Morgunblaðið - 12.06.2003, Blaðsíða 4

FRÉTTIR
4 FIMMTUDAGUR 12. JÚNÍ 2003 MORGUNBLAÐIÐ
SAKBORNINGAR í einu stærsta amfetamínmáli
sem upp hefur komið hérlendis ýmist neituðu eða
játuðu sök að hluta, eða bentu hver á annan, þeg-
ar aðalmeðferð málsins hófst í Héraðsdómi
Reykjaness í gær. Ein úr hópnum, 23 ára kona,
sagðist hafa verið beitt harðræði af lögreglu sem
leitt hafi til játninga á glæp sem hún framdi ekki.
Ákært er fyrir smygl á tæpum 6 kg af amfeta-
míni og 300 grömmum af kókaíni og peninga-
þvætti frá september 2001 til janúar 2002.
Enn fremur er ákært fyrir smygl á 630 g af
kókaíni til landsins árið 1998 auk frekara fíkni-
efnasmygls í smærri stíl. Upptökukröfur ákæru-
valdsins nema rúmum 6 milljónum kr. Sakborn-
ingar eru sjö í aðalmálinu, fimm menn frá
rúmlega tvítugu til fertugs og tvær konur.
Var undir miklum þrýstingi
frá vinkonu sinni
Annarri konunni er m.a. gefið að sök að hafa
fengið vinkonu sína til að taka við póstsendingum
með fíkniefnum sem síðar voru sóttar í bíl henn-
ar á vinnustað hennar. Samkvæmt ákæruskjali
var um að ræða kíló af amfetamíni og 300 g af
kókaíni. Vinkonan sagðist fyrir dómi hafa verið
undir miklum þrýstingi frá meðákærðu um að
taka við sendingunni og loks látið undan. Hefði
hún leyft að póstsendingin yrði send á heim-
ilisfang sitt. Síðan hefði hún sett pakkana í bíl
sinn og skilið hann eftir opinn á bílastæði að
beiðni meðákærðu. Í framhaldinu hefði ókunn-
ugur maður komið til sín í vinnuna og sótt pakk-
anna í bílinn. Sagðist hún ekki hafa vitað um
innihaldið, en gefið hefði verið í skyn að um ólög-
mætan varning væri að ræða. Fyrir sinn þátt
fékk hún greiddar 200 þúsund krónur. Með-
ákærða harðneitaði því að hafa fengið vinkonu
sína til þessara gerða og sagðist ekki skilja hví
verið væri að ljúga upp á sig. Atburðir hefðu
þvert á móti verið á þann veg að vinkonan hefði
heimsótt hana í Danmörku og þær síðan ferðast
saman til Þýskalands þar sem vinkonan átti að
hitta ónefndan aðila.
Mjög illa haldin í gæsluvarðhaldi
Meðákærða, sem einnig er sökuð um pen-
ingaþvætti í málinu, sagðist enn fremur hafa ver-
ið beitt harðræði af lögreglu við rannsókn máls-
ins, sem leitt hefði til falskra játninga hennar.
Hún hafi verið mjög illa haldin andlega sem lík-
amlega og hefðu lögreglumenn notfært sér bágt
ástand hennar til að þvinga fram játningar.
Hefðu þeir oft yfirheyrt hana án þess að um
formlega skýrslutöku væri að ræða að viðstödd-
um lögmanni. Í gæsluvarðhaldinu hefði læknir þá
úrskurðað að hún þyrfti næringu í æð. Verjandi
konunnar áskildi sér rétt til að leiða lækni og sál-
fræðing fyrir dóminn til að sannreyna fullyrð-
ingar hennar.
Bróðir hennar er meintur höfuðpaur í málinu,
sem einnig varðar smygl á 4,8 kg af amfetamíni
auk fyrrnefndra fíkniefna. Ákærði neitar sök.
Hann keypti erlendan gjaldeyri fyrir 2,7 milljónir
króna, sem ákæruvaldið telur að hann hafi ætlað
til fíkniefnakaupa erlendis. Þegar hann var
spurður hvar hann hefði fengið peningana til
gjaldeyriskaupanna sagðist hann hafa sparað af
launum sínum, en tjáði sig ekki frekar um málið.
