24 stundir - 04.01.2008, Blaðsíða 4

Hundruð starfa
hafa þegar tapast
Eftir Þórð Snæ Júlíusson
thordur@24stundir.is
„Frá því að ákvörðun var tekin um
að skera niður þorskkvótann hefur
þegar komið fram fækkun upp á
200 til 300 störf í fiskvinnslu,“ segir
Arnar Sigmundsson, stjórnarfor-
maður samtaka fiskvinnslustöðva
(SF). Á miðvikudag var tilkynnt að
öllum starfsmönnum hjá Kræki
fiskverkun á Dalvík hefði verið sagt
upp störfum á meðan verið væri að
skoða breytt rekstrarform eða þátt-
töku annarra fyrirtækja í rekstrin-
um. Um er að ræða 32 stöðugildi.
Óttast um allt að 600 störf
Einar K. Guðfinnsson sjávarútvegs-
ráðherra tilkynnti í byrjun júlí í fyrra
að þorskkvótinn yrði skorinn niður
um þriðjung. Arnar spáði á þeim tíma
að 500 til 600 störf myndu tapast í
fiskvinnslunni einni saman næstu tólf
mánuðina. Hann óttast að þær spár
muni ganga eftir. „Þá erum við ein-
göngu að tala um störf í fiskvinnslu en
ekki þau sem tapast á sjónum. Þar er
því spáð að fækkunin geti orðið svip-
uð þegar veiðiheimildir fara að sam-
einast á færri skip.“
Starfsmannaveltan notuð
SF kannaði horfur næstu sex
mánuðina hjá 22 fiskvinnslufyr-
irtækjum í nóvember síðastliðn-
um. Niðurstöður þeirrar könn-
unar sýndu að áform voru uppi
hjá þeim fyrirtækjum um að
fækka starfsfólki um sex prósent,
eða 62 störf. Arnar segir þó að
takmarkaður fjöldi fyrirtækja
með minni sveiflur í starfs-
mannamálum hafi verið kannað-
ur. „Þá má ekki gleyma því að hjá
sumum fyrirtækjum voru áhrifin
þegar komin fram þegar við gerð-
um okkar könnun. Samdrátturinn
verður því meiri. Ég sé þetta gerast
með tvennum hætti; annars vegar
að fyrirtæki hætti starfsemi vegna
hás hráefnisverðs eða gengis krón-
unar. Hins vegar held ég að starfs-
mannavelta verði notuð til að
draga saman seglin, sérstaklega í
stórum fyrirtækjum.“
 Störfum í fiskvinnslu hefur fækkað um 200 til 300 síðan kvótinn var skertur, að sögn for-
manns Samtaka fiskvinnslustöðva  Krækir á Dalvík sagði upp 32 á miðvikudag
Þorskveiði Samtök fisk-
vinnslustöðva telja að allt að
600 störf geti tapast vegna
skerðingar á aflaheimildum.
➤ Ríkisstjórn Íslands hefur heit-ið 10,5 milljörðum króna í
mótvægisaðgerðir vegna nið-
urskurðar þorskveiðiheim-
ilda.
➤ Á fimmta þúsund heils-ársstörf eru í fiskvinnslu á Ís-
landi.
SKERÐING AFLAHEIMILDA
STUTT
● Fíkniefni Þrír karlar á þrí-
tugsaldri voru handteknir í
Smáralind í gærkvöld en í fór-
um tveggja þeirra fundust e-
töflur. Ýmislegt fleira höfðu
þremenningarnir meðferðis
sem grunur leikur á að sé þýfi.
Þá fannst tölva í bíl mann-
anna og voru þeir margsaga
um tilurð hennar.
● Innbrot Nokkur innbrot
voru tilkynnt til lögreglunnar
á höfuðborgarsvæðinu í gær.
Kæliskáp var stolið úr
geymslu í Kópavogi og skipti-
mynt úr söluturni í Breið-
holti. Á Völlunum í Hafn-
arfirði var brotist inn í
nýbyggingu en ekki er ljóst
hverju var stolið. Þá var farið
inn í tvo bíla í Norðlingahol-
tiog verkfærum og geislaspil-
ara stolið.
NEYTENDAVAKTIN
Ófryst ýsuflök, roð- og beinlaus 1 Kg.
Verslun Verð Verðmunur
Fiskbúð Einars 980
Samkaup-Úrval 998 1,8 %
Þín verslun Seljabraut 1.198 22,2 %
Hagkaup 1.289 31,5 %
Fiskisaga 1.290 31,6 %
Gallerí fiskur 1.298 32,4 %
Nóatún 1.298 32,4 %
4 FÖSTUDAGUR 4. JANÚAR 2008 24stundir
Forystumenn verkalýðshreyfing-
arinnar búast við að kjaraviðræður
fari á fullt eftir helgi og hafa vinnu-
hópar Alþýðusambands Íslands,
ASÍ, verið að störfum undanfarna
daga, að því er Gylfi Arnbjörnsson,
framkvæmdastjóri ASÍ, greinir frá.
