Fréttablaðið - 16.12.2006, Blaðsíða 24
Framsóknarflokkurinn hefur jafnan verið forystuafl alhliða
þjóðlegrar umbótastefnu sem
byggð er á hugsjónum samvinnu,
samhjálpar, frumkvæðis og fram-
taks. Þannig voru framsóknar-
menn í fylkingarbrjósti við mótun
velferðarsamfélagsins, í barátt-
unni gegn afleiðingum heims-
kreppunnar fyrir almenning, við
uppbyggingu atvinnulífsins um
landið, við rafvæðingu og vega-
gerð, almannatryggingar, skóla-
kerfi og fræðslumál, húsnæðismál
og á öðrum sviðum. Framsóknar-
menn hafa haft forystu um
byggðastefnu og átt mikinn þátt í
margháttuðum framfaramálum á
öllum sviðum hagkerfis og þjóð-
lífs.
Í sögu Framsóknarflokksins
ber einna hæst sjálfstæði þjóðar-
innar og landhelgismálið. Í öllum
þessum mikilvægu baráttumálum
áttu Framsóknarmenn virkan þátt
og frumkvæði.
Í dag, 16. desember 2006, fyllir
Framsóknarflokkurinn 90 ár en
stofndagur hans er talinn 16.
desember árið 1916. Þetta er hár
aldur einstaklings en hreyfing
endurnýjar sig stöðugt og fyllist
jafnóðum nýju lífi nýrra tíma og
nýrra kynslóða. Þess vegna er
Framsóknarflokkurinn jafnan
ungur og í fylkingarbrjósti.
Á afmælisdegi viljum við horfa
um öxl en ekki síður viljum við
líta fram á veginn, meta stöðu og
horfur og sjá nýjar leiðir fram-
undan. Við höfum einmitt upp á
síðkastið verið að endurmeta og
skerpa á nýjum og gömlum áhersl-
um og rifja upp sígildar hugsjónir
Framsóknarmanna.
Alls staðar hafa Framsóknar-
menn beitt
sér fyrir
félagsleg-
um, þjóð-
legum og
mannúðleg-
um gildum.
Framsókn-
armenn
hafa lagt
áherslu og
leggja enn
áherslu á
vinnu, vöxt og velferð í öllum
byggðum landsins. Og sérstaklega
leggja þeir áherslu á atvinnu og
atvinnuöryggi og afkomuöryggi
fyrir alla landsmenn. Framsókn-
armenn leggja áherslu á þjóðlega
samfylgd og að jöfnuður og rétt-
læti ríki í samfélaginu.
Á þessum degi viljum við minn-
ast fyrri forystumanna Framsókn-
arflokksins. Jónas Jónsson og
Tryggvi Þórhallsson brugðu upp
leiftri hugsjóna og framkvæmda.
Hermann Jónasson og Eysteinn
Jónsson gegndu mikilvægum for-
ystuhlutverkum á úrslitatímum.
Ólafur Jóhannesson, Steingrímur
Hermannsson og Halldór Ásgríms-
son héldu kyndlunum hátt á loft.
Og við viljum horfa fram á veg-
inn. Framsóknarmenn ætla að
þétta raðirnar, standa þétt saman í
þeirri baráttu sem framundan er.
Við viljum vinna að alhliða fram-
förum, jafnvægi og stöðugleika,
og við viljum skila arði hagvaxtar
og umbreytinga í viðskiptalífi til
allrar þjóðarinnar, til allra byggð-
anna í landinu og sérstaklega til
þeirra sem mest eru þurfandi.
Við viljum halda áfram þeim
áföngum sem ríkisstjórnin hefur
náð og er að ná á sviði velferðar-
mála, heilbrigðis-, trygginga-,
félagsmála og menntamála.
Í dag lítum við framsóknar-
menn fram á veginn. Við þurfum
að styrkja okkur og ná vel til alls
almennings því að við erum að
vinna fyrir fólkið í landinu. Við
leggjum áherslu á atvinnulífið, á
þekkingarsamfélagið, á menntun
og framfarir um land allt. Mark-
mið framsóknarmanna er upp-
bygging og þróun þekkingarsam-
félags með menntun og tækni í
þágu þjóðarinnar. Við viljum heild-
aráætlun um auðlindanýtingu og
náttúruvernd í þjóðarþágu. Við
viljum auka og bæta lífstækifæri
fólksins og uppvaxandi kynslóða.
