Fréttablaðið - 08.06.2007, Blaðsíða 52

BLS. 10 | sirkus | 8. JÚNÍ 2007
Ég átti mitt fyrsta barn árið 2001 eftir eðlilega meðgöngu og fæðingu en fór svo í keiluskurð
áður en ég eignaðist annað barnið. Keiluskurður-
inn er talinn hafa veikt leghálsinn, sem varð til
þess að Hildur Arney fæddist ellefu vikum fyrir
tímann. Þegar ég gekk með þriðja barnið var svo
saumað fyrir leghálsinn,“ segir Drífa Baldursdóttir
þriggja barna móðir. Drífa vissi ekki um aukna
hættu á leghálsbilun við keiluskurð en lét vita í
mæðraskoðuninni að hún hefði gengist undir
skurðinn. „Fyrir tilviljun hitti ég á lækni sem las
gögnin um mig og lét mig panta leghálsmælingu.
Þarna voru að koma jól og ég fór ekki fyrr en eftir
jólin í mælinguna en þá var ég komin 23 vikur og
5 daga. Þar kom í ljós að ég var komin í hættu-
ástand, leghálsinn var orðinn mjög þunnur. Ég
fékk sterasprautur til að hjálpa barninu að þroska
lungun og ég var send í rúmlegu inn á meðgöngu-
deild og var látin liggja því von var á barninu á
hverri stundu. Ég var heppin og náði að liggja
inni þar til ég var komin 29 vikur. Þá fór vatnið að
leka og barnið fæddist en leghálsinn hafði verið
fullstyttur frá 25. viku,“ segir Drífa, sem eignaðist
litla stelpu sem var 6 merkur. „Hún var hraust og
heilbrigð og þurfti á lítilli hjálp að halda miðað
við hvað hún kom snemma,“ segir Drífa og bætir
við að það hafi hjálpað henni mikið hversu vel
henni hafi tekist að undirbúa sig fyrir fæðinguna.
„Við vorum ótrúlega heppin að komast svona
snemma undir læknishendur og ég er viss um að
það hafi bjargað lífi hennar að hægt var að seinka
fæðingunni um þessar vikur. Við erum því
ótrúlega þakklát öllu frábæra starfsfólkinu sem
annaðist okkur.“ Drífa og sambýlismaður hennar
höfðu áhuga á að eignast þriðja barnið en voru
hrædd. „Við lögðum ekki í aðra meðgöngu og ég
ætlaði ekki að verða aftur ófrísk. Yngsta stelpan
kom því alveg óvænt en ég var komin 15 vikur
þegar ég uppgötvaði að ég var ófrísk. Þá fór ég
strax inn á meðgöngudeild þar sem var saumað
fyrir leghálsinn. Ég var í góðu eftirliti og mátti
ekki vinna og átti að taka því rólega heima og
náði að ganga 37 vikur. Þá var saumurinn tekinn
úr og fimm dögum seinna var ég komin með 10 í
útvíkkun,“ segir Drífa og bætir við að saumurinn
hafi greinilega gert sitt gagn. „Yfirleitt þurfa konur
að ganga í gegnum það að missa börnin sín áður
en leghálsbilun uppgötvast og að mínu mati
vantar fræðslu. Þegar ég greindist með leghálsbil-
un vissi ég ekkert hvað þetta var og varð að leita
mér upplýsinga á erlendum heimasíðum,“ segir
Drífa sem ætlar ásamt öðrum konum að stofna
félagasamtök foreldra fyrirbura. „Sem foreldrar
fáum við endalausa bæklinga um litningargalla
og jafnvel tannvernd en ekkert um þetta. Við
ætlum okkur að gefa út bæklinga og blöð og búa
til heimasíðu og alvöru félag í kringum þetta.“
Elsta dóttir mín fæddist fimm og hálfri viku fyrir tímann og tvíburastelpurnar sjö vikum fyrir
tímann,“ segir Guðrún Hulda Fossdal, sem eignað-
ist allar þrjár dætur sínar fyrir tímann. Sú elsta,
Anna Lára, verður þriggja ára í ágúst svo það er í
nógu að snúast hjá Guðrúnu. „Ég vaknaði eina
nóttina við það að rúmið var á floti og datt strax í
hug að vatnið væri farið. Þegar ég kom á sjúkra-
húsið var mér sagt að ég yrði skoðuð daginn eftir
þar sem til að meta stöðuna. Vatnið endurnýjaði
sig hins vegar ekki og fæðingin fór af stað. Þegar
Anna Lára fæddist fór hún beint í hitakassa. Hún
hefði komist úr honum einum, tveimur dögum
seinna ef hún hefði ekki fengið gulu,“ segir Guðrún
Hulda og bætir við að hún hafi í rauninni ekki náð
að verða hrædd þar sem hún hafi lítið vitað um
fyrirbura. „Ég hugsaði aldrei á meðgöngunni að
eitthvað gæti gerst eða að barnið gæti komið fyrir
tímann. Seinni meðgangan var hins vegar erfiðari
en þá fékk ég að vita að konur sem eru með sjúk-
dóminn sem ég er með, NF1, geta átt á hættu að
fæða fyrir tímann. Læknarnir fylgdust vel með
mér og ég lá fyrir frá 26. viku vegna leghálsbilunar
og samdrátta og var undir miklu eftirliti,“ segir
Guðrún sem þá var ófrísk af tvíburunum. „Ég vissi
svo lengi að tvíburarnir myndu aldrei haldast heila
meðgöngu svo hver dagur var algjör lukka. Á 30.
