Fréttablaðið - 27.07.2008, Blaðsíða 59

HANDBOLTI Íslenska 20 ára
landsliðið í handbolta komst ekki
áfram í milliriðil á HM í Make-
dóníu. Það varð ljóst í gær eftir
að Þjóðverjar og Rúmenar unnu
sína leiki.
Þjóðverjar, sem íslenska liðið
vann, unnu riðilinn, Ungverjar
urðu í 2. sæti og Rúmenar fóru
síðan áfram á betri innbyrðisár-
angri á móti íslenska liðinu.
„Öll úrslitin í þessum riðli voru
okkur óhagstæð. Við vinnum
Þýskaland sem fer áfram með
fullt hús og við gerum jafntefli
við Ungverja sem fara líka áfram.
Rúmenar fara áfram með tvö töp
en við erum bara með eitt tap,“
segir Stefán Arnarsson, þjálfari
liðsins.
„Auðvitað eru það vonbrigði að
komast ekki áfram en þetta er
engu að síður frábær árangur. Við
náðum fimm æfingum, mættum
aðfaranótt mánudags fyrir fyrsta
leik á mánudegi. Við töpum
aðeins einum leik og það hefðu
bara einhver úrslit þurft að vera
öðruvísi og þá hefðum við komist
áfram. Það verður því að hrósa
stelpunum fyrir hvað þær eru
búnar að gera í þessu móti. Ef
menn skoða mótherjana og
hvernig við erum búin að spila þá
er ekkert annað hægt,“ sagði
Stefán en liðið keppir nú um 13.
sætið og næstu leikir eru gegn
Kasakstan (mánudag) og Angóla
(þriðjudag).
„Við ætlum að reyna að halda
áfram að spila vel og ná eins góðu
sæti og við getum,“ sagði Stefán
að lokum.
- óój
20 ára landslið kvenna á HM:
Sátu eftir með
aðeins eitt tap
MUNAÐI SVO LITLU Íslensku stelpurnar
komust ekki í milliriðilinn á HM í Make-
dóníu.
FÓTBOLTI Eiður Smári Guðjohnsen
spilaði fyrri hálfleikinn í 5-1 sigri
Barcelona á Dundee United í
æfingaleik í Skotlandi í gær.
Eiður Smári fékk eitt ágætt
færi en var skipt útaf í hálfleik í
stöðunni 1-1. Argentínumaðurinn
Lionel Messi kom inn á í hálfleik
og skoraði þrennu í seinni
hálfleik en hin mörkin skoruðu
þeir Thierry Henry og Samuel
Et´o en sá síðastnefndi kom
einnig inn á í hálfleik.
Þetta var annar leikurinn undir
stjórn Pep Guardiola en Barca
vann 6-0 sigur á Hibernian í
fyrsta leiknum þar sem Eiður
Smári skoraði tvö mörk. - óój
Eiður Smári Guðjohnsen:
Spilaði fyrstu
45 mínúturnar
GOLF Lokadagur Íslandsmótsins í
golfi fer fram í dag og það er held-
ur meiri spenna hjá konunum en
körlunum. Það er erfitt að spá
fyrir um þróun mála enda veðrið í
aðalhlutverki á glæsilegum velli
þeirra Eyjamanna.
Einstakur árangur hjá Heiðari
Heiðar Davíð Bragason hefur
verið í miklu stuði á Íslandsmót-
inu í höggleik og stefnir óðflug að
öðrum Íslandsmeistarataitli sínum
en hann vann einnig árið 2005.
Heiðar Davíð hefur náð þeim
einstaka árangri að leika fyrstu
þrjá hringina undir pari og það
þrátt fyrir að glíma við mikinn
vind allan tímann. Heiðar Davíð
er kominn með fimm högga for-
skot á Íslandsmeistarann Björg-
vin Sigurbergsson sem lék vel í
gær og er á einu höggi undir pari
samanlagt.
