Fréttablaðið - 11.10.2005, Qupperneq 30

4 { hús og heimili }
Frjáls íbúðalán
vextir
100
%
veð
set
nin
gar
hlu
tfa
ll
Hafa skal í huga þegar kemur að því
að velja sér baðkar eða sturtu inn á
baðherbergið að úrvalið er gríðar-
lega mikið og verðflokkarnir eru
jafn breytilegir. Til eru baðker sem
eru fallega hönnuð og kosta sinn
skilding, en að sama skapi má fá fal-
leg baðker, jafnvel með nuddi sem
eru í sama verðflokki. Mikilvægt er
að kynna sér vel hvað er í boði, því
verðið er misjafnt og það kemur
manni á óvart hvað hægt er að fá
falleg baðkör fyrir lítinn pening.
Magnús Andri Hjaltason, sölu-
stjóri hjá Tengi segir fólk farið að
velja sér stærri baðker. „Algengasta
stærðin er 180x80 og jafnvel
180x90. Hornbaðkörin eru einnig að
verða vinsælli og þau eru líka orðin
rýmri, eða 145x145 að stærð“ segir
Magnús Andri. Ekki þykir verra að
karið rúmi tvo. Magnús Andri segir
klassíska hönnun, eins og Ifö-bað-
kerin með litaða botninum, ekki
vera það vinsælasta en alltaf séu
einhverjir sem kjósa að hafa það
gamla í stíl við það nýja.
Ólafur Gíslason hjá Agli Árna-
syni segir allan gang vera á því
hvernig gerð af baðkari fólk velji sér.
„Flóran er mikil og verðflokkarnir
eftir því. Margir frægir arkitektar
hanna baðker, og má nefna og Phil-
ip Stark og Foster. Sumir sækjast
eftir klassísku og aðrir ekki.“ Hönn-
uðir verða sífellt framsæknari eins
og sjá má á Foster-baðkarinu frá
Hoesch sem er skemmtilega hannað
og mikið augnayndi. Sífellt
algengara er að baðkörin séu felld
inn í heildarmyndina á baðherberg-
inu, það er, flísalagt er í hólf og gólf,
kantur hafður umhverfis karið og
gólfflísar ná upp að baðkarsbrún-
inni. Sum baðkör koma með tilbún-
um botni þannig að auðvelt er að
flísaleggja beint á baðkarsbotninn.
Sturtubotnarnir eru nú annars
vegar flatir með niðurfalli í miðju
botnsins eða þá flísalagðir með gólf-
flísum og kanturinn steyptur upp.
Einnig eru vinsælir hornsturtuklefar
og nú eru nuddsturtuklefarnir einnig
að verða vinsælli.
Þar sem fólk er farið að velja
stærri baðkör og jafnvel hornbaðkör
verður sífellt eftirsóttara að fá sér
baðkör sem einnig bjóða upp á
nudd. Hægt er að fá baðkör með
loftnuddi, púlsanuddi eða vatns-
nuddi með breytilegum hraða.
Reynir Matthíasson hjá Baðheimum
segir mikla aukningu vera í sölu á
nuddbaðkörum enda hafa þau sína
kosti. Fyrir utan að gleðja nautna-
seggina hafa nuddbaðkörin einnig
góð áhrif á heilsuna. Nuddið getur
aukið blóðflæði og sogæðaflæði,
slakað á vöðvum, haft jákvæð áhrif
á efnaskiptin og að sjálfsögðu veitir
það góða slökun við kertaljós og ró-
lega tónlist.
Loftbólur í
nýstárlegu baðkari
Baðkerið er að margra mati það mikilvægasta sem valið er inn á baðherbergið. Enda er
það bæði fyrirferðarmesti hluturinn þar inni og það tæki sem maður kemur til með að
eyða dágóðum tíma ofan í.
Egill Árnason: Alessi-baðkar, klósett og
vaskur í sömu línu.
Baðheimar: Victory Spa, Sicilia-nuddbaðk-
ar, hornbaðkar. Höfuðpúðar og sæti. Vegg-
hliðar eru 155 sm á móti 218 sm.
Baðheimar: Victory Spa, Lanzarote-nudd-
baðkar. Karið rúmar tvær manneskjur;
með höfuðpúðum báðum megin.
190x120.
Baðheimar: Victory Spa, Jamaica-nudd-
baðkar. 180x80 og 190x80. Mjúkar línur í
hönnuninni. Einnig hægt að fá karið
höldulaust. Höfuðpúði við hvorn enda.
Flísabúðin: Roca. Afturhvar til eldri tíma. Fæturnir eru stillanlegir. 175 cm á lengd. Höfuð-
endi er 80 sm breiður og fótendi er 73 sentimetra breiður.
Egill Árnason: Foster-baðkar frá Hoesch. 80x180 hvítt. Skemmtileg hönnun á baðkari.
Egill Árnason: Alessi-baðkar. Hönnunin er
mjúk og baðkarið er egglaga. Í Alessi-lín-
unni má einnig fá vask og klósett.Sturta is: Luyisi. Sturta í lofti, handsturta,
blöndunartæki, sæti, loftljós, bakljós og
baklampi. Gufa, punktanudd, sætisnudd,
heildarnudd, loftræsting. Hita/tímastilling-
ar, útvarp. Neyðarhnappur, fjarstýring,
djúpur botn, 5 mm hert gler. 90x90x215
og 100x100x215.
Sturta is: Luyisi. Einfaldur sturtuklefi með
botni, hert gler í klefa og trefjastyrkt
akrýlefni í botni. 90x90x198 og
100x100x198.
Tengi: Kaldewei. Baðkar 180x80. Sturtu-
botnarnir eru flatir með niðurfalli í miðju
botnsins.
Tengi: Ifö. Frístandandi baðkör með lituð-
um stálbotni. Fæturnir eru stillanlegir eftir
halla á gólfi. Afturhvarf til þess gamla með
ívafi af nýjum straumum.