Íslendingaþættir Tímans - 09.03.1972, Blaðsíða 32
Sjötugur:
Páll Pálsson
Að fortíð skal hyggja ef framtíð
skal byggja
$n fræðslu þess liðna sést ei
hvað er nýtt.
E.B.
■Þessar ljéðlínur E.B. urðu mér
efst í huga, er við Páll höfðum
raibbað saman litla kvöldstund og
hann sagt mér sitthvað af langri
og viðburðaríikri ævi. Æviferill
Piáls hefur ekki verið blómum
stráður, þótt því sé ekki að leyna,
að hamingjan hefur einnig orðið
á veigi hans. Við harðrétti sleit
hann barnsskónum og það féll í
hans hlut að alast upp á sveit til
þess aldurs, er hann varð fær um
að sjá um sig sjálfan. Ungur var
hann fátæktar og þrældóms-
ins brennimarki brenndur, en
hann var strax bráðþroska og
hraustbyggður og stóð þannig bet-
ur af sér erfiðleika uppvaxtarár-
anna. Sextán ára fékk hann
spönskuveikina og hefur þá bilazt
fyrir brjósti, því að niu sinnum er
hann búinn að liggja í lungna-
bólgu. En vsrst hefur giktin farið
með hann. 'Ungur tóik hann þenn-
an algenga sjúkdóm, sem er af-
leiðing of mikillar vinnu og erf-
iðra daga, og nú er hann með
mjög mikla kölkun í balki og geng-
ur aldrei heill til skógar. 'En þrátt
fyrir þessa erfiðleika hefur Páll
háð lífsbaráttuna með þeim
ákveðna ásetninig að láta ekki basl-
ið drepa úr sér dug. Hefja upp-
reisn gegn andstreyminu, en þakk-
látur öllum góðum öflum, sem
hafa rutt honum braut.
Páll fæddist á Gaddstöðum á
Rangárvöllum 2. fiebrúar 1902. For
eldrar hans voru Páll Jónsson og
Salvör Jensdóttir. Þau hjón eign-
uðust 13 börn og er Páll ellefta
í röðinni. Öll náðu þessi systkini
fullorðins aldri nema ein stúlka.
sem dó 13 ára, en Páll segir, að
32
bifreiðastjóri
hún hefði dáið úr leiðindum, en
hún var ein úr þessum stóra hópi,
sem alin var upp á sveit. Tveggja
ára var Páll fluttur að Odda á
Rangán'öllum til séra Skúla Skúla
sonar og frú Sigríðar Helgadóttur.
Þar dvaldi hann til fimm ára ald-
urs. Páli þótti sr. Skúli harður
húsbóndi, en Páll segist strax hafa
verið ódæll og orðhvatur en séð
strax barn að aldri, að ef hann
sýndi ekki hörku og harðfengi,
yrði hann aldrei sjálfbjarga mað-
ur. Frú Sigríður var góð við þenn-
an unga svein og minnist Páll
hennar með hlýju. Fimm ára flutt-
ist svo Páll að Fróðholtshjáleigu
og var þar til 16 ára aldurs. Hús-
bændur hans voru þau Einar Sig-
urðsson og Guðrún Hildibrands-
dóttir. Þarna var lögferia yfir
Þverá og var á bak við það mikið
starf og oft mikil vosbuð. Þarna
kom sér vel karlmennska Páls því
krafta oig harðfengi þurfti oft í
þessu starfi.
Páll segir svo um veru sína í
Fróðholtshjáleigu að Einar hafi
haldið fólki fast að vinnu og þar
hafi hann unnið vægðarlaust. En
sú var bót í máli að á þessu heim-
ili var nóg að borða og Guðrún
góð húsmóðir. Hún var mín móðir
segir Páll og breytir allur um svip.
Frá 16 til 29 ára aldurs vinnur
Páll öll algeng störf og er á ver-
tíðum í Vestmannaeyjum í mörg
ár og stundar þá sjóróðra á ára-
bátum. Páll er með stærstu mönn-
um og þrekinn vsl enda var hann
talinn tveggja manna maki og vel
það þegar hann var upp á sitt
bezta. Á þessum árum segist Páll
hafa verið frekar laus í rásinni,
en hugsað um að skulda engum
neitt og standa klár að sínu, um
veraldarauð sinnti hann ekki og
Bakkus var oft ágengur á það sem
afgangs var.
Páll er í eðli sínu friðsamur,
en ungur að árum mun hann hafa
haft gaman af áflogum og tuski,
en ekki veitzt að öðrum að fyrra
bragði, en ýtt óþyrmilega frá sér
ef að honum var ráðizt. 1929
verða þáttaskil í störfum Páls. Þá
fer hann að stunda bifreiðaakstur
og hefur það orðið hans ævistarf
síðan, þótt fleiru hafi hann brugð-
ið fyrir sig öðru hvoru. Vörubíla-
akstur stundar hann svo í sínu
heimahéraði fram um 1940. Þá var
hann ráðsmaður á Lágafelli hjá
Thor Jensen mestan hluta ársins
1939. Þar líikaði honum vel að vera
og á þaðan góðar minningar. Eftir
það fluttist Páll hingað til Reykja-
víkur og hefur átt hér heima síð-
an. Um alllangt skeið ók Páll
áætlunarbílum bæði fyrir B.S.R.
og Halldór Jónsson. S.l. 20 ár hef-
ur Páll verið sjálfseignarbílstjóri
á B.S.R. og á þessum árum höfum
Frh á bls 31
islendingaþættir