Morgunblaðið - 26.03.2002, Blaðsíða 6

FRÉTTIR
6 ÞRIÐJUDAGUR 26. MARS 2002 MORGUNBLAÐIÐ
JÓHANNA Álfheiður
Steingrímsdóttir frá
Árnesi lést aðfaranótt
mánudagsins 25. mars á
heimili dóttur sinnar í
Reykjavík.
Jóhanna Álfheiður
fæddist 20. ágúst árið
1920. Hún var dóttir
hjónanna Steingríms
Baldvinssonar, skálds
og bónda í Nesi, og Sig-
ríðar Pétursdóttur. Jó-
hanna var gift Hermóði
Guðmundssyni og
reistu þau stórbýlið Ár-
nes í Aðaldal, þar sem
þau byggðu síðar og ráku veiðiheim-
ili. Þau hjón unnu bæði ötullega að
félagsmálum og stóðu í fylkingar-
brjósti fyrir verndun Laxár í svokall-
aðri Laxárdeilu. Meðan Hermóður
var fréttaritari Morgunblaðsins tók
Jóhanna ýmsar athyglisverðar ljós-
myndir sem fylgdu fréttum hans og
seinna skrifaði hún í nokkur ár fasta
pistla í blaðið sem nefndust Lífið á
landsbyggðinni.
Jóhanna var um árabil formaður
Kvenfélags Nessóknar og Kven-
félagasambands Suður-Þingeyinga
og stóð fyrir stofnun kvennakórsins
Lissýjar. Hún stjórnaði öflugu starfi
kirkjukórs Nessóknar í fjölda ára og
var einnig safnaðar-
fulltrúi. Jóhanna stofn-
aði vísnafélagið Kveð-
anda ásamt fleiri
hagyrðingum í Suður-
Þingeyjarsýslu, var
fyrsti formaður og í
stjórn til dánardæg-
urs. Hún var meðlimur
í Rithöfundasambandi
Íslands og Alþjóðarit-
höfundasambandinu,
en hún sendi frá sér 14
bækur bæði fyrir börn
og fullorðna, auk þess
ritstýrði hún nokkrum
bókum og tók virkan
þátt í útgáfu bókanna Byggðir og bú,
byggðarsögu Suður-Þingeyjarsýslu,
ekki síst fyrri bókarinnar. Hún var
góður hagyrðingur, vinsæll ræðu-
maður og leiðsögumaður um heima-
hérað sitt og vann auk þess mörg ár
sem þáttagerðamaður hjá Ríkisút-
varpinu, þar sem hún miðlaði marg-
víslegum fróðleik, má þar nefna hina
vinsælu þætti Á bökkum Laxár sem
seinna birtust í bók.
Jóhanna og Hermóður eignuðust
fjögur börn, Völund Þorstein, Sigríði
Ragnhildi, Hildi og Hilmar, sem er
látinn.
Morgunblaðið sendir aðstandend-
um Jóhönnu samúðaróskir.
Andlát
JÓHANNA Á.
STEINGRÍMSDÓTTIR
STÚLKA sem var að kemba hesti
sínum varð vör við reykjarlykt frá
spónargeymslu í hesthúsi í Víðidal
á laugardagskvöld. Stúlkan kallaði
þegar til slökkvilið og með aðstoð
hleypti hún 75 hestum út úr tveim-
ur sambyggðum hesthúsum og
sluppu þeir allir óskaddaðir.
Talið er öruggt að kviknað hafi í
út frá svokölluðum ljósahundi.
Hafði eldurinn sviðið dyraumbúnað
og voru neistar komnir í spænina í
geymslunni.
Hestar eru afar viðkvæmir fyrir
reyk og því hefði eldurinn ekki
þurft að magnast mikið upp til að
þeir yrðu í bráðri lífshættu. Verður
að teljast lán í óláni að stúlkan var
stödd í hesthúsinu. Þannig vildi til
að sjúkrabíll frá slökkviliði höfuð-
borgarsvæðisins var skammt undan
þegar tilkynnt var um eldinn og var
hann fljótur á staðinn. Einn í áhöfn
bílsins er vanur hestamaður og
kom sú kunnátta í góðar þarfir þeg-
ar hestunum var hleypt út.
