Fréttablaðið - 16.07.2008, Blaðsíða 2

2 16. júlí 2008 MIÐVIKUDAGUR
FORNLEIFAR Hópur innlendra og
útlendra manna sem leita að
dýrgripum svokallaðra musteris-
riddara fer síðar í þessum mánuði
upp á Kjöl til að halda áfram
rannsóknum sínum í Skipholts-
krók. Eins og áður hefur komið
fram telur hópurinn að vera
kunni að dýrgripirnir, meðal
annars kaleikur Krists og skjöl úr
frumkristni, kunni að hafa vera
grafnir í jörðu í leynihvelfingu á
Kili. Rannsóknarhópurinn hefur
sérstakt leyfi sveitarstjórnar
Hrunamannahrepps til að grafa
skurð við Skipholtskrók til að
geta komið jarðsjártækjum
sínum betur við. - gar
Leitin að kaleiki Krists:
Fara á Kjöl í lok
júlí með jarðsjá
SÍÐASTA KVÖLDMÁLTÍÐIN Málverk
Leonardos da Vinci er sagt innihalda
vísbendingar um geymslustað kaleiks
Krists.
Björgvin, er Stundin okkar
Björg-vin í eyðimörkinni fyrir
íslensk börn?
„Jú, jú, og börnin geta orðið Björg-
vinir mínir í leiðinni.“
Björgvin Franz Gíslason, umsjónarmaður
Stundarinnar okkar, leitar nú logandi ljósi
að efni frá hæfileikaríkum börnum sem
gætu komið fram í þættinum í vetur.
LÖGREGLUMÁL „Þessir bjánar hafa
líklega greindarvístitölu á við
hund,“ segir Hildur Jónsdóttir um
óprúttna aðila sem rændu ýmsum
hlutum úr íbúð hennar og unnusta
hennar, Andra Ólafssonar, meðan
þau voru í ferðalagi um síðustu
helgi.
Hildur og Andri búa í Grænuhlíð
8 í Hlíðahverfinu. Þrjótarnir kom-
ust inn um glugga sem rifa var á
fyrir heimilisköttinn. „Mig grunar
að þarna hafi strákvitleysingar
verið á ferð. Ég hefði alltént stolið
einhverju öðru ef ég væri ræningi,“
segir Hildur. Þjófarnir höfðu á
brott með sér þriggja ára gamla
fartölvu, tuttugu dvd-myndir og
pela af Tópas-skoti, auk 10.000
króna sem Ester, sex ára dóttir
Andra, hafði safnað sér og geymdi í
sparibauk sem þjófarnir brutu upp.
Þeir létu hins vegar heimabíókerfi
og ýmislegt annað verðmætt eiga
sig. „Við vorum á leiðinni í bankann
með peningana sem Ester hafði
safnað sér og þetta er leiðinlegt
hennar vegna,“ segir Hildur.
„Við viljum samt aðallega fá far-
tölvuna okkar aftur. Hún er gömul
og nánast ónýt, en í henni eru marg-
ar ómetanlegar fjölskyldumyndir
og námsgögn. Ef einhver mamman
í hverfinu hefur séð son sinn með
ókunna tölvu, þá hvet ég hana til að
hafa samband við mig,“ segir Hild-
ur. Hún tekur fram að tölvan sé
auðþekkjanleg, með appelsínugulu
loki og Carhartt-límmiða á lykla-
borðinu. - kg
Hildi Jónsdóttur grunar að strákvitleysingar hafi rænt íbúð hennar um helgina:
Mömmur hafi augun hjá sér
SAKNAR TÖLVUNNAR Hildur Ólafsdóttir
segir tölvuna sem stolið var úr íbúð
hennar vera einskis virði fyrir aðra en
hana og unnusta sinn.
ALÞINGI Ríkisstjórn Íslands tók
embættisveitingu forseta fyrir á
fundi sínum í gær.
Ólafur Ragnar Grímsson sver
embættiseið forseta á ný þann 1.
ágúst. Mikill undirbúningur hefur
þegar farið fram í forsætisráðu-
neytinu að sögn Elísabetar
Sigurðardóttur, lögfræðings hjá
ráðuneytinu.
Embættisveitingin fer fram í
Alþingishúsinu en fyrst sækja
gestir athöfn í Dómkirkjunni sem
einnig er opin almenningi.
„Athöfnin verður með hefð-
bundnu sniði,“ segir Elísabet.
„Þetta verður heilmikill viðburð-
ur og mjög hátíðlegur.“ - ht
Embættisveiting forseta:
Tekin fyrir hjá
ríkisstjórninni
FYRIR FJÓRUM ÁRUM Ólafur Ragnar
Grímsson sór embættiseið forseta í
þriðja sinn þann fyrsta ágúst árið 2004.
BRETLAND Nígerískir svikahrappar
hafa platað þúsundir dala út úr
ungum afrískum knattspyrnu-
mönnum. Starsfólk fréttastofu
breska útvarpsins BBC kom upp
um svikin, og skýrir frá öllu saman
á vefsíðum sínum.
