Fréttablaðið - 08.06.2007, Blaðsíða 73
Hljómsveitin Jakobínarína var
ekki styrkt af Coca Cola vegna
myndbands hennar við lagið This
is An Advertisment. Í Fréttablað-
inu á dögunum birtist slúður þess
efnis að fyrirtækið hefði styrkt
strákana en Gunnar Ragnarsson,
söngvari, segir það af og frá.
Að sögn Gunnars er texti lags-
ins þvert á móti ádeila á þær
hljómsveitir sem ganga stórfyrir-
tækjum á hönd. Kemur þar fram
að hljómsveitin væri tilbúin til að
breyta nafni sínu í „The Coca Cola
Band“ og líklega hefur orðrómur-
inn um að Coca Cola sé styrktarað-
ilinn farið af stað vegna þess.
„Hugmyndin á bak við mynd-
bandið er heilaþvottur og þar er
gefið í skyn að við séum brúð-
ur stórfyrirtækis enda í alveg
eins fötum,“ segir Gunnar. „Ef ég
myndi selja mig til einhvers fyr-
irtækis þá yrði það reyndar Coca
Cola því ég hef verið kókfíkill
síðan ég var barn,“ bætir hann við
í léttum dúr.
Deila á kostuð bönd
Góður rómur er gerður að hljóm-
sveitinni Trabant í viðtali við
þá félaga á heimasíðunni Play-
Louder.com, en sú fjallar um og
rýnir tónlist af ýmsu tagi. Útsend-
ari PlayLouder hitti hljómsveitar-
meðlimi Trabant að máli er sveit-
in var í tónleikaferð á Englandi
og tekur hann sérstaklega fram í
grein sinni að íslensku strákarn-
ir séu þeir hressustu sem hann
hefur hitt í langan tíma.
„Í dag fara flest viðtöl þannig
fram að þú færð 20 mínútur í
hótelherbergi með hljómsveit-
armeðlimum sem pína sig til að
svara í eintómum klisjum. Það
gera íslensku pervertarnir í Tra-
bant ekki,“ segir meðal annars í
greininni.
Á meðan á viðtalinu stóð buðu
meðlimir Trabant greinarhöfund-
inum, Jeremy Allen, upp á drykki
og spiluðu við hann pool. Há-
punkturinn var hins vegar þegar
söngvarinn Ragnar Kjartansson
tók sig til dansaði fyrir hann erót-
ískan nektardans.
Allen var hinn kátasti með til-
breytinguna frá hinum hefð-
bundnu og þvinguðu „hótelher-
bergjaviðtölum“ og vill að sem
flestir hagi sér eins og Trabant í
viðtölum.
Trabant vakti lukku í viðtali
Miðasala á tónleika Noruh Jones í
Laugardalshöll 2. september hefst
á hádegi í dag. Aðeins verður selt
í sæti á tónleikana. Í ljósi mikill-
ar eftirspurnar í miða má hver
og einn aðeins kaupa fjóra miða í
hvert sinn.
Norah er að fylgja eftir þriðju
plötu sinni, Not Too Late, sem
kom út í janúar. Fyrsta plata henn-
ar, Come Away With Me, vakti
heimsathygli þegar hún kom út
árið 2003. Fyrir hana fékk hún
fimm Grammy-verðlaun, en síðan
hefur hún hlotið þrenn til viðbótar.
Miðaverð á tónleikana í Höllinni
er 6.900 krónur í svæði A og 5.900
í svæði B. Miðasala fer meðal ann-
ars fram á midi.is.
Eftirspurn
eftir Noruh
Færeyska tónlistarhátíðin G!
verður haldin í sjötta sinn dagana
19. til 21. júlí. Á meðal þeirra sem
koma fram eru Teitur, Eivör, Boys
in a Band, Gestir, Guillimot frá
Bretlandi, Dr. Spock, Pétur Ben og
Ultra Mega Technobandið Stefán.
Undanfarin tvö ár hefur verið
uppselt á G!-hátíðina þar sem
fimmtungur færeysku þjóðar-
innar kemur saman. Þegar hafa
breskir og skandinavískir fjöl-
miðlar gefið hátíðinni gaum en
umfjöllun í Guardian á dögunum
leiddi til þess að pakkaferðir frá
Bretlandi hafa verið seldar á G! í
fyrsta skipti. Íslendingum hafa nú
tækifæri til að kaupa pakkaferð í
gegnum www.greengate.fo fyrir
34 þúsund krónur.
G! haldin í
sjötta sinn