75 hestar í hættu
vegna elds í geymslu
Morgunblaðið/Júlíus
Rannsóknarmaður lögreglunnar í Reykjavík rannsakar eldsupptök.
Sagði hann ferðaþjónustuna hafa
vaxið hratt á undanförnum árum og
nú væri hún annar stærsti atvinnu-
vegur þjóðarinnar. „Við höfum verið
að gæla við þá hugmynd að ferða-
menn gætu orðið ein milljón eftir 15–
20 ár.“ Sagði Jón Karl að miðað við
sömu dreifingu ferðamanna yfir árið
og er í dag þá gæti komið til þess að
við þyrftum að taka á móti um 200
þúsund ferðamönnum á mánuði yfir
sumarmánuðina í framtíðinni sem
myndi hafa gríðarlegt álag á sam-
göngukerfið í för með sér.
Sagði hann þrjár leiðir helstar til
að flytja þessa ferðamenn milli staða
þ.e. innanlandsflug, hópferðabíla og
bílaleigubíla. Kom fram í máli hans
að ferðamenn ferðast miklu meira á
eigin vegum en áður og ferðatíminn
er að styttast. „Við verðum því að
reikna með því að ferðamenn færi
sig í auknum mæli í hraðari flutninga
sem eru þá bílaleigur og innanlands-
flug,“ sagði hann.
Hvað varðar bílaleigubíla sagði
Jón Karl að miðað við fjölda bíla-
leigubíla yfir sumarmánuðina í dag
mætti búast við að mánaðarlegur
akstur ferðamanna yrði um 56 millj-
ónir kílómetra eða um 7.000 hringir í
kringum landið, þegar þeir væru
orðnir milljón talsins. Benti hann á
að gestir okkar væru vanari þróaðra
vegakerfi en hér er og gagnrýndi að
vegir væru lagðir með þeim hætti að
bílar væru látnir aka niður bundið
slitlag á sumrin. „Langflest slys bíla-
leigubíla eiga sér stað þegar menn
aka af venjulegu malbiki á lausan
steinaveg sem á að keyra niður á ein-
hverjum tíma,“ sagði hann.
Að sögn Jóns Karls hefur gífur-
legt tap orðið í innanlandsfluginu á
undanförnum árum. „1,7 milljarðar
töpuðust samanlagt hjá öllum flug-
félögunum á síðustu fjórum árum,“
sagði hann. „Niðurstaðan okkar er
sú að það verður ekkert flogið nema
til þriggja eða fjögurra staða eftir
ákveðinn tíma. Vitleysan í þessu öllu
er sú að það hefur verið stöðugur
vöxtur í farþegaflugi innanlands.“
Sagði hann ljóst að ef niðurstaðan í
flugvallarmálinu yrði sú að Reykja-
víkurflugvöllur fari úr Vatnsmýrinni
muni innanlandsflugið leggjast niður
í núverandi mynd. „Því er mjög
brýnt að tekin verði ákvörðun um
framtíðina þar svo að hægt verði að
stefna að byggingu samgöngumið-
stöðvar við völlinn, eða að ákveðið
verði að flytja hann í burtu svo að
menn geti farið að vinna í því að
finna einhvern annan grundvöll fyrir
flugið.“
Tap í innanlandsflugi 1,7 millj-
arðar á síðustu fjórum árum
FLUGFÉLÖG í innanlandsflugi hafa tapað 1,7 milljörðum króna á síðustu
fjórum árum. Þetta kom fram í máli Jóns Karls Helgasonar, formanns sam-
göngumálanefndar Samtaka ferðaþjónustunnar, á málþingi um samgöngu-
áætlun 2003–2014 sem haldið var á Hótel Loftleiðum í gær. Sagði hann útlit
fyrir að ekki yrði flogið nema til þriggja eða fjögurra staða innanlands í fram-
tíðinni yrði ekkert að gert. Í upphafi erindis síns sagði Jón Karl samgöngu-
áætlunina gífurlega jákvæða að því leyti að í henni væri leitast við að skoða
samgöngur í heild sinni en þær væru grunnþáttur ferðaþjónustunnar á Ís-
landi. „Við getum ekki selt náttúruna nema fólk hafi tök á því að komast á
þessa staði sem við erum að sýna þannig að það er algerlega nauðsynlegt fyr-
ir ferðaþjónustuna að samgöngur séu í góðu lagi.“
ELDRI hjón sluppu með minnihátt-
ar meiðsli þegar bifreið þeirra fór
tvær veltur fyrir utan veg á Holta-
vörðuheiði í gær. Mikil hálka var á
veginum og missti ökumaður stjórn
á bifreið sinni með þessum afleiðing-
um.