Svikahrapparnir hafa haft
samband við fótboltamenn, sem
hafa sett upplýsingar um sjálfa sig
á netið í von um að umboðsmenn
góðra liða í Bretlandi taki eftir
þeim og bjóði þeim samning.
Svikararnir biðja síðan hina
ungu og áhugasömu íþróttamenn
um að senda peninga, sem sagðir
eru vera skráningargjald til að fá
að leika fyrir umboðsmenn
liðanna. En þeir sjá svo peningana
aldrei aftur. - gb
BBC afhjúpar svikara:
Svíkja fé út úr
fótboltamönnum
SAMFÉLAGSMÁL Einelti markar fólk
fyrir lífstíð og getur í versta falli
verið lífshættulegt. Þetta segir
Ingibjörg Helga Baldursdóttir,
móðir ungs manns sem svipti sig
lífi í lok síðasta mánaðar.
Sonur hennar
hét Lárus Stefán
Þráinsson og var
aðeins 21 árs
þegar hann lést.
Ingibjörg fylgdi
syni sínum til
grafar 3. júlí síð-
astliðinn. Hún
segir þau þrjú ár
sem Lárus þurfti
að sæta gegndar-
lausu einelti hafa
markað hann
fyrir lífstíð. Hún
barðist fyrir son sinn frá því hann
var lítill og ætlar að halda baráttu
sinni áfram þótt hann sé fallinn
frá.
„Eineltið hófst í 6. bekk í grunn-
skóla í Hafnarfirði. Það er samt
þannig að þessar litlu óhörðnuðu
sálir vilja ekkert gera sem gæti
valdið foreldrunum áhyggjum.
Þannig var það hjá Lárusi og þess
vegna þagði hann yfir því hve illa
honum leið í skólanum. Það var
ekki fyrr en um ári síðar að bekkj-
arsystur sögðu foreldrum sínum
frá hvernig komið væri fram við
einn drengjanna í bekknum,“ segir
Ingibjörg um upphaf baráttunnar.
Næstu tvö árin segist Ingibjörg
hafa reynt hvað eftir annað að fá
skólayfirvöld og foreldra gerend-
anna til að stöðva eineltið. Allt hafi
þó komið fyrir ekki. Að lokum hafi
hún fengið þau svör hjá skólayfir-
völdum að ef eineltinu ætti að linna
þyrfti Lárus að fara í annan skóla.
Önnur leið væri ekki fær. Ingibjörg
sótti því um fyrir hann í Tjarnar-
skóla í Reykjavík en sá skóli er
einkarekinn.
„Hann náði sér samt aldrei aftur
á strik. Svo brotinn var hann and-
lega eftir reynsluna í gamla bekkn-
um,“ segir hún. Ingibjörg segir
málefni barna sem verða fyrir ein-
elti hafa orðið útundan síðustu
árin og því þurfi að ýta við umræð-
unni á nýjan leik. Við útför Lárus-
ar afþökkuðu aðstandendur hans
blóm og kransa. Þess í stað bentu
þau á minningarsjóð hjá Kaup-
þingi sem stofnaður hefur verið í
nafni Lárusar og er ætlunin að
nota féð sem á reikninginn safnast
til að vinna gegn einelti.
Ingibjörg segir mikinn fjölda
foreldra barna sem hafa sætt ein-
elti hafa haft samband við sig
vegna þessa og minnir á að það eru
ekki aðeins börnin sem gráta sig í
svefn á kvöldin heldur líka foreldr-
arnir.
Syni sínum verði ekki bjargað
en lausn sé hægt að finna fyrir
önnur börn og foreldra þeirra.
„Það er ekki hægt að lýsa því með
orðum hve sárt það er að horfa
upp á barnið sitt þjást vegna ein-
eltis. Ég vil gera það sem ég get til
að hægt verði að hjálpa börnum og
foreldrum þeirra úr þeirri stöðu
sem ég og Lárus vorum í á sínum
tíma með því að minna á mikil-
vægi þess að vinna gegn þessu,“
segir Ingibjörg.
karen@frettabladid.is
Ekkert er sárara en að
horfa upp á barn þjást
Móðir ungs manns sem svipti sig lífi í lok síðasta mánaðar segir einelti hafa
hrakið son sinn í dauðann. Hún og faðir hans vilja halda minningu sonarins á
lofti og ýta við umræðunni í von um að öðrum börnum verði bjargað.
LANDBÚNAÐUR Nýjar íslenskar
kartföflur frá Birki Ármannssyni í
Vestur-Holti í Þykkvabæ komu á
markað á höfuðborgarsvæðinu í
gær. Úlfar Eysteinsson, eigandi
veitingastaðarins Þriggja frakka,
var ekki lengi að tryggja sér þetta
úrvals hráefni og gerði matgæð-
ingurinn Nanna Rögnvaldardóttir
sér ferð á veitingastaðinn til að
kanna gæðin.
„Þær voru alveg ljómandi góðar
og Úlfar sauð þær alveg mátu-
lega,“ sagði hún eftir að hafa
smakkað. Einar K. Guðfinnsson,
landbúnaðar- og sjávarútvegsráð-
herra, mætti og fékk að bragða
tvær af bestu afurðunum sem
undir ráðuneytið hans heyra; fisk
og kartöflur.
