Tíminn - 14.08.1982, Blaðsíða 4

LAUGARDAGUR 14. ÁGÚST 1982
©nmsm
Tímamynd:G.E.
■ Hjónin Lilja Guðmundsdóttir og Björn Jóhannesson í verðlaunagarði sínum að Selbrekku 20 í Kópavogi.
Viðurkenningar veittar fyrir garda og lóðir í Kópavogi:
„Alltaf veriö nokkur
í götunni”
— segja hjónin Lilja Guðmundsdóttir og Björn Jóhannesson
■ Fegrunamefnd Kópavogs veitti í
gær verðlaun og viðurkenningar fyrir
garða og lóðir fyrir árið 1982. Alls hlutu
12 lóðir og garðar viðurkenningu
nefndarinnar.
Hciðursverðlaun Bæjarstjórnar
Kópavogs fyrir samstillt átak og frum-
lega uppbyggingu lóða hlutu eigendur
lóða nr. 20, 22, 24 og 26 í Selbrekku.
Það sem fyrst vekur athygli vegfarenda
á þessum lóðum em sérkennilegar og
fallegar steinhleðslur, auk þess sem
grjót sem fyrir var í lóðunum hefur verið
látið halda sér.
„Það hefur alltaf verið nokkur
samstaða hér í götunni um að halda
fallegu og snyrtilegu í kringum sig“
sögðu hjónin Lilja Guðmundsdóttir og
Björn Jóhannesson sem búsett eru á
Selbrekku 20. „Við höfum haft nokkra
samvinnu við næstu nágranna okkar
með lóðina, og hér er mikið áhugafóik
um garðrækt.“
í samvinnu við þau hjónin hefur
Hörður Rögnvaldsson, Hörgslundi 2
Garðabæ, hannað lóðina. Hörður er
mikill áhugamaður um garðrækt, að
sögn þeirra hjóna, og hefur hann unnið
að því að skipuieggja lóðir og hafði m.a.
hönd í bagga með skipulagningu á
þremur af þeim fjórum lóðum sem hlutu
heiðursverðlaunin.
„Það er búið að taka okkur tvö ár að
standsetja lóðina, og það er enn margt
eftir, en flestum plöntunum var ekki
plantað fyrr en í vor þannig að garðurinn
á eftir að breytast mikið á næstu árurn,"
sögðu þau Lilja og Björn.
Auk heiðursverðláunanna veitti fegr-
unarnefndin viðurkenningu fyrir sam-
ræmdan heildarsvip og snyrtilegan
frágang lóða, og voru það eigendur lóða
nr. 1, 3, 5, 7, 9 og 11 við Seibrekku sem
fengu þær viðurkenningar, þannig að
íbúar við Selbrekku geta verið stoltir af
götunni sinni.
f fegrunarnefnd Kópavogs, sem kosin
er af Bæjarráði Kópavogs voru þetta
árið þeir Sig. Grétar Guðmundsson,
Vilhjálmur Einarsson, Sigurður Bragi
Stefánsson og Einar 1. Sigurðsson. Með
nefndinni starfa fulltrúi Rotaryklúbbs
Kópavogs, Jón R. Björgvinsson og frá
Lionskiúbbi Kópavogs, PéturSveinsson.
Þeir völdu þá garða sem fengu verðlaun
Rotaryklúbbs og Lionskiúbbs Kópa-
vogs, og það voru hjónin Fríða
Ágústsdóttir og Hafsteinn Hjartarson
Hvannhólma 2 sem fengu verðlaun fyrir
snyrtilegan garð og sérstæðar vegg-
hleðslur, og fyrir snyrtilegan og fallegan
garð hlutu Ásdís Þórarinsdóttir og
Bjarni Björgvinsson Hjallabrekku 25
verðlaun. - SVJ
Sjómaður
gefur út
skáldsögu
Reykja-
víkurmót
barnanna
1982
■ Nýstárleg og vafalaust skemmtileg
keppni verður háð í Hljómskálagarðinum á
sunnudaginn kemur og byrjar klukkan tvö.