Ekki hægt að gera betur
„Þetta hefur fallið mín megin það
er óhætt að segja það,“ sagði Heið-
ar Davíð. „Ég held að það sé ekki
hægt að gera mikið betur í þessu
veðri,“ segir Heiðar sem var
mjög yfirvegaður í gær.
„Ég er frekar rólegur og lít
ekki á neina holu sem einhverja
sóknarholu. Fuglarnir koma bara
þegar púttin detta og fram að því
er bara að halda boltanum í leik,“
segir Heiðar.
„Þetta er búið að vera ótrú-
legur belgingur í þrjá daga
og maður spilar þetta eftir
tilfinningu, engu öðru. Það
er voðalega erfitt að vera
með eitthvað ægilegt
leikplan því það fer bara
eftir vindinum,” segir
Heiðar Davíð.
Heiðar býst við harðri
baráttu á lokahringnum
þrátt fyrir að vera með
gott forskot. „Björgvin
var að spila mjög vel í
dag og gerði lítið af
mistökum. Ottó var
líka að gera góða hluti
þannig að þetta er
ekkert búið og það er
nóg eftir. Það verður
bara að koma í ljós
hvernig lokadagurinn
spilast. Maður stillir
bara upp á fyrsta teig og
hugsar ekki um neitt
annað. Ég hugsa bara um
að vera þolinmóður og
jákvæður því það er í raun
ekkert hægt að ætlast til
meira af sjálfum sér við
þessar aðstæður,“ segir
Heiðar.
GR hefur ekki unnið í 23 ár
Heiðar Davíð gekk til liðs
við GR í ár og á möguleika á að
verða fyrsti GR-kylfingurinn til
að verða Íslandsmeistari karla í 23
ár eða síðan að Sigurður Péturs-
son vann 1985 á Jaðarsvelli á
Akureyri.
„Það er líka dálítið síðan að ég
vann þennan titil. Ég spái ekkert í
þetta og er ekki að hugsa um það
þegar ég er úti á velli að spila. Ég
ætla bara að reyna að halda mér á
jörðinni og vera í núinu því það er
alveg nógu erfitt,“ segir Heiðar.
Heimamaðurinn Hallgrímur
Júlíusson úr GV lék vel í gær eða
á 70 höggum en hann er aðeins 14
ára gamall. Hallgrímur komst í
gegnum niðurskurðinni og er í 14.
sæti fyrir lokadaginn.
Nína tók toppsætið af Eygló
Íslandsmeistarinn frá því í fyrra,
Nína Björk Geirsdóttir, er komin
með eins höggs forystu eftir að
hafa leikið á 76 höggum í
gær en engin lék
betur í gær.
Nína Björk
tók forystu-
sætið af hinni
16 ára gömlu
Eygló Myrru
Óskarsdóttur
sem er í 3. til 4.
sæti ásamt
Tinnu
Jóhannsdóttur úr Keili. Helena
Árnadóttir er í öðru sæti einu
höggi á eftir Nínu en tveimur
höggum á undan þeim Tinnu og
Eygló.
„Það var bara ágætt og ég er
mjög sátt,“ sagði Nína eftir hring-
inn í gær. „Ég tek bara eitt högg í
einu og eitt pútt í einu því það er
ekki hægt annað í vindinum. Það
sem skiptir máli er að hafa
þolinmæðina í að klára
þetta. Þetta getur orðið mjög
snúið því það er kannski ein
vindátt á teignum og önnur á
flötinni. Svo þarf maður að
reikna með vindinum í púttunum
líka. Þetta er því mjög erfitt,“
segir Nína sem hefur spilað af
miklu öryggi síðustu tvo daga.
Góðar og slæmar holur
„Ég var ekki alveg nógu ánægð
með fyrsta daginn en þetta var
fínt bæði í dag og í gær. Það
voru bæði lélegar og góðar
holur en yfir höfuð gott,“ segir
Nína og bætti við.
