Fréttablaðið - 07.10.2005, Blaðsíða 37
■■■■■■■■■■■■■■■■■■■■■■■■■■■■■■■■■■■■■■■■■■■■■■■■ { helgarferðir } ■■ 7
Nokkrir góðir veitinga-
staðir í París
Terra nera, 18, rue des Fossés
St. Jacques; tvö skref frá
Panthéon, grafhýsi stórmenna í
Frakklandi, er einn besti ítalski
veitingastaður Parísar. Hér er
allt heimagert og hver rétturinn
slær annan út. Boðið er upp á
ljúfenga fiskrétti, pasta og kjöt
en þó stendur tiramisu hússins
upp úr sem er himneskt. Á
Terra nera ræður ríkjum
Raymondo frá Napolí en á síð-
asta ári tók hann við öðrum
veitingastað beint á móti Terra
nera. Sá heitir Terra nova þar
sem auk ítölsku réttanna er
boðið upp á pitsur og því held-
ur ódýrari. Þriggja rétta máltíð
kostar um 4000 krónur eftir því
hvaða vín er drukkið en er
hverrar krónu virði.
Ozo, 37, rue Quincampoix
Franskur staður í 4. hverfi, við
eina elstu götu borgarinnar, rétt
fyrir ofan Pompidou-safnið. Þar
er gengið út frá þeirri hugmynd
að þú velur fisk eða kjöt og svo
2-4 tegundir af meðlæti eftir
þínu höfði. Tamarín-an-
anassósu, sætar kartöflur í
kókosmjólk eða kúrbítsgratín.
Áhrifa gætir frá frönsku eyjunni
la Réunion sem er í Indlands-
hafi. Ágætismáltíð kostar um 2-
3000 krónur. Brunch á sunnu-
dögum. Vissara er að panta
borð um helgar. Nánari upplýs-
ingar á www.ozoresto.com
Le Réconfort, 36, rue de
Poitou Í þriðja hverfi milli
République og Mýrarinnar.
Franskt eldhús poppað upp
með alþjóðlegu yfirbragði,
argentínsku nautakjöti, austur-
lensku kryddi og suðrænu
bragði. Vissara að panta borð
jafnt í miðri viku sem um helg-
ar. Frumlegur staður og
skemmtilega innréttaður af eig-
endunum. Tví- til þrírétta mál-
tíð kostar milli 3-4 þúsund
krónur. Gagnrýni um staðinn
má finna á heimasíðunni
www.eng.cityvox.fr/restaurants_
paris/le-reconfort_10841/Profil-
Place
Stutt frá hinu fræga lista-
mannakaffihúsi, les Deux
Magots á St. Germain des Prés-
breiðgötunni, þar sem að Jean
Paul Sartre sat við skriftir er
Drekagata. Þar er fjöldi lítilla en
veitingastaða með hóflega
verðlagningu. Má nefna La
Fermé og Jardins de St. Germa-
in á númer 5 og 14 sem eru
klassískir franskir staðir. Þarna
er sömuleiðis lítill ítalskur stað-
ur, Chez Enzo, rekinn af fjöl-
skyldu og er einstaklega heimil-
islegur. Ekki má heldur gleyma
kóreanska grillstaðnum þar sem
hver grillar sitt kjöt á litlu grilli.
5 og 14, rue du Dragon, 75006
París, www.fermestgermain.com
og www.jardins-stgermain.com
Borðað í París
HVAR ER BETRA AÐ BORÐA MAT EN
EINMITT Í PARÍS?
Mikil stækkun flugstöðvarinnar í Keflavík
FLUGSTÖÐ LEIFS EIRÍKSSONAR HEFUR TEKIÐ MIKLUM STAKKASKIPTUM Á SÍÐASTLIÐNUM ÁRUM OG STÆKKAÐ MIKIÐ. NÚ Á AÐ
STÆKKA HANA ENN MEIRA OG BÆTA VIÐ FLEIRI VERLSUNUM OG ÞJÓNUSTUAÐILIUM TIL HAGSBÓTA FYRIR FERÐALANGA.
Svokölluð norðurbygging er hin upp-
runalega flugstöð sem tekin var í
notkun árið 1987. Áformað er að um-
bylta skipulagi í norðurbyggingunni
og stækka hana jafnframt. Raunar er
fyrsta hluta þess verkefnis þegar lokið,
sem var að stækka innritunar- og
móttökusal og rými verslunar fyrir
komufarþega. Allt húsrými á 2. hæð
verður lagt undir verslun og þjónustu
við farþega. Við skipulagsbreytinguna
þar, og stækkun norðurbyggingar til
suðurs, rúmlega tvöfaldast verslunar-
og þjónusturýmið og verður 8.700 fer-
metrar í stað 3.600 fermetra nú.
Samhliða þessu verður gengið frá
samningum við 10 til 12 nýja verslun-
areigendur.
Fríhöfnin ehf. tók í notkun nýja versl-
un í komusal flugstöðvarinnar í júní
síðastliðnum. Verslunin var stækkuð
um 460 fermetra frá því sem áður var
og er nú 1.000 fermetrar að stærð.
Stækkun verslunarinnar er algjör bylt-
ing frá því sem var. Nú er hægt að
gefa hverjum vöruflokki fyrir sig nægi-
legt rými og bæta útstillingar á vörum.
Aukið hefur verið meðal annars úrval
snyrtivara, sem þær eru nú í sérdeild í
versluninni. „Við erum mjög ánægð
með hvernig til hefur tekist og vonum
að viðskiptavinir taki breytingunni
vel,“ segir Sturla Eðvarðsson, fram-
kvæmdastjóri Fríhafnarinnar ehf.
Við tilfærslu komuverslunar myndaðist
aukið rými í móttökusal flugstöðvar-
innar fyrir farþega og stækkun farang-
ursfæribanda. „Salurinn var hættur að
anna álagstoppum. Nú gátum við
stækkað tvö af þremur færiböndum
og um leið myndaðist meira gólfpláss
fyrir farþega.“ segir Höskuldur Ásgeirs-
son, forstjóri Flugstöðvar Leifs Eiríks-
sonar hf.
FYRIRHUGUÐ STÆKKUN LEIFSTÖÐVAR