Tíminn - 08.02.1989, Blaðsíða 6
6 Tíminn
Miðvikudagur 8. febrúar 1989
Umferðarskiltið á Bæjarhálsi í Reykjavík.
Umferöarskilti meö innbyggöum radar líkt og á Bæjarhálsi
Ein skiltabrú forðað
100 manns frá dauða
Skiltið á þýsku hraðbrautinni, sem hefur komið í veg fyrir fjölda slysa.
Það hafa margir orðið varir við
nýstárlegt umferðarskilti jregar
ekið er inn á Bæjarháls í Arbæ,
sem blikkar miskunnarlaust á öku-
menn er aka yfir löglegum hraða.
Þar er innbyggður radar lykillinn
að því að draga með þessum hætti
úr umferðarhraða. í V-Þýskalandi
er komin lengri reynsla á svipuð
radarskilti. Á hraðbraut A 3 milli
Kölnar og Frankfurt hafa verið
skiltabrýr með radarljósi í limmtán
ár og hafa samgönguyfirvöld í
Hessen lýst því yfir að skiltabrúin
sem er á þessari hraðbraut við
þorpið Elzer Berg hafi bjargað
hundrað mannslífum á þessunr
tíma. Auk þess hafi umferðarslys-
um fækkað úr 200 í 50 miðað við
ár hvert.
Tölurnar yfir umferöarslysin á
Bæjarhálsi eru sem bctur fer ekki
eins hrikalegar, en ntiðað við
árangurinn í Hessen er líklegt að
einhverjum slysum verði forðað á
stað þar sem umferðarþungi fer
stöðugt vaxandi.
Á þessum stað í hraðbrautakerfi
V-Þýskalands hefur lengi verið
glímt við alvarlega slysatíðni og
dauðaslys. Þegar gripið var til þess
að breikka hraðbrautina við Elzer
Berg í þrjár akreinar tókst að
fækka umferðarslysum úr 300 nið-
ur í 200 á ári. Þegar svo skiltabrúin
var sett upp með radarskiltinu,
varð það til þess að fækka slysum
enn frekar niður í tæplega fimmtíu
á ári.
Fyrir uppsetningu skiltabrúar-
innar og radarsins skiptust slys á
mönnum þannig að í þessum 200
umferðaróhöppum slösuðust 83 og
átta létust á ári hverju. Á fimmtán
ára tímabili eftir uppsetningu skilt-
anna hafa tólf manns slasast að
jafnaði í fimmtíu umferðarslysum
og hending er ef einhver lætur lífið
í þessari fyrrverandi slysagildru.
Akureyrin skilaði mestum verömætum á land á árinu 1988:
Afli fyrir 421 milljón
Akureyrin EA 10 skilaði mestum
verðmætum í þjóðarbúið af öllum
íslenskum skipum á síðasta ári.
Brúttóverð afla tæp 421 milljón, en
skiptaverð á hvert kíló var rúmlega
46,6 krónur á kíló. Mesta aflaverð-
mæti skuttogara var tæpar 229 millj-
ónir, en það var þekkt aflaskip
Guðbjörg 1S 46 sem setti það met.
Otto N. Þorláksson RE 203 aflaði
mest skuttogara að magni til á árinu
1988, eða 6.695 tonn. En Guðbjörg-
in fylgdi þar næst á eftir 5.144 lonn
upp úr sjó. Akureyrin EA 10 var
aflahæst frystitogara í landinu, með
6.134 tonn, en þá er um að ræða
þann afla sem landað er og sá hluti
sem hent er ekki talinn með. Hafþór
RE 40 var með hæsta skiptaverð
frystitogara um 120 krónur á kílóið,
en hann var gerður út á rækjuveiðar
á síðasta ári. Hæsta skiptaverð hjá
skuttogara átti austfirski togarinn
Otto Wathne NS 90 með rúmar 38,6
krónur á kílóið.
Meðalskiptaverðmæti allra minni
togara var 24,19 kr. á kílóið á síðast
liðnu ári, 25,27 kr. hjá stærri togur-
umog45,35 kr. hjá frystitogurum.
-ag
Akurcyrin í höfn á ísafirði
Ný íslensk bíómynd frumsýnd á næstunni:
40 milljóna
Kristnihaíd
undir Jökli
Þann 25. þessa mánaðar verður
frumsýnd kvikmyndin Kristnihald
undir Jökli eftir sögu Halldórs
Laxness.
