Morgunblaðið - 28.09.2002, Blaðsíða 37

MINNINGAR
MORGUNBLAÐIÐ LAUGARDAGUR 28. SEPTEMBER 2002 37
Grindavíkur syngur. Stjórnandi Rósalind
Gísladóttir. Örn Falkner leikur undir á flyg-
il. Sóknarnefndin.
HVALSNESKIRKJA: Föstudagurinn 27.
september. Miðhús helgistund kl. 12.
Boðið upp á hádegisverð gegn vægu
gjaldi. Allir velkomnir. Laugardagurinn 28.
september. Safnaðarheimilið í Sandgerði.
Kirkjuskólinn kl. 11. Ungir sem aldnir
hvattir til að mæta. Sjáumst hress.
Sunnudagurinn 29. september. Safnaðar-
heimilið í Sandgerði. 18. sunnudagur eftir
þrenningarhátíð. Guðsþjónusta kl. 11.
Fermingarbörnin í Sanderði verða kynnt
fyrir söfnuðinum. Nemar úr Tónlistarskól-
anum í Sandgerði taka þátt í guðsþjónust-
unni. Kór Hvalsneskirkju syngur. Organisti
Steinar Guðmundsson. Sóknarprestur
Björn Sveinn Björnsson.
ÚTSKÁLAKIRKJA: Laugardagurinn 28.
september. Safnaðarheimilið Sæborg.
Kirkjuskólinn kl. 14. Ungir sem aldnir
hvattir til að mæta. Sjáumst hress.
Sunnudagurinn 29. september. 18.
sunnudagur eftir þrenningarhátíð. Guðs-
þjónusta kl. 14. Fermingarbörn í Garði
verða kynnt fyrir söfnuðinum. Nemar úr
Tónlistarskólanum í Garði taka þátt í guðs-
þjónustunni. Kór Útskálakirkju syngur.
Organisti Steinar Guðmundsson. Garð-
vangur. Helgistund kl. 15.30. Miðvikudag-
urinn 2. október. Safnaðarheimilið Sæ-
borg. Alfa-námskeið kl. 19.
Kynningarkvöld. Suðurnesjamenn vel-
komnir. Sóknarprestur, Björn Sveinn
Björnsson.
YTRI-NJARÐVÍKURKIRKJA: Fjölskyldu-
guðsþjónusta sunnudaginn 29. septem-
ber kl. 11 og markar hún upphaf barna-
starfsins í vetur. Ástríður Helga Sigurðar-
dóttir, Tone Solbakk, Natalía Chow organ-
isti og sr. Baldur Rafn Sigurðsson annast
þjónustuna. Afhent verður efni barna-
starfsins og það kynnt. Sóknarprestur.
NJARÐVÍKURKIRKJA: (Innri-Njarðvík)
Sunnudagaskóli sunnudaginn 29. sept-
ember kl. 11 og fer hann fram í Ytri-Njarð-
víkurkirkju þar sem hér er um að ræða
fyrsta skiptið í vetur. Nýtt efni afhent.
Sóknarprestur
KEFLAVÍKURKIRKJA: Fjölskylduguðsþjón-
usta og sunnudagaskóli kl. 11 árd. Undir-
leikari í sunnudagaskóla: Helgi Már Hann-
esson. Prestur: Sr. Sigfús Baldvin Ingva-
son. Kór Keflavíkurkirkju syngur. Organ-
isti: Hákon Leifsson. Meðhjálpari: Hrafn-
hildur Atladóttir. Samvera kl. 16.30. Tón-
list, hugleiðing o.fl.
SELFOSSKIRKJA: Eldri borgarar hefja
vetrarstarfið með því að mæta í messu
sunnudag kl. 11. Sunnudagaskólinn er á
sama tíma og léttur hádegisverður að
messu lokinni. Septembertónleikar þriðju-
daginn 1. október kl. 20.30. Morguntíð
sungin þriðjudag til föstudags kl. 10.
Kaffisopi að henni lokinni. Foreldra-
samvera miðvikudaga kl. 11. Sóknar-
prestur.
STOKKSEYRARKIRKJA: Barnaguðsþjón-
usta nk. sunnudag kl. 11. Sóknarprestur.
