NT - 13.04.1985, Blaðsíða 21

(TT Laugardagur 13. apríl 1985 21
lit Útlönd
Sorg vegna Brasilíuforseta
■ Sorg Brasilíumanna yfir
slæmri heilsu nýkjörins forseta
síns, Tancredo Neves, er mikil
eins og sjá má á þessari mynd
sem var tekin fyrir utan sjúkra-
húsiö þar sem hann liggur. Von-
brigði konunnar voru augljós
þegar hún frétti að forsetinn yrði
að gangast undir enn einn upp-
skurðinn. Neves hefur nú geng-
ist undir sjö uppskurði á einum
mánuði en hann sýktist skyndi-
lega þegar hann átti að taka við
forsetaembættinu 15. mars síð-
astliðinn. Eftir hvern uppskurð
hafa læknar sagt að Neves, sem
nú er 75 ára, væri á batavegi en
fljótlega hafa þeir svo þurft að
skera hann aftur upp vegna
ígerðar og bólgu í innyflum og
innvortis blæðinga.
Símamynd-POLFOTO
Breskir kola-
námumenn
semja um
launahækkun
London-Reuter:
■ Arthur Scargill leiðtogi
breskra kolanámumanna samdi
nú á fimmtudaginn við stjórn
kolanámanna um 5,2% launa-
hækkun fyrir námumenn árið
1983 til 1984.
Þetta voru fyrstu kjarasamn-
ingar sem kolanámumenn hafa
gert við stjórn námanna í 18
mánuði en í síðasta mánuði
lauk árs verkfalli þeirra sem
beint er gegn fyrirhugaðri lokun
kolanáma sem stjórnvöld sögðu
óhagkvæmar í rekstri.
Samningarnir um kauphækk-
anirnar núna tókust eftir aðeins
tveggja og hálfs tíma viðræður
og í næstu viku segist Scargill
munu reyna að ná svipuðum
kauphækkunum fyrir árið 1984
til 1985. Scargill hefur einnig
hafið viðræður við formann yfir-
stjórnar kolanámanna.
Indland:
Námskonur
gera árás
Nýju Delhí-Retuer.
■ Yfir 300 háskólanemendur,
aðallega konur, réðust í gær á
skrifstofur dagblaðs nokkurs í
austur-indversku borginni Or-
issa til að mótmæla grein í
blaðinu sem gagnrýndi hegðun
stúdenta.
Indverska fréttastofan PTI
sagði að stúdentarnir hefðu
eyðilagt síma, húsgögn og telex-
tæki á einu dagblaðanna í borg-
inni og haldið síðan í strætis-
vögnum til annars blaðs.
Eitt blaðanna birti nýlega
grein þar sem segir að 44%
háskólanemenda séu ýmist alk-
óhólistar eða dópistar.
Lögreglan beið stúdentanna
við annað blaðið sem þeir hugð-
ust refsa og urðu mótmælend-
urnir að láta sér nægja þá tákn-
rænu athöfn að brenna þau
eintök blaðsins sem í náðist.
Japan:
Ný lOOsæta
Gifu, Japan-Rcutcr
■ Japanir kynntu í gær nýja
tegund farþegaflugvéla sem þeir
segja að geti notað mun styttri
flugbrautir en sambærilegar vél-
ar af öðrum tegundum.
Flugvélin, sem gengur undir
nafninu Asuka, er hundrað sæta
og þarf ekki nema um 700 metra
langa flugbraut sem er allt að
helmingi styttri flugbraut en
aðrar flugvéíar nota. Þetta gerir
það að verkum að hún verður
mjög hentug fyrir flug á milli
japanskra bæja þar sem flug-
brautir cru venjulega 800 til
1200 metra langar.
Auk þess sem Asuka þarf
miklu styttri flugbraut en aðrar
sambærilegar flugvélar er hún
einnig mun hljóðlátari sem er
mikill kostur við lendingar á
flugvöllum í þéttbýli.
Hönnun flugvélarinnar mun
hafa kostað um 20 milljarða
yena (3,2 milljarðar ísl. kr.)
sem er að mestu greitt af Vís-
inda-og tæknistofnun japanska
ríkisins. Asuka verður reynd í
tilraunaflugi strax nú í haust að
sögn talsmanna Vísinda- og
tæknistofnunarinnar.
Vélin verður með fjórum
FJR-710 hreyflum sem Japanir
hafa þróað sjálfir.
Perú:
Starfsfólk hótar kjörkassastuldi
Lima-Reuter
■ Leiðtogar rúmlega átta
hundruð kosningastarfs-
manna í Perú sem fóru í
verkfall nú í vikunni til að
krefjast hærri launa, hafa
hótað því að stela kjörköss-
um og hindra eðlilegan fram-
gang kosninganna, sem eiga
að fara fram nú um helgina,
ef stjórnvöld komi ekki til
móts við kröfur þeirra.
Aðalritari kosningastjórn-
arinnar, Nicolas Corpancho,
segir að aðeins um 40% af
kosningastarfsfólkinu taki
þátt í verkfallinu og að nýir
starfsmenn hefðu verið ráðn-
ir til að tryggja snuðrulausar
kosningar. En verkalýðs-
leiðtogar segja að það sé nær
lagi að um 70% kosninga-
starfsmannanna hafi lagt nið-
ur vinnu.
Verkamenn segja, að
semji stjórnvöld ekki við þá,
muni þeir leggja undir sig
kosningamiðstöðvarnar nú
um helgina og leggja hald á
kjörkassana.
