Fréttablaðið - 24.08.2008, Page 62

matur SÉRBLAÐ FRÉTTABLAÐSINS UM MAT
VIÐ MÆLUM MEÐ...
... BERJATÍNU. Hún ætti að
vera til á hverju heimili enda
góð búbót á haustin að tína ber.
Notkunarmöguleikar berjanna eru
óteljandi en auk þess að safta og
sulta má bæta þeim út í nánast
hvaða brauð- eða kökuuppskrift
sem er.
... GÓÐUM HNÍFUM. Beittir
og góðir hnífar gera eldhúsvinnuna
að leik einum.
... SULTUKRUKKUM MEÐ
ÞÉTTUM LOKUM. Í sumarlok
er rétt að vara sultuglaða sælkera
við ósvífnum geitungum sem
svífast einskis þegar kemur að
lendingu í dísætu aldinmauki.
Lokið sultukrukkum um leið og
smurningu lýkur því geitungar
lifa lengi í sultutaui og
ólystugt að draga þá
upp með skeið í næstu
máltíð.
... HEIMARÆKTUÐUM
HVÍT LAUK. Allir sem hafa yfir
moldarbeði að ráða ættu að geta
ræktað hinn heilsusamlega og
ómissandi hvítlauk. Ein aðferðin
við það er sú að stinga niður
hvítlauksrifjum að hausti um
þrjá sentímetra niður í moldina.
Þá er von til að gægist þar upp
grænar spírur að vori og að undir
þeim vaxi hin heilsusamlega og
ómissandi kryddjurt hvítlaukur.
Bjóðið upp á ...
ristaða humarhala
humarfyllta nautalund eða humar-tagliatelle
Fjórir gæðaokkar eru í boði:
Sannkallaður sælkeramatur fyrir alla!
Ljúffengur
og litríkur
B r a g ð m i k i ð s j á v a r f a n g