Morgunblaðið - 21.12.2002, Qupperneq 4

FRÉTTIR
4 LAUGARDAGUR 21. DESEMBER 2002 MORGUNBLAÐIÐ
NEFND sem vinna á tillögur að
landnotkun í Vatnsmýrinni í
Reykjavík fyrir tímabilið 2016–
2024 hefur verið skipuð af um-
hverfisráðherra sem staðfesti í gær
með undirskrift sinni svæð-
isskipulag höfuðborgarsvæðisins
og nýtt aðalskipulag Reykjavíkur. Í
skipulaginu er nokkur óvisssa um
landnotkun í Vatnsmýrinni þar sem
Reykjavíkurborg og samgöngu-
yfirvöld eru ekki einhuga um land-
notkun á þessu svæði sem m.a. nær
til Reykjavíkurflugvallar. Nefndin
á að skila tillögum sínum 1. desem-
ber á næsta ári.
Siv Friðleifsdóttir umhverf-
isráðherra sagði við staðfestinguna
sem fram fór í Höfða í gær að við-
stöddum bæjarstjórum sveitarfé-
laga höfuðborgarsvæðisins, borg-
arstjóra og þeim er starfa að
skipulagsmálum, að svæð-
isskipulagið markaði tímamót í
skipulagsmálum. „Í samfélagi okk-
ar eru skipulagsmál að verða helsta
tækið til umhverfisverndar,“ sagði
Siv. „Í dag er í fyrsta sinn staðfest
sameiginlegt skipulag fyrir fjöl-
mennasta þéttbýlissvæðið á Íslandi.
Hér er rudd braut fyrir frekara
samstarf sveitarfélagana í skipu-
lagsmálum sem ber að fagna sér-
staklega.“
Þá sagðist Siv ætla að beita sér
fyrir því að skoðað yrði hvort koma
ætti á fót varanlegri nefnd um
svæðisskipulag höfuðborgarsvæð-
isins að tillögu nefndarinnar sem
vann að skipulaginu nú.
Siv sagði við staðfestingu að-
alskipulags Reykjavíkur að borgin
hafi alla tíð verið fyrirmynd að
skipulagi á landinu öllu. Í nýju að-
alskipulagi mætti merkja ákveðnar
nýjungar. „Sjá má ákveðin merki
um að verið er að draga úr notkun
á nákvæmni framsetningar þannig
að við frekari útfærslu er vísað til
deiliskipulags. Þetta mun vafalítið
hafa í för með sér að sjaldnar þarf
að gera breytingar á aðalskipulagi
vegna útfærsluatriða. Einnig ber að
fagna því að reynd var ný aðferð
við umhverfismat skipulagstillögu
og sjá má að skipulagið verður vist-
vænt,“ sagði Siv.
Ingibjörg Sólrún Gísladóttir
borgarstjóri sagði aðalskipulagið
marka nokkur tímamót í skipulags-
sögu borgarinnar. „Vegna þess að
hér eru á ferðinni margar nýjar
hugmyndir, ekki aðeins í framsetn-
ingu heldur einnig í inntaki skipu-
lagsins. Þrír meginþræðir ganga í
gegnum allt skipulagið, Reykjavík
sem höfuðborg, alþjóðleg borg og
sem vistvæn borg. Í flestum þáttum
skipulagsins má sjá þess merki. Það
kemur m.a. fram í því að mikil
áhersla er lögð á miðborg Reykja-
víkur og mikilvægi hennar fyrir
Reykjavík sem höfuðborgar og sem
alþjóðlegrar borgar.“
Umhverfisráðherra hefur staðfest svæðisskipulag höfuðborgarsvæðisins og aðalskipulag Reykjavíkur
„Tímamót í
skipulagsmálum“
Morgunblaðið/Sverrir
Svæðisskipulaginu rúllað upp áður en þau Ingibjörg Sólrún Gísladóttir borgarstjóri, Siv Friðleifsdóttir umhverfis-
ráðherra og Magnús Jóhannesson ráðuneytisstjóri staðfestu nýtt aðalskipulag Reykjavíkur.