Margir spá Alfonso Bar-
rantes frambjóðanda vinstri-
sinnaðrar samfylkingar undir
leiðsögn marxista sigri í for-
setakosningunum en þeir
vilja draga stórlega úr af-
borgunum af erlendum
lánum. Helsti keppinautur
Barrantes er sósíaldemokrati
sem heitir Alan Garcia.
Hann hefur einnig sett fram
tillögur um að fresta greiðsl-
um á skuldum landsmanna
sem nú nema 13,5 milljörð-
um dollara.
t
Þökkum innilega öllum þeim er sýndu okkur samúð og vináttu
við andlát og jarðarför eiginkonu minnar, móður okkar,
tengdamóður, ömmu og langömmu
Sigríðar Lóu Þorvaldsdóttur
Sigluvík Vestur Landeyjum
Ágúst Jónsson
Hildur Ágústsdóttir Rúnar Guðjónsson
Jón Ágústsson Hrefna Magnúsdóttir
Eiríkur Ágústsson Guðríður Andrésdóttir
Barnabörn og barnabarnabörn
Innilegar þakkir faerum við öllum þeim er sýndu okkur samúð
vegna andláts föður míns, tengdaföður , afa og bróður
Ingvars H. Sörensen
málarameistara
frá Seyðisfirði
Laufey Rasmussen Wilfred Rasmussen
Barnabörn og bræður
12% Bandaríkjamanna
halda að Bandaríkin
hafi stutt N-Víetnam
New York-Reuter:
■ í nýrri könnun sem banda-
ríska blaðið Washington Post og
ABC News gerðu meðal 1.506
Bandaríkjamanna kom í ljós að
þriðjungur aðspurðra vissi ekki
eða mundi ekki hverja Banda-
ríkjamenn hefðu stutt í stríðinu
í Víetnam sem Iauk fyrir einum
áratug.
Aðeins 67% aðspurðra vissu
að Bandaríkjamenn hefðu stutt
stjórnvöld í Suður-Víetnam .
21% aðspurðra treystu sér ekki
til að svara spurningunni.
í könnunninni var einnig spurt
að því hvort viðkomandi gerði
sér grein fyrir hvers vegna Víet-
namstríðið hefði verið háð. 57%
sögðust ekki vera viss um það
en 41% töldu sig vita það. 55%
sögðust telja að málstaðurinn,
sem Bandaríkjamenn hefðu
barist fyrir í Víetnam, hefði ekki
svarað kostnaði en 41% var á
andstæðri skoðun.
■ Bandarískur herlæknir hjá
föllnum félaga í Víetnam. Nú tíu
árum eftir lok Víetnamsstríðsins
man þriðjungur Bandaríkja-
manna ekki eiriu sinni hvort
Bandaríkin studdu Suður- eða
Norður-Víetnam.
Chile:
Fjórtán særðir
í Santiagoborg
Santiago-Reuter:
■ Að minnsta kosti 13 manns
særðust í átökum við lögregluna
í Santiago í gær þegar andstæð-
ingar herforingjastjórnarinnar í
Chile settu upp götuvígi úr log-
andi hjólbörðum í fátækra-
hverfum í Santiago.
íbúar í suðurhluta borgarinn-
ar sögðu að mótmælendur hefðu
lokað vegum og sóknarprestur í
einu hverfanna sagði að 13
manns hefðu særst þegar lög-
reglan reyndi að ryðja göturnar
með táragasi og haglaskotum.
íbúarnir sögðu að í sumum
hverfunum hefðu hersveitir
skotið út í loftið og vitni sögðu
að menn í borgarlegum klæðn-
aði hefðu skotið 18 ára ungling
í brjóstið um leið og þeir keyrðu
framhjá honum.
Verkalýðsfélög sem eru and-
víg herforingjastjórninni boð-
uðu til mótmæla í gær eftir að
þrír andstæðingar stjórnarinnar
voru myrtir, fyrir tveimur
vikum.
Bandaríkin:
Sjónvarpsstöðv
ar blómstra
■ Smásjónvarpsstöðvar
með lítinn sendistyrk
blómstra nú í Bandaríkjun-
um eftir að Fjarskiptanefnd
Bandaríkjanna gaf leyfi fyrir
starfsemi þeirra til að fylla
upp í eyðu í hefðbundinni
umfjöllun stórra sjónvarps-
stöðva sem ekki birta fréttir
um atburði í litlum bæjarfé-
lögum.
Hægt er að ná sjónvarps-
sendingum þessara stöðva 25
til 50 kílometra frá útsend-
ingarstað. Þær birta fréttir
um atburði á hverjum stað.
menningarviðburði, íþróttir
og senda út efni sem er
sérstaklega ætlað fyrir minni-
hlutahópa sem stóru sjón-
varpsstöðvarnar taka lítið
sem ekkert tillit til.
Nú þegar hafa verið settar
upp meira en 270 slíkar
stöðvar í Bandaríkjunum.
194 af þessum stöðvum eru
starfandi í Alaska þar sem
mikið er um smábæi og sam-
göngur eru strjálar. Stofn-
kostnaður við smásjónvarp-
stöðvar er sagður vera urn
200.000 dollarar eða um 84
milljónir ísl. kr.
Öllum þeim mörgu, skyldum og vandalausum,
sem með heimsóknum, góðum gjöfum, heilla-
skeytum og mergð blóma minntust mín í
hlýhug á 75 ára afmæli mínu 9. apríl s.l. þakka
ég af alhug. Allt þetta yljaði mér um hjartaræt-
ur. Ég stend því í mikilli þakkarskuld og bið
Guð að launa. Hann blessi ykkur öll um
ókomin ár, „hvort lánað líf oss ber langt eða
skammt."
Lifið heil!
Baldvin Þ. Kristjánsson.