstækin og ákveðið hafi verið fyr-
ir nokkru að endurnýja snjóplóginn
á flugvellinum á Hornafirði. Hann
segir hins vegar að snjóruðnings-
tækið á Hornafirði hafi ekki skipt
sköpum í þessu tilviki.
Haukur segir að óhappið á flug-
vellinum á Hornafirði sé nú til
rannsóknar hjá Rannsóknarnefnd
flugslysa. Nefndin þurfi að fara yfir
öll gögn í málinu og leggja fram
sitt mat á orsökum óhappsins.
Óhappið á flugbrautinni á Hornafirði
Skilyrði versn-
uðu skyndilega
vegna hagléls
PÉTUR Kjartansson, formaður kjör-
nefndar Sjálfstæðisflokksins á Sel-
tjarnarnesi, segir mikilvægt að byrja
með rafrænar kosningar í sveitar-
stjórnarkosningum á næsta ári, þar
sem öryggið sé meira en í kosningum
með hefðbundnum hætti auk þess
sem miklir peningar séu í húfi hjá ís-
lenskum hugbúnaðarfyrirtækjum.
Í prófkjöri sjálfstæðismanna á Sel-
tjarnarnesi fyrir skömmu kusu 1.622
manns, þar af 1.085 rafrænt. Pétur
segir að hjá þeim sem kusu rafrænt
hafi enginn seðill verið ógildur en 55
af 537 hjá þeim sem kusu handvirkt.
Hann segir að mjög mikið öryggi sé í
rafrænni kosningu, kjörskráin sé
mun öruggari en með gamla laginu og
algjör leynd hvíli yfir kosningu hvers
og eins. Þessi kosning á Seltjarnar-
nesi hafi gengið betur fyrir sig en áð-
ur og almenn ánægja hafi verið með
rafrænar kosningar varðandi
Reykjavíkurflugvöll og kosningu í
miðstjórn Alþýðusambandsins.
Á 34. landsfundi Sjálfstæðisflokks-
ins, sem fór fram ekki alls fyrir löngu,
var m.a. samþykkt tillaga, sem ekki
kom frá nefnd heldur einstaklingi á
síðasta degi þingsins, þess efnis að
landsfundurinn lýsti sig andsnúinn
hugmyndum um að hætta að nota
kjörseðla við almennar alþingis- og
sveitarstjórnarkosningar. „Fundur-
inn telur að framkvæmd kosninga á
Íslandi sé nær hnökralaus og engin
rök séu til þess að breyta þeirri að-
ferð við kosningar, sem hingað til hef-
ur verið notuð. Þvert á móti hafi hún
sýnt sig að vera örugg, fljótvirk,
traust og auðveld í framkvæmd, bæði
fyrir kjörstjórnir og ekki síst kjós-
endur,“ segir í ályktuninni. Einn við-
mælandi Morgunblaðsins segir að
þetta sé dæmi um hvernig „vitlausar“
tillögur nái fram að ganga. Annar
bendir á að kertin hafi gagnast vel
þar til ljósaperurnar hafi komið á
markað og það þýði ekki að berjast
gegn þróuninni auk þess sem miklir
fjármunir séu í húfi. Sjálfstæðismenn
virðast því ekki taka þessa ályktun al-
varlega en „við sitjum uppi með vit-
leysuna“, eins og einn viðmælandi
orðaði það.
Pétur Kjartansson segir að sjálf-
stæðisfélögin í Hafnarfirði, Kópavogi
og Garðabæ hafi skoðað hvernig raf-
ræna kosningin hafi gengið fyrir sig á
Seltjarnarnesi með það í huga að
beita sömu aðferð í prófkjörum sín-
um. Íslensku hugbúnaðarfyrirtækin
EJS og Skýrr hafi hannað kerfi sem
sé síðan mikilvægt að láta reyna á í
bæjarstjórnarkosningunum, ekki að-
eins vegna þess að það sé öruggara og
fljótvirkara en ríkjandi fyrirkomulag
heldur vegna þess að hafi kerfið sann-
að sig á heimamarkaði sé auðveldara
að selja það til útlanda.
Mikilvægt að hefja
rafrænar kosningar
Gengu vel fyrir
sig í prófkjöri
sjálfstæðismanna
á Seltjarnarnesi
LOFTLOKI í vél Dettifoss, flutn-
ingaskips Eimskips, bilaði undan
Gróttu á Seltjarnarnesi snemma í
gærmorgun og var skipið stöðvað
vegna þessa. Koppalogn var undan
Gróttu og því engin hætta á ferð-
um. Haukur Már Stefánsson, for-
stöðumaður skiparekstrardeildar
Eimskips, sagði að þar sem ljóst var
að viðgerð yrði tímafrek hefði verið
ákveðið að kalla út hafnsögubáta til
að draga Dettifoss að bryggju í
Sundahöfn enda var skipið innan
hafnarsvæðisins þegar vélin bilaði.
Haukur sagði að áætlun skipsins
myndi ekki raskast vegna bilunar-
innar. Aðspurður sagði hann að
hefði veður verið verra hefði verið
hægt að sigla skipinu fyrir eigin
vélarafli.
Að sögn Lúðvík Lúðvíkssonar,
yfirhafnsögumanns gekk hafn-
sögubátunum Magna og Jötni ljóm-
andi vel að draga Dettifoss sem er
14.664 brúttótonn og stærsta skip
íslenska flotans. Skipið lagðist að
bryggju við Kleppsbakka á níunda
tímanum.
Dettifoss dreginn til hafnar
Morgunblaðið/Golli