24 stundir - 28.08.2008, Blaðsíða 4
4 FIMMTUDAGUR 28. ÁGÚST 2008 24stundir
„Munnlegar umsagnir í gegnum síma geta
varla talist ásættanleg aðferð við að uppfylla
umsagnarskyldu. Það er meginsjónarmið í op-
inberri stjórnsýslu að skrifleg gögn eigi – eftir
því sem við verður komið – að liggja fyrir um af-
greiðslu af þessu tagi,“ segir Gunnar Helgi Krist-
insson, prófessor stjórnsýslufræðum við Há-
skóla Íslands, um þá ákvörðun
Umhverfisstofnunar að styðjast við munnlega
umsögn í síma frá Surtseyjarfélaginu þegar hún
veitti leyfi fyrir að sæstrengur yrði lagður í gegn-
um friðlandið við Surtsey. Umsögn félagsins er
samkvæmt reglugerð forsenda þess að hægt sé
að veita leyfið. „Ella er hætta á að upp geti kom-
ið ágreiningur, eins og í þessu tilviki, um hvað
raunverulega fór fram,“ bætir Gunnar Helgi við
en í 24 stundum á þriðjudag kom fram að for-
maður Surtseyjarfélagsins telur sig ekki hafa
veitt umsögn í samræmi við reglugerðina.
Dæmir ekki um lögmæti leyfisveitingar
Gunnar Helgi segist ekki treysta sér til að
segja til um það hvort leyfisveitingin er ógild af
þessum sökum. „Stjórnvöld eiga auðvitað að
vera upplýst þegar þau taka ákvarðanir og í
þessu tilviki er í reglugerð sérstaklega tekið fram
hvað í því felst, það er að segja meðal annars að
þessi umsögn liggi fyrir. Á hinn bóginn veitir
umsagnarréttur auðvitað ekki vald til að stöðva
mál – hann er bara liður í því að tryggja að
stjórnvöld hafi í sínum höndum helstu upplýs-
ingar og sjónarmið þegar þau taka ákvörðun.
Þannig að Surtseyjarfélagið þyrfti þá að geta fært
rök fyrir því að einhverjar upplýsingar eða sjón-
armið hefðu ekki legið fyrir vegna þess að málið
var afgreitt með þeim hætti sem gert var,“ segir
hann. Gunnar Helgi segir það góða reglu í
stjórnsýslu að skrifleg gögn liggi frammi til að
tryggja gegnsæi og að hægt sé að skoða þau sam-
skipti sem eru undanfari ákvarðana.
elias@24stundir.is
Stjórnsýslufræðingur um veitingu leyfis fyrir sæstreng gegnum friðlandið við Surtsey
Gunnar Helgi
Kristinsson
Munnlegar umsagnir vart viðunandi
Eftir Björgu Evu Erlendsdóttur
beva@24stundir.is
„Efnahagsástandið hlýtur að verða
stóra málið, um leið og þing kem-
ur saman að nýju, “ segja þing-
menn stjórnarandstöðuflokka í að-
draganda Alþingis. Þá sé
óhjákvæmilegt fyrir formenn rík-
isstjórnarflokkanna að ljúka eftir-
launamálinu, hvernig sem það
verði gert.
Harka í eftirlaunamáli
Siv Friðleifsdóttir, þingflokks-
formaður Framsóknar, segir Ingi-
björgu Sólrúnu Gísladóttur hafa
stillt málinu þannig upp í vor, að
ríkisstjórnin verði að ljúka því.
„Hún hvítþvoði sjálfa sig, stillti
öðrum flokkum upp við vegg, en
samt virðist ekkert samráð í mál-
inu,“ segir Siv. Ögmundur Jónas-
son, þingflokksformaður VG, segir
ekkert samráð þurfa. „Það er ekk-
ert að semja um, annaðhvort verða
sérréttindin afnumin og það styð
ég, eða að fram kemur mála-
myndasamráð eftir ógeðfellt bak-
tjaldamakk sem formenn flokk-
anna hafa reynt að koma á,“ segir
Ögmundur, sem lofar breytingatil-
lögum og nafnakalli svo þjóðin geti
fylgst með því hvaða þingmenn
vilja halda sérréttindum sínum og
æðstu ráðamanna og hverjir vilja
afnema þau. Sumarþingi lýkur
með tveggja vikna törn sem hefst á
þriðjudag. Sjálfstæðisflokkurinn
telur stjórnarfrumvörp ganga fyrir
og að haldið verði áfram þar sem
þingi sleppti í vor, eins og ný þing-
skapalög gera ráð fyrir. „Ég reikna
með því að frumvarp um sjúkra-
tryggingar fari í gegn, í því hefur
verið unnið í sumar,“ segir Arn-
björg Sveinsdóttir, þingflokksfor-
maður Sjálfstæðisflokksins. Nálg-
unarbann dómsmálaráðherra
verður væntanlega á dagskrá.
