Fréttablaðið - 16.12.2006, Blaðsíða 115

Í vikunni lak myndband á
netið sem sýnir tvo unga
drengi vinna skemmdar-
verk á strætisvagni með
úðabrúsum. Skemmdar-
verk af þessu tagi eru ekki
algeng á Íslandi en rekstr-
arstjóri Strætós segir að
myndbandið sé ekki góðs
viti. Ómar Ágústsson, bar-
áttumaður og áhugamaður
um graff, segir að málin
muni bara versna, verði
graff-listamönnum ekki
veitt aðhald.
„Þetta er ekki góðs viti,“ segir
Einar Kristjánsson rekstrarstjóri
Strætós, um myndband sem hægt
er að finna á heimasíðunni
youtube.com, en þar sjást ungir
og grímuklæddir drengir skrifa
dulnefni sín með úðabrúsum á
strætisvagn. Hingað til hefur það
ekki tíðkast meðal graff-lista-
manna á Íslandi að ráðast á stræt-
isvagna, en hugsast getur að
„graffarar“ ráðist á strætisvagna
hér á landi á svipaðan hátt og þeir
gera við lestir annars staðar í Evr-
ópu. „Helsta vandamálið hingað
til hefur verið innan í vögnunum,
en það gerist einstaka sinnum að
krotað er á bílana sjálfa,“ segir
Einar, en strætisvagnar eru fljótt
teknir úr umferð eftir að krotað
er á þá. „Við látum bílana ekki
sjást með krotið á, en það gæti
virkað eins og boð um enn meira
krot.“
Það er bæði tímafrekt og dýrt
að þrífa krot af strætisvagni og í
einstaka tilfellum þarf að sprauta
vagna upp á nýtt, sé ekki hægt að
fjarlægja krotið án þess að
skemma lakk bifreiðarinnar í leið-
inni. Til þessa hefur árlegur
kostnaður við skemmdarverk af
þessu tagi verið í kringum tvö til
þrjú hundruð þúsund krónur en
nú fer hann stöðugt hækkandi.
Einar bjó lengi í Kaupmannahöfn,
þar sem hann starfaði við strætis-
vagnakerfið og vonar hann að
vandamálið verði aldrei jafn
alvarlegt og þar. Hann segir að
vandamálið þar liggi einna helst í
lestunum og að allt sé myndað í
bak og fyrir. Að sögn Einars eru
dæmi um að menn hafi verið sekt-
aðir um hundruð þúsunda danskra
króna og jafnvel dæmdir í fang-
elsi, séu þeir gripnir.
„Ég vona að vandamálið verði
ekki jafn alvarlegt hér, frekar ein-
hver smá prakkarastrik sem hægt
verður að stoppa. En þegar þetta
er komið á netið þá er greinilegt
að menn eru að skiptast á mynd-
um og monta sig við hina, sem er
ekki gott.“
Ómar Ágústsson, for-
sprakki samtakanna TFA
og óformlegur talsmaður
graff-listamanna á
Íslandi, segir að verkn-
aðurinn sé afleiðing af
hertri stefnu lögreglunn-
ar og Reykjavíkurborg-
ar í garð veggjakrots.
„Það er alveg sjálfgefið
að ef graffití fær hvergi
aðhald og ekkert nema
bönn, þá fer það sömu
leið og í útlöndum,“ og
bendir Ómar líka á að
stórlega sé búið að
fækka þeim veggjum
sem voru eitt sinn leyfð-
ir til veggjakrots. Ómar segir að
svo lengi sem gröffurum sé bann-
að að iðka iðju sína, muni þeir ráð-
ast á einkaeignir, strætisvagna og
annað slíkt. „Það er varla hægt að
kenna bara gröffurunum um þetta.
Ef aðgerðirnar gegn graffití eru
hertar, þá munu málin versna í
samræmi við það. Um leið og mót-
spyrnan er aukin, þá er það bara
eðli graffití-menningarinnar og
hiphop-menningarinnar að streit-
ast sterkar á móti.“
Í vikunni birti dagblaðið The New
York Post ljósmyndir þar sem
greinilega má sjá agnir af hvítu
efni í nösunum á Paris Hilton.
Myndin var tekin eftir að Paris og
vinur hennar Brandon Davis
snæddu saman hádegisverð og
yfirgáfu bíl þess síðarnefnda.
Fjölmiðlafulltrúi Hilton neitar
öllum ásökunum um að Paris noti
kókaín og segir þær fásinnu.
„Þetta hefði getað verið hvað sem
er sem var í nösunum á henni, hún
var nýbúin að borða,“ segir full-
trúin og neitar því ekki að Paris sé
að íhuga að höfða mál gegn blað-
inu.
Djammlíferni Parisar Hilton er
sífellt til umræðu í fjölmiðlum
vestra. Sjálf hefur hún oft haldið
því fram að hún noti ekki eiturlyf
og drekki helst aldrei áfengi.
Bandarískir fjölmiðlar draga það
mjög í efa.
Segist ekki
nota kókaín