Fréttablaðið - 18.12.2004, Blaðsíða 68
52 18. desember 2004 LAUGARDAGUR
Ég fékk það sterkt á tilfinn-inguna í sumar þegar skipt-ing á verðlaunafé milli
karla- og kvennaliða í efstu deild
var í umræðunni. Ég fann að það
fór fyrir brjóstið á forystu Knatt-
spyrnusambandsins að ég tjáði
mig um málið. Allavega sáu þeir
ástæðu til að kalla mig inn til sín
og ræða þetta mál nokkrum
klukkutímum fyrir mikilvægan
leik gegn Frökkum. Svo þegar ég
óskaði eftir að vita um framhald-
ið gátu þeir ekki svarað mér.
Báru fyrir sig að leikirnir gegn
Norðmönnum, sem voru fram-
undan, væru svo mikilvægir,“
sagði Helena ÓIafsdóttir, fyrrum
landsliðsþjálfari kvenna, um
hvað hún héldi að hefði vegið
þyngst í ákvörðun um að endur-
ráða hana ekki til starfsins.
„Ég ákvað að bíða og sjá hvort
þeir myndu ekki kalla mig á sinn
fund eftir seinni leikinn við
Noreg. Ekkert gerðist fyrr en ég
óskaði eftir fundi. Ég tel að þeir
hafi verið löngu búnir að ákveða
þetta og skil ekki í dag hvers
vegna þeir voru að draga að láta
mig vita.“
Gagnrýnin sem Helena setti
fram, ásamt öðrum, varð til þess
að skiptingu milli kynja var
breytt og báðum gert jafn hátt
undir höfði, þrátt fyrir að KSÍ
hafi áður sagst ekkert hafa með
málið að gera.
Ásakanir sem ekki standast
„Ég hef ekki verið í miklu sam-
bandi við formann KSÍ eða fram-
kvæmdastjóra. Mér fannst samt
þeirra framkoma gagnvart mér
breytast eftir þetta tiltekna mál
og mér var ekki einu sinni heils-
að. Aðrir starfsmenn KSÍ reynd-
ust mér mjög vel og ég hef í raun
ekkert út á þá að setja.“
Eitt af því sem sagt var, var að
Helena nyti ekki trausts leik-
manna.
„Ég kannast ekki við það. Eftir
að það fór í umræðuna að ég nyti
ekki lengur virðingu leikmanna þá
hafði stór hluti stelpnanna sam-
band og þær sögðust ekki kannast
við þetta og að þær hefðu aldrei
rætt það í sínum hópi. Ég held líka
að þjálfari finni það ef hann hefur
misst virðingu leikmanna“.
Er söknuður af starfi lands-
liðsþjálfara?
„Já, ég sé mikið eftir starfinu.
Ég sé margt óunnið í landsliðs-
málum kvenna og tel mig hafa
margt gott fram að færa. Samt er
það þannig að það er alltaf nóg að
gera. Ég held áfram að vinna þá
vinnu sem ég hef unnið samhliða
því að vera í landsliðsþjálfara-
starfinu, sem er sem betur fer
skemmtileg vinna. Mögulega fer
ég í meira starf hjá KR, en þar
þjálfa ég einn flokk. Ég ætla bara
að hafa það gott um jólin með
mínum nánustu og svo er á
stefnuskránni að fara í gott frí til
útlanda með soninn. Eitthvað sem
ekki hefur verið tími til til þessa.
Hugsanlega fer ég í nám og hver
veit nema núna sé ég á góðum
tímapunkti til þess, en eitt er víst
að sonurinn er feginn að ég skuli
vera meira heima.“
Valtað yfir mig
Helena átti von á að verða endur-
ráðin sem landsliðsþjálfari
kvenna, en alls ekki að það yrði
gengið framhjá henni með eins
afgerandi hætti, sem raun varð á.
„Það var hreinlega valtað yfir
mig,“ sagði Helena og segist
óhrædd að tjá sig um málið.
Henni var tilkynnt það á fundi hjá
KSÍ, fundi sem hún hafði ítrekað
beðið um, til að ræða stöðu sína
og landsliðsins.
