Tíminn - 19.03.1987, Blaðsíða 3

Fimmtudagur 19. mars 1987
Tíminn 3
Hver er stefna flokkanna í sjávarútvegsmálum:
Halldór vill svör
fyrir kosningar
„Ekki hægt að kjósa í þessu landi nema flokkarnir skýri frá stefnu sinni
í sjávarútvegi11 segir sjávarútvegsráðherra
„Einn málaflokkur öðrum fremur
er mikilvægur, þ.e.a.s. stjórn fisk-
veiðanna og stjórn sjávarútvegsmál-
anna. Ég fullyrði að það þýðir ekkert
að kjósa hér í þessu landi, að mínu
mati a.m.k., nema flokkarnir séu
tilbúnir til að segja frá því hvaða
stefnu þeir vilji reka í fiskveiðimál-
um og stjórnun fiskveiða.
Við framsóknarmenn höfum sagt
það að við viljum halda áfram þeirri
fiskveiðistefnu sem mótuð hefur ver-
ið í öllum megin atriðum, og fram-
lengja þau Iög sem þar gilda um. Ég
vildi framlengja þessi lög strax á
síðasta ári vegna þess að ég taldi
óheppilegt að þetta yrði gert strax að
loknum næstu kosningum. Ný ríkis-
stjórn verður að fara í þetta mál
strax að loknum kosningum." sagði
Halldór Ásgrímsson á fundi í Verts-
húsi á Hvammstanga á iaugardag.
Hann hélt áfram og benti á að
hann ætti ekki von á svörum frá
flokkunum. „Alþýðuflokkurinn hef-
ur lýst því yfir, þ.e.a.s. formaður
hans a.m.k. og væntanlega hefur
hann umboð til að tala fyrir hönd
flokksins, að hann vilji brjóta niður
þessa stefnu og að hún sé ómöguleg
og að gera þurfi eitthvað nýtt. Ai-
þýðubandalagið hefur haft svipaðar
skoðanir, nema einn maður Garðar
Sigurðsson sem segir nú að það sé
ekki lengur pláss fyrir sig í þeim
flokki. Því virkar það þannig að
flokkurinn vilji losa verulega um
þessi mál. Þeirra málsvarar, eins og
Skúli Alexandersson, hafa tekið það
skýrt fram. Landsfundur Sjálfstæðis-
flokksins sagði fyrir stuttu síðan á
Karnivalinu sem haldið var í Laugar-
dalshöll að nauðsynlegt væri að auka
frjálsræði í fiskveiðunum. Ég þýði
það þannig að samkeppnin eigi að
leysa þá erfiðleika sem þar eru.“
sagði Halldór.
- ES
I *
Kaupstaður í Mjódd - nú í vor verður byrjað að byggja tvær hæðir ofan á húsið. (Tímamynd: Pjetur.)
KRON með „aðeins"
30% eiginfjárhlutfall
Halli á rekstrinum á síðasta ári
í íslenska viðskiptaheiminum hef-
ur KRON lengi verið það fyrirtæki
sem einna þekktast hefur verið fyrir
sterka eiginfjárstöðu. Á liðnum
árum hefur hún lengst af legið um og
yfir 60%, og er þar verið að tala um
það hlutfall af eignum sem fjármagn-
að er með eigin fé fyrirtækisins.
Nú er þctta hins vegar breytt.
Deildafundir KRON eru nýbyrjaðir,
og á þeim eru lagðir fram reikningar
félagsins fyrir síðasta ár. í þessum
reikningum kemur fram að eigin-
fjárhlutfallið um síðustu áramót var
komið niður í 31%, og þykir að vísu
býsna gott samt, miðað við það sem
gerist og gengur hjá íslenskum fyrir-
tækjum.
Þetta stafar þó ekki af því að eigið
fé KRON hafi minnkað, því að
þvert á móti hækkaði það 1986 úr
186 miljónum í ársbyrjun upp í 211
miljónir í árslok. Ástæðan er sú fyrst
og fremst að bókfærðar fasteignir
félagsins við lok ársins höfðu vaxið
úr 189 miljónum í 435 miljónir, og
lántökur hækkað að sama skapi.
Hér er vitaskuld um það að ræða að
kaupin á versluninni, sem nú er
rekin undir nafninu Kaupstaður í
Mjódd í Breiðholti, setja mark sitt á
efnahagsreikning félagsins.
Annars er það af afkomu KRON
á síðasta ári að frétta að á rekstrinum
var halli að upphæð 31 miljón króna,
og er það 5,1% af veltunni, sem var
609 miljónir. Veltuaukning milli ára
hjá félaginu var 65%. Helstu ástæð-
ur þessa halla voru afskriftir og
vaxtagjöld sem hækkuðu skiljanlega
mikið á milli ára. KRON greiddi
samtals rúma 71 miljón í laun og
launatengd gjöld á síðasta ári.
Byggt ofan á Kaupstað
Þá er KRON núna nýbúið að selja
verslunarhús sitt að Laugavegi 91
þar sem verslunin DOMUS er til
húsa, og verður henni lokað fyrir 1.
júlí. Aftur er ætlunin að selja Stór-
markaðinn í Kópavogi ekki að sinni.