Á meðan lögreglan á Hólmavík
var á slysstað fóru tveir bílar til við-
bótar út af veginum en þeir ultu þó
ekki. Að sögn lögreglu er alltof al-
gengt að ökumenn miði aksturs-
hraða ekki við aðstæður. Flughált
hafi verið á heiðinni í gær en þrátt
fyrir það mældust tveir bílar á yfir
100 km hraða á klukkustund. Þetta
segir lögreglan að sé alltof mikill
hraði og ökumenn bjóði hættunni
heim. Í fyrrinótt varð lögreglan að
hjálpa allnokkrum ökumönnum sem
höfðu lent í vandræðum á Holta-
vörðuheiði, þar af voru tveir bílar á
sumardekkjum. Þá valt jeppi ofar-
lega í Norðurárdal á sunnudags-
kvöld en engin meiðsli urðu á fólki.
Talsverð umferðarflækja varð á
Hrútafjarðarhálsi á sunnudagskvöld
eftir að bíll fór þar út af. Skv. upplýs-
ingum frá lögreglunni á Blönduósi
ætlaði annar ökumaður að stöðva bíl
sinn í vegkantinum en ekki tókst bet-
ur til en svo að bíllinn fór út af. Næsti
bíll stöðvaðist án vandræða en stuttu
síðar var fjórða bílnum ekið aftan á
hann. Engin slys urðu á fólki en tals-
vert eignatjón.
Á 100 km hraða
í mikilli hálku
Umferðarflækja á Hrútafjarðarhálsi
NÝGERÐUR samningur sjálfstætt
starfandi sjúkraþjálfara og heil-
brigðis- og tryggingamálaráðuneyt-
isins var kynntur á félagsfundi hjá
sjálfstætt starfandi sjúkraþjálfurum
í gærkvöldi. Kosið verður um samn-
inginn í póstatkvæðagreiðslu og er
búist við að niðurstöður í henni liggi
fyrir eftir u.þ.b. hálfan mánuð.
Að sögn Öddu Sigurjónsdóttur,
formanns Félags sjálfstætt starfandi
sjúkraþjálfara, mun Trygginga-
stofnun ríkisins greiða samkvæmt
nýja samningnum frá 1. apríl næst-
komandi en unnið verður eftir gamla
samningnum fram að því.
Alls eru 193 félagsmenn í félaginu
og fá þeir, að sögn Öddu, eina viku til
að póstleggja atkvæði sín vegna
samningsins en þar sem páskarnir
eru á næsta leiti er ekki búist við að
niðurstöður í atkvæðagreiðslunni
liggi fyrir fyrr en að hálfum mánuði
liðnum.
Niðurstaða
eftir hálfan
mánuð
INNBROT í tvo sumarbústaði í
Svarfhólsskógi í Svínadal uppgötv-
uðust síðastliðinn föstudag þegar
eigendur komu í bústaði sína. Inn-
brotin sæta rannsókn hjá lögregl-
unni í Borgarnesi, en tilkynnt hefur
verið um fimmtán innbrot í bústaði í
Svarfhólsskógi síðastliðnar þrjár
vikur og tvö til viðbótar í Skorradal.
