Fréttablaðið - 18.12.2008, Blaðsíða 64

40 18. desember 2008 FIMMTUDAGUR
bio@frettabladid.is
Hver er þín eftirlætiskvikmynd? Mér þykir
helst varið í þær myndir sem hafa breytt sýn
minni á heiminn, en þær eru svo sem ekki
margar. Ég nefni tvær: Höllina í köngulóa-
vefjarskógi gerða eftir Kurosawa, byggðri á
Macbeth og svo heimildarmyndina Svarta
uppskeru eftir Bob Connolly og Robin Ander-
son. Hún segir frá tilraunum manns til að fá
þorpsbúa í Nýju-Gíneu með sér í kaffiræktun.
Merkilegt að fræðast um kynni og skilning
steinaldarmanna á kapítalisma.
Hvort finnst þér betra að fara í bíó eða
að horfa heima? Það er meiri einbeiting
og meiri áhrif í bíó heldur en heima í stofu.
Gaman líka að fara út á meðal fólks.
Hver er þinn eftirlætis kvikmyndaleik-
stjóri? Hann Fellini hefur gefið mér mikið,
svo vil ég nefna hjónin Elim Klimow fyrir
Komdu og sjáðu og Larisu Shepitko fyrir
Upprisuna. Sú kona var myrt af KGB. Svo
man ég líka eftir honum Paradsjanóv sem
Árni Bergmann hitti í lest. Hann gerði
ótrúlegar myndir enda alltaf inni í fangels-
um Sovéts. Þá er það hann kínverski Zhang
Yimou, sá danski Carl Th. Dreyer, sá
franski Chris Marker sem gerði
avant garde-myndir, Bresson,
Jean Renoir, af yngri Wong Kar-
Wai og eru þá flestir ótaldir.
Hver er ofmetnasta kvikmynd
allra tíma? Ég hef misst af svo
mörgum sem eru vel metnar
að ég hef ekkert þurft að ergja
mig.
En hver er vanmetnasta
kvikmyndin? Aftur Kuros-
awa: Dodeska Den. Um líf
fólks á öskuhaugum Tókýó.
Hann reyndi að fyrirfara sér þegar hann fékk
umfjöllunina og dóm almennings. Mér fannst
þetta ofurgóð kvikmynd um fegurð í sorpinu.
Hvaða kvikmynd myndirðu vilja endurgera
og hvernig myndirðu breyta henni? Ég hef
aldrei fundið beint til þessarar löngunar, en
ég man að ég fór í annað sinn á Rocco og
bræður hans í von um að strákurinn
myndi breyta öðruvísi. Sem ekki varð.
Fengirðu fjármagn og frjálsar
hendur til að gera hvaða kvikmynd
sem er, hvað myndirðu gera?
Sennilega eigin kvikmynd sem ég er
að skrifa handritið að.
KVIKMYNDANJÖRÐURINN ÁSDÍS THORODDSEN LEIKSTJÓRI
Fellini hefur gefið mér mikið
ÁSDÍS THORODDSEN Ásdísi þykir helst
varið í kvikmyndir sem hafa breytt
sýn hennar á heiminn.
Liam Neeson hefur átt
farsælan feril í kvikmynda-
bransanum og starfað með
leikstjórum á borð við
Steven Spielberg, Martin
Scorsese og George Lucas.
Nýjasta mynd hans er
tryllirinn Taken sem verður
frumsýndur á morgun.
Liam Neeson er ekki þekktastur
fyrir að leika í spennumyndum en
honum þykir engu að síður hafa
tekist vel upp í Taken. Þar leikur
hann föður unglingsstúlku sem
lendir í klóm misindismanna og
þarf hann að nota alla þekkingu
sína sem fyrrverandi leyniþjón-
ustumaður til að bjarga henni.
Með önnur hlutverk fara Maggie
Grace og Famke Janssen, sem er
líklega þekktust fyrir X-Men-
myndirnar. Annar handritshöf-
undanna er Frakkinn Luc Besson,
leikstjóri The Big Blue, Nikita,
Leon og The Fifth Element. Taken
fær 7,9 af 10 á Imdb.com.
Liam Neeson fæddist á Norður-
Írlandi árið 1952 og var eini strák-
urinn í hópi fjögurra systkina.
Hann steig fyrst á svið í skóla-
leikriti þegar hann var ellefu ára
og eftir það var hann duglegur að
leika meðfram skólagöngunni.
Einnig æfði hann hnefaleika og
varð unglingameistari í þunga-
vigt á Írlandi þrjú ár í röð.
Eftir stutta háskólagöngu vann
hann hin ýmsu störf, þar á meðal
á lyftara í Guinness-verksmiðju
og sem vörubílstjóri. Smám
saman fór leiklistin að eiga hug
hans allan og 1977 flutti hann til
Dublin og gekk til liðs við leik-
hópinn Abbey Theatre. Þremur
árum síðar kom leikstjórinn John
Boorman auga á hann og bauð
honum hlutverk í Excalibur. Í
framhaldinu flutti Neeson til
London og lék árið 1984 á móti
Mel Gibson og Anthony Hopkins í
The Bounty.