Verkalýðshreyfingin hefur hins
vegar beðið eftir skýrari svörum en
þeim sem bárust frá ríkisstjórninni
þann 19. desember síðastliðinn um
hvernig hún ætli að greiða fyrir
kjarasamningum á almennum
markaði. Að sögn Gylfa hafa for-
ystumenn verkalýðshreyfingarinn-
ar ekki treyst sér í frekari útfærslu á
launaliðum á meðan óljóst hefur
verið hvernig stjórnvöld ætli að
halda á málum. Ríkisstjórnin fund-
ar í dag og velta menn því fyrir sér
hvort vænta megi útspils þegar í
kjölfar þess fundar en í gær hafði
ekki verið boðaður formlegur
fundur verkalýðshreyfingarinnar
og ríkisstjórnarinnar.
Hins vegar mun einn vinnuhóp-
ur af fimm vinnuhópum ASÍ og
Samtaka atvinnulífsins, SA, hittast
í dag og fjalla um einn kröfulið, að
sögn Ragnars Árnasonar, forstöðu-
manns vinnumarkaðssviðs SA.
Haft hefur verið eftir Vilhjálmi
Egilssyni, framkvæmdastjóra SA,
að á þessu stigi málsins sé of
snemmt að fá útspil ríkisins. Grétar
Þorsteinsson, forseti ASÍ, er ósam-
mála því mati. „Það er afstaða ASÍ
og okkar sem erum á þessari vakt
að það sé grundvallaratriði að rík-
isstjórnin komi strax að málinu.“
ingibjorg@24stundir.is
Vinnuhópar að störfum undanfarna daga til að undirbúa viðræður um kjarasamninga
Búist við að kjaraviðræður fari á fullt eftir helgi
➤ Meðal atriða í áherslum ASÍ áhendur SA eru kröfur um að
allar uppsagnir verði hér eftir
rökstuddar, að liðkað verði
fyrir greiðslu launa í erlendri
mynt og að áhersla verði lögð
á að uppræta launamun
kynjanna.
ÁHERSLUR ASÍ
Í kröfugöngu Verkalýðs-
hreyfingin minnir á mis-
skipt kjör.
Allt fóður hjá Fóðurblöndunni
hækkar um 5-7% vegna mikilla
hækkana á innfluttum hráefnum
til fóðurgerðar. Töluvert hefur ver-
ið fjallað um yfirvofandi verð-
hækkanir á korni og áburði, en á
Naut.is, heimasíðu Landssam-
bands kúabænda, segir að aðeins
hluti nauðsynlegra hækkana sé
kominn fram.
Búast megi við að fljótlega verði
nauðsynlegt að hækka aftur. Ekki
er þess getið hve mikilli hækkun er
búist við næst, eða hvort sú hækk-
un verði aðeins ein í röð fleiri verð-
hækkana.
Heimsmarkaðsverð á korni hef-
ur hækkað og útlit er fyrir áfram-
haldandi hækkanir. bee
Verð hækkar fljótlega aftur
Dýrara fóður
Í júlí síðastliðnum tilkynnti
Einar K. Guðfinnsson sjáv-
arútvegsráðherra að þorskafli
yfirstandandi fiskveiðiárs yrði
skorinn niður úr 193 þúsund
tonnum í 130 þúsund tonn.
Niðurskurðurinn var í sam-
ræmi við tillögur Hafrann-
sóknastofnunar.
Leyfilegur hámarksafli var því
skorinn niður um þriðjung og
hefur ekki verið minni frá
árinu 1937. Þá var tilkynnt að
aflamarksreglan yrði tekin aft-
ur upp á fiskveiðiárinu 2008
til 2009.
Skerðing aflaheimilda
Ekki minni afli
síðan 1937
Í skýrslu hagfræðistofnunar
Háskóla Íslands um áhrif afla-
samdráttar í þorski á tekjur
sveitarfélaga kemur fram að
launagreiðslur í landshlutum
utan höfuðborgarsvæðisins
muni dragast saman um 3.500
milljónir króna á fyrsta árinu
eftir skerðinguna. Árið eftir
muni þær síðan dragast sam-
an um 1.860 milljónir króna
en síðan rétta sig við á nýjan
leik.
Áhrif aflasamdráttar
Samdráttur í
launagreiðslum
Neytendasamtökin eru frjáls félagasamtök: stofnuð árið 1953. Þau
verja hag félagsmanna og berjast fyrir hagsmunum neytenda.
Sjá www.ns.is - netfang:ns@ns.is
Neytendasamtökin könnuðu verð að þessu sinni á
ófrystum ýsuflökum (roð- og beinlaus) enda margir
sem kaupa fisk nú að afloknum hátíðum.
Hæsta verð er 32,4% hærra en lægsta verð eða 318
króna verðmunur.
Þriðjungsmunur á ýsunni
Jóhannes
Gunnarsson