Fréttablaðið - 12.09.2007, Blaðsíða 9
H A U S
MARKAÐURINN 9MIÐVIKUDAGUR 12. SEPTEMBER 2007
Ú T T E K T
STÖÐUGLEIKI NAUÐSYN
Lárus tók við af Bjarna Ármannssyni,
sem var samofinn ímynd bankans og hafði
sterka nærveru innan bankans. Lárus
þekkti bankann vel frá fyrri tíð og segir
að sér hafi verið afar vel tekið. Hann var
hjá FBA sem sameinaðist bankanum, en
hélt síðan til þess verkefnis að byggja upp
starfsemi Landsbankans í London. „Það er
margt til í því að það henti okkur Íslend-
ingum vel að byggja upp, Við erum dálítið
góð í því. Það sem er spennandi hér er að
við þurfum að samþætta, reka og skapa
meiri framlegð af því sem við erum að
gera. Það finnst mér skemmtileg ögrun.
Glitnir hefur tekið meðvitaða ákvörðun
um að verða alþjóðlegur banki með því
að byggja upp framkvæmdastjórn með
fólki frá ýmsum löndum. Það er auðvitað
flóknara að vinna með fólki með ólíkan
bakgrunn og reynsluheim, en það er klár-
lega mikill styrkleiki í því verkefni sem er
fram undan.“
Á örfáum árum hafa Íslendingar eign-
ast handfylli fyrirtækja sem eru vel sýni-
leg í alþjóðlegu samhengi. Næstu skref á
þeirri braut eru að verða ljós með yfirlýs-
ingum um uppgjör í evrum og skráningu
hlutabréfa í sömu mynt. „Það hefur ekki
verið tekin nein afstaða til þessa í stjórn
bankans. Það hefur hins vegar komið fram
í þessari umræðu að vandamálið á Íslandi
er ekki aðallega myntin, heldur vextirnir
og það vandamál sem við erum komin í þar
með vaxtamun og styrk krónunnar. Hvort
kemur á undan eggið eða hænan í þeirri
umræðu má sjálfsagt deila um. Áður en
við tökum stærri skref í því tel ég að við
þurfum að ná vöxtunum niður til að við
höfum raunverulegt val um aðrar myntir.
Þegar við horfum lengra og til landa eins
og Írlands er erfitt að sjá að við náum til
framtíðar alvöru atvinnuuppbyggingu svo
sem í þekkingariðnaði án þess að vera með
stærri mynt. Ef maður horfir langt fram
sér maður ekki annað nema það gerist að
krónan verði mun stöðugri en hún hefur
verið og sé í raun talin sem evra.“ Hann
bætir við að sveiflurnar feli í sér sóun sem
einhver verði að borga.
SÉRÍSLENSKT BURT
Lárus segir margt hafa færst í rétta
átt í endurbótum í Kauphöll og á fleiri
sviðum. „Til að fyrirtækin hafi mögu-
leika á að þróa sig áfram og verða alþjóð-
leg þurfum við að taka það út sem er sér-
íslenskt í umhverfinu. Heimurinn breyt-
ist hratt og ef við ætlum að vera með í
alþjóðaviðskiptum verðum að taka burt
séríslensk fyrirbæri; verðtryggingu, sér-
íslensk lög, Íbúðalánasjóð og fleira. Lykil-
markmiðið er að ná stöðugleika og síðan að
fá inn erlent fjármagn til alvöru atvinnu-
uppbyggingar. Ekki bara vaxtamunafjár-
festa sem vilja komast í háu vextina okkar
eða eingöngu í stóriðjuna. Ef við ætlum
að halda í stór fyrirtæki þurfa þau lík-
lega að skrá sig í erlendri mynt, sem er
í fínu lagi svo lengi sem þau hafa höfuð-
stöðvarnar hér. Ef okkur tekst ekki að fá
erlent fjármagn til að byggja fyrirtækin
okkar upp verður erfitt að halda höfuð-
stöðvunum í landinu. Ef við getum ekki
notað hlutabréfin til greiðslu í kaupum á
fyrirtækjum getum við ekki haldið áfram
að vaxa. Það er ákjósanlegt að efla þekk-
ingariðnað á Íslandi. Bankar geta stækk-
að eins mikið og þeir fá fjármagn til og
vaxtarmöguleikarnir takmarkast við það.
Vandinn hefur ekki verið að finna þeim
verkefni.“
Myntin hefur verið langstærsta hindr-
unin. „Ég hef reynt að selja íslensk hluta-
bréf erlendis. Flækjustigið með krónuna
fælir fjárfestana frá jafnvel þótt þeim lít-
ist vel á fjárfestingarkostinn. Þetta eru
vandamálin sem við verðum að leysa ef
við ætlum að bjóða börnunum okkar upp
á vellaunuð störf í greinum sem krefjast
þekkingar. Hitt sem skiptir framtíð okkar
mestu er menntamálin og að byggja upp
þekkingarkjarna utan um svið eins og fjár-
málageirann, orkumálin og fleira þar sem
við höfum skapað okkur sérstöðu.“