Framleiðendur eru kvikmyndafyr-
irtækið Umbi sf. og þýska fyrirtækið
Magmafihn sem lagði fram um 30%
kostnaðar við gerð myndarinnar. En
hún mun einnig verða sýnd í þýskum
sjónvarpsstöðvum.
„Þýskir samstarfsaðilar okkar við
gerð þessarar myndar hafa unnið
hér á landi við tökur bæði heimilda-
og fréttamynda. Þeir komu að máli
við okkur og sýndu áhuga á samstarfi
að vísu vegna töku annarrar myndar.
En við gátum komið þeirri hugmynd
í gegn að hafa það Kristnihaldið og
þeir voru ánægðir með það,“ sagði
Guðný Halldórsdóttir leikstjóri
myndarinnar og einn aðstandenda
Umba, í samtali við Tímann.
Myndin er alíslensk, með íslensk-
um leikurum, tekin á íslensku. Sög-
unni er fylgt nokkuð nákvæmlega
með smá útúrdúrum. Tökur fóru
aðallega fram vestur á Snæfellsnesi,
undir Jökli milli Arnarstapa og Búða
og innitökur í Mosfellsdal og
Reykjavík. Vinnsla myndarinnar
hefur tekið hátt á annað ár.
Heildarkostnaður við hana er um
40 milljónir. Auk framlags Þjóð-
verja hlaut hún 10 milljón króna
styrk úr kvikmyndasjóði. Annan
hluta kostnaðar greiðir Umbi sf..
hefur gengið samkvæmt áætlun.
Að vísu var rok allan tímann sem
útitökurnar stóðu yfir, þannig að
það er rok í myndinni frá byrjun til
enda. En það tilheyrir nú bara“
sagði Guðný.
Með helstu hlutverk fara Sigurður
Sigurjónsson, Baldvin Halldórsson,
Margrét Helga Jóhannsdóttir, Helgi
Skúlason, Þórhallur Sigurðsson og
Kristbjörg Kjeld. jkb
Vinsældir sóknar-
marks að aukast
Frestur til að skila inn óskum um
aflakvóta rann út í fyrradag en
fresturinn hafði þá verið framlengd-
ur um nokkra daga þar sem upphaf-
lcgur frestur átti að renna út um
mánaðarmótin. Að sögn Þórðar Ey-
þórssonar deildarstjóra í sjávarút-
vegsráðuneytinu hefur enn ekki unn-
ist tími til að fara yfir þessi gögn, en
ljóst er að þetta mun liggja fyrir á
næstu dögum. Þórður sagði að menn
ættu von á að útgerðarmenn veldu
sér í ríkari mæli aflamark en þeim
sem fara á sóknarmark fækki. Það
væri frjálsara spil í aflamarkinu, auk
þess sem þrenging á aflahámarki í
sóknarmarki hefði efalaust einhver
áhrif. - BG
Nýjar
vörur
Kodak fyrirtækið hefur nýverið
sett á markað nýjar negatívar lit-
filmur, EKTAR 25 og EKTAR
1000. Þessar filmur eru viðbót við
Gullfilmurnar frá Kodak.
EKTAR 25 er skarpasta og fín-
kornaðasta negatífa litfilma sem
nokkru sinni hefur verið framleidd
og er einkum ætluð fyrir hinn
vandláta áhugaljósmyndara sem
hefur yfir að ráða reflex myndavél
er mælir lýsinguna nákvæmlega.
Vegna þess hve EKTAR 25 er
fínkorna og skörp er hún mjög vel
fallin til stækkunar stórra mynda.
EKTAR 1000 er hönnuð fyrir
allt aðra noktun. Hún er fínkorn-
Nýjar ffilmur
frá Kodak
aðari og hefur betri lítaupplausn
en áður hefur þekkst í svo hraðri
filmu og er t.d. mun skarpari og
litríkari en gamla Kodacolor VR
1000 filman. EKTAR 1000 hentar
best við erfið og mismunandi birtu-
skilyrði.
Til þess að ná sem bestum
árangri út úr EKTAR filmunum er
inikilvægt að vel sé vandað til
framköllunar og kópieringar á
þeim. Allir Kodak Express gæða-
framköllunarstaðir munu því
vanda sérstaklega til vinnslu á
þessum filmum.
(Fréttatilkýnning)