Það er Reykjavíkurmót barnanna, sem þar
fer fram og keppnisgreinar eru þær sem allir
krakkar eru í stöðugri þjálfun í, svo sem að
sippa, snú-snú, skjóta bolta í mark, húlla,
reiöhjólakvartmíla, 100 metra hlaup, kassa-
bílarallý, skalia bolta á milli, labba á
grindverki og halda bolta á lofti. f
kassabílarallýinu og að skalla bolta á milli
keppa tveir og tveir saman. Kassabíll verður
á staðnum fyrir þá sem engan hafa, en
keppendur mega koma með sinn eigin bíl.
Keppt verður í tvcim flokkum í hverri
grein, 7-9 ára og 10-12 ára. 20-30 keppendur
geta verið með í hvorum flokki í hverri grein
og allir eru velkomnir til, keppninnar.
Mótið hefst klukkan tvö með skráningu
keppenda og síðan hefst keppnin og hvert
skemmtiatriðið af öðru, t.d. flugdrekasvif,
fjarstýrðir bátar á tjörninni, víðavangsleikir,
tískusýning, spyrnukeppni fjarstýrðra bíla,
siglingar á tjörninni o.fl.
Allir eru hvattir til að mæta með
flugdreka, skútur eða báta, kassabíla og
hvað sem er annað, sem gæti orðið til
skemmtunar.
Reykjavíkurmeistararnir verða krýndir
klukkan 16.30.
Aðgangur er ókeypis og eru foreldrar
hvattir til að mæta með krökkunum og taka
þátt í ieikjum þeirra.
Nánari upplýsingar fást í síma 15484.
SV
■ Ungur rithöfundur, sjómaður, sölu-
maður og fyrrverandi heimshorna-
flakkari, Ólafur Þ. Ólafsson leit við á
ritstjórnarskrifstofum Tímans í gær með
nýja bók, Sarita, í fórum sínum. Ólafur
sagðist hafa dundað við að skrifa bókina
í hjáverkum á undanförnum árum.
„Hún fjallar um unga ævintýramenn.
Þeir fara til Danmerkur með það í huga
að ráða sig á farskip. í Danmörku
gengur ekki allt eins og til stóð.
Erfiðlega gengur að komast í skipsrúm.
Þó fer svo um síðir að ævintýramenn-
irnir fá pláss á Saritu, ævintýrafleyi með
áhöfn sem samanstendur af alla vega
mönnum," sagði Ólafur þegar hann var
spurður um efni bókarinnar.
„Skipið siglir til Suður-Ameríku, til
Chile, og þar eiga sér stað hinir
ótrúlegustu hlutir," sagði hann.
Ólafur gefur bókina út sjálfur. -Sjó
Ólafur Þ. Ólafsson.
Gjaldeyrir keyptur á gamla genginu en
seldur með 18% álagi:
MSendi ekkert inn fyrr
en nýtt gengi er skrád”
— segir gjaldkeri hjá Hótel Loftleiðum
■ „Ég sendi ekki inn erlendan gjald-
eyri á gamla genginu, geri það ekki fyrr
en skráð hefur verið nýtt gengi“, svaraði
Bertha Jóhansen gjaldkeri á Hótel
Loftleiðum, spurð á hvaða gengi
bankarnir tækju við gjaldeyri frá
hótelunum og verslunum sem mikil
viðskipti hafa við erlenda ferðamenn.
Gjaldeyrirsbankarnir taka nú 18%
tryggingarfé ofan á síðastskráð gengi á
þeim erlenda gjaldeyri sem þeir fá er
nauðsynlega þurfa á gjaldeyri að halda
þangað til gengi krónunnar verður skráð
á ný, þ.e. gengisfellingin hefur verið
ákveðin. Hugsanlegur mismunur verður
svo gerður upp síðar.