Er meðal annars rætt um að reka
hann í framtíðinni sem ódýra verslun
með minnstu mögulega þjónustu.
Nú í vor er síðan fyrirhugað að hefja
byggingu tveggja hæða ofan á versl-
unina Kaupstað. Þarverða skrifstof-
ur og aðalstöðvar KRON síðan til
húsa í framtíðinni.
Verslunin Mikligarður, sem
KRON á 52% í, var með tæpan
miljarð í sölu á síðasta ári, án
söluskatts. Dálítill hagnaður varð af
rekstrinum þetta þriðja starfsár
verslunarinnar, eftir tvö ár með
útkomu neðan við strikið.
Ingólfur Ólafsson hætti sem kaup-
félagsstjóri hjá KRON nú um ára-
mótin, og hafði hann gegnt því starfi
í 23 ár. Kaupfélagsstjóri KRON frá
síðustu áramótum er Ólafur St.
Sveinsson.
Aðalfundur KRON er fyrirhugað-
ur laugardaginn 4. apríl. - esig
Eins og sjá má þurfti að leysa margvíslegar þrautir á mótinu.
Mývatnssveit:
Árlegt mót
vélsleðamanna
Helgina 6.-8. mars héldu Björg-
unarsveitin Stefán og íþróttafélag-
ið Eilífur mót vélsleðamanna í
Mývatnssveit. Á mótið mættu rúm-
lega 80 manns, þar af 20 manns
sem lögðu leið sína yfir hálendið.
Keppt var í 1/4 mílu spyrnu í
fjórum stærðarflokkum sleða, einn
ig var keppt í alhliða þrautarbraut
þar sem þurfti að leysa hinar ýmsu
þrautir. Alls tóku 48 manns þátt í
keppninni. Að kveldi laugardags-
ins fór svo frarn verðlaunaafhend-
ing í Hótel Reynihlíð, að því loknu
var stiginn dans fram eftir nóttu.
I.V./starfskynning
Alþingi:
Frumvarp til
jarðræktarlaga
samþykkt
Með þessum nýju jarðræktarlög-
um er fyrst og fremst verið að aðlaga
jarðræktarlög að þeirri stefnu sem
tekin var með búvörulögunum 1985
og áframhald á þeim breytingum
sem þá voru jafnframt gerðar til
bráðabirgða á jarðræktarlögunum
og giltu í tvö ár.
Helstu breytingar á jarðræktar-
lögunum er t.d. að felldir eru niður
styrkir til grænfóðurræktar og annars
þess sem er framleiðsluhvetjandi en
lögð er áhersla á stuðning við ýmsar
nýjungar, t.d. loðdýraræktina og
garðyrkjurækt.
ABS
Ólafur Jónsson, formaður bygginganefndar, Einar Guðmundsson, Lára
Pálsdóttir, Kristján Guðmundsson, bæjarstjóri, Rannveig Guðmunds-
dóttir og Jón Þórmundsson og Þórmundur Hjálmarsson, verktakar.
(Tímamynd: Sverrir)
Smáhúsabyggö fyrir aldraða í Kópavogi:
Fyrsti áfangi
tekinn í notkun
Fyrir fimm árum ákvað bæjar-
stjórn Kópavogs að reisa skyldi
sérhannaða byggð fyrir 60 ára og
eldri íbúa bæjarins, en það er liður
í viðleitni bæjarfélagsins að búa
öldruðum hcimili, þar sem þeir
geta haldið sjálfstæði sínu sem
lengst. Nú verður tekinn f notkun
fyrsti áfangi þessa verks, sem eru 9
íbúðir, en 59 íbúðir verða reistar
alls í Vogatungunni, sem er 2,9 ha
að stærð.
Svæðið liggur vel við sólu, útsýni
ágætt og er vel í sveit sett gagnvart
allri þjónustu á miðbæjarsvæðinu,
heilsugæslu, sjúkraþjálfun, matar-
þjónustu aldraðra og félagsstarfi
þeirra, verslunum og annarri þjón-
ustu, svo sem heimilishjálp og
heimahjúkrun.
Framkvæmdir við jarðvinnu hóf-
ust í september 1985 og bygginga-
framkvæmdir fyrir rétt rúmu ári.
Verktaki er Jón Þórmundsson,
múrarameistari.
í öllum íbúðunum er gert ráð
fyrir beinni tengingu við vakt, sem
verður komið á síðar. Ennfremur
er gert ráð fyrir að í miðju byggðar-
innar rísi síðar þjónustumiðstöð.
Endanlegt kostnaðarverð íbúð-
anna liggur ekki fyrir, en áætlanir
benda til, að það verði um 3,4
milljónir á íbúð að meðtöldum
fj ármagnskostnaði.
Jafnframt þessari byggð í Voga-
tungu hefur verið skipulögð 20
íbúða byggð fyrir aldraða í Sæ_-
bólslandi niður við Fossvog. W