SKIPULAGSSTOFNUN hefur kom-
ist að þeirri niðurstöðu að breytingar
á áformum um byggingu fyrirhugaðs
álvers í Reyðarfirði séu ekki líklegar
til að hafa í för með sér umtalsverð
umhverfisáhrif og skuli því ekki vera
háðar mati á umhverfisáhrifum. Því
gildir úrskurður stofnunarinnar, sem
gefinn var út í ágúst í fyrra, um álver
með allt að 420 tonna ársframleiðslu,
áfram. Þessa ákvörðun má kæra til
umhverfisráðherra og rennur kæru-
frestur út 20. janúar nk.
Upphaflegi úrskurðurinn byggðist
á áformum Reyðaráls en álver, sem
bandaríska fyrirtækið Alcoa hyggst
reisa, er heldur minna í sniðum og
ársframleiðslan u.þ.b. 25% minni en
gert var ráð fyrir í verksmiðju Reyð-
aráls eða allt að 322 þúsund tonn.
Alcoa afhenti Skipulagsstofnun í
nóvember skýrslu um mat á umhverf-
isáhrifum hugsanlegs álvers á Aust-
urlandi og áhrifum þess á atvinnulíf
og samfélag á svæðinu. Skýrsla Alcoa
byggist á skýrslu sem unnin var
vegna áður fyrirhugaðrar verksmiðju
Reyðaráls en dró fram hvernig áhrif
af verksmiðju Alcoa muni verða frá-
brugðin áhrifum hennar.
Fögnuður hjá Alcoa
Alcoa sagði þá, að þótt fyrirhugað
álver sé minna en það álver sem ráð-
gert var að byggja á vegum Reyð-
aráls, muni störfum á Austurlandi
fjölga til muna með tilkomu þess.
Samkvæmt skýrslunni er áætlað að
við verklok muni 455 einstaklingar
vinna beint fyrir Alcoa en að auki
muni 295 störf skapast í tengslum við
álverið. Alls er því gert ráð fyrir að
750 ný störf skapist á svæðinu. Reikn-
að er með því að allt að 1.800 störf
muni skapast meðan á byggingu ál-
versins stendur. Ráðgert er svo að
hefja álframleiðslu árið 2007.
Forsvarsmenn Alcoa fagna ákvörð-
un Skipulagsstofnunar, að því er fram
kemur í tilkynningu frá fyrirtækinu.
Michael Baltzell, framkvæmdastjóri
þróunarsviðs og aðalsamningamaður
Alcoa í viðræðunum við stjórnvöld,
segir að verksmiðjan við Reyðarfjörð
muni gegna lykilhlutverki í áætlunum
Alcoa um að færa frekar út kvíarnar í
framleiðslu áls.
„Við leggjum nú áherslu á að lækka
framleiðslukostnað á sama tíma og
við náum fram hámarksframleiðni. Á
sama tíma og við erum að skoða ný
verkefni víðs vegar um heiminn mun-
um við halda áfram að kanna hag-
kvæmni þeirra álvera sem við starf-
rækjum nú, sér í lagi í Banda-
ríkjunum þar sem dýr orka og
starfsafl hafa dregið úr samkeppnis-
hæfni margra álvera þar,“ segir
Baltzell.
Lágmarka áhrif á umhverfi
Alcoa hefur myndað starfshóp sem
ætlað er að leggja fram tillögur um
hvernig tryggja megi að hönnun ál-
vers, skipulag framleiðslunnar og
stjórnunarferla þjóni því markmiði að
hámarka hagkvæmni og öryggi en
lágmarka áhrif á umhverfi og heilsu-
far. Vinna hópsins er í fullum gangi,
segir í tilkynningu Alcoa, og beinist
nú einkum að því að kanna hvernig
unnt er að takmarka losun á brenni-
steinsdíoxíði (SO2) og hvernig hægt er
að tryggja að ekkert frárennslisvatn
komi frá verksmiðjunni, líkt og Skipu-
lagsstofnun bendir á í úrskurði sínum
að fylgjast þurfi vel með.