GAULVERJABÆJARKIRKJA: Messa nk.
sunnudag kl. 14. Sóknarprestur.
HVERAGERÐISKIRKJA: Sunnudagaskól-
inn með fjölskylduguðsþjónustu kl. 11.
Stefanía, Berglind og Jörg. Kl. 14 ferming-
arstarf vetrarins hefst með guðsþjónustu
og fundi með foreldrum fermingarbarna á
eftir. Þriðjudagur 1. okt. Kl. 10 foreldra-
morgunn.
SKEIÐFLATARKIRKJA í Mýrum: Guðsþjón-
usta sunnudag kl. 14. Kristín Björnsdóttir
leikur á orgel og stjórnar kór Skeiðflatar-
kirkju. Fermingarbörn næsta vors sérstak-
lega hvött til að mæta ásamt foreldrum.
Fjölmennum. Haraldur M. Kristjánsson
sóknarprestur.
ODDAKIRKJA á Rangárvöllum: Helgi-
stund í Lundi, Hellu, sunnudag kl. 13.
Guðsþjónusta í Oddakirkju kl. 14. Orgel-
leikari Nína María Morávek. Sóknar-
prestur.
ÍSAFJARÐARKIRKJA: Messa kl. 11. Kór
Ísafjarðarkirkju syngur undir stjórn Huldu
Bragadóttur. Sóknarprestur.
AKUREYRARKIRKJA: Vetrarstarf Akureyr-
arkirkju hefst. Fjölskyldumessa kl. 11. Sr.
Svavar A. Jónsson og sr. Jóna Lísa Þor-
steinsdóttir. Fyrsti sunnudagaskólinn,
efni vetrarins afhent. Kór Akureyrarkirkju.
Organisti: Björn Steinar Sólbergsson.
Opið hús í Safnaðarheimili eftir messu þar
sem vetrarstarfið verður kynnt. Léttar veit-
ingar. Arna Valsdóttir, Eiríkur Bóasson og
Stefán Ingólfsson annast tónlistarflutn-
ing. Fundur með fermingarbörnum og for-
eldrum þeirra kl. 13.30 í kirkjunni. Æðru-
leysismessa kl. 20.30. Sr. Jóna Lísa
Þorsteinsdóttir. Arna Valsdóttir, Stefán
Ingólfsson og Eiríkur Bóasson sjá um tón-
listarflutning. Inga Eydal og Arna Valsdóttir
syngja tvísöng. Kaffi í Safnaðarheimili eft-
ir messu. Allir velkomnir.
GLERÁRKIRKJA. Fjölskyldaguðsþjónusta
kl. 11. Barnakór kirkjunnar syngur og leið-
ir söng.
GLERÁRKIRKJA – Kirkja heyrnarlausra:
Guðsþjónusta á Degi heyrnarlausra
sunnudag kl. 14 í Glerárkirkju á Akureyri. Í
tilefni af degi heyrnarlausra flytur Unnur
dóra Norðfjörð ávarp. Herdís Guðbjarts-
dóttir, foreldri og Magnús Sverrisson
halda ræðu. Táknmálskórinn syngur undir
stjórn Rögnu Magnúsdóttur. Einnig syngja
börnin úr Lundarskóla undir stjórn Þór-
halls Arnarsonar. Miyako Þórðarson.
HJÁLPRÆÐISHERINN á Akureyri: Sunnu-
dagur: Kl. 11 sunnudagaskóli. Kl. 19.30
bæn. Kl. 20 almenn samkoma. Níels Erl-
ingsson talar. Mánud: Kl. 15 heimila-
samband. Miðvikud: Kl. 20 hjálparflokkur.
HVÍTASUNNUKIRKJAN á Akureyri:
Sunnudagaskóli fjölskyldunnar kl. 11.30.
Ester Karin Jakobsen mun prédika í að-
alsal kirkjunnar. Á sama tíma fer fram fjöl-
breytt og skemmtilegt barnastarf fyrir
krakka á aldrinum 0–12 ára. Almenn sam-
koma kl. 16.30. Vörður Leví Traustason
prédikar. Fjölbreytt lofgjörð og fyrirbæna-
þjónusta. Barnapössun fyrir börn undir 7
ára aldri. Allir hjartanlega velkomnir.
