Fréttablaðið - 24.03.2003, Blaðsíða 18

24. mars 2003 MÁNUDAGUR
FÓTBOLTI Franska liðið Paris St.
Germain hefur hug á að fram-
lengja samning sinn við Brasilíu-
manninn Ronaldinho, sem sló í
gegn á HM í Asíu síðasta sumar.
Mörg félög hafa verið á höttun-
um eftir kappanum, þar á meðal
Manchester United, Arsenal, Int-
er Milan og Juventus.
Búist hafði verið við því að
Ronaldinho yrði seldur frá
franska félaginu í sumar eftir að
hafa átt í deilum við þjálfarann
Luiz Fernandez. Eftir að Fernand-
ez lýsti því yfir að hann ætlaði að
hætta með liðið eftir þessa leiktíð
og eru taldar meiri líkur en áður á
að Brasilíumaðurinn verði áfram.
„Við eigum í viðræðum og
hann segist vera ánægður hér. Við
vonumst til þess að geta komist að
samkomulagi,“ sagði forseti PSG.
Sjálfur hefur Ronaldinho lýst
því yfir að hann verði hugsanlega
áfram hjá liðinu komist það í Evr-
ópukeppnina fyrir næstu leiktíð. ■
FORMÚLAN Finninn Kimi
Räikkönen, ökumaður hjá Mc-
Laren-Mercedes, sigraði í Formúlu
1 kappakstrinum í Sepang í
Malasíu í gær. Räikkönen kom í
mark 39,2 sekúndum á undan
Rubens Barrichello (Ferrari) en
Fernando Alonso (Renault) varð
þriðji, rúmri mínútu á eftir Finn-
anum. Þetta var fyrsti sigur
Räikkönen en annar sigur Mc-
Laren-Mercedes-liðsins í röð því
David Coulthard sigraði í
kappakstrinum í Ástralíu fyrir
hálfum mánuði. Coulthard varð að
hætta keppni í Sepang á þriðja
hring vegna vélarbilunar en hann
var þá í öðru sæti.
Räikkönen sagði eftir keppn-
ina: „Það er erfitt að útskýra
hvernig mér líður núna. Á morgun
veit ég hvernig tilfinning það er að
sigra í fyrsta sinn í Formúlunni.
Ég vona að þetta sé upphafið að
velgengni McLaren-Mercedes í
Formúlunni. Við erum efstir í
keppninni og við erum í góðu
formi. Ég vona að við verðum enn
fljótari þegar við fáum nýja bíl-
inn.“
Fernando Alonso varð þriðji og
komst á verðlaunapall í fyrsta
sinn. Hann leiddi fyrstu 12 hring-
ina og tapaði að lokum 2. sætinu til
Rubens Barrichello. Alonso getur
verið sáttur við árangurinn því
hann var með hita alla helgina og
lenti í vandræðum með gírkassann
á lokakaflanum.
Michael Schumacher átti sök á
árekstri í upphafi keppninnar þeg-
ar hann reyndi að komast fram úr
Jarno Trulli. Schumacher og Juan
Pablo Montoya voru tímabundið úr
leik í kjölfar árekstursins en Þjóð-
verjinn náði samt sjötta sætinu af
Jenson Button á lokahringnum.
Trulli varð fimmti en Montoya
endaði í 12. sæti.
Ralf Schumacher hóf keppnina
í 17. sæti og var það aftarlega þeg-
ar áreksturinn varð að hann lenti
ekki í kösinni. Hann varð að lokum
fjórði, 24 sekúndum á eftir Fern-
ando Alonso.
Kimi Räikkönen er efstur eftir
tvær fyrstu keppnirnar og David
Coulthard í öðru sæti, þökk sé
sigrinum í Ástralíu fyrir hálfum
mánuði. McLaren-Mercedes er því
efst bílasmiða. Næsta keppni verð-
ur í Brasilíu 6. apríl.■
KÖRFUBOLTI Dirk Nowitzki og
Steve Nash skoruðu 27 stig hvor
þegar Dallas Mavericks lagði
Phoenix Suns að velli með 102
stigum gegn 95 í NBA-deildinni
um helgina.
Dallas var sjö stigum undir
þegar fjórði leikhluti hófst en náði
þriggja stiga forystu, 79-76, þegar
rétt rúmar tíu mínútur voru eftir.
Dallas hélt forystunni allt til
leiksloka og tryggði sér 52. sigur-
inn á tímabilinu. Dallas er eina lið-
ið sem hefur tryggt sér sæti í úr-
slitakeppninni, hefur aðeins tapað
17 leikjum.
Shawn Marion skoraði 21 stig
fyrir Phoenix og tók 18 fráköst.
Penny Hardaway átti sinn besta
leik á tímabilinu, skoraði 21 stig.
Andrei Kirilenko skoraði 17
stig og var með sex skot varin
þegar Utah Jazz lagði Los Angeles
Clippers að velli 91-82.
Peja Stojakovic skoraði 30 stig
og Chris Webber 25 þegar Sacra-
mento Kings sigraði Portland
Trailblazers, 113-104.
Juwan Howard skoraði 27 stig
og tók sjö fráköst og tryggði Den-
ver Nuggets sigur á Boston Celt-
ics, 90-80. Þar með lauk fjögurra
leikja taphrinu Denver. ■
Brasilíumaðurinn Ronaldinho:
Í viðræðum
við PSG
RONALDINHO
Samningur Ronaldinho við Paris St.
Germain gildir til ársins 2006.
Fyrsti sigur Räikkönen
Finninn Kimi Räikkönen sigraði í Formúlu 1 kappakstrinum í gær.
Þetta er í fyrsta sinn sem hann sigrar. Michael Schumacher varð í 6.
sæti. Næsta keppni verður í Brasilíu 6. apríl.
STAÐAN EFTIR KEPPNIRNAR
Í ÁSTRALÍU OG MALASÍU
Ökumenn
1 Kimi Räikkönen (McLaren) 16
2 David Coulthard (McLaren) 10
3 Juan Pablo Montoya (Williams) 8
4 Rubens Barrichello (Ferrari) 8
5 Fernando Alonso (Renault) 8
6 Michael Schumacher (Ferrari) 8
7 Jarno Trulli (Renault) 8
8 Ralf Schumacher (Williams) 6
9 Heinz-Harald Frentzen (Sauber) 3
10 Jenson Button (BAR) 2
11 Nick Heidfeld (Sauber) 1
12 Jacques Villeneuve (BAR) -
13 Ralph Firman (Jordan) -
14 Jos Verstappen (Minardi) -
15 Cristiano da Matta (Toyota) -
16 Giancarlo Fisichella (Jordan) -
17 Antonio Pizzonia (Jaguar) -
Bílasmiðir
1 McLaren-Mercedes 26
2 Renault 16
3 Ferrari 16
4 Williams-BMW 14
5 Sauber-Petronas 4
6 BAR-Honda 2
7 Jaguar-Cosworth -
8 Jordan-Ford -
9 Toyota -
10 Minardi-Cosworth -
KIMI RÄIKKÖNEN
Kimi Räikkönen fagnar fyrsta sigri sínum í Formúlu 1.
NBA-deildin:
Ekkert lát á sigur-
göngu Dallas
GÓÐIR
Dirk Nowitzki og Steve Nash skoruðu 27
stig hvor þegar Dallas Mavericks lagði
Phoenix Suns að velli.