Þá segjast forráðamenn Alcoa ætla
að vinna náið með sveitarfélögunum á
Austurlandi, meðan á byggingu ál-
versins stendur, til þess að draga úr
hættu á því að framkvæmdir valdi
óeðlilegri röskun í byggðarlaginu.
Telur Alcoa ekki þurfa
nýtt mat fyrir álver
Álver Alcoa í Reyðarfirði, eins og tölvutæknin hefur dregið upp mynd af
því, en stefnt er að því að hefja þar framleiðslu árið 2007.
GUÐMUNDUR Hauksson, spari-
sjóðsstjóri SPRON, segir að fyrir-
spurn Jón Steinars Gunnlaugssonar
hrl. til Fjármálaeftirlitsins, fyrir hönd
fimm stofnfjáreigenda í SPRON,
vegna kaupa SPRON á hlut í Frjálsa
fjárfestingabankanum sé liður í
ófrægingarherferð á hendur SPRON.
Greint var frá fyrirspurninni í Morg-
unblaðinu í gær.
Guðmundur segir að með fyrir-
spurninni sé reynt að láta líta svo út
að sparisjóðurinn hafi ekki sótt um
heimild til Fjármálaeftirlitsins til
þess að kaupa Frjálsa fjárfestingar-
bankann, eins og skylt sé í lögum.
„Það þarf ótrúlegt hugmyndaflug
til að láta sér detta slíkt í hug og hvað
þá að bera það á borð fyrir fjölmiðla.
Við erum hins vegar löngu hætt að
láta uppátæki lögmannsins og fimm-
menninganna koma okkur á óvart.
Það er dapurlegt ef þeim tekst með
þessu háttalagi að rýra það traust
sem þessi virta fjármálastofnun nýt-
ur,“ segir Guðmundur.
Hann bætir því við að eðlilega hafi
SPRON leitað strax eftir samþykki
Fjármálaeftirlitsins fyrir kaupunum
á Frjálsa fjárfestingarbankanum.
Fjármálaeftirlitið hafi síðan vandlega
farið yfir málið og að því loknu veitt
samþykki sitt fyrir kaupunum. „Enda
eru þessi kaup fullkomlega eðlileg og
styrkja stöðu SPRON með tilliti til
framtíðar,“ segir Guðmundur.
Sparisjóðsstjóri SPRON um fyrirspurn fimmmenninganna
Liður í ófrægingarher-
ferð á hendur SPRON
TALIÐ er að Íslendingar borði um 150 tonn af gulrótum á ári og mörgum
finnst þessi holla og ljúffenga vara ómissandi með steikinni.
Á myndinni eru þær Íris Brynja Georgsdóttir, Bjarney Vignisdóttir og
Ásdís Bjarnadóttir á bænum Auðsholti í Hrunamannahreppi að pakka gul-
rótum til sendingar á markað en þar á bæ er uppskera um 40 tonn á ári.
Morgunblaðið/Sigurður Sigmundsson
Meðlæti með jólamatnum
STARFSMAÐUR í viðhaldsdeild
Flugleiða slasaðist á höfði og öxl
þegar hann féll fram af tveggja
metra háum vinnupalli við vinnu
sína í flugskýli á Keflavíkurflug-
velli í gær. Hann var fluttur á
Heilbrigðisstofnun Suðurnesja til
aðhlynningar. Fulltrúi vinnueftir-
lits ríkisins var kvaddur á vett-
vang til að kanna aðstæður og hef-
ur lögreglan á Keflavíkurflugvelli
tildrög slyssins til rannsóknar.
Féll af vinnupalli