LAUFÁSPRESTAKALL: Grenilundur: Guðs-
þjónusta sunnudag kl. 16. Grenivíkur-
kirkja. Kyrrðar- og bænastund sunnu-
dagskvöld kl. 21. Sóknarprestur.
EGILSSTAÐAKIRKJA: Sunnudagaskóli kl.
11. Messa kl. 14. Organisti Torvald
Gjerde. Nýir kórkyrtlar teknir í notkun.
Fundur með foreldrum fermingarbarna eft-
ir messu. Mánudagur: Kyrrðarstund kl.
18. Sóknarprestur.
dóttir, Stefán Ingólfsson og Eiríkur
Bóasson annast tónlistarflutning.
Eftirfarandi þættir safnaðar-
starfsins verða kynntir:
Sunnudagaskólinn, TTT-starf,
Kirkjusprellarar 6–9 ára, starf
æskulýðsfélaganna, fermingar-
fræðslan, tónlistarstarf, Mömmu-
morgnar, samverur eldri borgara,
Sjálfshjálparhópur foreldra, Sam-
hygð, 12-spora hópavinna, hjóna-
og kvennanámskeið, hópavinna og
fræðsla vegna skilnaðar, Vinaheim-
sóknir kirkjunnar, Kvenfélag Akur-
eyrarkirkju og Biblíulestrar.
Fundur með væntanlegum ferm-
ingarbörnum og foreldrum þeirra
verður í kirkjunni kl. 13.30 og
fyrsta æðruleysismessa vetrarins
kl. 20.30. Eftir messu er boðið upp á
kaffisopa í Safnaðarheimili að
venju.
Trúarbragðanámskeið
í Leikmannaskólanum
Í FLÓKNUM heimi verðum við æ
meira vör við litróf trúarbragð-
anna. Til að upplýsa okkur betur
um litrófið þá hefst miðvikudaginn
2. október kl. 20 í Leikmannaskóla
kirkjunnar þriggja kvölda nám-
skeið sem heitir Frá Móse til Mú-
hameðs.
Viðfangsefni námskeiðsins er
saga stóru eingyðistrúarbragð-
anna, kristni, íslams og gyðingdóms
sem oft hafa tekist á með hræðileg-
um afleiðingum. Kastljósinu verður
beint að því sem er líkt og ólíkt með
þeim, m.a. hugmyndum um Guð, af-
stöðuna til náungans og átökum
þeirra í milli.
Kennari á námskeiðinu er sr.
Þórhallur Heimisson sóknar-
prestur.
Skráning fer fram í síma
535 1500 eða á vef Leikmannaskól-
ans www.kirkjan.is/leikmannaskoli
og þar má einnig fá frekari upplýs-
ingar.
Kolaportsmessa
HELGIHALD þarfnast ekki hús-
næðis heldur lifandi fólks. Kirkja
Jesú Krists er ekki steypa, heldur
lifandi steinar, manneskjur af holdi
og blóði.
Þess vegna er hægt að fara út úr
kirkjubyggingum með helgihald og
fagnaðarerindið og mæta fólki í
dagsins önn. Í tilefni af því bjóðum
við til messu í Kolaportinu sunnu-
daginn 29. september kl.14.
Irma Sjöfn Óskarsdóttir prestur
predikar og þjónar ásamt Hildi Eir
Bolladóttur guðfræðinema og
Ragnheiði Sverrisdóttur djákna
sem leiðir stundina.
Þorvaldur Halldórsson leiðir lof-
gjörðina. Áður en Kolaportsmessan
hefst kl. 13.40 mun Þorvaldur Hall-
dórsson flytja þekktar dægurperl-
ur. Þá er hægt að leggja inn fyrir-
bænarefni til þeirra sem þjóna í
messunni.
Í lok stundarinnar verður blessun
með olíu. Messan fer fram í kaffi-
stofunni hennar Jónu í Kolaportinu
sem ber heitið Kaffi Port, þar er
hægt að kaupa sér kaffi og dýrindis
meðlæti og eiga gott samfélag við
Guð og menn.
Það eru allir velkomnir.