Bankarnir hugsa hins vegar ekki eins
vel um hag þeirra erlendu ferðamanna
sem þurfa að fá skipt erlendum seðlum
sínum eða ferðatékkum og sinn eigin,
því útlendingarnir fá aðeins greitt út
samkvæmt síðast skráðu gengi.
„Við viljum helst ekki að þessi
fyrirtæki komi með erlendan gjaldeyri
meðan gengið er óskráð. Við getum í
Færeyingar hafa undir-
skrifað laxasamninginn
■ Milliríkjasamningur um verndun lax
í Norður-Atlantshafi var undirritaður í
gær í Reykjavík af Janus A. W. Paludan
sendiherra Dana og Árna Ólafssyni
fulltrúa landsstjórnar Færeyja, fyrir
hönd Færeyja. Áður hafði samningur-
inn verið undirritaður af fulltrúum
Efnahagsbandalags Evrópu, Bandaríkj-
anna, Canada, Noregs og íslands.
Svíum er einnig heimilt að undirrita
samninginn.
Samkomulag náðist um samning
þennan á ráðstefnu, sem ríkisstjórn
íslands boðaði til 18.-22. janúar s.l.
Samningurinn tekur gildi þegar fjórir
aðilar hafa fullgilt hann eða staðfest
formlega.
9V
raun og veru ekki afgreitt þetta, enda
myndu fyrirtækin tapa á því að leggja
inn fyrr en gengið hefur verið skráð á
ný,“ var svarið sem við fengum í
Gjaldeyrisdeild Landsbankans.
En hvað segja útlendingar sem þurfa
að versla allt samkvæmt gamla genginu
þegar allir vita raunar að gengið er
fallið? Þykir þeim ekki ósanngjamt að
þurfa kannski að borga 100 dollara fyrir
flík sem kannski myndi ekki kosta nema
85-90 dollara ef búið væri að skrá
gengið?
„Ég var nú hálf hræddur um það í
byrjun, enda er þetta ósanngjarnt. En
menn bara koma, gamla gengisskráning-
in er þarna - enda höfum við ekki annað
að fara eftir - og það hafa ekki orðið
nein vandræði. Eg er að vona að það
haldist, enda hljóta menn að ákveða
þetta yfir helgina“, sagði Haukur
Gunnarsson, í Rammagerðinni.
„En það er alveg hrikalegt að þetta
skuli koma upp á. Menn eru að teygja
lopann eins og krakkar í stað þess að
skvera þessu af og hætta þessu þrasi.
Þetta stóð að vísu í 10 daga síðast, en
menn verða að læra af reynslunni."
Vinafélag
Árbæjarsafns
undirbúið
■ Að undanförnu hefur verið rætt um
stofnun vinafélags Árbæjarsafns og
endurreisn Reykvíkingafélagsins, sem
var stofnað árið 1940.
Vinafélögin starfa við söfn víða
erlendis og er aðalmarkmið þeirra að
auka tengsl milli safnanna og styðja þau
við innkaup á munum, því söfn hafa oft
takmarkaða fjárveitingu.
í Reykvíkingafélaginu, sem stofnað
var 1940 var mikill áhugi á sögu
borgarinnar og söfnuðu félagsmenn
m.a. fjölda gamalla ljósmynda, en það
safn var síðan afhent Minjasafni Reykja-
víkurborgar, sem nú er Árbæjarsafn.
Nú eru liðin mörg ár síðan félagið hélt
síðast fund, en áhugi hefur vaknað á því
að endurvekja félagið og stofna um leið
vinafélag Árbæjarsafns.
Allir gamlir félagsmenn eru hvattir til
þess að mæta á almennan fund að ræða
þessi mál, að Hótel Borg 18. ágúst kl.
20.30.
-SVJ
NOTAR^§
ÞÚ « .
m usðs~’
f réttir