„Ég held að honum hafi bara
líkað vel, alltént heyrði maður
ekkert nema smjatt, smjatt úr mat-
salnum,“ segir Nanna og hlær við.
Jakob Frímann Magnússon,
framkvæmdastjóri miðborgar-
mála, var einnig að snæðingi og
virtist ánægður með góðgætið sem
miðbærinn hefur upp á að bjóða. -
Nýjar íslenskar á borðum:
Fóru vel í
ráðherrann
UNGLINGAR Ingibjörg Helga Baldursdóttir vill gera allt sem hún getur til að börnum
sem verða fyrir einelti og foreldrum þeirra verði hjálpað. MYNDIN ER ÚR SAFNI
LÁRUS STEFÁN
ÞRÁINSSON
Lést aðeins 21 árs
gamall.
SVÍÞJÓÐ Átján manns slösuðust, þar af tveir alvar-
lega, í skemmtigarðinum í Liseberg skammt frá
Gautaborg í gær þegar vagn sem fólkið sat í losnaði
af hringekju.
„Við höfðum labbað framhjá tækinu skömmu áður
en sem betur fer hafði strákurinn ekki áhuga á því,“
segir Herdís Njálsdóttir sem var í skemmtigarðin-
um þegar slysið varð ásamt manni sínum Hafsteini
Gunnarssyni og Erlingi Erni Hafsteinssyni, syni
þeirra. „Við sáum ekki hvað gerðist en það komu að
okkur öryggisverðir og beindu okkur frá svæðinu
sem síðan var lokað af,“ segir hún.
„Knattspyrnumótið Gothiacup fer nú fram í
Gautaborg og eru um 35 þúsund keppendur á
aldrinum 13 til 16 ára hér, þar af um 350 íslenskir,“
segir Sigurlás Þorleifsson sem fór með hóp ungra
Eyjamanna frá ÍBV. „Strákarnir voru nýkomnir úr
skemmtigarðinum þegar við fréttum af slysinu en
þeir höfðu víst ekki áhuga á þessu tæki,“ bætir hann
við. Engir Íslendingar voru í tækinu þegar slysið varð.
„En þó lukkan hafi verið með okkur í dag þá er
henni ekki fyrir að fara á fótboltavellinum,“ segir
Herdís en sonur hennar leikur með ÍBV sem leikið
hefur fjóra leiki en ekkert stig hlotið.
Fyrir tveimur árum slasaðist þrítug kona alvar-
lega í sama skemmtigarði en þó ekki í sams konar
tæki og brást í gær. - jse
Fjöldi Íslendinga hafði verið í skemmtigarðinum áður en slysið varð í Liseberg:
Lukkan með íslensku strákunum
FRÁ SLYSSTAÐ Átján manns slösuðust þar af tveir alvarlega
þegar vagn losnaði af leiktæki í skemmtigarðinum í Liseberg.
Fjölmargir Íslendingar höfðu verið í garðinum en höfðu ekki
áhuga á umræddu leiktæki. NORDICPHOTOS/AFP
STJÓRNMÁL Aðeins fjórðungur
þjóðarinnar treystir Geir H.
Haarde forsætisráðherra til að
leiða hana út úr þeim efnahags-
þrengingum sem nú ganga yfir,
samkvæmt skoðanakönnun sem
Capacent gerði fyrir Stöð 2 í
byrjun þessa mánaðar.
Rúm sextíu prósent svarenda
sem styðja Sjálfstæðisflokkinn
sögðust treysta Geir. Aðeins tæp
sextán prósent samfylkingar-
manna sögðust treysta honum,
rúm átta prósent framsóknar-
manna og sex og hálft prósent
vinstri grænna.Ellefu hundruð
manns voru í úrtakinu og var
svarhlutfall fimmtíu prósent. - gh
Skoðanakönnun Capacent:
Fjórðungur
treystir Geir
JAKOB FRÍMANN OG EINAR K. AÐ
SNÆÐINGI Landbúnaðar- og sjávarút-
vegsráðherra naut þess besta sem á
einum diski sem íslenskur landbúnaður
og sjávarútvegur hefur upp á að bjóða.
Stalín eða Nikulás annar
Könnun Rússneska ríkissjónvarpsins
Rossiya bendir til þess að Rússar telji
fyrrum einræðisherrann Jósef Stalín
og fyrrum keisarann Nikulás annan
mestu mikilmenni rússneskrar sögu.
Könnun er þó óformleg og fer fram
á netinu.
RÚSSLANDBrenndist á andliti
Starfsmaður sem vinnur að malbikun
á Akureyri brenndist á andliti um
klukkan fjögur í gærdag. Slysið varð
með þeim hætti að það slokknaði
á gashitara sem heldur tjöru heitri í
malbikunarvélinni. Þegar verið var að
kveikja upp aftur spúðist eldur yfir
andlit mannsins. Hann var sendur á
sjúkrahús til kælimeðferðar.
LÖGREGLUFRÉTTIR
SPURNING DAGSINS