Miðborgarstarf KFUM og K.
MESSUR/KIRKJUSTARF
✝ Anna ÞorkelínaSigurðardóttir
fæddist á Sauðár-
króki 5. maí 1929.
Hún lést á Heilbrigð-
isstofnun Suðurnesja
19. september síðast-
liðinn. Foreldrar
hennar voru þau Sig-
urður Þorkelsson,
verkamaður, f. 5. 12.
1904, d. 17.3. 1989,
og Sigurlína Stefáns-
dóttir, f. 1.10. 1901,
d. 11.4. 1989. Bróðir
Önnu er Stefán
Þröstur, f. 1930, d.
1987. Hálfbróðir þeirra er Helgi
Gunnarsson, f. 1922, búsettur í
Kópavogi. Fósturbróðir þeirra er
Sigurður Anton, f. 1947, búsettur
í Noregi.
Anna giftist 28. maí 1958 Ósk-
ari Árnasyni, Landakoti, Sand-
gerði, f. 23.9. 1923, d. 1.2. 1998.
Dóttir Önnu er Kolbrún Leifs-
dóttir, f. 17.9 1949, maki Erlingur
Björnsson, búsett í Sandgerði.
Börn þeirra eru Árni Björn og
Anna Ósk. Börn Óskars og Önnu
eru: 1) Hjördís Ósk, f. 15.6. 1954,
maki Per Beck, búsett í Noregi.
Börn þeirra eru Rolf Arne og
Jeanette. 2) Sigurlína, f. 21.7.
1955, maki Þórólfur Ágústsson,
búsett í Hafnarfirði. Börn þeirra
eru Linda María og Sigurður. 3)
Anna Sigríður, f. 3.3. 1958, maki
Sveinn Þorkelsson,
búsett í Sandgerði.
Börn þeirra eru
Guðrún og Óskar. 4)
Árni Arnar, f. 14.9.
1959, búsettur í
Reykjavík. Lang-
ömmubörnin eru
tvö, þau Anton
Björn Árnason og
Rakel Ósk Andra-
dóttir.
Anna var alin upp
hjá föðurömmu
sinni, Önnu Sigríði
Sigurðardóttur, á
Ingveldarstöðum á
Reykjaströnd. Hún dvaldi hjá
henni fram að fermingu er hún
fluttist til foreldra sinna á Sauð-
árkróki. Hún fór síðan til Reykja-
víkur og vann á barnaheimilinu
Suðurborg. Hún flyst til Sand-
gerðis árið 1952 þar sem hún bjó
alla tíð síðan að frátöldum síðustu
tveimur árum er hún bjó í þjón-
ustuíbúð í Keflavík. Anna var
húsmóðir stærstan hluta ævinnar
auk þess sem hún starfaði með
hléum við fiskvinnslu í Sand-
gerði. Frá árinu 1973 vann hún
með eiginmanni sínum við eigið
fiskvinnslufyrirtæki, Rækju-
vinnslu Óskars Árnasonar, sem
þau ráku fram til ársins 1990.
Útför Önnu fer fram frá Safn-
aðarheimilinu í Sandgerði í dag
og hefst athöfnin klukkan 14.
Fráfall Önnu var óvænt. Maður
reiknaði aldrei með öðru en að hún
yrði háöldruð, hún hafði alla tíð ver-
ið svo hraust, varð aldrei misdæg-
urt. Hugurinn reikar ósjálfrátt til
baka og minningar streyma fram.
Minningar sem að öllu jöfnu eru
ekki í huganum dags daglega en eru
þarna og maður finnur hversu mik-
ils virði þær eru. Anna var einn
hlekkurinn í lífskeðju minni. Hún
var samofin fjölskyldu minni frá því
að hún hóf búskap í Landakoti með
eiginmanni sínum Óskari, föður-
bróður mínum. Anna og Óskar
bjuggu í Landakoti ásamt foreldr-
um mínum og afa og ömmu. Þau
með börnin sín fimm á miðhæðinni,
mamma og pabbi í risinu með sín
fimm og afi og amma í kjallaranum.
Þetta sambýli varði í ein 12–13 ár
þar til Anna og Óskar fluttu í ný-
byggt hús sitt við Norðurgötu 11
steinsnar frá Landakoti.