Framsóknarmenn vilja kapp-
kosta að efla íslenska þjóðmenn-
ingu og standa af varúð og mynd-
arlega að opnun samfélagsins og
móttöku nýrra landsmanna sem
hingað flytjast. Við viljum stuðla
að þeim þjóðarmetnaði að Íslend-
ingar verði jafnan í fremstu röð
um menningu, lífskjör, umhverfi
og lífstækifæri fólksins.
Þetta er erindi okkar eins og
jafnan fyrr á þeirri löngu leið sem
er að baki. Og þetta verður erindið
við þjóðina á komandi tíma.
Framsóknarflokkurinn eflist
með nýrri endurnýjun og með
hverri kynslóð. Þess vegna erum
við einbeitt og öflug til átaka. Til
hamingju með daginn.
Höfundur er formaður Framsókn-
arflokksins.
Framsókn í 90 ár
BorgarfulltrúinnDagur B. Eggerts-
son hefur farið mikinn
vegna tímabundins
verkefnis sem ég hef
verið ráðinn til hjá
Faxaflóahöfnum. Í
þeirri orrahríð hefur
hann ítrekað tekið fram
að það sé ekkert per-
sónulegt gagnvart mér.
Hins vegar tók hann upp
á því að senda starfs-
samning minn við Höfn-
ina á allar helstu frétta-
stofur landsins, áfram
undir kjörorðinu, ekk-
ert persónulegt. Gott og
vel. Við Dagur eigum
það sameiginlegt að
stunda aðra vinnu sam-
hliða störfum okkar í
borgarstjórn. Hann réði
sig til starfa hjá Háskól-
anum í Reykjavík eftir að hafa
úthlutað skólanum stærstu lóð í
sögu borgarinnar. Til þess að taka
af allan vafa um að Dagur B. Egg-
ertsson sitji örugglega við sama
borð og aðrir stundakennarar við
HR þá verður hann að leggja spil-
in á borðið og birta heildarlaun sín
opinberlega. Hann getur svo svar-
að því til sjálfur hvort það sé per-
sónulegt eða ekki.
Höfundur er varaborgarfulltrúi
Framsóknarflokksins.
Ekkert persónulegt
Markmið framsóknarmanna
er uppbygging og þróun þekk-
ingarsamfélags með menntun
og tækni í þágu þjóðarinnar.
Við viljum heildaráætlun um
auðlindanýtingu og náttúru-
vernd í þjóðarþágu.
Hvers vegna er verið að láta pólit-
ík bitna á fötluðum
börnum? Er það
kannski til þess að
Björn Ingi Hrafnsson
og félagar í borgar-
stjórn Reykjavíkur
geti sagt í sjónvarpi og
blöðum að ástandið sé
betra núna en oft áður á frí-
stundaheimilum borgarinnar?
Það sem hann minntist ekki á er
að fötluðum börnum á biðlista
eftir plássi hefur verið vísað aft-
ast í röðina.
Fötluð börn þurfa
meiri umönnun en
önnur börn, sem þýðir
fleira starfsfólk. Það
er rétt hjá Birni Inga
að fleiri „heilbrigð“
börn eru í frístund
núna en oft áður, á
meðan fötluð börn eru
látin bíða í kuldanum
eftir plássi.
Ástandið var ekki
svona á meðan R-list-
inn var við völd. Ég
held að þeir hafi ekki gert sér
grein fyrir því að það er mun
erfiðara fyrir foreldra fatlaðra
barna að fá pössun eftir að skóla
lýkur kl. 14.00. Börnin þola illa
að vera send á milli ættingja
hingað og þangað svo að foreldri
geti klárað sinn vinnudag. For-
eldrar fatlaðra barna eru orðnir
þreyttir á sömu tuggunni að það
sé skortur á starfsfólki. Fjög-
urra mánaða bið er óásættanleg.
Höfundur er faðir einhverfs
drengs.
Fatlaðir úti í
kuldanum!
Ég held að þeir hafi ekki gert
sér grein fyrir því að það er
mun erfiðara fyrir foreldra
fatlaðra barna að fá pössun
eftir að skóla lýkur kl. 14.00.