Enn óvíst um hráa kjötið
Arnbjörg segir enn verið að leita
álits sérfræðinga á matvælafrum-
varpinu og veit ekki hvort það fer í
gegn. Ásta R. Jóhannesdóttir kom í
gær heim frá Svíþjóð eftir kynn-
ingu á sjúkratryggingum með heil-
brigðisnefnd. Hún telur að sjúkra-
tryggingum og þorra annarra mála
sem út af stóðu í vor verði lokið,
þar með matvælafrumvarpinu.
Ásta býst ekki við að eftirlaunalög
verði rædd í september, enda önn-
ur mál mun brýnni á stuttum
þingtíma.
Efnahagsmál
og eftirlaun
Þingmenn vilja ræða efnahagsmál Eftirlaunalög, Sjúkratrygg-
ingastofnun, matvælafrumvarp og nálgunarbann í brennidepli
Alþingi Þingstörfin byrja
snemma í haust
➤ Tvær þingnefndir voru er-lendis að kynna sér hvernig
hægt er að taka á málum.
➤ Umhverfisnefnd var í Skot-landi og heilbrigðisnefnd er
að koma frá Svíþjóð.
FRAMHALDSÞING
Gefið hefur verið út neyð-
arkort ætlað konum í nánum
samböndum sem sæta ofbeldi
og þurfa að leita sér hjálpar.
Að útgáfu kortsins stendur
samráðsnefnd Jafnréttisstofu,
Sambands íslenskra sveitarfé-
laga og nokkurra ráðuneyta.
Upplýsingar á kortinu eru á
fimm tungumálum.
Á kortinu eru símanúmer
Neyðarlínu, Kvennaathvarfs-
ins, Stígamóta, neyð-
armóttöku vegna nauðgunar
og Hjálparsíma Rauða kross
Íslands.
ibs
Aðgerð vegna ofbeldis
Neyðarkort
fyrir konur
● Ákærður Ríkissaksóknari hef-
ur gefið út ákæru á hendur
Ágústi Fylkissyni fyrir árás á
lögregluþjón á Kirkjusandi í
apríl. Atvinnubílstjórar höfðu
efnt til mótmæla við Rauðavatn
og fjarlægði lögregla nokkra
bíla og geymdi við Kirkjusand.
Þegar bílstjórarnir voru að
sækja bíla sína sauð upp úr og
réðst Ágúst þá að lögreglu-
manninum og nefbraut hann
m.a. Ákæran verður þingfest í
Héraðsdómi Reykjavíkur á
miðvikudag.
● Fíkniefni Tæplega 200
grömm af fíkniefnum fundust
við húsleit á höfuðborg-
arsvæðinu í fyrrakvöld, að-
allega kókaín og einnig nokk-
uð af amfetamíni. Karl á
fimmtugsaldri var handtekinn
vegna málsins.
Neytendasamtökin eru frjáls félagasamtök: stofnuð árið 1953. Þau
verja hag félagsmanna og berjast fyrir hagsmunum neytenda.
Sjá www.ns.is - netfang:ns@ns.is
Gerð var könnun á verði á dansnámskeiðum fyrir fjög-
urra ára gömul börn. Hjá DÍH er hver tími 50 mínútur
og stendur námskeiðið í 15 vikur en hinir skólarnir
bjóða upp á 14 vikna námskeið og er hver tími 40 mín-
útur.
Ekki er tekið tillit til gæða og könnunin er ekki tæm-
andi en talsvert framboð er á frístundanámskeiðum
fyrir svo ung börn. Foreldrar eru svo hvattir til að
kynna sér endurgreiðslureglur sveitarfélaganna, en
t.a.m. í Reykjavík miðast styrkur við að barn hafi náð
sex ára aldri.
35% munur á dansnámi
Hildigunnur
Hafsteinsdóttir
NEYTENDAVAKTIN
Dansnámskeið fyrir fjögurra ára
Dansskóli Verð Verðmunur
Dansskóli Sigurðar Hákonarsonar 12.500
Dansskóli Ragnars Sverrissonar 14.900 19,2 %
Dansíþróttafélag Hafnarfjarðar
(DÍH)
15.900 27,2 %
Dansskóli Jóns Péturs og Köru 16.900 35,2 %
STUTT
„Mig langar til að fá gott stóð í
vetrarbeit og vera með hestaleigu
alla daga yfir sumarið,“ segir
Guðlaug Elísabet Ólafsdóttir,
verkefnisstjóri Viðeyjar, sem
kannar nú möguleikana á slíku.
„Þeir sem til þekkja segja að
eyjan þoli 100 hross í vetrarbeit.
Þeir segja eyjuna mjög skjólsæla
og að ekki festi mikla snjóa á
henni. En haustbeit væri ef til vill
betri kostur fyrir okkur,“ tekur
Guðlaug fram og bendir um leið
á að það taki ekki nema 5 mín-
útur að sigla út í Viðey frá Skarfa-
bakka.
„Við viljum hafa fjölbreytta af-
þreyingu úti í eyjunni. Það væri
ofboðslega gaman að geta boðið
upp á reiðtúra. Eyjan er stærri en
menn gera sér ef til vill í hug-
arlund þegar þeir horfa á hana úr
landi. Ef það væri hestaleiga hér
væri hægt að fara um allt á hest-
baki.“ ibs
Vill hross í
vetrarbeit í Viðey