NT - 07.03.1985, Blaðsíða 2

Fimmtudagur 7. mars 1985
Samstarfsáætlun samþykkt
- tímamót í norrænni samvinnu?
■ „Nú er það verkefni hvers
ríkis fyrir sig að vinna eftir
þessari áætlun, standa við þau
fyrirheit sem hér hafa verið
gefin,“ sagði Páll Pétursson
forseti Norðurlandaráðs við
blaðamann NT eftir að Norður-
landaráðsþingið hafði samþykkt
áætlunina um efnahagsþróun og
fulla atvinnu í gær. Aðeins tvö
mótatkvæði komu fram. Þetta
er af ýmsum talið eitt veiga-
mesta mál sem Norðurlanda-
ráðsþing hefur nokkurn tíma
fjallað um og haft hefur verið
á orði að samþykkt þess marki
tímamót í norrænni samvinnu.
„Þetta varðar reyndar ekki
okkur mikið, áætluninni er fyrst
og fremst beint gegn atvinnu-
leysisbölinu, sem hrjáir ná-
granna okkar en við höfum
blessunarlega verið lausir við
fram að þessu,“ sagði Páll.
Hann sagði þó að það skipti
íslendinga auvitað máli að inni-
haldið í áætluninni væri m.a.
það að Norðurlöndin aðhefðust
ekkert það í sinni pólitík, sem
Hver átti frumkvæði að stofn
un Gyllenhammar hópsins?

\a«4a‘

kæmi grönnum þeirra illa. „Ég
vakti athygli á þessu í setningar-
ræðu minni á þinginu,.og beindi
því m.a. til Norðmanna vegna
ríkisstyrkja þeirra til sjávarút-
vegsins. Við höfum ekki tekið
góðar og gildar röksemdir
Norðmannanna þess efnis að
ríkisstyrkirnir hefðu engin áhrif
á samkeppnishæfni Norðmanna
á fiskmörkuðum," sagði Páll.
Hann bætti því við að hann teldi
engu að síður að það væri hægt
að ræða þetta mál i bróðerni,
það væri ekki rétta leiðin að
vera með ögranir á götuhornum
og vísaði þar til útifundar Jóns
Baldvins.
Páll and-
mælirÁrna
Johnsen
■ „Ég harma það aðþessi
fyrirspurn skuli koma
fram og sé mig tilknúinn
til að andmæla þeim sjón-
armiðum sem á bak við
hana eru,“ sagði Páll Pét-
ursson forseti Norður-
landaráðs í samtali við
blaðamann NT í gær. Til-
efnið er fyrirspurn Árna
Johnsen um það hvort
ekki megi ná einingu um
að íslenskar bækur sem
tilnefndar eru til bók-
menntaverðlauna Norður-
landaráðs verði lagðar
fram á íslensku eða hugs-
anlega ensku, þýsku og
frönsku.
ta
■ Fyrirspurn Guðrúnar
Helgadóttur til norrænu
ráðherranefndarinnar um
hver hafi átt frumkvæðið
að stofnun Gyllenhammar-
hópsins komst ekki á
dagskrá á þingi Norður-
landaráðs í gær en verður
að öllum líkindum tekin
fyrir í dag.
Gyllenhammar-hópurinn
samanstendur af áhrifamönnum
í norrænu atvinnulífi og hefur
átt frumkvæði að ýmsum verk-
efnum í efnahagssamstarfi
Norðurlandanna en einn í hópn-
um er Erlendur Einarsson for-
stjóri SlS.
Á.fundi ráðsins í Stokkhólmi
1984 var það upplýst að þessi
hópur starfaði í tengslum við
ráðherranefndina en starfsemi
hans yrði ekki fjármögnuð af
sjóðum sem væru á vegum
Norðurlandaráðs. Það hefur
hins vegar komið fram að hóp-
urinn hefur fengið 750 þúsund
norskar krónur til starfsemi
sinnar frá Norræna fjárfesting-
arbankanum og honum standi
til boða önnur eins upphæð ef á
þurfi að halda til einstakra mála.