Í sambýlinu í Landakoti gekk á
ýmsu einsog við er að búast á stóru
heimili en Anna hélt sig alla tíð fyr-
ir utan átök hversdagsins. Hún
elskaði friðinn og blés á allt dæg-
urþras.
Anna var mjög lagleg og falleg
kona með sterka og hlýja nærveru.
Hún var mjög félagslynd, tók þátt í
kvenfélaginu, var í kvennakór og
kirkjukórum og var mjög vinsæl af
samborgurum sínum. Hún var mjög
tónelsk, hafði sterka og fallega rödd
og spilaði á orgel og gítar. Á lífsleið-
inni mætti hún hæðum og lægðum
sem voru bæði hærri og dýpri en
hjá mörgum öðrum. Hvernig sem
viðraði haggaðist Anna aldrei. Hún
tók öllum verkefnum lífsins af
miklu æðruleysi og jafnaðargerði.
Hún var trúuð kona og bjó yfir
miklum innri styrk. Hún gaf sér
tíma til að hlusta á fólk, gaf iðulega
gjafir af minnsta tilefni og sýndi
skilning í raunum manna. Aldrei
man ég eftir að hún hafi kvartað yf-
ir nokkrum sköpuðum hlut, þó
vissulega hafi hún átt sínar erfiðu
stundir einsog aðrir. Hún hafði alla
tíð jákvætt lífsviðhorf og kærleiks-
ríkt hjarta. Hennar lífssýn mætti
vera mörgum okkar fyrirmynd.
Ég og Árni yngsti sonur Önnu er-
um á svipuðum aldri og vorum mikl-
ir leikfélagar.
Frá unga aldri dvaldi ég löngum
stundum á heimili þeirra. Anna var
mín önnur mamma eins og Dilla
mágkona Önnu orðaði það. Sem ung
stelpa man ég eftir hve hlý og góð
hún var alltaf við mig og hvað mér
leið vel í návist hennar. Ég sóttist
eftir að vera í návist hennar, það
var sérstök ró og öryggi í öllu henn-
ar fasi. Ég fann mig alltaf sem eina
af börnum hennar. Þegar Anna fór
til útlanda fékk ég alltaf pakka eins-
og börnin hennar. Ég man enn eftir
gleði minni þegar Anna kom heim
úr fyrstu sólarlandaferð sinni til
Spánar, þá færði hún mér appels-
ínugulan bol með áprentaðri sól og
áletruninni Costa del Sol og hvíta
og rauða pæjuskó með þykkum
botni. Hún mundi alltaf eftir litlum
hjörtum sem henni fannst gaman að
gleðja.
Ég tel að Anna hafi átt ríkulegan
þátt í að skapa hið kærleiksríka
samband sem ríkt hefur á milli fjöl-
skyldna okkar í gegnum tíðina.
F.h. móður minnar og okkar
systkinanna þakka ég samfylgdina
með Önnu, minning hennar mun lifa
þótt lífsklukka hennar í þessu lífi
hafi numið staðar.
Katrín.
Elsku amma mín, mörg bréfin
hef ég skrifað þér í gegnum árin og
sjálfsagt verður þetta mitt síðasta.
Ég vil byrja á því að segja þér að
þú hefur alltaf verið hetjan mín,
hvernig þú sigldir í gegnum lífið
með bjartsýni og gleði mun ávallt
verða leiðarvísir minn um hvernig á
að lifa lífinu.
Þú hefur kennt mér svo ótal-
margt í gegnum tíðina, án þess í
rauninni að gera þér grein fyrir því,
en ég er betri manneskja að sama
skapi.
Þú hefur alltaf verið mér innan
handar þegar ég hef þurft á þér að
halda. Mér verður hugsað til sím-
tals sem ég átti við þig ekki alls fyr-
ir löngu, ég var einmana úti í Sví-
þjóð og heimþráin sagði til sín
þannig að ég ákvað að slá á þráðinn
til þín þrátt fyrir að klukkan væri
margt og þegar mjúk rödd þín svar-
aði mér hvarf einmanaleikinn eins
og dögg fyrir sólu. Með þig á hinum
endanum styrktist ég og gat tekist
á við hversdagsleikann.
