Fréttablaðið - 18.10.2007, Blaðsíða 42
18. OKTÓBER 2007 FIMMTUDAGUR4 fréttablaðið vinnuvélar
Vinnuvélanámskeið
sem veita réttindi
Vinnuvélanámskeið Nýja öku-
skólans gefur rétt til prófs á
allar gerðir og stærðir vinnu-
véla. Það er nauðsynlegt til þess
að geta gengist undir verklegt
próf á vinnuvélar. Upplýsingar
um námið og þætti sem tengjast
því má finna á heimasíðu skól-
ans, það er www.meiraprof.is.
Þar kemur fram að aðeins
sautján ára og eldri geti tekið
þátt í námskeiðinu. Almenn öku-
réttindi eru forsenda þess að
geta verið með vinnuvélar í um-
ferð utan lokaðra vinnusvæða.
Farið verður yfir þætti eins og
vinnuvélastjórnun, öryggismál,
búnað og vinnutækni, vinnu-
brögð með vinnuvélum, vélfræði
vinnuvélastjórans, vinnuskýrsl-
ur og margt fleira.
Kennt er frá klukkan 17 til
22.15 á föstudögum, en 9 til 17
á laugardögum og sunnudögum.
Bóklegi hlutinn er áttatíu stundir
og með ofanskráðu fyrirkomu-
lagi er námskeiðinu lokið á níu
námskeiðsdögum, sem teknir
eru á þremur helgum.
Nemendur ráða síðan hvort
þeir kaupa verklegar æfingar á
vinnuvélar hjá Nýja ökuskólanum
eða ekki. Skólinn getur leigt nem-
endum vinnuvélar og kennara
með þarfir hvers og eins í huga.
Próftaka í verklegum próf-
um á vinnuvélar fer fram víða
á landinu. Eftirlitsmenn frá
Vinnueftirliti ríkisins annast
framkvæmd prófsins. Réttinda-
flokkarnir eru nokkrir og hver
þeirra kostar kr. 2.365 krónur og
skírteinið sjálft kostar kr. 3.220
krónur.
Próf á lyftara, gröfu og hjóla-
skóflu kostar þá að meðtöldu
skírteininu 10.315 krónur svo
dæmi sé tekið. Upphæðin greið-
ist hjá Vinnueftirliti ríkisins við
afhendingu skírteinisins.
Tekið skal fram að rétturinn
til próftöku fyrnist ekki og hægt
er að draga próftöku eins lengi
og þörf er á. Eins er hægt að
bæta í skírteinið síðar meir eftir
þörfum.
Allar nánari upplýsingar um
fyrirkomulag námskeiða og skól-
ann almennt má finna á síðunni
www.meiraprof.is.
Vinnuvélanámskeið Nýja ökuskólans veita starfsréttindi.
Á flugvöllum má finna ýmis tæki
og tól sem eru fremur ólík því sem
gengur og gerist annars staðar. Þau eru
sérhönnuð fyrir ákveðnar aðstæður og
bera þess merki.
Jónas Sveinsson, flugvallarstarfsmað-
ur á Akureyrarflugvelli, sagði okkur frá
þremur sérstæðum bílum sem notaðir eru
á flugvellinum fyrir norðan. Fyrst ber að
nefna afísingarbílinn, sem er mikilvægt
öryggistæki.
„Afísingarbíllinn er notaður til að hreinsa
bæði ís og snjó af flugvélum á jörðu niðri
þar sem snjór og ís getur dregið mikið úr
flughæfni vélarinnar. Á bílnum er blanda af
afísingarvökva og vatni, 25 prósent vatn og
75 prósent afísingarvökvi, og hann virkar
þannig að maður fer upp í bómu á bílnum
og annar keyrir bílinn að vélinni. Síðan
lyftir maður sér upp að þeim svæðum sem
þarf að afísa og þar eru vökvasprautur eða
byssur sem sprauta yfir vélina og hreinsa
allt af henni sem getur haft áhrif á flug-
hæfnina. Helstu svæðin eru vængir og stél
og svo búkurinn ef á því þarf að halda,“
útskýrir Jónas og segir að augljóslega sé
helst þörf á bílnum að vetrarlagi.
„Bandabíllinn er einfaldlega hjálpar-
tæki til þess að ná farangri út úr þotum
þegar hólfin eru í töluverðri hæð. Þetta er
í rauninni bara færiband á hjólum,“ segir
Jónas og segir okkur því næst frá stiga-
bílnum: „Stigabíllinn er í raun bara stigi
á hjólum sem er notaður á þotur. Hann er
þá keyrður upp að vélunum og síðan koma
fætur út og halda bílnum stöðugum og
hæðarstilling er á stiganum,“
Til að mega vinna á tæki sem þessi þarf
að hafa vinnuvélaréttindi og bílpróf.
„Maður tekur bóklega námið í vinnuvéla-
réttindum og síðan verklegt próf á hvert
tæki fyrir sig,“ segir Jónas, sem hefur
unnið á Akureyrarflugvelli í þrjú og hálft
ár og líkar mjög vel.
Tækin eru helst notuð á þoturnar, sem eru
í töluverðri hæð frá jörðu og því nauðsynlegt
að hafa góð tæki til að auðvelda alla vinnu í
kringum þær. Þoturnar koma helst á Akur-
eyrarflugvöll á haustin og vorin og síðast-
liðin tvö ár hefur Iceland Express verið þar
með áætlunarflug á sumrin. Þar sem tækin
eru ekki í stöðugri notkun er mikilvægt að
fylgjast vel með þeim og sjá til þess að þau
virki þegar á hólminn er komið.
„Tækjunum er mjög vel við haldið og
þess er gætt að þau séu alltaf í toppstandi
Þessi tæki eru náttúrlega ekki notuð dag-
lega og því mikilvægt að vel sé fylgst með
þeim. Þess vegna hafa þau líka enst lengi,“
segir Jónas, ánægður með vinnustaðinn.
hrefna@frettabladid.is
Sérstök tæki í toppstandi
Stigabíllinn er nytsamlegur þegar gengið er frá borði úr þotunum. FRÉTTABLAÐIÐ/HEIDA.IS
Jónas Sveinsson flugvallar-
starfsmaður er ánægður í
starfi sínu á Akureyrarflug-
velli og líkar vel að stýra
tækjunum þar.