Telur Guðrún að hún hafi
fengið röng svör við spurningum
sínum á þinginu í Stokkhólmi
en þá spurði hún hvernig starf-
semi þessa hóps yrði fjármögn-
uð. Því tekur hún málið upp á
ný og vill fá að vita hverjir stóðu
að stofnun þessa hóps, hvaða
verkefnum hann hefði átt að
sinna og hvaða rök lægju fyrir
því að Norræni fjárfestingar-
bankinn úthlutaði peningum til
starfsemi hópsins.
Norðvestursjóðurinn
■ í kvöld verður ópera Wagners, Hollendingurinn fljúgandi flutt
í konsertformi í Háskólabíói. Flytjendur verða Sinfóníuhljómsveit
fslands, ásamt Söngsveitinni Fílharmóníu og Karlakór Reykjavíkur,
en einsöngvararnir, nema Sigurður Björnsson, koma frá Ham-
borgaróperunni. Þaðan kemur einnig stjórnandi flutningsins,
Klauspeter Seibel. Þetta er í fyrsta sinn sem ópera eftir Wagner er
flutt hér á landi og einn veigamesti óperuflutningur, sem farið hefur
fram hérlendis. Tónleikarnir verða endurteknir á laugardaginn.
Myndin er tekin á æfingu í gær. NT-mynd Svernr.
■ Noröurlandaráðsþingið
samþykki í gær einróma að
stofna hinn svokaliaða
„Vest-norden fond,“ sjóð
sem hefur það verkefni að
lána til þróunarverkefna á
Færeyjum, íslandi og
Grænlandi. Gert er ráð fyr-
ir að sjóðurinn geti fyrst
lánað út snemma árs 1986.
Stofnfé hans verður 13,5
milljónir Bandaríkjadala.
Kvennafrídagur
Moskóvítanna
■ Íslenskarkonureruásíð-
ustu árum teknar upp á því
að gera sér baráttudagamun
þann 8. mars sem mun vera
alþjóðlegur baráttudagur
kvenna. Dropateljari hafði
hins vegar í fáfræði sinni
aldrei heyrt minnst á þennan
8. mars sem kvennadag fyrr
en á ferð sinni um Sovétríkin
fyrir nokkru, og fékk þar
lýsingu á því hvernig daga-
mun hinnar dæmigerðu
Moskvukonu væri háttað í
höfuðdráttum þennan bar-
áttudag.
Hefð er fyrir því að Mosk-
óvítar skuli vera höfðinglegir
við kvenþjóðina þann 8.
mars. Rússar hafa yndi af að
lýsa svolítið upp gráan hvers-
dagsleikann með blómum og
þykir sá Moskóvíti argasti
nirfill sem ekki færir sinni
heittelskuðu, ellegar móður
eða systur, að minnsta kosti
eina rós þann 8. mars.
Rósir eru hins vegar ekki á
hverju strái í Moskvu á þess-
um árstíma eins og gefur að
skilja. Þar sem annarsstaðar
kemur hins vegar hið kapítal-
íska einkaframtak til
bjargar. Samyrkjubúasovét-
ar á hinum suðlægari breidd-
argráðum þessa stóra ríkis
sjá sér leik á borði í rósarækt-
inni, sem þeir stunda undir
stofuglugganum sínum. Fyrir
8. mars streyma þeir síðan
flugleiðis til stórborganna í
norðri hver með sitt rósa/
blómabúnt í fanginu. Þegar
þangað kemur mun algengt
að Moskóvítinn verði að
punga út daglaunum til
Georgíubóndans fyrir hvert
blóm.
Konu sem þegið hefur
blóm að andvirði heilla dag-
iauna ber á hinn bóginn
skylda til að gera vel við
gefandann, m.a. í mat og
drykk. Veisluföng eru hins
vegar ekki á hverju strái í
Moskvu og síst þegar allir
ætla að nálgast þau samtímis.
