Morgunblaðið - 29.11.2004, Blaðsíða 17
MORGUNBLAÐIÐ MÁNUDAGUR 29. NÓVEMBER 2004 17
LISTIR
TTT
auglýsingastofa/Ljósm
.S
S
J
Mark
skrifstofustólar
Ótrúlegt verð!
Mark er ný og glæsileg lína skrifstofustóla
frá Á. Guðmundssyni ehf. fyrir vinnustaði og heimili.
Stólarnir eru hannaðir af Pétri B. Lútherssyni.
Hægt er að velja um fjölda lita á áklæði.
Nú bjóðum við þessa stóla á frábæru kynningarverði.
Hæðarstilling á baki
Pumpa til að stilla
stuðning við mjóhrygg
Hæðarstillanlegir armar
Hallastilling á baki
Sleði til að færa setu
fram og aftur
Mjúk hjól
Hæðarstilling á setu
og baki
Hægt er að stilla stífleika setu
og baks eftir þyngd notanda
Veltustilling á setu og baki
KYNNINGAR
AFSLÁTTUR!
30%
Mark 20 Kr.25.340
Mark 10 Kr.13.930
Mark 30 Kr.38.570
Bæjarlind 8-10 • Sími 510 7300 • www.ag.isHeildarlausnir í skrifstofuhúsgögnum
BRENNAN er önnur bókin í
myndasöguröðinni upp úr Njálu, sú
fyrsta var Blóðregn sem hlaut afar
góðar viðtökur. Ekki er ástæða til
að ætla annað
með þessa bók,
en hér er spenn-
andi og lifandi
teiknimyndasaga
á ferðinni með
litríkum per-
sónum og svaka-
legum endalok-
um. Höfundar
bókanna hafa
tekið þá stefnu að velja ákveðna
þætti úr Njálssögu í bækur sínar
og virðist það ganga vel upp. Hér
eru það brennan og aðdragandi
hennar sem eru til umfjöllunar og
það tekst mjög vel að búa til ein-
faldan og skýran söguþráð og
teikna upp sterkar persónur.
Skarphéðinn er í brennidepli, sá
mikli ólánsmaður, og persóna hans
er bæði fyndin, hræðileg og trag-
ísk. Yfirhöfuð eru persónur trú-
verðugar og útlit þeirra hæfilega
gróft en um leið mannlegt. Glott
Skarphéðins bregst ekki og Njáll
er eftirminnilegur. Rétt eins og oft
í myndasögum minnir framsetning
sögunnar nokkuð á framvind-
umöppu bíómyndar. Sjónarhorn er
skýrt afmarkað, stundum í nær-
mynd og stundum vítt, margar
myndraðir eru mjög vel heppnaðar.
Eftirminnilegt er t.d. þegar litlum
fugli bregður við mannaferðir,
kyrrðin er skyndilega rofin áþreif-
anlega. Textinn er mátulega nú-
tímalegur og afslappaður en inn á
milli eru síðan beinar tilvitnanir í
krassandi tilsvör úr upprunalegu
sögunni. Spennan í myndasögunni
er mikil, ég er viss um að hún
verður lesin í einum rykk og mun
án efa vekja áhuga einhverra á
upprunalegu sögunni þótt ekki
verði fyrr en síðar á ævinni. Efni
Njálu er síðan sígilt og ekki síst í
brennidepli í dag þegar hörmungar
trúarbragðastríða eru svo sýni-
legar. Höfundar hafa lofað fleiri
bókum og mun það án efa ganga
eftir, svo vel hefur tekist hér til.