„Þetta var svolítið upp og
ofan því ég var bæði að pútta vel
og illa. Það skiptir að ég held
mestu máli að ég náði að halda
boltanum alltaf í leik og var að
koma mér á þá staði sem ég vildi
komast á. Ég er búin að vera að
halda mér við leikskipulagið og
það hefur bara gengið ágætlega,“
segir Nína sem kvartar ekki þó að
hún sé komin sex mánuði á leið.
„Þetta er smá aukaálag og
maður er þreyttur eftir daginn
enda alveg vindbarin en annars
líður mér bara vel. Þetta verður
hörku spenna á morgun enda getur
allt gerst á þessum velli og í þess-
um vindi. Það er ekkert gefið
hérna,“ segir Nína sem var ekki
búin að skoða spána en bjóst ekki
við miklum breytingum á veðr-
inu.
Gerir ráð fyrir vindi áfram
„Ég geri ekki ráð fyrir öðru en það
verði vindur áfram, hann er búinn
að vera alla þrjá dagana og ég held
að það eigi ekkert að fara að
lægja,“ segir Nína.
Nína Björk verður með Helenu
Árnadóttur og Tinnu Jóhannsdótt-
ur í lokahollinu en það má segja að
þar sé á ferðinni nýja kynslóðin
hjá stelpunum. „Ég hlakka bara
til á morgun og veit að þetta verð-
ur barátta út í eitt,“ sagði Nína.
Lokadagurinn verður örugglega
æsispennandi en hann verður í
beinni útsendingu á Stöð2 Sport og
það verður fróðlegt að sjá hvort
þau Heiðar og Nína nái að halda
forustunni og tryggja sér annan
Íslandsmeistaratitil.
ooj@frettabladid.is
Heiðar Davíð í stuði í Eyjarokinu
Heiðar Davíð Bragason er í miklu stuði á Íslandsmótinu í höggleik í Eyjum en hann lék undir pari þriðja
daginn í röð. Íslandsmeistarinn Nína Björk Geirsdóttir er með eins stigs forskot hjá konunum.
KOMIN Í FYRSTA SÆTIÐ Nína Björk
Geirsdóttir er að leika vel og er komin
með eins högg forskot. VÍKURFRÉTTIR/VALUR
FRÁBÆR FRAMMISTAÐA Heiðar Davíð
Bragason og Björgvin Sigurbergsson
léku báðir undir pari í rokinu í gær.
VÍKURFRÉTTIR/VALUR
Karlar
1. Heiðar Davíð Bragason,GR 204 (-6)
2. Björgvin Sigurbergsson,GK 209 (-1)
3. Ottó Sigurðsson, GR 210 (Par)
4. Sigmundur E. Máss.,GKG 214 (+4)
5. Kristján Þór Einarsson,GKJ 215 (+5)
5. Sigurpáll Geir Sveinss.,GKJ 215 (+5)
7. Örn Ævar Hjartarson GS 216 (+6)
8. Hjalti Atlason,GSE 218 (+8)
9. Axel Bóasson,GK 219 (+9)
9. Guðjón H. Hilmarss., GKG 219(+9)
9. Ólafur Björn Loftsson NK 219 (+9)
9. Hlynur Geir Hjartarson GK 219 (+9)
Konur
1. Nína Björk Geirsd.,GKJ 230 (+20)
2. Helena Árnadóttir,GR 231 (+21)
3. Tinna Jóhannsdóttir,GK 233 (+23)
4. Eygló Myrra Óskarsd.,GO 233 (+23)
5. Ragnhildur Sigurðar., GR 236 (+26)
6. Ásta Birna Magnúsd.,GK 237 (+27)
7. Þórdís Geirsdóttir, GK 238 (+28)
8. Valdís Þóra Jónsd., GL 241 (+31)
9. Ragna Björk Ólafsd., GK 245 (+35)
10. Andrea Ásgrímsd., GA 248 (+38)
STAÐAN Í GOLFINU
FIMM HÖGG Heiðar Davíð Brgason
getur orðið fyrsti GR-ingurinn í 23 ár til
að verða Íslandsmeistari karla.
