Morgunblaðið - 24.07.2002, Blaðsíða 2
FRÉTTIR
2 MIÐVIKUDAGUR 24. JÚLÍ 2002 MORGUNBLAÐIÐ
Fylgstu
með
nýjustu
fréttum
www.mbl.isDregið í undanúrslit bikarkeppni KSÍ / B1
Skagamenn mæta Zeljeznicar / B3
4 SÍÐUR
Sérblöð í dag
LANDSBANKI Íslands hf. hefur
gjaldfellt nítján skuldabréf Norð-
urljósa upp á alls 95 milljónir
króna. Skulda Norðurljós lífeyr-
issjóðunum í landinu um tvo millj-
arða króna í skuldabréfum og sam-
kvæmt upplýsingum Morgunblaðs-
ins á Landsbankinn 22 af þessum
bréfum. Þau voru með gjalddaga á
vaxtagreiðslum 30. maí sl. og hefur
bankinn gjaldfellt nítján þeirra.
Greiðslur af þremur bréfum eru í
skilum en hvert skuldabréf er upp
á fimm milljónir króna.
Sigurður G. Guðjónsson, for-
stjóri Norðurljósa, segir að Lands-
bankinn hafi nú séð hag sínum
best borgið, andstætt þeim lífeyr-
issjóðum sem haft var samband
við vegna skuldaskila, með því að
senda skuldabréfin í innheimtu og
gjaldfella þau. Bréfin séu með
gjalddaga árið 2008 og fram til
þess tíma séu einungis vaxtagjöld
á þeim.
Í bréfi Sigurðar til Brynjólfs
Helgasonar, aðstoðarbankastjóra
Landsbankans, 15. júlí sl., sem
Morgunblaðið hefur undir hönd-
um, fylgdi tékki til greiðslu vaxta-
afborgunar umræddra skulda-
bréfa.
Ætlar í meiðyrðamál
Í niðurlagi bréfsins segir m.a.:
„Hafni Landsbanki Íslands hf.
móttöku þessarar greiðslu verður
henni deponerað. Greiðslunni má
ekki ráðstafa með neinum öðrum
hætti en til greiðslu vaxtaafborg-
ana frá 30. maí 2002 og drátt-
arvaxta af þeim.“
Sigurður hefur ákveðið að höfða
meiðyrðamál á hendur Árna Tóm-
assyni, bankastjóra Búnaðarbank-
ans, og/eða DV vegna ummæla
Árna í blaðinu sl. mánudag þess
efnis að Sigurður hafi leynt bank-
ann upplýsingum um sambankalán
Norðurljósa. Sættir Sigurður sig
ekki við svarbréf Árna frá því í
gær og neitar því alfarið að hann
hafi leynt bankann einhverjum
upplýsingum.
Landsbankinn í innheimtuaðgerðir gegn Norðurljósum
Skuldabréf upp á 95
milljónir gjaldfelld
Landsbankinn / 10
BOEING 747-vél Atlanta, Skúli Jón
Sigurðarson, flaug frá Keflavík-
urflugvelli í gær á leið sinni vestur
um haf á stærstu flugsýningu
heims í Oshkosh í Bandaríkjunum.
Vélin er nefnd eftir Skúla Jóni Sig-
urðarsyni, fyrrverandi fram-
kvæmdastjóra Loftferðaeftirlitsins
og formanni Flugslysanefndar, en
Skúli afhjúpaði sjálfur nafn henn-
ar áður en hún fór í loftið.
Boeing-vélin var smíðuð árið
1971 og hefur verið flogið í 106
þúsund klukkustundir og á nú að
baki næstflesta flugtíma allra slíka
véla í heiminum. Hún fær sess við
hæfi eða við hlið Spirit of St. Louis
sem Lindberg flaug yfir Atlantshaf
á sínum tíma. Arngrímur Jóhanns-
son, forstjóri Atlanta, setur sýn-
inguna þegar hann flýgur vélinni í
kringum sýningarsvæðið í Osh-
kosh en búist er við því að tæplega
ein milljón manns muni fylgjast
með sýningunni.
Hátt í 300 flugáhugamenn frá Ís-
landi og Evrópu flugu með vélinni
til Milwaukee í Bandaríkjunum en
Arngrímur tók við stjórn vélar-
innar þar og flaug henni til bæj-
arins og yfir sýningarsvæðið.
Boeing-vélin hefur nægt maga-
rými og eru tvær litlar vélar með í
förinni til Oshkosh. Önnur er list-
flugvél af gerðinni Pitts S-2-XS og
er í eigu Arngríms en hin er J-3
Piper cub, sem var notuð sem
könnunarflugvél hjá bandaríska
hernum í síðari heimsstyrjöldinni.
Báðar vélarnar voru teknar sund-
ur og settar í Boeing-vélina en
spretta síðan heilar fram á flug-
sýningunni í Oshkosh.
Morgunblaðið/Baldur Sveinsson
Skúli Jón Sigurðarson afhjúpar nafn Boeing-vélarinnar.
