Morgunblaðið - 26.03.2002, Blaðsíða 14

AKUREYRI
14 ÞRIÐJUDAGUR 26. MARS 2002 MORGUNBLAÐIÐ
Glucosamine (870 mg
Glucosamine í hverjum belg)
ásamt engifer og turmeric
Akureyri, sími 462 1889.
Fæst m.a. í Nýkaupi og
í Árnesapóteki Selfossi.
www.islandia.is/~heilsuhorn
Fyrir vöðva og liðamót
FALLEG GJAFAVARA
Strandgötu 11, Akureyri
sími 466 3700
LANDSBANKINN á Akureyri
stóð fyrir opnum morgunverð-
arfundi á Hótel KEA fyrir helgi
þar sem fjallað var um horfur á
fjármálamörkuðum árið 2002,
auk þess sem starfsemi bankans á
Akureyri var kynnt. Landsbank-
inn opnaði útibú á Akureyri 18.
júní 1902 og heldur því upp á 100
ára afmæli á þessu ári.
Í máli Sigurðar Sigurgeirs-
sonar svæðisstjóra kom fram að
Landsbankinn er með umfangs-
mikla starfsemi á Akureyri og er
með alls um 50 störf í bankaþjón-
ustu á sínum vegum í bænum.
Auk allrar almennrar bankaþjón-
ustu í tveimur útibúum er á Ak-
ureyri starfrækt símaþjónustuver
sem sinnir öllu landinu, við-
skiptastofa sem sérhæfir sig í
þjónustu við stærri viðskiptavini
auk þess sem boðið er upp á
verðbréfaviðskipti með beinum
aðgangi að viðskiptakerfi Verð-
bréfaþings Íslands. Framtaks-
sjóður sem Landsbkankinn starf-
rækir í samstarfi við Nýsköp-
unarsjóð er einnig staðsettur á
Akureyri, eins og segir í tilkynn-
ingu frá bankanum.
Tryggvi Tryggvason, for-
stöðumaður fjármálamarkaða
Landsbankans-Landsbréfa, Arnar
Jónsson, sérfræðingur bankans í
gjaldeyris- og afleiðuviðskiptum,
og Stefán B. Gunnlaugsson, fram-
kvæmdastjóri Landbankans
Framtakssjóðs, fluttu erindi á
morgunverðarfundinum.
Útlit fyrir ágæta ávöxtun
á hlutabréfa- og skulda-
bréfamarkaði
Tryggvi fjallaði um þróun á
hlutabréfa- og skuldabréfamark-
aði og horfur fyrir þetta ár. Taldi
hann ástæðu til hóflegrar bjart-
sýni og útlit fyrir ágæta ávöxtun
á bæði hlutarbréfa- og skulda-
bréfamarkaði á árinu. Kom fram
að íslensk hlutabréf væru hóflega
verðlögð í alþjóðlegum sam-
anburði og svigrúm til frekari
hækkana, einkum fyrirtækja í út-
flutningi og erlendri starfsemi.
Einnig kom fram að há ávöxt-
unarkrafa skuldabréfa væri það
sem helst hamlaði frekari hækk-
unum hlutabréfa.
Arnar fjallaði um efnahagsmál,
með sérstaka áherslu á geng-
isþróun krónunnar. Hann taldi
mikilvægt að ná tökum á verð-
bólgu, sem er mun meiri en í
helstu viðskiptalöndum. Arnar
taldi líkur á að gengi krónunnar
væri komið í jafnvægi. Raungengi
krónunnar væri mjög lágt í
sögulegu samhengi og líklegt að
það hækki á næstu misserum.
Fram kom að mikil umskipti
hefðu átt sér stað í vöruskiptum,
sem styddi við gengi krónunnar.
Framtakssjóður hefur
fjárfest í tíu verkefnum
Stefán flutti erindi um fram-
taksfjármögnun og kynnti
Landsbankann Framtakssjóð.
Fram kom hjá Stefáni að veru-
leg aukning hefði orðið í fjár-
festingum í sprotafyrirtækjum
1999–2000. Þær hefðu síðan
dregist saman á síðasta ári og
horfur væru á enn meiri sam-
drætti í ár. Einnig kom fram að
sjóðurinn hefði fjárfest í tíu verk-
efnum, þar af tveimur á Akur-
eyri. Sjóðurinn hefur selt sig aft-
ur út úr tveimur félögum en af
þeim átta sem eftir standa eru
þrjú komin í hagnaðarrekstur og
áætlanir gera ráð fyrir að innan
sex mánaða verði fjögur fyrir-
tæki í viðbót komin í hagnað, eins
og segir ennfremur í tilkynningu
frá bankanum.
Landsbanki Íslands hefur rekið útibú á Akureyri í 100 ár
Morgunblaðið/Kristján
Morgunverðarfundur Landsbankans á Akureyri var vel sóttur.
Bankinn með um 50 störf
í bankaþjónustu í bænum
FRAMBOÐSLISTI Framsóknar-
flokksins við bæjarstjórnarkosningar
á Akureyri í vor var samþykktur á
fundi á laugardag.