Grautardalls saga
Salka gefur út fallega bók
byggða á íslenskri þjóðsögu,
skreytta af Sigurborgu Stef-
ánsdóttur myndlistarkonu. Texti
Grautardalls sögu er birtur styttur
en annars nokkuð nálægt upp-
runalegri mynd, hann er ekki ein-
faldaður um of eða gerður sér-
staklega barnvænn. Sigurborg
hefur sama háttinn á við myndir
sínar sem ekki eru sérlega barn-
vænar, þær gera ákveðnar kröfur
til lesandans. Hún notfærir sér
reynslu sína í myndlistinni við
myndgerðina og vinnur myndirnar
á mjög fjölbreyttan hátt, klippir
ljósmyndir, mynstur og taubúta,
notar málverk og pensilför sem
bakgrunn málar og teiknar persón-
ur og hluti og klippir út, þrykkir
mynstur, notar pressuð blóm og
fleira, myndgerðin er sannarlega
fjölbreytt og hver opna er á við
skemmtilegt myndverk sem myndi
sóma sér ágætlega í ramma uppi á
vegg. Ævintýrið er síðan nokkuð
skemmtilegt aflestrar. Þar með
ætti því að vera komin afar vel
heppnuð bók og það er hún líka að
flestu leyti, en ég er þó ekki viss
um að hún höfði sérstaklega til
barna. Til þess eru myndirnar ekki
nógu líflegar, krassandi eða for-
vitnilegar, persónur sögunnar lifna
ekki við og börn ná ekki sambandi
við myndgerðina. Engu að síður er
fengur í svona fallegri og vel unn-
inni bók og hún er ef til vill einmitt
góð vegna þeirra annmarka sem ég
nefndi, af því að myndirnar eru
öðruvísi en þær sem börnin eiga að
venjast geta þær verið leið til þess
að sýna börnum eitthvað nýtt og
kannski verða til ýmsar hugmyndir
að listsköpun barna heima fyrir við
skoðun þeirra. Í fullkomnum heimi
gæti það verið og hver veit nema
hinn fullkomni heimur sé á fleiri
stöðum en við höldum. Það er
ánægjulegt að sjá af hversu mikilli
alúð bókin er unnin og virðing-
arvert að standa að útgáfu hennar,
að öllum líkindum verður framhald
á útgáfu af þessu tagi hjá Sölku og
er það vel en útgáfan hefur þegar
sýnt áhuga sinn á að halda þjóð-
sögum og þjóðlegum fróðleik á
lofti, skemmst er að minnast
skemmtilegrar bókar um furðudýr
á Íslandi.
Jólasveinarnir í Hamrahlíð
og Jólabaðið
Hér eru á ferð tvær sögur í
einni bók en Bryndís Víglunds-
dóttir gerir tilraun til að færa
Grýlu og jólasveinana í nútímalegt
samhengi. Kristín Arngrímsdóttir
myndskreytir sögurnar mjög lip-
urlega, leikur sér með staðsetningu
og stærð mynda á síðum og skapar
þannig vissa fjölbreytni, hún vinn-
ur einnig skemmtilega með smáat-
riði. Bryndís leitast við að tengja
samtímann við sögur af álfum og
jólasveinum en er það ekki á mörk-
um klisjunnar að afi og amma fari
aldrei í Kringluna heldur tali bara
um álfa og tröll og gefi krumma
uppi við Rauðavatn? Þessi afmörk-
un tveggja heima í sögunum, tog-
streitan milli kauphyggju samtím-
ans og sagna fortíðar, virðist mér
óþarflega skýr og jafnvel spurning
hvort togstreitan liggi raunveru-
lega þarna en ekki annars staðar.
Hvað er það í samtímanum sem
gerir það að verkum að börnin
hafa síður áhuga á álfum en áður –
er það tilkoma verslunarmið-
stöðva? Þrátt fyrir þessar spurn-
ingar bera sögurnar vitni um ríkt
ímyndunarafl og margar skemmti-
legar hugmyndir koma fram í þeim
báðum, sérstaklega er sagan um
jólabaðið farsakenndari og heil-
steyptari en sagan um álfastúlkuna
í Hamrahlíð. Þar saknaði ég þess
líka að lokið væri við þráðinn sem
byrjað var á í upphafi sögunnar,
um vinkonurnar sem ætluðu að
gera tilraun. Það getur verið
vandasamt að flétta saman tvo
heima svo vel sé, að sumu leyti
gengur það ágætlega upp en ann-
ars staðar verða sögurnar næstum
því þvingaðar, sbr. ofnotkun á orð-
inu smáralind. Bryndís hefur engu
að síðar góða burði til sögusmíða
og sögur hennar höfða ágætlega til
ungra lesenda.
Sögur gamlar sem nýjar
Ragna Sigurðardóttir
BÆKUR
Börn
Sögur úr Njálu, Brennan
Embla Ýr Bárudóttir, Ingólfur Örn Björg-
vinsson. Mál og menning 2004.
Grautardalls saga
Íslensk þjóðsaga, Sigurborg Stef-
ánsdóttir myndskreytti
Salka 2004
Jólaveinarnir í Hamrahlíð og Jólabaðið
Eftir Bryndísi Víglundsdóttur, Kristín Arn-
grímsdóttir myndskreytir
Salka 2004