Tveir ákærðu, menn um tvítugt, eru sakaðir um
móttöku og geymslu á amfetamíninu og sögðust
ekki hafa gert sér grein fyrir innihaldinu. Annar
þeirra sagðist reyndar hafa haft illan grun um að
eitthvað væri bogið við innihald dósa sem sendar
voru hingað og þangað á íslensk heimilisföng og
hann átti að safna saman. Hann hafi þó aldrei
fengið svör um innihald þegar eftir var leitað. Því
hafi hann beðið meðákærða vin sinn um að
geyma dósirnar. Aðspurður af verjendum með-
ákærðu, sagðist hann ekki hafa þorað að geyma
hugsanlega ólöglegan varning en á hinn bóginn
hefði hann talið í lagi að vinur sinn lenti í þeirri
stöðu. Tjáði hann ekki vininum grunsemdir sínar
um að sendandi dósanna hefði óhreint mjöl í
pokahorninu.
Einn sjö sakborninga við aðalmeðferð í stóru amfetamínmáli
Segir harðræði í gæsluvarð-
haldi hafa leitt til játninga
KARLMAÐUR sem sætir
rannsókn lögreglunnar í
Reykjavík vegna meintra kyn-
ferðisbrota, með því að hafa
geymt barnaklámefni í slíku
magni að aldrei hefur annað
eins sést hérlendis, fór til út-
landa fyrir skömmu án þess að
lögreglan hindraði för hans.
Utanferð hans var með vitn-
eskju og samþykki lögreglunn-
ar og verjanda hans og var ekki
talin ástæða til að krefjast úr-
skurðar dómara um farbann
vegna rannsóknar málsins, að
sögn Harðar Jóhannessonar yf-
irlögregluþjóns. Vitað er hvar
maðurinn er og hvenær hann er
væntanlegur til landsins aftur.
Kemur hann heim eftir nokkra
daga og er ekki talin þörf á að
krefjast nærveru hans á Íslandi
fyrr en yfirheyrslur yfir honum
hefjast. Lögreglan hefur því
fram að þessu hvorki lagt fram
gæsluvarðhalds- né farbanns-
kröfu á hinn grunaða.
Við húsleit fann lögreglan í
fórum mannsins á fjórða
hundrað myndbandsspólna, yf-
ir 200 DVD-mynddiska og tvær
tölvur sem innihéldu klám-
myndir í tugþúsundatali.
Barnaklámsmálið
Hinn grun-
aði erlendis
FLOTI fjögurra þýskra og franskra
herskipa liggur nú við bryggju í
Reykjavíkurhöfn. Flotadeildin hef-
ur verið við æfingar en verður við
bryggju hér til morguns. Þá er för-
inni heitið til Skotlands, og þaðan
til Tromsö í Noregi.
Í flotadeildinni eru þrjú þýsk
skip, freigátan Bremen, tundur-
spillirinn Lütjens og birgðaskipið
Berlin, ásamt frönsku freigátunni
La Fayette. Skipin hafa hvert sitt
hlutverk og er markmið æfinganna
meðal annars að samhæfa þessi
hlutverk að sögn Karsten Schneid-
er, skipherra og yfirmanns þýsk-
frönsku flotadeildarinnar.
Í gær gafst almenningi tækifæri
til að skoða skipin.
Skipin mjög sérhæfð
Freigátan Bremen er hönnuð til
að leita að og eyða óvinakafbátum,
og notar hún þyrlur til að finna kaf-
bátana. Skipið er 130 metrar á
lengd og er 3.680 tonn, og eru 219 í
áhöfn. Alexander Zeihe, sem er
einn af foringjum skipsins, segir
skipið vera vel til þess fallið að
styðja önnur skip, og var það meðal
annars í sex mánuði á Persaflóa á
meðan stríð bandamanna gegn Írak
stóð sem hæst.
Lütjens er tundurspillir sem er
hönnuð til þess að verja flotadeild-
ina gegn árásum úr lofti. Skipið er
búið háþróuðum ratsjám og lang-
drægum loftvarnakerfum. Lütjens
er 134 metrar á lengd og er 4.730
tonn, með 337 áhafnarmeðlimi.
Birgðaskipið Berlin er stærsta
skipið í þýska flotanum, 19.200 tonn
og 173 metrar á lengd. Skipið sér
hinum skipunum í flotadeildinni
fyrir birgðum svo sem olíu, vatni,
mat og skotfærum. Þar er einnig
hægt að setja upp fullkomið sjúkra-
pláss fyrir allt að 50 manns.
