Fréttablaðið - 12.03.2008, Blaðsíða 12
12. MARS 2008 MIÐVIKUDAGUR4 ● fréttablaðið ● landbúnaður
Mikið úrval dráttarvéla á gamla verðinu
meðan birgðir endast
C-Max 92 og 98 hestöfl CX 81 og 102 hestöfl MC 115 og 132 hestöfl
ZTX 280 hestöfl XTX 185 og 200 hestöfl MTX 135 og 150 hestöfl
Jóni Viðari Jónmundsyni, lands-
ráðunauti í sauðfjárrækt hjá
Bændasamtökum Íslands, fannst
ræða forseta íslands orð í tíma töluð
og ástæður að baki hækkandi mat-
vöruverðs vel raknar. „Þessi um-
ræða byrjaði af einhverri alvöru
síðasta haust, þó meira erlend-
is en hérlendis. Það er greinilegt
að þessi þróun sem hefur verið á
verðlagningu á landbúnaðar vörum
er að breytast á heimsvísu,“ segir
Jón Viðar.
Hann telur þó ekki að íslenska
sauðkindin muni verða illa úti eða
að sú landbúnaðargrein sé í hættu,
heldur geti staða lambakjöts á
heimsmarkaði þvert á móti styrkst.
„Það er nú sjálfsagt mjög erfitt að
gera sér fulla grein fyrir því hvaða
afleiðingar þetta hefur fyrir sauð-
fjárrækt, en ég held að á margan
hátt eigi þetta að geta skapað ný
tækifæri og aukið eftirspurn eftir
kjötinu. Ef áhrifanna gætir á annað
borð hér á landi ættu þau að vera
frekar jákvæð,“ segir Jón Viðar.
Hvað varðar vangaveltur forset-
ans um að matvöruverð geti hækk-
að um allt að hundrað prósent í ná-
inni framtíð segist Jón Viðar ekki
fær um að meta það nákvæmlega.
„En við getum sagt að þróunin hafi
verið ótrúleg núna seinni hluta síð-
asta árs,“ segir hann. „Það er ósköp
lítið fast í hendi ennþá en þetta er
ályktun sem menn draga af þróun-
inni. Engu að síður lítur þetta út
fyrir að vera viss viðsnúningur frá
þeirri þróun sem hefur verið í ára-
tugi.“ - nrg
„Ég er búinn að hafa þessa skoð-
un í áratugi. Það ætlar enginn að
gefa okkur neitt,“ segir Björn
Guðjónsson, garðyrkjubóndi í
Hveragerði.
„Það skiptir alltaf máli hver
opnar munninn. Það hefði enginn
hlustað ef ég hefði sagt þetta. En
mér finnst gott að þetta kemur
upp á yfirborðið sem alvöru um-
ræða, því þetta er raunveruleik-
inn og við getum ekki bara horft
á daginn í dag.“
Birni finnst að þar sem við
búum á landinu eigum við líka að
lifa á því með einhverjum ráðum
og bendir á að hér sé hægt að
framleiða allt sem við þurfum.
„Það er bara spurning hvað það
kostar. Aðrar þjóðir hafa þetta
sama mottó: að vera sjálfum
sér nægar að mestu leyti,“ segir
Björn. „Þessar þjóðir þekkja
þetta og hafa reynslu af því. Ís-
land þekkir ekki hvernig það
er að vera stríðshrjáð land og
fær þá reynslu vonandi aldrei.
Þannig að ég er mjög sammála
þessum skoðunum forsetans
um að tryggja verði fæðuöryggi
landsins.“
Björn bendir á að garðyrkju-
bændur hafi lengi talað um
græna stóriðju í staðinn fyrir
ál og að sá kostur sé einkar hag-
kvæmur. „Framleiðsla á mat-
vöru snýst um orku, næringu og
áburð. Það þarf orku til að fram-
leiða áburð og við eigum fullt
af henni svo við getum brauð-
fætt okkur ansi lengi ef við
bara snúum okkur að því,“ segir
Björn. - nrg
Græna stóriðju í stað áls
Björn Guðjónsson garðyrkjubóndi telur að hérlendis sé hægt að framleiða allt sem
landsmenn þurfi. MYND/GKS
„Kjarni þess sem hann sagði er
að þessi matvælaframleiðsla,
sem hann talar um, sé ákveðinn
öryggisventill,“ segir Þorsteinn
Sigmundsson kjúklingabóndi í
Elliðahvammi.
„Mannkyninu fer fjölgandi.
Það minnkar svæðið sem hægt
er að framleiða mat á og kaup-
endamarkaðurinn verður sífellt
stærri og öflugri. Kína, Indland
og Rússland eru að verða kaup-
endur á matvælum á heims-
markaði. Þetta er nú meirihluti
mannkyns.“
Þorsteinn tekur fram að korn-
verð í heiminum sé að rjúka
upp. „Það má segja að hveiti og
maís og þær korntegundir hafi
kannski verið undir verði til
langs tíma vegna styrkja sem
þessar þjóðir búa við. Þetta var
bara á útsölu. Ég held að þeirri
útsölu sé lokið og að við séum að
fara inn í tímabil þar sem verð á
korni verður rétt, háð framboði
og eftirspurn,“ segir Þorsteinn.
Þorsteinn telur að Íslend-
ingar eigi að vera sjálfum sér
nógir; varðveita fiskimiðin vel
og ganga betur um þau; ganga
betur um eigið land og taka frá
svæði sem eru góð fyrir land-
búnað og nota eingöngu í þeim
tilgangi en til einskis annars.
Þorsteinn sér líka jákvæðu
hliðarnar á þessum breyttu að-
stæðum í heiminum og telur Ís-
land eiga mörg sóknarfæri. „Við
erum með mjög hreina vöru og
þar eru væntanlega einhver
sóknarfæri. Þótt það sé langt
á milli okkar og annara landa
ættum við að geta flutt út,“ segir
Þorsteinn.
- nrg
Útsölunni er lokið
Þorsteinn Sigmundsson kjúklingabóndi telur að Íslendingar eigi að ganga betur um
landið og taka frá svæði sem eru góð fyrir landbúnað og nota eingöngu til þess.
FRÉTTABLAÐIÐ/ARNÞÓR
Jóni Viðari Jónmundssyni, landsráðu-
nauti í sauðfjárrækt hjá Bændasamtök-
um Íslands, fannt margt gott koma fram
í ræða forseta Íslands. FRÉTTABLAÐIÐ/ANTON
Orð í tíma töluð
Forseti Íslands hélt á dögunum ræðu á Búnaðarþingi um breyttar aðstæður og horfur í framleiðslu landbúnaðarvara á heimsvísu. Í stuttu og hnitmiðuðu máli rakti
hann ástæður þess að matvæla- og kornverð hefði rokið upp og brýndi fyrir Búnaðarþingi og landsmönnum að Íslendingar yrðu að tryggja fæðuöryggi sitt, en þar léki
hérlendur landbúnaður meginhlutverk. Fréttablaðið fékk þrjá málsmetandi menn til að leggja mat sitt á ræðu forseta.
Fæðuöryggi Íslendinga í framtíðarsýn