Þremur árum síðar flutti Nee-
son enn á ný, nú til Hollywood í
leit að frekari frægð og frama.
Spennumyndin Darkman varð
fyrst til að vekja á honum athygli
og í kjölfarið fékk hann aðalhlut-
verkið í Spielberg-myndinni
Schindler´s List, sem hlaut sjö
Óskarsverðlaun. Neeson var einn-
ig tilnefndur en tapaði fyrir Tom
Hanks sem átti stórleik í Phila-
delpia.
Neeson hafði þegar þarna var
komið sögu fest sig í sessi sem
virtur Hollywood-leikari og hefur
hann á undanförnum árum leikið
í myndum á borð við Rob Roy,
Kinsey, Gangs of New York, Star
Wars Episode 1: The Phantom
Menace og Batman Begins.
Fram undan hjá þessum
hávaxna leikara (193 cm) er svo
aðalhlutverkið í Lincoln sem er
byggð á ævi forsetans Abraham
Lincoln. Hittir hann þar aftur
fyrir félaga sinn Steven Spiel-
berg sem kom honum á kortið á
sínum tíma. freyr@frettabladid.is
Vann á lyftara í verksmiðju
LIAM NEESON Nýjasta mynd írska leikarans nefnist Taken og er spennumynd af
bestu gerð. NORDICPHOTOS/GETTY
Mamma Mia! er söluhæsti DVD-mynddiskurinn á
Íslandi það sem af er jólavertíðinni. Diskurinn hefur
selst í hátt í sautján þúsund eintökum síðan hann kom
út fyrir aðeins þremur vikum. „Þetta er frábærlega
gott og stendur alveg undir væntingum,“ segir Hall-
dór Sigurbjörn Guðjónsson, sölustjóri Myndforms.
Næstvinsælasti diskurinn er Laddi 6-Tugur sem
hefur selst í þrettán þúsund eintökum og greinilegt
að Íslendingar hafa síður en svo fengið nóg af gaman-
semi Ladda.
Í þriðja sætinu er nýjasta Batman-myndin Dark
Knight sem hefur verið rifin út í tólf þúsund eintök-
um. „Hún er eiginlega farin fram úr væntingum,“
segir Ómar Friðleifsson hjá Sam-myndum. „Við
vorum tvístígandi hvort hún færi í tíu eða tólf þús-
und. Síðasta Batman-mynd fór fram úr vonum, eða í
7.200 eintök að mig minnir. Hún var rosavinsæl en
þessi er búin að slá öll met eins og alls staðar annars
staðar.“
Næst á blaði er teiknimyndin vinsæla Kung Fu
Panda sem hefur selst í rúmum tíu þúsund eintökum
og þar á eftir kemur Sex and the City-bíómyndin um
ævintýri Carrie Bradshaw og vinkvenna hennar.
Söluhæsti íslenski mynddiskurinn er Brúðguminn
sem hefur selst í átta þúsund eintökum. Einnig hefur
Dagvaktin selst mikið á skömmum tíma og er nú
komin í fimm þúsund eintök. - fb
Mamma Mia! er söluhæst
MAMMA MIA! Kvikmyndin Mamma Mia! hefur slegið rækilega
í gegn á þessu ári bæði hér heima og erlendis.
Harrison Ford hefur tekið að sér aðalhlutverkið í
gamanmyndinni Morning Glory sem J.J. Abrams
mun framleiða. Einnig er líklegt að Rachel McAd-
ams, úr Wedding Crashers, leiki á móti honum.
Hún myndi leika fréttastjóra sem reynir að
bjarga misheppnuðum morgunþætti í sjónvarpi
með því að taka fréttamenn sína í gegn. Ford leikur
einn af fréttamönnunum. Ford og McAdams hafa í
nógu að snúast um þessar mundir. Næsta mynd
Fords er hin dramatíska Crossing Over en
McAdams er að leika í Sherlock Holmes í leikstjórn
Guy Ritchie.
Ford fréttamaður
HARRISON FORD
Ford hefur tekið að
sér aðalhlutverkið
í gamanmyndinni
Morning Glory.
> CROWE SEM CLINTON
Orðrómur er uppi um að Russell Crowe
ætli að leika Bill Clinton, fyrrverandi
Bandaríkjaforseta, í nýrri mynd.
Nefnist hún The Special Rel-
ationship og fjallar um sam-
skipti Clintons og Tonys Blair,
fyrrverandi forsætisráð-
herra Bretlands. Talið er að
Michael Sheen, sem lék
Blair í The Queen, muni
leika það hlutverk í mynd-
inni.
föstudagur
fylgir Fréttablaðinu á morgun
föstudagur
w
w
w
.h
ir
z
la
n
.i
s
Smiðsbúð 6 210 Garðabæ Sími 564 5040
monaco
glæsilegar veggsamstæður