Það getur því tekið drjúg
hlaup (því ekki er einkabíln-
um fyrir að fara), miklar
stöður og langa bið að
verða sér úti um hnossgætið
fyrir herra heimilisins, og
gesti þá sem hann gjarnan
býður með sér í glaðninginn.
Hjálpartæki eru líka held-
ur sjaldséð á sovéskum heim-
ilum og jafnvel margar fjöl-
skyldur um sömu eldhúskitr-
una. Undirbúningur veisl-
unnar getur því tekið tímana
tvo og ennfremur frágangur
að henni lokinni. Niðurstað-
an vill því æði oft verða sú,
að milljónir Moskvukvenna
sofna sjaldan þreyttari en
einmitt á sínum sérstaka
kvennafrídegi. Fyrir íslensk-
ar konur er vonandi að 8.
mars verði ekki hér upp tek-
inn að beinni sovéskri fyrir-
mynd.
Og hvaða hús. Jú ætli blöð-
in leiti ekki á náðir flokk-
anna þegar þau vantar al-
mennilegan sal fyrir nætur-
langt djamm.
Hér á NT vissu menn
hreint ekki hvar skyldi bera
niður þar til einhverjum var
hugsað til sérdeilis skemmti-
legra húsakynna sem komm-
ar lúra á í Alþýðubandalags-
húsinu við Hverfisgötu. Og
hjá allaböllum var húsið til
reiðu þannig að þar verður
sest niður.
En starfsfólk á málgagni
sósíalisma og verkalýðs
hugðist líka klæðast í kjól og
hvítt þetta kvöld og djamma
einhversstaðar nærri mið-
bænum. Samt ekki á Hverfis-
götunni. Nema hvað, augun
bar þá niður á Rauðarár-
stígnum þar sem í veglegu
hóteli má finna hinn dæileg-
asta sal. Og hver skyldi svo
eiga hann. Nú auðvitað
Framsókn.
Það verður því dunandi
dans í herbúðum beggja um
helgina* þó einhverjum
kunni að þykja staðan hálf
torkennileg.
Eða eigum við von á að
heyra Internationalinn sung-
inn út á Rauðarárstíg... og
kannski tekið undir á Hverf-
isgötunni.
Víxlaðist
eitthvað..
■ Það er tilhlökkun hérna í
blað-Síðumúlanum þessa
dagana. Beggja vegna göt-
unnar, á Þjóðvilja og NT
hyggjast menn efna til veg-
legra árshátíða og í engu
sparað. Kokteilar og full hús
gómsætra krása.
Að sögn Ólafs G. Einarsson-
ar, sem hafði framsögu um mál-
ið í gær af hálfu efnahagsmála-
nefndarinnar kemur sjóðurinn
til með að lána út fé á mun betri
kjörum en almennt gerist á
lánamörkuðum og til mjög al-
mennra verkefna.
Ástkæra,
ylhýra...
Haltu þér bara Kjartan minn, ég skal sjá um hitt aleinn.
■ Dagblöðin eru sífelldur
skotspónn málvöndunar-
manna, og er sérstakur þátt-
ur í útvarpinu þar sem eink-
um er fjallað um slæmt mál-
far blaðamanna.
Sjaldnar er amast við við-
mælendum veslings blaða-
mannanna, eða því illskiljan-
lega stofnanamáli sem þær
skýrslur eru iðulega samdar
á og fréttahaukarnir verða
að burðast við að þýða á
skiljanlega íslensku. í DV í
gær kom fram nýyrði, sem
kannski þykir góð latína í
þeirri stofnun sem um var
fjallað, en hefur verið fáséð
í dagblöðum til þessa. Blaða-
maður var að ræða við for-
mann kjörnefndar um próf-
kjör vegna rektorskosninga í
HÍ. Mistök urðu á fram-
kvæmdinni og kvað formað-
urinn ástæðurnar skrifstofu-
haldslegar.
Með góðum vilja er hægt
að geta sér til um hvernig á
mistökunum stóð, en hvor-
um á að þakka þetta hugvit-
samlega nýyrði, blaða-
manninum eða formannin-
um?