Helena var landsliðsþjálfari í
tuttugu mánuði. Undir hennar
stjórn lék landsliðið fjórtán leiki
og gerði tapleikurinn gegn Nor-
egi hér heima útslagið, sam-
kvæmt því sem Eggert Magnús-
son, formaður KSÍ, segir. Hann
lét hafa eftir sér að úrslitin hefðu
verið „algjörlega óásættanleg“ og
því hefði Helena ekki verið end-
urráðin.
Margir hafa tjáð sig um málið
og bent á að tveir þjálfarar starfi
með karlalandsliðið og þeir hafi
hrapað um tugi sæta á styrkleika-
lista á einu ári. Ekki hefur heyrst
orð um að þeir eigi að víkja.
Við stöðu Helenu tekur Jör-
undur Áki Sveinsson, sem stjórn-
aði liðinu á undan Helenu. Áður
óskaði hann að láta af starfinu
þar sem hann þjálfaði samtímis
annað lið. Í dag er hann nýráðinn
þjálfari Stjörnunnar í Garðabæ.
Er starf landsliðsþjálfara ekki
meira en svo að unnt sé að þjálfa
félagslið samtímis?
Helena Ólafsdóttir segir svo
ekki vera. Það sé fullt starf að
vera landsliðsþálfari, en hvort
það sé tveggja manna starf, eins
og hjá karlalandsliðinu, segist
hún ekki geta sagt til um.
Konurnar líklegri til árangurs en
karlarnir
Þegar Helena rifjar upp sinn tíma
með liðið segist hún nokkuð sátt.
„Fyrra árið gekk mjög vel. Við
unnum Ungverja heima 4-1 og
Pólverja 10-0 heima og úti unnum
við þá 2-3, jafntefli við Rússa úti
1-1 og töpuðum fyrir Frökkum úti
2-0. Þannig að árið í heild var
gott. Seinna árið byrjaði svo á
sigri á Skotum í æfingaleik, 5-1.
Tap gegn Englandi 1-0 í æfinga-
leik, og sigur á Ungverjum úti
5-0. Síðan tóku við tapleikir gegn
bæði Rússum og Frökkum hér
heima sem kostuðu það að við
fengum erfiðari mótherja í um-
spili vegna þess að þriðja sætið í
riðlinum var okkar. Við fengum
Noreg í umspili og töpuðum
heima 2-7 en úti 2-1. Rétt fyrir
umspilsleikina fórum við í góða
æfingaferð til Bandaríkjanna og
töpuðum fyrri leiknum þar 4-3 og
seinni 3-0. Árangurinn var ágæt-
ur en auðvitað hefðum við viljað
gera betur. Við unnum í raun þau
lið sannfærandi sem eru fyrir
neðan okkur í styrkleika, en náð-
um ekki þeim þröskuldi að sigra
liðin fyrir ofan okkur í styrkleika.
Hinsvegar var liðið mikið breytt
þegar ég tók við og ákveðin end-
urnýjun í gangi. Liðið hafði misst
út margar reyndar landsliðs-
konur og ungar komu inn, en það
tekur alltaf tíma að móta lið eftir
miklar breytingar. Hins vegar
byrjaði verkefnið vel hjá nýjum
hópi og kannski settum við
svolitla pressu á okkur sjálfar
með góðum úrslitum fyrra árið.
Sem var samt besta mál.“
Nú hefur liðið tvisvar komist í
umspil um sæti á stórmótum.
Opið laugardag 10-22
sunnudag 12-20
mán. - miðvikud. 10-22
Þorláksmessa 09-23
Verslið jólagjafirnar frá Alessi
hjá viðurkenndum söluaðila
af Alessi og Cassina vörum
laugardag og sunnudag
15% afsláttur
S
A
M
V
E
L
D
IÐ
MIRALE Grensásvegi 8, er eina verslunin á
Íslandi sem hefur leyfi til að selja vörur frá
Alessi og Cassina.
Af því tilefni bjóðum við 15% afslátt af
öllum vörum frá Alessi og Cassina
laugardag og sunnudag.
Grensásvegi 8
Gagnrýnin kostaði starfið
Helena Ólafsdóttir saknar þess að vera ekki lengur landsliðsþjálfari kvenna. Hún efast
ekki um að gagnrýni hennar á mismunun karlaliða og kvennaliða hafi kostað hana
starfið. Elma Guðmundsdóttir ræddi við Helenu.
68-69 (52-53) Helgarefni 17.12.2004 13.37 Page 2