Jakob Björnsson bæjarfulltrúi er í
1. sæti, Gerður Jónsdóttir leiðbein-
andi í 2. sæti, Jóhannes Gunnar
Bjarnason íþróttakennari í 3. sæti,
Guðný Jóhannesdóttir blaðamaður í
4. sæti, Björn Snæbjörnsson, formað-
ur Einingar-Iðju, í 5. sæti, Heiða
Hauksdóttir hjúkrunarnemi í 6. sæti,
þá er Ingimar Eydal varðstjóri
slökkviliðsins í 7. sæti, Valgerður
Jónsdóttir deildarstjóri á FSA í 8.
sæti, Jóhann Sigurjónsson mennta-
skólakennari í 9. sæti, Jóhanna Krist-
ín Gunnlaugsdóttir ferðafræðingur í
10. sæti og Ársæll Magnússon, fyrr-
verandi umdæmisstjóri, í því 11.
Jakob sagði listann sterkan og
hann væri bjartsýnn á gott gengi í
kosningunum í vor. „Það hefur orðið
heilmikil endurnýjun á listanum, við
höfum fengið til liðs við okkur ungt og
áhugasamt fólk og bindum miklar
vonir við það,“ sagði Jakob. Ásta Sig-
urðardóttir, sem setið hefur í bæjar-
stjórn fyrir Framsókn síðustu ár,
hættir nú afskiptum af stjórnmálum
sem og Guðmundur Ómar Guð-
mundsson, en aðrir sem voru fram-
arlega á lista flokksins fyrir síðustu
kosningar hafa flust búferlum. Jakob
sagði að áhersla yrði lögð á atvinnu-
málin fyrir næstu kosningar og þá
væru vonir bundnar við nýja byggða-
áætlun og samstarf við ríkið um að
hrinda henni í framkvæmd. „Við
stefnum að því að ná sem bestum ár-
angri og að komst í áhrifastöðu eftir
kosningar,“ sagði Jakob.
Morgunblaðið/Kristján
Sex efstu á lista Framsóknarflokksins fyrir bæjarstjórnarkosningarn-
ar. F.v. Guðný Jóhannesdóttir, Björn Snæbjörnsson, Gerður Jónsdóttir,
Jakob Björnsson, Heiða Hauksdóttir og Jóhannes Gunnar Bjarnason.
Nýtt fólk til liðs við Jakob
Framboðslisti Framsóknarflokks
FJÖLBREYTT dagskrá verður á
skíðasvæði Ólafsfirðinga í Tindaöxl
um páskana, en það verður opið dag-
lega frá kl. 11 til 17 og göngubrautir
verða opnar allan sólarhringinn.
Sr. Elínborg Gísladóttir verður
með skaflamessu á skírdag og ef veð-
ur leyfir verður barn skírt í þessari
messu, en hún hefst kl. 14. Þennan
dag verður líka parakeppni á öðu
skíðinu og hefst hún kl. 14.30. Minn-
ingamót í skíðagöngu, hefðbundinni
aðferð, verður kl. 12 á hádegi.
Símnúmeramót verður kl. 14 á
föstudag, keppt verður í flokkum
heimilissíma, fyrirtækjasíma og far-
síma. Ólafsfjarðarmót í göngu verð-
ur kl. 13 á föstudag. Stórsvigsmót
verður á laugardag og „ættarmót“ í
alpagreinum á páskadag kl. 14. Snjó-
kross á skíðum og brettum verður í
boði Vélsleðaklúbbs Ólafsfjarðar á
annan í páskum.
Þrautaleikjabraut fyrir yngstu
börnin verður opin alla dagana.
Skíðasvæðið í Tinda-
öxl í Ólafsfirði
Fjölbreytt
skíðadagskrá
AÐALFUNDUR Félags bygginga-
manna Eyjafirði, sem haldinn var í
síðustu viku, samþykkti ályktun, þar
sem lýst er áhyggjum vegna þeirrar
umræðu sem verið hefur um framtíð
Reykjavíkurflugvallar.
Áhyggjur fundarmanna snúast
fyrst og fremst um aðgengi Eyfirð-
inga og landsbyggðarinnar að höf-
uðborg Íslands gangi þær tillögur
eftir sem uppi hafa verið um að
leggja flugvöllinn niður í núverandi
mynd. Fundarmenn vilja minna
borgarstjórn Reykjavíkur á þær
skyldur sem hún hefur sem borgar-
stjórn höfuðborgar Íslands.
Skyldurnar felast, að mati fund-
armanna, í því að allir Íslendingar
verða að eiga greiðan aðgang að höf-
uðborginni. Fundarmenn gera kröfu
til þess að borgarstjórn falli frá öll-
um hugmyndum um að þrengja að
eða leggja niður farþegaflug til
Reykjavíkurflugvallar.
Áfram verði
farþegaflug til
Reykjavíkur
♦ ♦ ♦