Nýjasta skipið í flotadeildinni er
franska freygátan La Fayette sem
var sjósett 1996. Skipið er byggt
með það í huga að það sjáist illa eða
ekki á radar og er eitt af fyrstu
skipunum sem byggð eru með því
lagi. La Fayette er 125 m á lengd,
3.700 tonn og er með 162 í áhöfn.
Fjögur skip úr þýsk-franskri flotadeild í heimsókn í Reykjavík
Æfa til að samhæfa mis-
munandi hlutverk skipanna
Morgunblaðið/Sverrir
Guðný Guðmundsdóttir, Magnús Árni Magnússon og Davíð Hafþór Kristinsson horfa yfir borðstokkinn á þýska
birgðaskipinu Berlin. Þau voru ánægð með heimsóknina. „Þetta er mjög gaman fyrir strákana,“ segir Guðný.
STEINGRÍMUR J. Sigfússon, for-
maður VG, lýsir megnri óánægju
með að utanríkismálanefnd „skuli
ekki kölluð til efnislegs samráðs um
innihald svarbréfs forsætisráðherra
til Bandaríkjaforseta varðandi fram-
tíð herstöðvarinnar í Keflavík,“ eins
og segir í bréfi sem Steingímur sendi
starfsmanni utanríkismálanefndar í
gær. Óskaði Steingrímur eftir að
bréfinu yrði komið á framfæri við
formann nefndarinnar, forsætisráð-
herra og utanríkisráðherra.
„Hundsa lögboðið samráð“
Steingrímur telur að gengið hafi
verið framhjá utanríkismálanefnd,
sem samkvæmt þingsköpum skal
kölluð ríkisstjórninni til samráðs í
mikilvægum utanríkismálum „Eðli
málsins samkvæmt þarf slíkt samráð
að eiga sér stað áður en gengið er
endanlega frá innihaldi svarsins og
bréfið sent. Jafnvel þótt ofangreind-
ir ráðherrar og formenn stjórnar-
flokkanna hyggist, nú sem oftar,
hundsa lögboðið samráð við utanrík-
ismálanefnd hvað varðar efnisinni-
hald orðsendingarinnar til Banda-
ríkjastjórnar væri lágmarkskurteisi
að utanríkismálanefndarmenn
fengju bréfið í hendur áður en það
verður afhent vestanhafs síðdegis í
dag,“ segir í bréfi Steingríms.
Sólveig Pétursdóttir, formaður ut-
anríkismálanefndar, segist undrandi
á bréfi Steingríms. „Það var haft
fullt samráð við utanríkismálanefnd
þegar fundur var haldinn fyrir
skömmu síðan þar sem bréf Banda-
ríkjaforseta var kynnt fyrir nefnd-
inni. Á þeim fundi voru gagnleg
skoðanaskipti þegar bréfið var rætt
og jafnframt var nefndarmönnum
tjáð að bréfinu yrði svarað fljótlega.
Það hefur nú verið gert og bréfið
verður kynnt á fundi utanríkismála-
nefndar á morgun,“ segir Sólveig.
Jónína Bjartmarz, varaformaður ut-
anríkismálanefndar, mun stýra fundi
nefndarinnar í dag í fjarveru Sól-
veigar.
Steingrímur J.
Sigfússon
Utanríkis-
málanefnd
hefði átt að
fjalla um
svarbréfið
HEIÐURSFYLKING franska og þýska flotans lagði í
gær blómsveiga við minnismerki drukknaðra franskra
sjómanna og minnismerki þýskra hermanna sem féllu í
síðari heimsstyrjöldinni. Athöfnin fór fram í Fossvogs-
kirkjugarði í gærmorgun.
Karsten Schneider, skipherra og yfirmaður þýsk-
frönsku flotadeildarinnar, segir tilgang ferðarinnar til
Íslands einkum hafa verið að æfa saman flotadeildirnar
frá þessum tveimur bandalagsþjóðum. „Þegar kemur að
þjóðaröryggi er samvinna bandalagsþjóðanna mikil-
væg,“ segir Schneider. Hann segir nauðsynlegt að flotar
landanna geti unnið saman þegar á reynir og að eina
leiðin til þess að tryggja gott samstarf sé að æfa á frið-
artímum.
Flotadeildin er á förum á föstudag þegar hún siglir til
Tromsø í Noregi. Schneider segir að engar æfingar séu
fyrirhugaðar með norska sjóhernum þar sem skip hans
eru í öðrum verkefnum.
Morgunblaðið/Golli
Þýskir og franskir sjóliðar í Fossvogskirkjugarði.
Lögðu blómsveiga
við minnismerki