Alls eru því sautján mál, sem kom-
ið hafa upp á þremur vikum, til rann-
sóknar hjá lögreglu. Stolið hefur
verið sjónvörpum og myndbands-
tækjum og öðrum verðmætum
munum.
Á aðalfundi Félags eignarlóða í
Svarfhólslandi 19. mars sl. var
innbrotafraldurinn ræddur með ör-
yggisráðgjafa og hafa sumarbú-
staðaeigendur nú gripið til viðamik-
illa ráðstafana gegn innbrotunum.
Sautján innbrot
í rannsókn
HÉRAÐSDÓMUR Reykjavíkur úr-
skurðaði í gær mann sem talinn er
vera frá Kamerún í gæsluvarðhald til
19. apríl nk. en hann er grunaður um
stórfelld fjársvik og skjalafals hér á
landi. Komið var með manninn frá
Svíþjóð í lögreglufylgd daginn áður
en úrskurðurinn var kveðinn upp.
Hann er ásamt tveimur mönnum
frá Nígeríu talinn hafa svikið um
77.000 pund, um 11 milljónir króna,
út úr breskum bönkum og látið milli-
færa fjárhæðina á bankareikninga
hérlendis. Annar þeirra er íslenskur
ríkisborgari.
Maðurinn sem úrskurðaður hefur
verið í gæsluvarðhald er ekki talinn
vera höfuðpaur í málinu heldur mun
þáttur hans einkum hafa falist í því
að taka við millifærslunum.
Svikin munu hafa farið þannig
fram að einn þeirra sendi falsaðar
millifærslubeiðnir í nafni breskra
fyrirtækja til þarlendra banka. Voru
upphæðirnar færðar á íslensku
reikningana. Í nokkrum tilvikum
komst upp um svikin í tíma og voru
greiðslurnar þá stöðvaðar.
Frá Svíþjóð í
gæsluvarðhald
DRENGURINN sem slasaðist við
skíðastökk á skíðasvæðinu í Tungu-
dal við Ísafjörð á þriðjudag í síðustu
viku liggur enn sofandi í öndunarvél
á gjörgæsludeild Landspítala – há-
skólasjúkrahúss í Fossvogi.
Lögreglan á Ísafirði kannar nú til-
drög slyssins en meðal fyrirliggjandi
gagna er myndbandsupptaka af slys-
inu.
Í öndunarvél
eftir skíðaslys
ÁRLEG meðgjöf með almennings-
samgöngum á höfuðborgarsvæðinu
er 1,2 milljarðar króna. Þetta kom
fram í pallborðsumræðum sem fram
fóru í lok málþingsins í gær. Það var
Ásgeir Eiríksson, framkvæmda-
stjóri Strætó bs., sem upplýsti þetta.
Sagðist hann sakna aukinnar
áherslu á almenningssamgöngur af
hálfu samgönguyfirvalda.
Vilhjálmur Þ. Vilhjálmsson, for-
maður stýrihóps sem vann að sam-
gönguáætluninni, varð til svara og
sagði hann það valda áhyggjum hve
kostnaður sveitarfélaga á höfuð-
borgarsvæðinu hefði aukist mikið á
undanförnum árum. Því væri spurn-
ing hvort stefnt væri í rétta átt hvað
þetta varðaði en ljóst væri að aldrei
yrði hægt að auka notendahóp al-
menningssamgangna það mikið að
að því yrði fjárhagslegur ávinningur
fyrir sveitarfélögin. Sagði hann eng-
ar tilbúnar lausnir fyrirliggjandi á
þessum vanda.
Þá sagði hann að í svæðisskipulagi
höfuðborgarsvæðisins væri lagt til
að stuðningur ríkisins við almenn-
ingssamgöngur yrði aukinn, t.d. með
því að fella niður að fullu þungaskatt
í almenningssamgöngum á höfuð-
borgarsvæðinu.
Árleg meðgjöf
Strætó 1,2 milljarðar
STUTT
♦ ♦ ♦
♦ ♦ ♦
♦ ♦ ♦