VÍKURFRÉTTIR/VALUR
HANDBOLTI Íslenska hand-
boltalandsliðið tapaði með þrem-
ur mörkum, 28-31, fyrir Frökkum
á æfingamótinu í Strassbourg í
Frakklandi í gær. Staðan var jöfn
í hálfleik, 16-16, eftir að íslenska
liðið hafði byrjað leikinn mjög
vel.
„Það er margt jákvætt í þess-
um leik. Við erum að spila á
heimavelli Frakka með franska
dómara. Það sást vel í leiknum en
ég sagði við strákana að það þýddi
ekkert að rífast í þeim. Við vorum
búnir að sjá dómgæsluna í leik
Frakka og Egypta en hún var
algjört bíó. Miðað við það þá
vorum við mjög nálægt því að ná
öðru stiginu. Við erum samt
svekktir að vinna þetta ekki eða
ná jafntefli,“ sagði Guðmundur
Guðmundsson, landsliðsþjálfari
eftir leikinn. Það þykir mörgum
mjög furðulegt að Frakkarnir
skuli ekki fá aðra en franska dóm-
ara til að dæma á mótinu og það
er íslenski hópurinn ósáttur með.
„Þetta herðir okkur bara,“ segir
Guðmundur um þátt franska
dómaraparsins í þessum leik.
„Það er sorglegt að í stöð-
unni 30-28 fáum við dauða-
færi sem er varið. Ef að við
hefðum fengið mark þá
hefði þetta getað farið alla-
vega,“ segir Guðmundur
en íslenska liðið gafst
aldrei upp og kom sér aftur
inn í leikinn eftir slæma
byrjun á seinni hálfleik.
„Við vorum í basli þegar Óli
var tekin úr umferð og við verð-
um að leysa það betur. Það tók
okkur smá tíma að koma með
réttu svörin. Við vorum
að reyna ákveðna
hluti en það er ágætt
að fá þetta fram
núna,“ segir Guð-
mundur en hann býst
við að mótherjar
íslenska liðsins muni
reyna að klippa Ólaf
Stefánsson út úr sókn-
arleik íslenska liðsins.
Íslenska liðið tap-
aði fyrsta leiknum á
mótinu með
sex marka
mun á
móti
Spán-
verjum.
„Þetta
var
miklu
betra en á móti Spáni. Varnarleik-
urinn var á köflum mjög góður en
mér fannst koma gloppur í hann
og þá sérstaklega í fyrri hálfleik.
Hann kom síðan vel upp í síðari
hálfleik,“ segir Guðmundur.
Íslenska liðið mætir Egyptum í
lokaleiknum á mótinu klukkan
12. 30 í beinni útsendingu í
Sjónvarpinu í dag.
„Nú fáum við að spila við
Egypta sem eru með okkur í riðli.
Það er voðalega erfitt að fela eitt-
hvað og það þýðir ekkert. Við
getum alveg sagt að liðið sé á
réttri leið. Við vorum mjög þreytt-
ir á móti Spáni en vorum mun
betri í þessum leik,“ sagði Guð-
mundur að lokum. - óój
Mörk Íslands: Snorri Steinn Guð-
jónsson 8/5, Ólafur Stefánsson 5,
Logi Geirsson 4, Alexander Petersson
3, Sigfús Sigurðsson 3, Róbert Gunn-
arsson 2, Guðjón Valur Sigurðsson 1,
Ásgeir Örn Hallgrímsson 1.
Íslenska handboltalandsliðið er búið að tapa tveimur fyrstu leikjum sínum á æfingamótinu í Frakklandi:
Við vorum mun betri en á móti Spáni
Á RÉTTRI LEIÐ Guð-
mundur Guð-
mundsson,
landsliðs-
þjálfari.
FRÉTTABLAÐIÐ/
ANTON