Morgunblaðið - 12.06.2003, Blaðsíða 17
AKUREYRI
MORGUNBLAÐIÐ FIMMTUDAGUR 12. JÚNÍ 2003 17
Útboð
Norðurorka hf. óskar eftir tilboðum í lagningu dreifikerfis hitaveitu í
Arnarneshreppi.
Um er að ræða jarðvinnu og pípulögn um 16 km langrar
stofnæðar og um 7 km af heimæðum.
Stofnæð er DN80 mm og DN65 mm foreinangraðar stálpípur og
ø63 mm foreinangruð pexlögn í hlífðarkápu úr plasti.
Heimæðar eru foreinagraðar pexlagnir.
Skiladagur verksins er 17. október 2003.
Útboðsgögnin verða seld á skrifstofu Norðurorku, Rangárvöllum,
603 Akureyri, frá og með fimmtudeginum 12. júní nk. kl. 13:00, á
kr. 5.000.
Tilboðum skal skila á sama stað eigi síðar en fimmtudaginn 26.
júní 2003 kl. 14.00 og verða þau þá opnuð í fundarsal á fjórðu
hæð að viðstöddum þeim bjóðendum, eða fulltrúum þeirra, sem
þess óska.
Forstjóri Norðurorku.
NÝ úrbeiningarlína fyrir stór-
gripakjöt hjá Norðlenska á Akur-
eyri var formlega tekin í notkun í
gær. Valgerður Sverrisdóttir iðn-
aðar- og viðskiptaráðherra ræsti
línuna að viðstöddu fjölmenni.
Þessi nýja úrbeiningarlína er af-
rakstur þróunarverkefnis Marels
hf. og Norðlenska ehf. og markar
hún tímamót í kjötvinnslu á Ís-
landi, að sögn forsvarsmanna fyr-
irtækjanna. Jafnframt mun þessi
lína nýtast vel minni kjötvinnslu-
fyrirtækjum út um allan heim.
Sigmundur Ófeigsson fram-
kvæmdastjóri Norðlenska sagði að
hér væri um að ræða byltingu í
kjötvinnslu á Íslandi og þótt víðar
væri leitað. Hann sagði að unnið
yrði að því að breyta vinnslum fyr-
irtækisins bæði á Akureyri og
Húsavík þannig að þær uppfylltu
þá staðla sem krafist er til þess að
þær fái Evrópuleyfi fyrir unnar
kjötvörur.
Engin sambærileg kjötvinnslu-
lína hefur verið sett upp í heim-
inum og verður því mjög horft til
reynslu Norðlenska af þessari
tæknibyltingu, segir í fréttatil-
kynningu. Markmiðið með úrbein-
ingarlínunni er m.a. að ná fram
nútímalegri og háþróaðri matvæla-
vinnslu, betri vöru með meiri gæð-
um, bættri vinnuaðstöðu starfs-
fólks, auknum afköstum, bættri
nýtingu hráefnis og rekjanleika
vöru frá neytanda til framleiðanda.
Marel hefur undanfarin sjö ár
unnið að þróun úrbeiningarlínu
fyrir kjötvinnslur en áður hefur
fyrirtækið sett upp flæðilínur fyrir
fiskvinnslur og kjúklingasláturhús
víða um heim. Við þróun og upp-
setningu úrbeiningarlínunnar á
Akureyri er gengið lengra en áður
því þetta er fyrsta línan í heim-
inum þar sem gert er ráð fyrir úr-
beiningu á fleiri en einni tegund
stórgripakjöts – í þessu tilfelli
nautakjöti, svínakjöti og hrossa-
kjöti.
Rúm þúsund tonn af nautakjöti
eru unnin hjá Norðlenska á Akur-
eyri og ámóta magn af svínakjöti.
Hjá fyrirtækinu starfa um 180
manns – á Akureyri, Húsavík og í
Reykjavík.
Afrakstur þróunarverkefnis Norðlenska og Marel
Ný úrbeiningarlína fyrir
stórgripi tekin í notkun
Morgunblaðið/Kristján
Valgerður Sverrisdóttir iðnaðar- og viðskiptaráðherra ræsti nýja úrbeiningarlínu hjá Norðlenska í gær. Með
henni á myndinni eru Reynir Eiríksson framleiðslustjóri t.v. og Vilberg Vigfússon sem mundar hnífinn.
HÖLDUR hefur opnað
nýja og glæsilega bíla-
sölu á Þórsstíg 2 og um
leið sameinað á einum
stað sölu á nýjum og
notuðum bílum. Á Þórs-
stíg 2 var gatnadeild
Akureyrarbæjar áður til
húsa en Höldur keypti
húsnæðið og síðustu
mánuði hefur þar verið
unnið að umfangs-
miklum endurbótum.
Sýningarsalurinn er
bjartur og rúmgóður og
utandyra er stórt sýn-
ingarsvæði. Á myndinni
eru f.v. Pálmi Björnsson á bílasölu
Hölds, Teitur Birgisson, yfirmaður
bílaþjónustusviðs, og Steingrímur
Birgisson framkvæmdastjóri.
Höldur opnar nýja bílasölu
Morgunblaðið/Kristján
BJÖRN Ívar Karlsson bar sigur úr
býtum á maí-hraðskákmóti Skák-
félags Akureyrar sem fram fór á ann-
an í hvítasunnu. Björn Ívar hlaut 16
vinninga af 17 mögulegum en annar
varð Guðmundur Gíslason með 15
vinninga. Þeir félagar voru svo til
jafnir út allt mótið en Guðmundur
beið ósigur í lokaumferðinni á meðan
Björn Ívar innbyrti sinn vinning og
þar með sigur í mótinu.
Gylfi Þórhallsson hafnaði í þriðja
sæti með 14 vinninga og í fjórða sæti
varð Ágúst Bragi Björnsson með 11
vinninga en alls voru keppendur 18.
Um næstu helgi verður skákkeppni
milli SA og skákdeildar Félags eldri
borgara úr Reykjavík. Keppni hefst í
Íþróttahöllinni kl. 15 á laugardag.
Björn sigr-
aði á hrað-
skákmótinu
Aðalfundur Skógræktarfélags Ey-
firðinga verður haldinn í Garðsárs-
kógi í Eyjafjarðarsveit í kvöld,
fimmtudagskvöldið 12. júní, kl.
20.00. Dagskrá verður samkvæmt
lögum félagsins. Garðsárskógur,
sem friðaður var 1931, er elsti skóg-
arreitur skógræktarfélagsins. Ekið
er um Eyjafjarðarbraut eystri og
beygt til vinstri í átt að Hjarðar-
haga, Syðra-Hóli og Garðsá í Öngul-
staðahreppi hinum forna. Skógurinn
er á hægri hönd þegar ekið er í átt
að bænum Garðsá. Að aðalfundar-
störfum loknum verður farin stutt
skoðunarferð um skóginn og síðan
boðið upp á hressingu. Fundarmenn
eru beðnir að koma búnir til útivist-
ar og hafa með sér teppi og sessur.
Í DAG
Bandaríski skólakórinn Appelton
West singers syngur á tónleikum í
Akureyrarkirkju í kvöld kl. 20.30. Á
efnisskrá eru bandarísk kórverk auk
tónlistar frá öðrum menningar-
heimum. Aðgangur er ókeypis og
allir eru velkomnir.