viku var ég komin með fullstuttan legháls og 3 í
útvíkkun. Þegar þær fæddust fékk ég ekki hríðir
heldur opnaðist leghálsinn meira og fór belgur tví-
bura A að síga út. Ásrún Svava og Birna Vala voru
báðar í hitakassa í ca tvær vikur en þær voru 7 og
9 merkur. Sú meðganga tók verulega á því ég vissi
að ég ætti engan möguleika á að klára hana. Ég var
hrædd allan tímann og náði ekki að njóta þess að
vera ófrísk.“ Eftir fæðingu Önnu Láru frétti Guðrún
af félagskapi foreldra fyrirbura og segir það hafa
hjálpað sér mikið. „Við erum með fyrirburahóp
http://groups.msn.com/fyrirburar og stefnan er
að setja upp almennilega heimasíðu þar sem hægt
verður að nálgast upplýsingar um fyrirbura, ekki
bara það sem gerist á sjúkrahúsinu heldur líka
varðandi næstu árin. Fyrirburar geta orðið eftir á í
líkamlegum þroska þótt þeir fylgi jafnöldrum
sínum oftast í andlegum þroska og þeir eru oft
veikari fyrir og fá frekar pestir,“ segir Guðrún. Elsta
dóttir hennar er með tímabundið skert ónæmis-
kerfi, sem Guðrún telur muni rjátlast af henni.
Önnur tvíburanna er svo í reglulegri sjúkraþjálfun
þar sem hún fylgir ekki eftir í líkamsþroska. „Tví-
burarnir eru eins og sex og sjö mánaða börn þótt
þær séu níu mánaða en ég geri fastlega ráð fyrir að
þær nái sér að fullu,“ segir Guðrún, sem ætlar sér
ekki að eignast fleiri börn. „Þessi félagsskapur for-
eldra fyrirbura hjálpaði mér mjög mikið og það var
gott að ræða við fólk sem hefur staðið í svipuðum
sporum og fá leiðbeiningar og fá að vita á hverju
maður getur átt von. Leghálsbilun er ekki algeng
en samt algengari en fólk heldur. Talið er að um
eitt prósent kvenna fái leghálsbilun, sem eru um
35-40 konur á ári, og við viljum vekja athygli á
henni því það eru tvö til þrjú fóstur á ári sem deyja
og sú tala er allt of há. Auk fyrirburahópsins erum
við komin með hóp fyrir konur með leghálsbilun
sem er ætluð til þess að hjálpa konum í þessari
stöðu,“ segir Guðrún en slóðin á þá heimasíðu er
http://groups.msn.com/leghalsbilun. Guðrún
lítur björtum augum til framtíðar en vill gera sitt
til að fræða verðandi foreldra um hættuna á
leghálsvíkkun. „Stelpurnar mínar eru sannkall-
aðar kraftaverkastelpur og hafa braggast ótrú-
lega vel þrátt fyrir að hafa komið fyrir tímann.“
indiana@frettabladid.is
Sannkallaðar kraftaverkastelpur
Fæddist ellefu vikum fyrir tímann
DUGLEGAR „Tvíburarnir eru eins og sex og sjö
mánaða börn þótt þær séu níu mánaða en ég geri
fastlega ráð fyrir að þær nái sér að fullu,“ segir
Guðrún sem ætlar sér ekki að eignast fleiri börn.
ANNA LÁRA Fæddist 5 og hálfri viku fyrir tímann.
HILDUR ARNEY Nýfædd í hitakassa. Á myndinni
sést í hönd pabba hennar.
SIRKUS RÆDDI VIÐ DRÍFU OG GUÐRÚNU HULDU, UNGAR KONUR SEM ÁTTU BÖRNIN SÍN FYRIR TÍMANN.
MÆÐGUR Guðrún Hulda með dæturnar. Stelpurnar eru sannkallaðar kraftaverkastelpur og hafa braggast
ótrúlega vel þrátt fyrir að hafa komið fyrir tímann.
FALLEGIR FYRIRBURAR
KÁTAR OG FRÍSKAR Hildur er rúmlega tveggja
ára heilbrigð stúlka. Hér er hún með mömmu
sinni Drífu.