24 stundir - 28.08.2008, Blaðsíða 35

ástæðum skein Björk ekki eins
skært og hún hefur gert áður. Ég
geri mér ekki alveg grein fyrir út af
hverju. Voru tengsl hennar við tón-
listina rofin eftir langt tónleika-
ferðalag eða fer það bara sumum
lögum hennar síður að vera haldið
uppi af blásturshljóðfærum? Fer
það rödd hennar einfaldlega betur
að syngja undir kór eða strengjum?
Er nýja platan ekki nógu sterk eða
var lagavalið kannski óþarflega
þungt? Það er erfitt að segja. Eina
vísbendingin var sú að einu lögin
er náðu einhverjum blóma voru
eldri lög er hún söng annaðhvort
við undirleik orgels (frábær hryll-
ingsmyndaútgáfa af Cover Me) eða
kórs (eins og Oceania, Vökuró og
Eftir Birgi Örn Steinarsson
biggi@24stundir.is
Eins og allt sem Björk Guðmunds-
dóttir gerir voru tónleikar hennar í
Langholtskirkju vandaðir og sér-
lega epískir. Þrátt fyrir þetta var lít-
ið um töfrastundir á þeim fjörutíu
mínútum er söngkonan gaf af sér.
Þó svo að ég hafi gengið nokkuð
sáttur út úr kirkjunni þá get ég vel
ímyndað mér að einhverjir gestir
hafi ekki fengið nægan skammt af
andagift eins og þeir vonuðust til
fyrir hátt miðaverðið.
Eftir allar þær dýrindis gjafir
sem Björk hefur gefið okkur í
gegnum tíðina er ekkert óeðlilegt
að miða við þær. Af einhverjum
Who is it? flutt með Schola Can-
torum). Upphafsstefið úr Selma-
songs, Anchor Song og lokasmell-
urinn It́s Oh So Quiet
smellpössuðu auðvitað fyrir brass-
ið en mig grunar að Björk hafi ekki
skemmt sér sérlega við að syngja
það síðastnefnda. Stelpuskrækirnir
er lífga upp á upprunalegu útgáf-
una virkuðu aðeins of stærfræði-
legir hér. Gott en gæsahúðarlaust.
Vandað, epískt en gæsahúðarlaust
24stundir/G.Rúnar
Björk Andrúmsloftið var þægilegt og þakklætið skein af Wonderbrass-
stúlkunum er kvöddu söngkonuna eftir eins og hálfs árs ævintýri.
24stundir FIMMTUDAGUR 28. ÁGÚST 2008 35
Lystigarðurinn í rökkurró að venju
Draugagangan Minjasafnið og Leikfélag Akureyrar
Sjónlistarverðlaunin 2008 opnun á verkum tilnefndra listamanna
Dulmögn Djúpsins Anna Gunnarsdóttir bæjarlistakona
Saga Dátans Sinfóníuhljómsveit Norðurlands og Leikfélag Akureyrar
Agora Sirkuz Iceland við Samkomuhúsið
Hjaltalín í göngugötunni
New Icelander Freya Olafsson Húsið - Rósenborg
Tískusýning Christu í göngugötunni
Bubbi Morthens útitónleikar í Gilinu
Ástarkakan Bakaríið við Brúna ogMS Akureyri bjóða í kvöldkaffi
Ástarsafnið opnar ást Akureyringa alls staðar
Fljúgandi furðufugl Anna Richardsdóttir bæjarlistakona og Ragga Gísla
Helgin 29. og 30. ágúst
nánari upplýsingar á www.visitakureyri.is
Dimension-kvikmyndafyrirtækið
hyggst gera enn eina Halloween-
myndina en þessi nýjasta verður
framhald á mynd leikstjórans
Rob Zombie sem kom út á síðasta
ári. Zombie mun sjálfur verða
fjarri góðu gamni en Dimension
segir að á þeim bænum muni
menn fylgja því fordæmi sem
hann setti þegar hann endurlífg-
aði þessa vinsælu hryllings-
myndaseríu og geðsjúka fjölda-
morðingjann Michael Myers. vij
Enn önnur
hrekkjavaka
Senn hefjast upptökur á fyrstu
myndinni af þremur um ævintýri
belgíska blaðasnáðans Tinna.
Leikstjórinn Steven Spielberg
mun sitja við stjórnvölinn en Pet-
er Jackson mun framleiða mynd-
ina. Myndin mun verða byggð á
tveimur þekktum Tinnabókum,
Leyndardómum Einhyrningsins
og Fjársjóði Rögnvaldar rauða
sem komu út á árunum 1942 til
1944. vij
Tinni stekkur
fram á tjaldið
Á meðan Íslendingar rúnta með
hetjur sínar frá Ólympíuleik-
unum um miðbæ höfuðborg-
arinnar hafa Bandaríkjamenn
annan hátt á. Sundmaðurinn
Michael Phelps, sem vann átta
gullverðlaun í Peking, mun taka
þátt í MTV VMA-hátíðinni. Ekki
er enn vitað hvaða verkefni hetj-
an fær en talið er líklegt að hann
fái að kynna Lil’Wayne, uppá-
halds rapparann sinn, á sviði. vij
Phelps á MTV-
tónlistarhátíð
TÓNLEIKAR
BJÖRK í LANGHOLTSKIRKJU
Meðleikarar: Wonderbrass, Jónas Sen,
Mark Bell og Schola Cantorum. -b