24 stundir - 04.01.2008, Blaðsíða 1
Örtröð myndaðist í Kringlunni í gær þegar margar verslanir opnuðu útsölur. Sigríður Gröndal, innkaupastjóri
sérvöru hjá Hagkaupum, segir mjög mikið að gera á útsölum þessa dagana, jafnvel þótt jólaverslun hafi verið
mikil. „Fólk er mest að kaupa fatnað og skó, jafnvel á alla fjölskylduna.“ Að sögn Önnu Ingu Grímsdóttur, fjár-
málastjóra Valitors, verja margir miklu fé í útsöluvarning í janúar, en febrúar og mars eru yfirleitt ró-
legustu mánuðirnir í verslun. Þá jafnar fólk sig eftir jólin og fer að huga að sumarfríum.
Örtröð á útsölunum
24stundir/Golli„Kaupa mest föt og skó, jafnvel á alla fjölskylduna“
»2
Ekki gott að fasta
Birna Ásgeirsdóttir, hómópati og
næringarþerapisti, ræður fólki frá
því að fasta enda sé það ekki heilsu-
samlegt. Ýmsir föstukúrar eru vinsæl-
ir um þessar mundir en þeir eru ekki
hættulausir.
Jólin kvödd
Víða verða brennur og þrett-
ándagleði á sunnudag. Í Graf-
arvogi er búist við yfir fimm þús-
und manns þar sem verður álfa-
dans og blysför og jólasveinar
kveðja krakkana.
HELGIN»34
24stundirföstudagur4. janúar 20082. tölublað 4. árgangur
HEILSA»26
Eftir Ingibjörgu B. Sveinsdóttur
ingibjorg@24stundir.is
Nokkrir skólameistarar framhaldsskólanna eru
orðnir þreyttir á ástandinu á skemmtunum á
vegum skólanna sem haldnar eru úti í bæ og
hafa þeir rætt um að fjölga viðburðum í skól-
unum sjálfum, að sögn Þorsteins Þorsteinsson-
ar, skólameistara Fjölbrautaskólans í Garðabæ.
Áfengisneysla er bönnuð á skólaböllum þótt
þau séu haldin utan skólanna en ástæða hefur
þótt til að fá sjálfboðaliða frá Rauða krossinum
til að gæta ofurölvi nemenda. Eru þeir fluttir í
sérstakt sjúkraherbergi, svokallað „dauðaher-
bergi“ þangað sem foreldrar sækja þá.
„Þetta ástand fer í taugarnar á okkur. Það er
mikil vitleysa í kringum þetta og tvískinnungur í
samfélaginu öllu,“ segir Þorsteinn sem þegar
hefur snúið vörn í sókn. „Við ákváðum að bíða
ekki eftir neinu og fluttum svokallað busaball í
haust inn í skólann sjálfan. Þar skemmtu um
200 nemendur sér afar vel en fyrir utan voru ein-
hverjir sem ekki komust inn vegna þess að þeir
voru undir áhrifum áfengis. Við ætlum að halda
áfram að fjölga viðburðum í skólanum sjálfum.“
Þorsteinn segir það tvískinnung þegar for-
eldrar og aðrir „hundskammi“ skólana vegna
ölvunar nemenda á skólaskemmtunum.
„Krakkarnir fá hins vegar að halda partí heima
hjá sér fyrir böllin og þar drekka þeir áfengi. Þar
að auki er unglingum selt áfengi hvað eftir ann-
að á sömu veitingastöðunum. Svo virðist sem
allir loki augunum fyrir þessu en svona er
ástandið. Á meðan það er svona er erfitt að vera í
krossferð og berjast fyrir breyttu ástandi en
maður verður að gera það sem hægt er.“
Þorsteinn kveðst hafa heyrt að foreldrar hafi
orðið reiðir þegar börnum þeirra, sem voru bú-
in að kaupa miða á busaballið, hafi ekki verið
hleypt inn vegna ölvunar. „Ég hef ekki kannað
það nánar,“ segir hann.
Þreyttir á drykkju
nemenda sinna
Skólameistarar snúa vörn í sókn gegn unglingadrykkju Vilja böllin inn í skólana sjálfa
➤ Rauði krossinn hefur ásamt fleirum séð umsjúkragæslu á skólaböllum utan skólanna
frá 1995.
➤ Nemendur fara oft í heimahús að loknuborðhaldi á skemmtistað þar sem árshátíð
er haldin. Eftir drykkju í heimahúsi halda
þeir aftur á skemmtistaðinn.
DRYKKJA Á SKÓLABÖLLUM
Lögreglan rannsakar nú stærsta
bókastuld sem framinn hefur verið
á Íslandi. Hjörleifur Kvaran, sonur
bókasafnarans sem stolið var frá,
segir þýfið hafa lent í
höndum fornbókasala.
Sakar bóksala
um að selja þýfi
»6
Störfum í fiskvinnslu hefur fækkað
um 200-300 síðan kvótinn var
skertur. Óttast er um fleiri störf.
Krækir á Dalvík sagði upp
32 á miðvikudag.
Hundruð starfa
þegar glötuð
»4
5
4
8 5
7
GENGI GJALDMIÐLA
GENGISVÍSITALA 119,34
ÚRVALSVÍSITALA 6.144
SALA %
USD 62,01 -0,91
GBP 122,47 -2,39
DKK 12,18 -0,85
JPY 0,56 1,34
EUR 91,31 -0,93
-0,95
-2,75
NÁNAR 4
VEÐRIÐ Í DAG
10
Þriðjungsmunur
á ýsunni
NEYTENDAVAKTIN
Vökul augu eftirlitsmyndavéla
og háar girðingar öftruðu ekki
þjófunum sem brutu sér leið
inn í Verdal-fangelsið í Noregi
yfir hátíðirnar.
Þetta er ekki í fyrsta sinn sem
fangelsið verður fyrir barðinu
á þjófum, en brotist var inn í
það í mars á síðasta ári.
„Aðfarirnar voru þær sömu þá
og nú,“ segir Per Kristian Au-
net fangelsisstjóri.
Í mars höfðu þjófarnir tölvu á
brott með sér en nú um jólin
bættist forláta skjávarpi í
safnið. aij
Brotist inn
í fangelsi
fitnesskort
TILBOÐ
Brautarholti 20 • 105 Rvk • Sími 561 5100 • www.badhusid.is
Mikið úrval notaðra bíla á góðum kjörum!