Ég kveð þig, amma mín, með
söknuði í hjarta en veit þó að rétt
eins og afi þá munt þú vaka yfir
mér.
Ljós þitt mun lifa í minningunni
og ég veit að þú ert komin á góðan
stað.
Nafna mín, þú ávallt ert hetja í
huga og sálu, bros þitt svo undur
blítt, ljós þitt bjart það brennur.
Anna Ósk.
Þegar einn úr fjölskyldunni
hverfur á braut yfir móðuna miklu
verðum við hljóð sem eftir erum.
Aðeins minningar verða eftir, hlýj-
ar, bjartar minningar sem ylja
manni. Þannig minningar skildi
mágkona mín, Anna Þ. Sigurðar-
dóttir, eftir sig. Hún var ein af þeim
sem var glöð í sinni sem samferða-
fólkið naut í ríkum mæli. Ég þakka
henni samfylgdina sem aldrei bar
skugga á.
Ég bið góðan Guð að vera með
okkur öllum.
Ásta.
ANNA ÞORKELÍNA
SIGURÐARDÓTTIR
✝ Ragnar Jónssonfæddist að
Skrapatungu í Lax-
árdal 12. febrúar
1912. Hann lést á
spítalanum á Blöndu-
ósi 18. september síð-
astliðinn. Foreldrar
hans voru Jón Helga-
son, f. 23.5. 1863 á
Mosfelli í Svínadal, d.
20.5. 1940, og síðari
kona hans: Ragn-
heiður Ingibjörg
Sveinsdóttir, f. 13.11.
1871 að Enni í Refa-
sveit, d. 1.10. 1927.
Bjuggu þau lengst af í Skrapa-
tungu, sem var nyrst í Laxárdal
austan ár undan Tunguhnjúki en
síðast í Enni í Refasveit austan nú-
verandi Blönduóss og Blöndu. Þau
giftust 27.2. 1896. Börn þeirra
urðu 14 og varð Ragnar þeirra
elstur en næst yngstur þeirra
systkina. Tveir synir fórust í snjó-
flóði en hin börnin komust til full-
orðins ára. Ragnar flutti þriggja
ára að Svanlundi með foreldrum
en síðar út á Blönduós og vann við
sveitavinnu og vegagerð um sveit-
ir héraðsins og við
sjómennsku einkum
í Sandgerði. Síðar
flutti hann til Akur-
eyrar og vann við
prentun Odds
Björnssonar einkum
bókband, sem hann
lærði þar. 1953 flutti
hann til Blönduóss
og vann við Héraðs-
bókasafnið, batt þar
inn og sá um það. Í
Reykjavík vann
hann um tíma hjá Al-
menna bókafélag-
inu, en fluttist aftur
til Blönduóss. Sjálfur átti hann
gott bókasafn og las mikið og var
fróður um margt.
Kona Ragnars var Inga Skarp-
héðinsdóttir og áttu þau soninn
Skarphéðin sem varð stúdent á
Akureyri en hefur um langt árabil
unnið að ýmsum verkum á
Blönduósi, síðustu árin veitt for-
stöðu hjá Vátryggingarfélagi Ís-
lands.
Útför Ragnars fer fram frá
Blönduóskirkju í dag og hefst at-
höfnin klukkan 14.
Við hjónin kynntust Ragnari um
lengri tíma og var hann jafnan heim-
ilisvinur syðra er hann bjó þar.
Ragnar var bróðir tengdamóður
minnar Ólínu, sem lengst af bjó í
Klöpp í Miðneshreppi.Var löngum
kært með þeim systkinum. Ragnar
var jafnaðarmaður alla tíð og sótti
þing Alþýðusambandsins um nokkur
ár og sat jafnan þing fyrir verkalýðs-
félag Blönduóss. Ragnar dvaldi síð-
ustu árin á sjúkrahúsi Blönduóss og
hafði framan af fótavist en af honum
dró síðustu árin. Við heimsóttum
hann í júní s.l. og var af honum mikið
dregið. Við hjón og ættingjar send-
um ættfólki kveðjur.
Kjartan Helgason.
RAGNAR
JÓNSSON