Skúli Jón við hlið
Spirit of St. Louis
ANDRI Árnason hæstaréttarlög-
maður, formaður kærunefndar jafn-
réttismála, vill ekki tjá sig efnislega
um þá gagnrýni, sem sett hefur verið
fram á álit nefndarinnar í máli gegn
Leikfélagi Akureyrar.
„Ég tel hins vegar ekki svaraverð-
ar þær aðdróttanir sem fram hafa
komið í umfjöllun um álitið í fjölmiðl-
um, að álitinu hafi verið beint gegn
einhverjum einstaklingum eða
mannorði þeirra,“ sagði Andri í sam-
tali við Morgunblaðið.
Andri vildi ekki tjá sig um það
hvort rétt hefði verið eða rangt af
hálfu forstöðumanns skrifstofu jafn-
réttismála að koma að ráðningu leik-
hússtjóra LA vegna meintrar hættu
á hagsmunaárekstri. Að öðru leyti
vísar Andri alfarið á álit nefndarinn-
ar en niðurstaða þess er birt í heild í
Morgunblaðinu í dag.
Segir aðdrótt-
anir ekki
svaraverðar
Formaður kærunefnd-
ar jafnréttismála
Kærandi / 33
GENGI hlutabréfa deCODE,
móðurfélags Íslenskrar erfða-
greiningar, lækkaði um 7,46% á
Nasdaq-verðbréfamarkaðnum
á Wall Street í New York í gær,
eða um 25 sent, og endaði í 3,10
dölum hluturinn. Er þetta
lægsta dagslokagengi sem
skráð hefur verið á bréfunum
en útboðsgengi bréfanna var 18
dalir þegar þau voru skráð á
markað á árinu 2000. Viðskipti
voru þá með bréfin á genginu
31,5 dalir.
Gengi deCODE
aldrei lægra
EMBÆTTI ríkissaksóknara telur
ekki efni til ákæru í málum þjóð-
skjalavarðar og fyrrverandi for-
stöðumanns Þjóðmenningarhúss,
sem grunaðir voru um umboðssvik í
kjölfar þess að Ríkisendurskoðun
gerði athugasemdir við embættis-
færslur þeirra.
Að sögn Boga Nilssonar ríkissak-
sóknara er greinarmunur á þessum
tveimur málum. Í afmörkuðum
þætti máls fyrrverandi forstöðu-
manns Þjóðmenningarhúss hafi
verið talið að um umboðssvikabrot
hafi verið að ræða. Ákæruvaldið
hafi ákveðið að falla frá saksókn,
samkvæmt heimild í 113. grein laga
um meðferð opinberra mála. Tillit
hafi verið tekið til þess að forstöðu-
manninum hafi verið vikið úr starfi,
m.a. vegna ávirðinga sem fólust í
umboðssvikabrotinu. Sá liður í 113.
gr. sem saksóknari styðst við er að
falla megi frá saksókn ef sérstak-
lega standi á og telja verði að al-
mannahagsmunir krefjist ekki
málshöfðunar.
Bogi segir að mál þjóðskjalavarð-
ar hafi verið fellt niður að öllu leyti,
með skírskotun til 112. greinar laga
um meðferð opinberra mála, þ.e. að
ekki sé líklegt að fyrirliggjandi
málsgögn geti leitt til sakfellingar.
Þjóðskjalavörður og fv. forstöðumaður Þjóðmenningarhúss
Ríkissaksóknari telur
ekki efni til ákæru
FRESTUR til þess að skila inn er-
indi vegna hugsanlegra kaupa á
eignarhlut ríkisins í Landsbanka Ís-
lands og Búnaðarbanka rennur út kl.
16 á morgun, fimmtudaginn 25. júlí.
Framkvæmdanefnd um einka-
væðingu barst í upphafi mánaðarins
bréf frá Björgólfi Thor Björgólfs-
syni, Magnúsi Þorsteinssyni og
Björgólfi Guðmundssyni, þar sem
óskað var eftir viðræðum við ríkis-
sjóð um kaup á umtalsverðum hlut
ríkisins í Landsbanka Íslands hf.
Um formlegt kauptilboð af þeirra
hálfu var þó ekki að ræða. Fram-
kvæmdanefnd um einkavæðingu
taldi nauðsynlegt að gætt yrði jafn-
ræðis og slíkar viðræður yrðu því
ekki teknar upp án þess að öðrum
fjárfestum væri jafnframt gefinn
kostur á þátttöku í þess háttar ferli.
Birti nefndin því auglýsingu þar sem
öðrum sem áhuga kynnu að hafa á
kaupum var gefinn kostur á að gefa
slíkt til kynna og rennur sá frestur
út á morgun.
Eignarhlutur ríkisins í bönkunum
tveimur hefur minnkað í markviss-
um skrefum, síðast með sameiningu
Búnaðarbankans og Gildingar hf. og
sölu á fimmtungshlut í Landsbank-
anum í gegnum viðskiptakerfi Verð-
bréfaþings Íslands. Eignarhlutur
ríkisins í Búnaðarbankanum er nú
um 55% en í Landsbankanum rúm
48%.
Sala á eignarhlut ríkisins í
Landsbanka og Búnaðarbanka
Frestur rennur
út á morgun